ئێمە لە تۆرە کۆمەڵایەتیەکان

جیهانی

به‌هێزترین ئه‌و بۆندانه‌ی له‌کۆتا ساتی گواستنه‌وه‌کانی ئینگلته‌را ئیمزا کران !

خه‌ڵک سپۆرت

ئه‌مڕۆ واده‌ی گواستنه‌وه‌کان له‌ خولی ئینگلته‌را به‌فه‌رمی کۆتایی پێهات و بڕیاره‌ له‌ سبه‌ینێوه‌‌ ململانێکانی وه‌رزی ٢٠١٩/٢٠٢٠ به‌ڕووبه‌ڕوبونه‌وه‌ی نێوان لیڤه‌رپوڵ و نۆریچ سیتی له‌ یاریگای ئه‌نفێڵد ڕۆدز ده‌ستپێبکاته‌وه‌.

یانه‌ زه‌به‌لاحه‌کانی “پریمه‌رلیگ” له‌کۆتا ساته‌کاندا ته‌واوی هه‌وڵی خۆیان بۆ گواستنه‌وه‌ی یاریزانان به‌گه‌ڕخست، هه‌ندێک له‌ یانه‌کان توانیان پێکهاته‌کانیان به‌ بۆندی هه‌ژێنه‌ر توندوتۆڵ بکه‌نه‌وه‌ و هه‌ندێکیشیان له‌ گفتوگۆی گواستنه‌وه‌ی چه‌ند یاریزانێکی دیاریکراودا شکستیان هێنا.

به‌پێی زانیارییه‌کانی ڕۆژنامه‌ی “مارکا”، به‌درێژایی مێژووی خولی شێره‌کانی ئینگلته‌را چه‌ند بۆندێکی گه‌وره‌ و هه‌ژێنه‌ر له‌کۆتا ساته‌کاندا ئه‌نجامدراون، گرنگترینیان ئه‌مانه‌ بوون:

واین ڕونی: ساڵی ٢٠٠٤ له‌کۆتا ساته‌کاندا درێسی ئێڤه‌رتۆنی بۆ مانچسته‌ر یونایتد به‌بڕی ٢٧ ملیۆن پاوه‌ند گۆڕی، له‌و کاته‌دا ته‌مه‌نی ١٨ ساڵ بوو.

ئاشلی کۆڵ: ساڵی ٢٠٠٦ له‌کۆتا ساته‌کاندا کۆڵ له‌ ئارسیناڵه‌وه‌ په‌یوه‌ندی به‌ یانه‌ی چێڵسی-یه‌وه‌ کرد.

دیمیتار بێرباتۆڤ: ساڵی ٢٠٠٨ له‌کۆتا ساته‌کاندا له‌ یانه‌ی تۆتنهامه‌وه‌ په‌یوه‌ندی به‌ مانچسته‌ر یونایتده‌وه‌ کرد.

سادیۆ مانی: له‌کۆتا ساتی گواستنه‌وه‌کانی ساڵی ٢٠١٤ له‌ یانه‌ی ڕێدبول سالزبۆرگه‌وه‌ په‌یوه‌ندی به‌ یانه‌ی ساوزهامبتۆنه‌وه‌ کرد.

داڤید لویز: له‌کۆتا ساتی واده‌ی گواستنه‌وه‌کانی ساڵی ٢٠١٦ دووباره‌ له‌یانه‌ی پاریس سانت جێرمانه‌وه‌ گه‌ڕایه‌وه‌ بۆ چێڵسی.

ڕۆبینهۆ: له‌کۆتا ساتی گواستنه‌وه‌کانی ساڵی ٢٠٠٨ به‌بڕی ٤٠ ملیۆن له‌ ڕیاڵ مه‌دریده‌وه‌ ڕوویکرده‌ مانچسته‌ر سیتی.

کارلۆس تیڤێز: له‌کۆتا ساتی گواستنه‌وه‌کانی ساڵی ٢٠٠٦ هاوشانی ماسکیرانۆ له‌ کۆرنتیانزه‌وه‌ په‌یوه‌ندیان به‌ یانه‌ی وێستهامه‌وه‌ کرد.

مه‌سعود ئوزێل: له‌ ساڵی ٢٠١٣ و له‌کۆتا ساتی گواستنه‌وه‌کاندا به‌بڕی ٥٠ ملیۆن پاوه‌ند یانه‌ی ڕیاڵ مه‌دریدی ڕووه‌ و ئارسیناڵ به‌جێهێشت.

ئانتۆنی مارتیال: له‌کۆتا ساتی گواستنه‌وه‌کانی ساڵی ٢٠١٥ یانه‌ی مۆناکۆی ڕووه‌ و مانچسته‌ر یونایتد به‌جێهێشت.

هوگۆ لۆریس: ساڵی ٢٠١٢ به‌بڕی ١٥ ملیۆن پاوه‌ند له‌ یانه‌ی لیۆنی فه‌ره‌نسیه‌وه‌ ڕوویکرده‌ یانه‌ی تۆتنهام.

جیهانی

مارکا: هه‌وڵه‌کانی به‌رشلۆنه‌ بۆ نایمار سنورداره‌ و ڕیاڵ قسه‌ی کۆتایی له‌گه‌ڵ قه‌ته‌ریه‌کان ده‌کات

خه‌ڵک سپۆرت

ڕۆژنامه‌یه‌کی ناوداری ئیسپانیا به‌پێچه‌وانه‌ی سه‌رچاوه‌ که‌ته‌لۆنیه‌کانه‌وه‌ دووپاتیده‌کاته‌وه‌، یانه‌ی ڕیاڵ مه‌درید له‌ گواستنه‌وه‌ی نایمار دا سیلڤای به‌رازیلیدا له‌ به‌رشلۆنه‌ به‌هێزتره‌ و قسه‌ی کۆتاییش بۆ یانه‌ مه‌دریدیه‌که‌ ده‌بێت.

به‌پێی ڕاپۆرتێک که‌ له‌لایه‌ن ڕۆژنامه‌ی “مارکا”ی مه‌دریدیه‌وه‌ بڵاوکراوه‌ته‌وه‌، یانه‌ی به‌رشلۆنه‌ له‌ڕووی داراییه‌وه‌ هه‌وڵه‌کانی بۆ نایمار سنورداره‌ به‌وپێیه‌ی یانه‌که‌ پاره‌ی ته‌واوی به‌شێوه‌ی سیوله‌ و کاش به‌رده‌ست نییه‌ و ته‌نها ده‌توانن به‌شێوه‌ی ئاڵوگۆڕی یاریزانان و بڕێک پاره‌ گواستنه‌وه‌که‌ به‌ ئه‌نجام بگه‌یه‌نن، له‌لایه‌کی تریشه‌وه‌ هه‌ندێک له‌سه‌رچاوه‌ فه‌ره‌نسیه‌کان پێیان وایه‌ هه‌وڵه‌کانی بارتومیۆ شه‌رمنانه‌یه‌ و وه‌ک ئه‌وه‌ ده‌رده‌که‌وێت ته‌نها بیانه‌وێت لیۆ مێسی به‌ هه‌وڵه‌کانیان قایل بکه‌ن.

کۆتا ئۆفه‌ری یانه‌ی به‌رشلۆنه‌ بۆ نایمار بریتی بووه‌ له‌ پێشنیاری گه‌ڕانه‌وه‌ی به‌شێوه‌ی خواستن بۆ وه‌رزێک و پێشکه‌شکردنی ١٦٠ ملیۆن یورۆ له‌ هاوینی داهاتوو (واتا له‌ هاوینی داهاتوو بۆنده‌که‌ی بکرێت به‌ هه‌میشه‌ییه‌)، ئه‌م پێشنیاره‌ش له‌لایه‌ن لیۆناردۆی به‌ڕێوه‌به‌ری وه‌رزشیی پاریس سانت جێرمانه‌وه‌ ڕه‌تکراوه‌ته‌وه‌.

ئه‌گه‌ر ئیداره‌ی ناسڕ خلێفی بیر له‌ خواستنی نایمار بکاته‌وه‌، ئه‌وا فلۆرنتینۆ پێریزی سه‌رۆکی ڕیاڵ په‌یوه‌ندیه‌کی توندوتۆڵتری له‌گه‌ڵیاندا هه‌یه‌ و ده‌توانێت ده‌رگای باشتر به‌ڕووی یانه‌ فه‌ره‌نسیه‌که‌دا بکاته‌وه‌، ئه‌وه‌ش بۆ چه‌ند هۆکارێک ده‌گه‌ڕێته‌وه‌ که‌ له‌ هه‌مووی به‌هێزتر توانای دارایی یانه‌ زه‌به‌لاحه‌که‌ی مه‌دریده‌ له‌ سه‌رفکردنی زیاتر له‌ ١٥٠ ملیۆن یورۆ له‌هه‌مان گواستنه‌وه‌دا، هه‌روه‌ها بونی چه‌ندین یاریزانی شێاو به‌ ئاڵوگۆڕ به‌پێچه‌وانه‌ی به‌رشلۆنه‌وه‌ که‌ کۆتینیۆیان ڕه‌وانه‌ی بایرن میونشن کردووه‌ و له‌ئێستادا ته‌نها دیمبیلی و سیمیدیۆیان له‌به‌رده‌ستدایه‌ و نایانه‌وێت به‌هۆی گه‌ڕانه‌وه‌ی به‌رازیلیه‌که‌وه‌ له‌ده‌ستیان بده‌ن.

“مارکا” نوسیویه‌تی، به‌پێی ئه‌و جموجۆڵانه‌ بێت که‌ هه‌ردوو یانه‌ زه‌به‌لاحه‌که‌ی ئیسپانیا ئه‌نجامیانداوه‌، یانه‌ی شاهانه‌ له‌ گفتوگۆکاندا پێشه‌نگی ده‌گرێت و له‌ چه‌ند ڕۆژی داهاتوودا پێرێز و هاوه‌ڵانی هه‌لی گونجاو بۆ لێدان له‌ بارسا ده‌دۆزنه‌وه‌ و قسه‌ی کۆتایی له‌م که‌یسه‌دا ده‌که‌ن.

بەردەوام بە لە خوێندنەوە

جیهانی

(ڤیدیۆ) پاسێک له‌ زێدانه‌وه‌ بۆ جه‌یمس گۆڵێکی ناوازه‌ی لێدروست ده‌بێت، جه‌یمس هه‌مووانی سه‌رسام کردووه‌ !

بەردەوام بە لە خوێندنەوە

جیهانی

داهات و خه‌رجیاتیان چه‌ند بووه‌؟ یوڤانتۆس هاوسه‌نگی دارایی ڕاگرتووه‌ و ئیمزاکردنی یه‌ک بۆندیان ماوه‌

خه‌ڵک سپۆرت

ئیداره‌ی یانه‌ی یوڤانتۆسی ئیتاڵی به‌ جوانترین شێوه‌ مامه‌ڵه‌ی له‌گه‌ڵ بازاڕی گواستنه‌وه‌ی یاریزانان و ڕێساکانی یاریی خاوێندا کردووه‌ و ده‌رگای میریکاتۆیان به‌ کراوه‌یی جێهێشتووه‌.

ڕۆژنامه‌ی “توتۆ سپۆرت”ی ئیتاڵی به‌ داتا و ئامار ئاشکرای کردووه‌، له‌ گواستنه‌وه‌کانی هاوینه‌ی ٢٠١٩دا سه‌رۆکایه‌تی یانه‌ی یوڤانتۆس فابیۆ پاراتیچی وه‌ک ئه‌ندازیاری ئیمزاکردنی بۆنده‌ داواکراوه‌کان ڕاسپاردووه‌، ئه‌م که‌سایه‌تیه‌ش به‌ جوانترین شێوه‌ مامه‌ڵه‌ی له‌گه‌ڵ خواسته‌کانی ماوریزیۆ ساری ڕاهێنه‌ردا کردووه‌ و توانیویه‌تی له‌ ماوه‌ی دوو مانگا هاوسه‌نگی دارایی مسۆگه‌ر بکات.

به‌پێی سه‌رچاوه‌که‌، ئیداره‌ی بیانکۆنێری له‌ فرۆشی یاریزاناندا بڕی ١٣٠ ملیۆن یورۆی به‌ده‌ستهێناوه‌ و سودی له‌ ته‌واوی له‌ ٨٢.٧ ملیۆن یورۆ وه‌رگرتووه‌، له‌به‌رامبه‌ردا بڕی ١٧٢ ملیۆنی له‌ کڕینی یاریزاناندا به‌کارخستووه‌، ئه‌گه‌ر له‌ماوه‌ی داهاتوودا (زۆر نزیکه‌) بتوانن ڕوگانی ئاڕاسته‌ی یانه‌ی ڕۆما بکه‌ن ئه‌وا تا ٣٠ی ئه‌م مانگه‌ هاوسه‌نگی دارایی به‌ته‌واوی ڕێساکانی یاریی خاوێنه‌وه‌ جێبه‌جێ ده‌که‌ن.

یاریزانه‌ فرۆشراوه‌کان:

  • لیۆناردۆ سپینازۆلا: ٢٩.٥ ملیۆن یورۆ، بڕی ٢٦.٦ ملیۆن سودی به‌ده‌ستهێناوه‌
  • مۆیس کین: ٢٧.٥ ملیۆن یورۆ، سودی ٢٢.٥ ملیۆنی به‌ده‌ستهێناوه‌
  • جواو کانسێلۆ: ٦٥ ملیۆن یورۆ، بڕی ٢٨.٦ ملیۆن سودی به‌ده‌ستهێناوه‌
  • ڕۆجێریۆ: چوار ملیۆن یورۆ، سودی سێ ملیۆنی به‌ده‌ستهێناوه‌
  • لیۆناردۆ مانکوسۆ: چوار ملیۆن یورۆ، سودی دوو ملیۆنی به‌ده‌ستهێناوه‌

یاریزانه‌ کڕدراوه‌کان:

  • ماتیاس دی لێخت: ٨٥ ملیۆن یورۆ
  • دانێلۆ: ٣٧ ملیۆن
  • میری دیمیڕاڵ: ١٨ ملیۆن
  • کریستیان ڕۆمێرۆ: ٣٠ ملیۆن
  • ئه‌دریان ڕابیۆ، جیانلویجی بوفۆن، ئارحن ڕامسی: بێبه‌رامبه‌ر
بەردەوام بە لە خوێندنەوە

کوردستان