ئێمە لە تۆرە کۆمەڵایەتیەکان

جیهانی

به‌هێزترین ئه‌و بۆندانه‌ی له‌کۆتا ساتی گواستنه‌وه‌کانی ئینگلته‌را ئیمزا کران !

خه‌ڵک سپۆرت

ئه‌مڕۆ واده‌ی گواستنه‌وه‌کان له‌ خولی ئینگلته‌را به‌فه‌رمی کۆتایی پێهات و بڕیاره‌ له‌ سبه‌ینێوه‌‌ ململانێکانی وه‌رزی ٢٠١٩/٢٠٢٠ به‌ڕووبه‌ڕوبونه‌وه‌ی نێوان لیڤه‌رپوڵ و نۆریچ سیتی له‌ یاریگای ئه‌نفێڵد ڕۆدز ده‌ستپێبکاته‌وه‌.

یانه‌ زه‌به‌لاحه‌کانی “پریمه‌رلیگ” له‌کۆتا ساته‌کاندا ته‌واوی هه‌وڵی خۆیان بۆ گواستنه‌وه‌ی یاریزانان به‌گه‌ڕخست، هه‌ندێک له‌ یانه‌کان توانیان پێکهاته‌کانیان به‌ بۆندی هه‌ژێنه‌ر توندوتۆڵ بکه‌نه‌وه‌ و هه‌ندێکیشیان له‌ گفتوگۆی گواستنه‌وه‌ی چه‌ند یاریزانێکی دیاریکراودا شکستیان هێنا.

به‌پێی زانیارییه‌کانی ڕۆژنامه‌ی “مارکا”، به‌درێژایی مێژووی خولی شێره‌کانی ئینگلته‌را چه‌ند بۆندێکی گه‌وره‌ و هه‌ژێنه‌ر له‌کۆتا ساته‌کاندا ئه‌نجامدراون، گرنگترینیان ئه‌مانه‌ بوون:

واین ڕونی: ساڵی ٢٠٠٤ له‌کۆتا ساته‌کاندا درێسی ئێڤه‌رتۆنی بۆ مانچسته‌ر یونایتد به‌بڕی ٢٧ ملیۆن پاوه‌ند گۆڕی، له‌و کاته‌دا ته‌مه‌نی ١٨ ساڵ بوو.

ئاشلی کۆڵ: ساڵی ٢٠٠٦ له‌کۆتا ساته‌کاندا کۆڵ له‌ ئارسیناڵه‌وه‌ په‌یوه‌ندی به‌ یانه‌ی چێڵسی-یه‌وه‌ کرد.

دیمیتار بێرباتۆڤ: ساڵی ٢٠٠٨ له‌کۆتا ساته‌کاندا له‌ یانه‌ی تۆتنهامه‌وه‌ په‌یوه‌ندی به‌ مانچسته‌ر یونایتده‌وه‌ کرد.

سادیۆ مانی: له‌کۆتا ساتی گواستنه‌وه‌کانی ساڵی ٢٠١٤ له‌ یانه‌ی ڕێدبول سالزبۆرگه‌وه‌ په‌یوه‌ندی به‌ یانه‌ی ساوزهامبتۆنه‌وه‌ کرد.

داڤید لویز: له‌کۆتا ساتی واده‌ی گواستنه‌وه‌کانی ساڵی ٢٠١٦ دووباره‌ له‌یانه‌ی پاریس سانت جێرمانه‌وه‌ گه‌ڕایه‌وه‌ بۆ چێڵسی.

ڕۆبینهۆ: له‌کۆتا ساتی گواستنه‌وه‌کانی ساڵی ٢٠٠٨ به‌بڕی ٤٠ ملیۆن له‌ ڕیاڵ مه‌دریده‌وه‌ ڕوویکرده‌ مانچسته‌ر سیتی.

کارلۆس تیڤێز: له‌کۆتا ساتی گواستنه‌وه‌کانی ساڵی ٢٠٠٦ هاوشانی ماسکیرانۆ له‌ کۆرنتیانزه‌وه‌ په‌یوه‌ندیان به‌ یانه‌ی وێستهامه‌وه‌ کرد.

مه‌سعود ئوزێل: له‌ ساڵی ٢٠١٣ و له‌کۆتا ساتی گواستنه‌وه‌کاندا به‌بڕی ٥٠ ملیۆن پاوه‌ند یانه‌ی ڕیاڵ مه‌دریدی ڕووه‌ و ئارسیناڵ به‌جێهێشت.

ئانتۆنی مارتیال: له‌کۆتا ساتی گواستنه‌وه‌کانی ساڵی ٢٠١٥ یانه‌ی مۆناکۆی ڕووه‌ و مانچسته‌ر یونایتد به‌جێهێشت.

هوگۆ لۆریس: ساڵی ٢٠١٢ به‌بڕی ١٥ ملیۆن پاوه‌ند له‌ یانه‌ی لیۆنی فه‌ره‌نسیه‌وه‌ ڕوویکرده‌ یانه‌ی تۆتنهام.

جیهانی

لیڤەرپوڵ لە میریکاتۆی زستانەدا کۆمپیوتەرە ژاپۆنیەکەی سالزبۆرگ دەکڕێت

خەڵک سپۆرت

یانەی لیڤەرپوڵی ئینگلیزی نزیکە لە ئیمزاکردنی یەکەم بۆندی زستانەوە و سەرچاوەکانی هەواڵ زانیاری یەکلاکەرەوە لەو بارەیەوە ئاشکرا دەکەن.

ڕۆژنامەکانی “دەیلی مەیڵ و زە سەن و ئیندیپێندیت”ی بەریتانی ئاشکرایان کردووە، لە گواستنەوەکانی زستانەی داهاتوودا یانەی لیڤەرپوڵ یەکەم هەنگاو بە ئاڕاستەی تاکۆمی مینامینۆی ئەستێرەی یانەی ڕێدبول سالبۆرگی نەمساوی دەنێت.

بەپێی ئەو زانیارییانەی سێ ڕۆژنامە ناودارەکە بڵاویان کردۆتەوە، نوێنەرانی یانەی لیڤەرپوڵ بەفەرمی دەستیان بە گفتوگۆی گواستنەوەی یاریزانە ژاپۆنیەکە کردووە و تەنانەت کاربەدەستانی یانەی ڕێدبول سالبۆرگ ئەو ڕاستیەیان پشتڕاست کردۆتەوە، تێچووی گواستنەوەی یاریزانەکەشیان بەبڕی ٧.٢٥ ملیۆن یورۆ خەمڵاندووە، کە هەمان نرخی هەڵوەشاندنەوەی بۆندەکەی دەکات.

مینامینۆی ژاپۆنی تەمەنی ٢٤ ساڵە و لە پێگەی باڵەکانی هێرشبەری یاریی دەکات و لەم وەرزەدا ئاستێکی ناوازەی پێشکەش کردووە، بەتایبەت لەڕووبەڕوبونەوەکانی یانەی لیڤەرپوڵ لە خولی یانە پاڵەوانەکانی ئەوروپا، لە تەواوی پێکهاتەکانی لاوانی هەڵبژاردەی ژاپۆن یاریی کردووە و سەرەتاکانی لە یانەی سێریزۆ ئۆساکا بووە و لەساڵی ٢٠١٥وە پەیوەندی بە ڕێدبول سالزبۆرگی پاڵەوانی خولی نەمساوە کردووە.

بەردەوام بە لە خوێندنەوە

جیهانی

کارڤاخال وەڵامی کریستیانۆ دەداتەوە: هیچ یانەیەک حەز ناکات ڕووبەڕومان ببێتەوە

خەڵک سپۆرت

دانی کارڤاخال، بەرگریکاری یانەی ڕیاڵ مەدریدی ئیسپانی، وەڵامی لێدوانە ئاگرینەکانی کریستیانۆ ڕۆناڵدۆی هاوڕێی دەداتەو و دەڵێت: هیچ یانەیەک حەز ناکات ڕووبەرومان ببێتەوە.

یانەکانی ڕیاڵ مەدریدی ئیسپانی و یوڤانتۆسی ئیتاڵی سەرکەوتنیان بۆ قۆناغی ١٦ی خولی یانە پاڵەوانەکانی ئەوروپا بەدەستهێناوە و ئەگەر زۆرە لەو قۆناغەدا ڕووبەڕوی یەکتر ببنەوە، کە ئەوەش لەحاڵەتی ڕوودانیدا یەکەمین گەڕانەوەی کریستیانۆی پورتوگالی دەبێت بەدرێسی بیانکۆنێریەوە بۆ یاریگای سانتیاگۆ بێرنابیۆ.

میدیاکاران لەم بارەیەوە پرسیاریان لە “دۆن” کرد، ئەویش لەوەڵامدا ڕایگەیاند :” ڕیاڵ مەدرید یانەیەکی ناوازەیە، ئەگەر پرسیاری ئەوەم لێدەکەن ئایا حەز دەکەم لە قۆناغی ١٦ یان یاریی کۆتایی ڕووبەڕویان ببنەوە؟ بێگومان دەڵێم حەز دەکەم لە یاریی کۆتایی ڕووبەڕویان ببمەوە، یارییەکی گرنگ و بە بایەخ دەبێت”.

لەوەڵامی ئەم لێدوانەی یاریزانە پورتوگالیەکەدا، دانی کارڤاخالی بەرگریکاری باڵی ڕاستی شاهانە بە ڕۆژنامەی “ئاس”ی ڕاگەیاندووە :” ئێمە لەسەرخۆ بیردەکەینەوە و هەنگاو دەنێین، دەشزانین کە هیچ یانەیەک حەزی بەڕووبەڕوبونەوەمان نییە، یاریی کۆتایی و ڕووبەڕوبونەوەی کریستیانۆ؟ پێموابێت ئەوە باشترین چارەسەرە بۆ یەکلاییکردنەوەی کێبڕکێی نێوانمان، بەڵێ، من واژوو لەسەر ئەو ئەگەرە دەکەم”.

یانەی یوڤانتۆس بە یەکەمی گروپ و ڕیاڵ مەدرید بە دووەمی گروپ سەرکەوتنیان بۆ قۆناغی ١٦ تۆمار کردووە، ئەوەش ئەگەری ئەوە دەهێنێتە ئاراوە دوو یانە زەبەلاحەکە لەتیروپشکەکەدا بەریەک بکەون.

بەردەوام بە لە خوێندنەوە

جیهانی

لیڤاندۆڤیسکی پێش مێسی و مپاپێ کەوتووە و لە خەڵاتی “گۆڵکاری ساڵ” نزیکبۆتەوە

خەڵک سپۆرت

ڕۆبێرت لیڤاندۆڤیسکی پۆڵەندی ئەستێرەی یانەی بایرن میونشن، لەڕیزبەندی گۆڵکارانی ساڵی ٢٠١٩ی کیشوەری ئەوروپا پلەی یەکەمی گرتووە و نزیکە خەڵاتی گۆڵکاری ساڵ بەدەست بهێنێت.

لەم وەرزەدا قەناسەکەی پۆڵەندا ئاستێکی خەیاڵی پێشکەشکردووە و بەشداری٣١ ڕووبەڕوبونەوە بووە لەسەرجەم خول و پاڵەوانێتیەکان، توانیویەتی ٣٨ گۆڵ و سێ ئەسیست و چوار هاتریک تۆماربکات، ڕێژەی لێدان و وردەکاریەکانی ئەم وەرزەی بوونەتە جێی باسوخواسی میدیاکانی ئەوروپا.

ڕێژەی سەرکەوتوویی گواستنەوەکانی لەسەدا ٧٣ بووە، لە یەک ڕووبەڕوبونەوەدا نێوەندی ڕێژەی لێدانەکانی ٥.١١ و لێدانەکانی بۆ گۆڵ ٣.٦٨ بووە، لەڕیزبەندی گۆڵکارانی ساڵدا (بەدرێسی بایرن و پۆڵەنداوە) توانیویەتی لەکۆی ٥٥ یاریی ٥١ گۆڵ تۆمار بکات و پێش لیۆ مێسی ئەفسانە و کیلیان مباپێی ئەستێرەی فەرەنسی بکەوێت.

ڕیزبەندی گۆڵکارانی ساڵی ٢٠١٩

  1. ڕۆبێرت لیڤاندۆڤیسکی (پۆڵەندا – بایرن میونشن): ٥١ گۆڵ لە ٥٥ یاریی
  2. لیۆنێل مێسی (ئەرجەنتین – بەرشلۆنە): ٤٩ گۆڵ لە ٥٥ یاریی
  3. کیلیان مباپێ (فەرەنسا – پاریس سانت جێرمان): ٣٨ گۆڵ لە ٤٥ یاریی
  4. ڕەحیم ستێرلینگ (ئینگلتەرا – مانچستەر سیتی): ٣٨ گۆڵ لە ٥٧ یاریی
  5. ئالفریدۆ مۆریلۆس (ڕەینجەرز): ٣٦ گۆڵ لە ٥١ یاریی
  6. ئیریک سۆرگا (فلۆرا): ٣٥ گۆڵ لە ٣٥ یاریی
  7. ئەندرا سپۆرا (سلۆڤان براتیسلاڤا): ٣٥ گۆڵ لە ٤٥ یاریی

  1. کریستیانۆ ڕۆناڵدۆ (پورتوگال – یوڤانتۆس): ٣٥ گۆڵ لە ٤٦ یاریی
  2. سێرجیۆ ئەگوێرۆ (ئەرجەنتین – مانبچستەر سیتی): ٣٥ گۆڵ لە ٤٩ یاریی
  3. هاری کەین (ئینگلتەرا – تۆتنهام): ٣٤ گۆڵ لە ٤٣ یاریی
  4. کەریم بنزیمە (ڕیاڵ مەدرید): ٢٤ گۆڵ لە ٤٦ یاریی
  5. سادیۆ مانێ (سەنیگال – لیڤەرپوڵ): ٣٤ گۆڵ لە ٥٧ یاریی
بەردەوام بە لە خوێندنەوە

کوردستان