ئێمە لە تۆرە کۆمەڵایەتیەکان

ئابوری

كۆیە.. قومار و كاركردنی منداڵان لەترافیكەكانی شار قەدەغەدەكرێن


خەڵك – بەشی هەواڵ

قائیمقامی كۆیە لە كۆبوونەوەی لیژنەی ئەمنی شارەكەدا چەند بڕیارێكی لەبەرژەوەندی هاووڵاتیاندا دەركرد.

دوای كۆبوونەوەی لەگەڵ لیژنەی ئەمنی شارەكەدا، یوسف حەسەن قائیمقامی كۆیە لە كۆنفڕانسێكی ڕۆژنامەوانیدا پلانی ڕۆژانی جەژنی قوربانی ئاشكراكرد و ڕایگەیاند، لەكۆبوونەوەكەدا چەن بڕیارێكیان دەركردووە كە سەرجەمیان لە بەرژەوەندی هاووڵاتیانی شارەكەدایە.

یوسف حەسەن قائیمقامی كۆیە ڕوونیكردەوە، بڕیاردرا بە قەدەغەكردنی یارییە ئاگرینەكان و تەقەمەنییەكان و قەدەغەكردنی ماتۆڕسكیلی بێ مۆڵەت ولەهەمانكاتدا دەستبەسەرداگرتنیشی، هەروەها ڕێكخستنی هاتوچۆ و قەدەغەكردنی هاتوچۆی ئۆتۆمبێلی بارهەڵگر لە ڕۆژانی جەژندا.

یوسف حەسەن قائیمقامی كۆیە ئەوەشیسختەڕوو، لە ڕۆژانی جەژندا، پاراستنی سەر و ماڵی هاووڵاتیان و گەشتیاران لەناو شار و دەرەوەی شار و سەیرانگاكان ئەولەویەتی كارەكانیان دەبێت و دانانی ئێشكگری كارمەندانی تەندروستی و ئامادەبوونیان بۆ هەر ڕووداوێكی نەخوازراو، هەروەها ڕێگریكردن لە دیاردەی زیادەڕۆیی بەهەموو شێوەیەك.

قائیمقامی كۆیە وتیشی بڕیاردراوە، بە دانانی ئێشكگریی لەلایەن بەڕێوەبەرایەتی گەشت و گوزاری كۆیە بۆ ڕێنمایی كردنی گەشتیاران و دابەشكردنی زەرفی خاشاك لە شوێنەگەشتیارییەكان لە ڕۆژانی جەژنی قورباندا، هەروەها كردنەوەی چێشتخانە و نانەواخانەكان بەبەرنامەیەكی تۆكمە كەلەلایەن لیژنەی ئابورییەوە سەرپەرشتی دەكرێت.
هەروەك ئاماژەی بەوەشدا، بڕیاردراوە بە چاودێری كردنی گۆڕستانەكان لە ڕۆژانی پێش جەژن و ڕۆژانی جەژندا، هەروەها قەدەغەكردنی و ڕێگریكردن لە دیاردەی سوڵكردن و كۆنتڕۆڵكردنی لەلایەن تیمەكان كە ئامادە دەكرێن لە سەر ڕاسپاردەی لیژنەی ئەمنی و پێكهێنانی لیژنەیەكی هاوبەش لەنێوان (ئاسایش-پۆلیس- پۆلیسی هاتوچۆ) بۆگەڕان و چارەسەركردنی گرفت لەكاتی پێویستدا.

یوسف حەسەن قائیمقامی كۆیە ئاشكراشیكرد، بڕیاردراوە بە قەدەغەكردنی دیاردەی قومار و قەدەغەكردنی كاركردنی منداڵان لە ترافیكەكانی شار، هەروەك بڕیاردراوە لیژنەی ئابوری چالاكتر بكرێت لە ڕۆژانی جەژندا.

ئابوری

بڕیارێكی نوێ‌ لەبارەی دەوامەوە درا


خەڵك- بەشی هەواڵ
سەرۆكایەتی دادگای تێهەڵچوونەوەی ناوچەی سلێمانی بڕیارێكی نوێ‌ دەربارەی دەوامی دادوەرانی لێكۆڵینەوە و لێكۆڵەرەوەكان دەردەكات و جەختدەكاتەوە، كە دەبێت بەپێی خشتەیەك دەوام بكەن.

سەرۆكایەتی دادگای تێهەڵچوونەوەی ناوچەی سلێمانی لە گشتاندنێكدا بۆ دادوەرانی دادگاكانی سلێمانی ئاماژەی بەوەكردووە، كە لەبەر بەرژەوەندی گشتی و ڕاپەڕاندنی ئیشوكارەكان، سەرجەم دادوەرانی دادگاكانی لێكۆڵینەوە پێویستە ڕۆژانی یەك شەممە و چوار شەممە لە كاتژمێر 8:30ی بەیانی بۆ 1ی دوانیوەڕۆ دەوام بكەن لە یەكێك لە بنكەكانی پۆلیس.

هەر بەپێی گشتاندنەكە، دەسەڵات دراوە بە دادوەران تاوەكو خشتەیەك ئامادە بكەن بۆ دەوامی (لێكۆڵەرەوە دادوەرییەكان) بۆ ئەوەی ئەو ڕۆژانەی بۆ یان دیاریكراوە دەوام بكەن.

جەختیشكراوەتەوە، كە دەبێت دادوەران و لێكۆڵەرەوە دادوەرییەكان ڕۆژەكانی دیكە بەردەوام مۆبایلەكانیان كراوەبن بۆ ئەو پەیوەندیانەی لە بنكەكانی پۆلیس و ئاسایشەوە پێیانەوە دەكرێن.

بەردەوام بە لە خوێندنەوە

ئابوری

یاسایەكی تایبەت بە مووچە و دەرماڵە و خانەنشینی لە هەرێم خرایە بواری جێبەجێ‌ كردنەوە


خەڵك – ئارام سەردار
یاسای چاكسازی لەمووچە و دەرماڵە و بەخشین و ئیمتیازاتەكان و خانەنشینی لە هەرێمی كوردستان كەوتە بواری جێبەجێ‌ كردنەوە.

دوای ئەوەی لە كۆبوونەوەی ۱ی نیسانی ۲۰۲۰ ئەنجوومەنی وەزیران پەیڕەوی بۆ جێبەجێكردنی یاسای چاكسازی لەمووچە و دەرماڵە و بەخشین و ئیمتیازاتەكان و خانەنشینی لەهەرێمی كوردستان پەسەندكرد، دەقی پەیڕەوەكە لە ڕۆژنامەی واقایعی كوردستان بڵاوكرایەوە .

دەقی پەیڕەوی جێبەجێكردنی یاساكە:

بەردەوام بە لە خوێندنەوە

ئابوری

لەسەر دابەشكردنی مووچە پارێزگاری هەڵەبجە هاتەدەنگ


خەڵك- بەشی هەواڵ
سەرەڕای قەدەغەی هاتووچۆ و دانانی ڕێكاری خۆپارێزی بۆ دابەشكردنی مووچە، ئەمڕۆ لەكاتی دابەشكردنی مووچە لە هەڵەبجە قەرەباڵغییەكی زۆر دروست بووە و بەهۆیەوە پارێزگاری شارەكە ڕوونكردنەوەیەكی بڵاوكردەوە،

ئازاد تۆفیق، پارێزگاری هەڵەبجە لە ڕوونكردنەوەیەكدا ئاماژەی بەوەكردووە، “بەداخەوە ئەمڕۆ لە كاتی دابەشكردنی مووچەی خانەنشینان، كەمترین پابەندبون بەدیكرا، بۆیە بۆ پاراستنی تەندروستی هاووڵاتیان ناچاربوین، هێزی ئاسایش و پۆلیس زیاد بكەین”.

جەختیشی كردۆتەوە، سبەینێ‌ چوار شەممە ڕێكاری تایبەت لەبەردەم بانكەكانی هەڵەبجە لەكاتی دابەشكردنی مووچەدا دەگیرێتەبەر.

No photo description available.

بەردەوام بە لە خوێندنەوە

کوردستان

کوردستان10 کاتژمێر پێش ئێستا

وەزارەتی خوێندنی باڵا و توێژینەوەی زانستی: خوێندنی ئەمساڵ نافەوتێت

خەڵك – بەشی هەواڵ وەزارەتی خوێندنی باڵا و توێژینەوەی زانستی هەرێم ڕایدەگەیەنێت خوێندنی ئەمساڵ نافەوتێت. وەزارەتی خوێندنی باڵا و توێژینەوەی...

کوردستان11 کاتژمێر پێش ئێستا

پەرلەمانتارانی پارتی لە پەرلەمانی كوردستان مووچەكانیان دەبەخشنە دەزگای خێرخوازی بارزانی

خەڵك – بەشی هەواڵ دوابەدوای ڕاگەیەنراوەكەی پەرلەمانتارانی فڕاكسیۆنی سەوز لە پەرلەمانی كوردستان كە تێیدا ڕایانگەیاندبوو بۆ دەربازبوون لە قەیرانی كۆرۆنا،...

کوردستان11 کاتژمێر پێش ئێستا

بۆ دەربازبوون لە قەیرانی كۆرۆنا؛ پەرلەمانتارانی یەكێتی لە پەرلەمانی كوردستان بەشێكی زۆری مووچەكانیان دەبەخشن

خەڵك – بەشی هەواڵ پەرلەمانتارانی فڕاكسیۆنی سەوز لە پەرلەمانی كوردستان لە ڕاگەیەنراوێكدا ڕایدەگەیەنن: بەشێكی ھاووڵاتیان سەرباری گیرۆدەبوونیان بە ڤایرۆسی كۆرۆنا،...