ئێمە لە تۆرە کۆمەڵایەتیەکان

کوردستان

پۆلیس دەستی بەسەر چەند ئۆتۆمبێلێكدا گرت

خەڵك-بەشی هەواڵ

بەڕێوەبەرایەتی‌ پۆلیسی‌ پارێزگای‌ سلێمانی‌ ڕایدەگەیەنێت، دەستیان بەسەر چەندین ئۆتۆمبێل و ماتۆڕسكیلێكدا گرت.

بەڕێوەبەرایەتی‌ پۆلیسی‌ پارێزگای‌ سلێمانی‌ لە ڕاگەیەندراێكدا ئاماژە بۆ ئەوە دەكات، بەبۆنەی‌ نزیكبوونەوەی‌ جەژنی‌ قوربانی‌ پیرۆز، سەرجەم مەفرەزەكانی‌ بەشی‌ پۆلیسی‌ دەربەندیخان خرانە حاڵەتی‌ ئامادەباشییەوە و لەچالاكییەكدا كە لەناو قەزای‌ دەربەندیخان ئەنجامدرا، توانرا دەستبەسەر چەند ئۆتۆمبێل‌ و ماتۆرسكیلێكدا بگیرێت.

ڕاشیدەگەیەنێت، شەوی‌ 2019/8/7 دەستبەسەر ئۆتۆمبێلێكی‌ جۆری‌ كیا دووتەنیدا گیراوە كە شۆفێرەكەی‌ بێ مۆڵەت بووە و دۆسیەی‌ بۆ كراوەتەوە بەپێی‌ ماددەی‌ 21/ی هاتوچۆ دەستی بەسەردا گیراوە و هاوكات دەستیش بەسەر ماتۆرسكیلێكدا گیراوە كە بێ سەرەتا بووە و هەروەها دەستیان بەسەر 95 پەردەی‌ ڕەشی‌ ئۆتۆمبێلدا گرتووە.

ئاشكراشیدەكات، بەهۆی‌ ئەوەی‌ سەرپێچی‌ یاساییان كردبوو دەستیان بەسەر 14 ئۆتۆمبێلدا گرتووە و ڕەوانەی بەڕێوەبەرایەتی‌ هاتوچۆی‌ دەربەندیخان كراون بەمەبەستی سزادانیان.

کوردستان

داوا دەكرێـت خانەنشینی پلەباڵا و نایاساییەكان هەڵبوەشێندرێتەوە

خەڵك –بەشی هەواڵ

پەرلەمانتارێكی كوردستان ڕایگەیاند لە پرۆژەی چاكسازیدا جەخت لە سەر نەهێشتنی خانەنشینی پلەباڵاكان و نایاساییەكان دەكەنەوە.

كاوە عەبدولقادر پەرلەمانتاری كوردستان لە هەژماری خۆی لە تۆڕی كۆمەڵایەتی فەیسبوك لە سەر چاكسازی بابەتێكی بڵاوكردووەتەوە و تێیدا جەخت دەكاتەوە لەوەی نابێت خانەنشینی پلە باڵاكان بمێنێت كە خۆی دەبینێتەوە لە سەرۆكی هەرێم و جێگرەكانی، سەرۆك وەزیران و جێگرەكانی، وەزیرەكان، سەرۆكایەتی پەرلەمان و پەرلەمانتاران و بریكاری وەزیر و راوێژكار و ئەندامانی ئەنجومەنی دادوەری و بەڕێوەبەرە گشتییەكان و پلەیەكەكان یان بەشێوەیەكی بەرچاو كەمبكرێتەوە.

هەروەها ئەو پەرلەمانتارە داوا دەكات خانەنشینی نایاسایی هەڵبوەشێندرێتەوە كە چەندین ساڵە بێ هیچ بنەمایەك مووچە وەردەگرن.

داواش دەكات كە مووچەی خانەنشینی فەرمانبەران لە 500 هەزار دینار كەمترنەبێت.

دوێنێ حكومەتی هەرێمی كوردستان پرۆژەی چاكسازی پەسەند كرد، بەپێی پرۆژەكە موچەی خانەنشینی پلەباڵاكان لە 3 بۆ 5 ملیۆن دینار دەبێت.

بەردەوام بە لە خوێندنەوە

کوردستان

ڕۆژهەڵات.. دوو هاووڵاتی خۆیان كوشت

خەڵك –بەشی هەواڵ

تا دێت لە شارەكانی رۆژهەڵاتی كوردستان حاڵەتەكانی خۆكوشتن ڕوو لە زیادبوون دەكەن.

بەپێی ڕاپۆرتی ڕێكخراوی مافی مرۆڤی هەنگاو، ژنێكی خەڵكی سەقز لە رێگای خواردنی حەبەوە خۆی كوشتووە.

هەروەها لە شاری شۆیشەی سنووی سەوڵاوا هاووڵاتییەكی تەمەن 66 ساڵان خۆی هەڵواسیوە و خۆی خنكاندووە.

بەردەوام بە لە خوێندنەوە

کوردستان

تەرمی چیا ناسر لە سلێمانی بە خاك سپێردرا

خەڵك-بەشی هەواڵ

تەرمی چیا ناسر هاوسەری هێمن باقی ئەو خێزانەی لە ئێران سوتێنران گەڕێنرایەوە هەرێمی كوردستان.

مەریوان عەبدولعەزیز یەكێك لە نزیكەكانی ئەو خێزانە بە (خەڵك)ی ڕاگەیاند، كاتژمێر 1.30 خولەكی بەرەبەیانی ئەمڕۆ تەرمی چیا ناسر لە مەرزی نێودەوڵەتی باشماخەوە لەوڵاتی ئێرانەوە گەڕێنرایەوە هەرێمی كوردستان.

وتیشی”ئەمڕۆ 12-12-2019 لە گۆڕستانی سەیوان لە شاری سلێمانی بەخاك سپێردرا و ئەمڕۆ پرسەكەی لەسلێمانی و سبەینێش لە هەڵەبجە دەبێت”.

ئاماژەی بۆ ئەوەش كرد، حكومەتی ئێران كارئاسانی بۆ گەڕانەوەی تەرمەكە كردووە و هاوكات قوباد تاڵەبانی جێگری سەرۆكی حكومەتی هەرێمیش سەرجەم ئامادەكاری و كارئاسانییەكانی بۆ هێنانەوەی تەرمەكە كردووە.

چەند ڕۆژێك لەمەوبەر ئەندامانی ئەو خێزانە هەڵەبجەییە بەمەبەستی پشكنین و چارەسەر سەردانی وڵاتی ئێرانیان كرد، بەڵام پێش گەیشتن بەشاری ورمێی ڕۆژهەڵاتی كوردستان، لەلایەن باندێكی تاوانكارەوە دوای بێهۆشكردنیان جەستەی هێمن و چیای هاوسەری سوتێنران و باندەكە چەند چەقۆیەكیشیان لەجەستەی خەسووی هێمن داوە و دوای گەیاندنیان بە نەخۆشخانە چیا ناسر كۆچی دوایی كرد و دوو ئەندامەكەی تری خێزانەكەش لە ئێستادا لە نەخۆشخانەكانی ئێرانن.

بەردەوام بە لە خوێندنەوە

کوردستان