ئێمە لە تۆرە کۆمەڵایەتیەکان

ڕاپۆرت و شیکاری

میركاتۆی زێدان و گرنگی پۆگبا بۆ ریاڵ

هه‌وراز كاوه‌
تا ئه‌مڕۆ زێدانی ڕاهێنه‌ری یانه‌ی ڕیاڵ مه‌درید نه‌یتوانیوه‌ پێكهاته‌كه‌ی له‌ بازاڕی میركاتۆدا ته‌واو بكات، كه‌ به‌ بڕوای زۆرمان هێشتا ڕیاڵ پێویستی به‌ ئه‌ستێره‌ی سۆپه‌ر هه‌یه‌ بۆ ئه‌وه‌ی ڕكابه‌ری خوله‌كان بكات، له‌به‌ر ئه‌وه‌ له‌ ماوه‌ی ئه‌م هه‌فته‌یه‌دا زێدان ئه‌ركێتی به‌ ته‌واوی نه‌خشه‌ی پلان و وێنه‌ی پێكهاته‌كه‌ی ئاشكرا بكات. هه‌موو ده‌پرسن ئه‌و كه‌چه‌ڵه‌ بێده‌نگه‌ بۆچی هیچ هه‌نگاوێكی ڕوونی نییه‌ له‌و بازاڕه‌ی به‌ ملیۆنان دۆلاری تێدا ڕۆكراوه‌؟.

له‌ ڕاستیدا ئه‌و چاوه‌ڕوانی یه‌كلاكردنه‌وه‌ی بۆندی هه‌ردوو یاریزان (برۆنۆ فێرناندیز و میلینكۆڤیچ ساڤیچ)ـی ده‌كرد بۆ ئه‌وه‌ی بتوانێت به‌ ئاسانی پۆڵ پۆگبا بگوازێته‌وه‌، به‌ڵام به‌ پێچه‌وانه‌ی خواستی زیزۆ ئه‌وه‌ سه‌رۆكی یانه‌كه‌ پێرێز به‌ هه‌ستكردن به‌ قورسی بۆندی فه‌ڕه‌نسییه‌كه‌ یاریزانی ئه‌جاكسی هۆڵندی ڤاندی بیكی گواسته‌وه‌ بۆ تیپه‌كه‌ی، كه‌ ئه‌مه‌ له‌ ئێستادا گرفتی بۆ ڕاهێنه‌ره‌كه‌ دروستكردووه‌، چونكه‌ ناوبراو هه‌مان پێگه‌ی پۆگبای هه‌یه‌ و چاوه‌ڕوان ده‌كرێت به‌م نزیكانه‌ ببێته‌ باشترینی یاریگاكانی ئه‌وروپا.

یه‌كێكی دیكه‌ له‌و خاڵانه‌ی ده‌ستی زێدانی گرتووه‌ گاریس بێڵه‌، كه‌ ئه‌و ڕاهێنه‌ره‌ به‌ هه‌ر جۆرێك بێت ده‌یه‌وێت له‌ كۆڵی بكاته‌وه‌ و به‌ بڕه‌ پاره‌كه‌ی سه‌رۆكی تیپه‌كه‌ی قایل بكات بۆ خواست چوونه‌ سه‌ر ئه‌سمه‌ره‌كه‌، كه‌ له‌ ماوه‌یه‌كی كه‌می دیكه‌دا بازاڕی میركاتۆی ئینگلته‌را ده‌رگای داده‌خرێت، كه‌ ئه‌مه‌ش واده‌كات په‌له‌ بكه‌ن بۆ ڕازی بوون و ناردنی بێڵ بۆ یانه‌ی تۆتنهام، كه‌ یانه‌كانی پرێمه‌رلیگ ئاره‌زووی زۆریان بۆ ئه‌و یاریزانه‌ هه‌یه‌، به‌ڵام یانه‌ی تۆتنهام ده‌یانه‌وێت مووچه‌ی ساڵانه‌ی ئه‌ستێره‌كه‌ له‌ (17) ملیۆنه‌وه‌ كه‌م بكه‌نه‌وه‌، كه‌ ئه‌مه‌ش وایكردووه‌ بریكاری یاریزانه‌كه‌ به‌وه‌ ڕازی نه‌بێت و جارێكی دیكه‌ دۆخی ماڵی مه‌دریدییه‌كان شێواوه‌.

گرفتی كۆتایی خامیس ڕۆدریگزه‌ و زێدان ده‌یه‌وێت بمێنێته‌وه‌، به‌ڵام سه‌رۆكی یانه‌كه‌ به‌هۆی ئه‌وه‌ی له‌لایه‌ن یانه‌كانی دیكه‌وه‌ گرنگی زۆر پێده‌رێت ده‌یه‌وێت بیدات به‌ یه‌كێك له‌ یانه‌كانی ئه‌تله‌تیكۆ مه‌درید و مارسیلیا و ناپۆلی، به‌ڵام زیزۆ له‌مكاته‌دا ده‌یه‌وێت به‌ هێنانی پۆگبا به‌ ته‌واوی به‌رده‌می به‌رگری و ناوه‌ندی تیپه‌كه‌ی پته‌و بكات، ئه‌و پێی وایه‌ بوونی ئه‌و له‌گه‌ڵ كاسمیرۆ جوڵه‌ی زیاتر به‌ به‌رگری و لایه‌نی هێرشی تیپه‌كه‌ ده‌دات، به‌ تایبه‌ت كه‌ ڕۆدرگیز وه‌كو یاریزانی ژماره‌ ده‌ی تیپه‌كه‌ له‌ پێشه‌وه‌ی ئه‌و دووانه‌ یاریی بكات، یان به‌ ئاسانی ده‌توانێت پلانه‌كه‌ی بكات به‌ (4ـ4ـ2) له‌م دۆخه‌دا گۆڵچی كۆرتوا ده‌بێت چواره‌ی به‌رگری مارسیلۆ و میلیتاو و رامۆس و كارڤاخال پێكیده‌هێنن، به‌وه‌ش ڕۆڵی به‌رده‌مه‌كان كه‌متر ده‌بێت و هه‌رچی ڤینیسۆ و پۆگبا و مۆدریچ و هازارده‌ به‌ ته‌واوی له‌ سه‌نته‌ری یاریگا بڵاو ده‌بنه‌وه‌، دووانه‌ی پێشه‌وه‌ بنزیما و جۆڤیچ ده‌بن، كه‌ له‌كاتی یارییه‌كه‌دا ده‌گۆڕێت بۆ پلانی (4ـ2ـ3ـ1) و ئازادی زۆرتر بۆ مۆدریچ دێته‌ پێشه‌وه‌ و به‌ ئاسانی ده‌چێته‌ نیوه‌ یاریگای ركابه‌ر و كه‌مێك پۆگبا به‌ پشت به‌ستن به‌ خێراییه‌كه‌ی به‌رگری و ناوه‌ند پێكه‌وه‌ ده‌به‌ستێته‌وه‌، كه‌ ئه‌مه‌ش كێشه‌ی خاوی هه‌ڵگرتنی تۆپه‌كان له‌ یانه‌ی مێره‌نگی چاره‌سه‌ر ده‌كات و زێدانیش ده‌گات به‌ خه‌ونه‌كه‌ی.

سەرچاوەکان
یۆرۆ سپۆرت ئینگلیزی و دیارۆ گوڵ

ڕاپۆرت و شیکاری

(تۆپ ١٠) به‌پێی نوێترین لێکۆڵینه‌وه‌ مباپێ گرانبه‌هاترینی جیهانه‌ و مێسی هاتۆته‌ پله‌ی چواره‌م !

خه‌ڵک سپۆرت

سه‌نته‌ری لێکۆڵینه‌وه‌ نێوده‌وڵه‌تیه‌ وه‌رزشییه‌کانی سه‌ر به‌ یه‌کێتی تۆپی پێی جیهان (FIFA)، له‌ نوێترین لێکۆڵینه‌وه‌دا ده‌ریخستووه‌ که‌ کیلیان مباپێی فه‌ره‌نسی و موحه‌مه‌د سه‌ڵاحی میسڕی دوو گرانبه‌هاترین یاریزانن له‌ جیهانی تۆپی پێدا.

لێکۆڵینه‌وه‌ فه‌رمییه‌کانی (CIES Football Observatory) پشتبه‌ست به‌ داتا به‌ده‌ستهاتووه‌کان له‌ بازاڕی گواستنه‌وه‌کان و ئاست و ته‌مه‌ن و ده‌ستکه‌وتی یاریزانان ده‌ریخستووه‌، که‌ له‌ئێستای میریکاتۆدا کیلیان مباپێی فه‌ره‌نسی گرانبه‌هاترین یاریزانی جیهانه‌.

سه‌یر له‌وه‌دایه‌، نرخی یاریزانان هه‌ڵکشان و داکشانی زۆری به‌خۆیه‌وه‌ بینیوه‌ و له‌نێوان ئه‌ستێره‌کاندا لیۆ مێسی ئه‌فسانه‌ که‌وتۆته‌ پله‌ی چواره‌مه‌وه‌ که‌ نرخه‌که‌ی به‌ (١٥٠ بۆ ٢٠٠) ملیۆن خه‌مڵێنراوه‌، هه‌روه‌ها کریستیانۆ ڕۆناڵدۆی پورتوگالی له‌ ڕیزبه‌ندی (٢٠) گرانبه‌هاترینه‌که‌ی جیهاندا ده‌که‌وێته‌ پله‌ی بیسته‌وه‌ و نرخه‌که‌ی به‌ (١١٨ ملیۆن یورۆ) هه‌ژمار ده‌کرێت.

یه‌کێکی تر له‌ گۆڕانکارییه‌ گه‌وره‌کان به‌سه‌ر نرخی محه‌مه‌د سه‌ڵاح و ڕه‌حیم ستێرلینگدا هاتووه‌ و دوای هه‌ڵکشانێکی دارایی گه‌وره‌ نرخیان گه‌یشتۆته‌ سه‌رو (٢٠٠ ملیۆن).

ئه‌مه‌ش ڕیزبه‌ندی (١٠٠) گرانبه‌هاترین یاریزانی بواری تۆپی پێی جیهانه‌ به‌پێی لێکۆڵینه‌وه‌ و داتاکانی (CIES):

بەردەوام بە لە خوێندنەوە

ڕاپۆرت و شیکاری

(شاره‌زایان چاودێریان ده‌که‌ن) وه‌رزی نوێی خولی ئیسپانیا وه‌رزی شه‌ش یاریزانی به‌هره‌مه‌ند ده‌بێت

خه‌ڵک سپۆرت

وه‌رزی نوێی خولی ئیسپانیا ده‌ستی پێکردووه‌ و شاره‌زایانی بواری تۆپی پێ پێیان وایه‌ له‌م وه‌رزه‌دا شه‌ش ئه‌ستێره‌ی لاوی به‌هره‌مه‌ند جێده‌ستی خۆیان به‌سه‌ر ئه‌نجامه‌کانه‌وه‌ به‌جێده‌هێڵن.

به‌پێی ڕاپۆرتێکی تایبه‌تی ماڵپه‌ڕی “یورۆ”، شه‌ش یاریزانی به‌هره‌مه‌ند له‌م وه‌رزه‌دا چاوه‌ڕوانی ئاستێکی خه‌یاڵییان لێده‌کرێت، ئه‌و یاریزانانه‌ش پێکهاتوون له‌:

  • جواو فیلێکس: به‌بڕی ١٢٨ ملیۆن له‌یانه‌ی به‌نفیکای پورتوگالیه‌وه‌ په‌یوه‌ندی به‌ یانه‌ی ئه‌تله‌تیکۆ مه‌دریده‌وه‌ کردووه‌ و چاوه‌ڕوان ده‌کرێت ئاستێکی خه‌یاڵی پێشکه‌ش بکات.

  • لوکا یوڤیچ: به‌بڕی ٦٠ ملیۆن یورۆ له‌ یانه‌ی ئینتراخت فرانکفۆرتی ئه‌ڵمانیه‌وه‌ په‌یوه‌ندی به‌ یانه‌ی ڕیاڵ مه‌دریده‌وه‌ کردووه‌، شاره‌زایان پێیان وایه‌ ئه‌گه‌ر ئاستی ئاسایی خۆی پێشکه‌ش بکات ده‌بێته‌ ڕکابه‌رێکی به‌هێزی که‌ریم بنزیمه‌.

  • کارلیس ئالینیا: لاویکی به‌هره‌مه‌ندی یانه‌ی به‌رشلۆنه‌یه‌ و چه‌ند وه‌رزێکه‌ له‌گه‌ڵ پێکهاته‌ی یه‌که‌مدا یاریی ده‌کات، له‌گواستنه‌وه‌ی تۆپدا ناوازه‌یه‌ و چاوه‌ڕوان ده‌کرێت له‌ وه‌رزی نوێدا گرنگی و چانسی زیاتری پێبدرێت.

  • ڤینیسیۆز جونیۆر: گه‌وهه‌ره‌که‌ی سیلیساو له‌م وه‌رزه‌دا له‌پێکان گه‌ڕاوه‌ته‌وه‌ و به‌هۆی پێکانی مارکۆ ئاسینسیۆوه‌ چاوه‌روان ده‌کرێت چانسی یاریکردنی ته‌واوی پێبدرێت، ئه‌وه‌ش ڕێخۆشکه‌ر ده‌بێت بۆ زیاتر ده‌رکه‌وتنی له‌نێوان یاریگا ئه‌وروپیه‌کاندا.

  • دیێگۆ لاینز: له‌یانه‌ی ئه‌مریکای مه‌کسیکیه‌وه‌ په‌یوه‌ندی به‌ یانه‌ی ڕیاڵ بیتیسه‌وه‌ کردووه‌، گواستنه‌وه‌ی ته‌نها ١٢ ملیۆنی تێچووه‌، به‌ڵام چاوه‌ڕوان ده‌کرێت ئاستێکی ناوازه‌ پێشکه‌ش بکات.

  • ساموێل چوکویزی: ئه‌ستێره‌ لاوه‌که‌ی نایجیریا به‌درێسی ڤیاڕیاڵه‌وه‌ وه‌رزی ڕابردوو تواناکانی نیشانی ئیسپانیا دا، له‌م وه‌رزه‌دا چاوه‌روان ده‌کرێت له‌پێکهاته‌ی سه‌ره‌کیدا ده‌ربکه‌وێت و ئه‌وه‌ش چانسی ناوداربوونی پێده‌دات.

بەردەوام بە لە خوێندنەوە

ڕاپۆرت و شیکاری

ئه‌گه‌ر به‌رشلۆنه‌ دووباره‌ نایمار له‌ پاریس بکڕێته‌وه‌ دووچاری پێنج کێشه‌ی کارگێڕی و هونه‌ری ده‌بێته‌وه‌ !

خه‌ڵک سپۆرت

له‌ ساڵی ٢٠١٧دا نایمار دا سیلڤای به‌رازیلی به‌بڕی ٢٢٢ ملیۆن یورۆ له‌یانه‌ی به‌رشلۆنه‌وه‌ ڕوویکرده‌ یانه‌ی پاریس سانت جێرمانی فه‌ره‌نسی و بۆنده‌که‌ی وه‌ک گرانبه‌هاترین له‌مێژووی تۆپی پێدا هه‌ژمار کرا.

ماڵپه‌ڕی “یورۆ سپۆرت” له‌ڕاپۆرتێکدا ئاشکرای کردووه‌، له‌گه‌ڵ به‌رزبونه‌وه‌ی ده‌نگۆکانی گه‌ڕانه‌وه‌ی “نێی” دووباره‌ بۆ یانه‌ی به‌رشلۆنه‌ هانده‌رانی که‌ته‌لۆنیا دووچاری دڵه‌ڕاوکێ بوون و پرسیار ده‌که‌ن: ئایا نایمار هه‌مان ئاستی سه‌رده‌می یه‌که‌می له‌ یانه‌ی به‌رشلۆنه‌ پێشکه‌ش ده‌کات؟

سه‌رچاوه‌که‌ جه‌ختی کردۆته‌وه‌، له‌حاڵه‌تی گه‌ڕانه‌وه‌ی ئه‌ستێره‌ به‌رازیلیه‌که‌دا یانه‌ی به‌رشلۆنه‌ دووچاری پێنج کێشه‌ی کارگێری و هونه‌ری ده‌بێته‌وه‌، که‌ کێشه‌کانیش بریتین له‌:

  • هێڵی هێرشبه‌ر: هێڵی هێرشبه‌ری بارسا له‌ئێستادا پێکهاتووه‌ له‌ مێسی و سوارێز و عوسمان دیمبیلی و کۆتینیۆ و گریزمان، ئه‌گه‌ر کۆتینیۆ به‌ نایماریش ئاڵوگۆڕ بکرێت هێشتا ڤالڤێردی ناچار ده‌بێت به‌دوای ڕێگه‌چاره‌یه‌کدا بگه‌ڕێت بۆ به‌شداری پێکردنی پێنج له‌ هێرشبه‌ره‌کانی، چونکه‌ ڕێژه‌یان به‌نسبه‌ت یانه‌یه‌کی ئاساییه‌وه‌ زۆر ده‌بێت.
  • توڕه‌یی هانده‌ران: ڕۆیشتنی نایمار ڕووه‌ و پاریس سانت جێرمان هانده‌رانی که‌ته‌لۆنیای توڕه‌ کرد، له‌ئێستادا و پاش بڵاوبونه‌وه‌ی ده‌نگۆی گه‌ڕانه‌وه‌ی، هانده‌رانی ئه‌و یانه‌یه‌ بوون به‌ دوو به‌شه‌وه‌، به‌شێکیان دژایه‌تی بۆنده‌که‌ی ده‌کات و له‌حاڵه‌تی گه‌ڕانه‌وه‌یدا ئه‌گه‌ر زۆره‌ فشار بخه‌نه‌ سه‌ر خودی یاریزانه‌که‌ و ئیداره‌ی یانه‌که‌شیان.

  • یاریکردنی تاکه‌ که‌سی: ئه‌ستێره‌که‌ی سیلیساو به‌وه‌ ناسراوه‌ که‌ له‌هه‌ندێک حاڵه‌تدا توانای تاکه‌ که‌سی خۆی به‌کارده‌خات و له‌پێشوودا لویس ئینریکی له‌و ڕووه‌وه‌ کێشه‌ی له‌گه‌ڵیدا هه‌بووه‌، دووباره‌ له‌حاڵه‌تی گه‌ڕانه‌وه‌یدا ده‌بێت ڤاڵڤێردی چاره‌سه‌رێکی تایبه‌تی دۆخه‌که‌ بکات تا له‌گه‌ڵ شێوازی نوێی یانه‌که‌دا خۆی بگونجێنێته‌وه‌.
  • شێوازی تاکتیکی: پێنج هێرشبه‌ری یانه‌که‌ ده‌بێت دووانیان دان به‌خۆدا بگرن ئه‌گه‌ر به‌درێژایی وه‌رز نه‌توانن به‌شداری زۆرینه‌ی ڕووبه‌ڕوبونه‌وه‌کان بکه‌ن، چونکه‌ یانه‌که‌ به‌هۆی زۆری هێرشبه‌رانه‌وه‌ ناچاره‌ له‌پلانی (٤ – ٣ – ٣)وه‌ بۆ (٤ – ٢ – ٣ – ١) بازبدات، له‌م حاڵه‌ته‌شدا پێنج هێرشبه‌ر ناتوانن به‌یه‌که‌وه‌ به‌شداری بکه‌ن، هه‌روه‌ها ئه‌گه‌ر سیانیشیان به‌شداری بکه‌ن ناتوانن یاریده‌ده‌ری هێڵی به‌رگری بده‌ن و فشاری توند له‌سه‌ر ناوه‌ندی یاریگا دروست ده‌بێت که‌ ئه‌وه‌ش خۆی له‌خۆیدا هۆکاری زۆرینه‌ی کێشه‌کانه‌.
  • لاوازی کارگێڕی: گه‌ڕانه‌وه‌ی نایمار دووباره‌ ده‌یسه‌لمێنێت که‌ ئیداره‌ی یانه‌ له‌ڕووی کارگێڕیه‌وه‌ که‌سایه‌تیه‌کی لاوازیان هه‌یه‌، سه‌ره‌تا نه‌یانتوانی بۆندی دانی ئالڤێس نوێ بکه‌نه‌وه‌ و دواتر دووچاری کێشه‌ی به‌رگری هاتن، هه‌روه‌ها ئێرنێستۆ ڤاڵڤێردی دوو وه‌رز له‌خولی یانه‌ پاڵه‌وانه‌کان شکستی هێنا و له‌پێگه‌که‌یدا به‌رده‌وامی پێدرا، له‌ئێستاشدا گه‌ڕانه‌وه‌ی یاریزانه‌ به‌رازیلیه‌که‌ و په‌شیمانبونه‌وه‌یان له‌ فرۆشتنی ئه‌و ڕاستییه‌ ده‌رده‌خات و ڕووبه‌روی ڕه‌خنه‌ی قورسیان ده‌کاته‌وه‌.
بەردەوام بە لە خوێندنەوە

کوردستان