ئێمە لە تۆرە کۆمەڵایەتیەکان

عێراق

پەڕلەمانتارێكی كورد داوای گۆڕینی مالكی و عەبادی دەكات

خەڵك- بەشی هەواڵ
ئەندامێكی لیژنەی یاسایی لە پەڕلەمانی عیراق، داوا لە سەرۆكایەتی پەڕلەمانی عیراق دەكات، نوری مالكی سەرۆكی، هاوپەیمانی دەڵەتی یاسا و حەیدەر عەبادی، سەرۆكی هاوپەیمانی نەسر، بە دوو ئەندامی تر لە پەڕلەماندا بگۆڕدرێن.

سەلم شوشكەیی، ئەندامی پەڕلەمانی عیراق لە فراكسیۆنی كۆمەڵی ئیسلامی لە لێدوانێكیدا بۆ (خەڵك) ڕایگەیاند، هەموو پەڕلەمانتارێك دەبێت بەپێی یاسا لە ماوەی شەش مانگی یەكەمی كاری پەڕلەمان سوێندی یاسایی بخوات، ئەگەر هاتوو لەو ماوەیەدا سوێندی نەخوارد، ئەوا بە پێچەوانەی یاسا دادەنرێت.

وتیشی، “ئەوانەی، كە لە پۆستی باڵادابوون لە حكومەتی عیراقی و تەنیا لە ڕۆژی سوێندخواردندا ئامادەی پەڕلەمان بوون و دەوامیان نەكردووە، وەك نوری مالكی، سەرۆكی هاوپەیمانی دەوڵەتی یاسا و حەیدەر عەبادی، سەرۆكی هاوپەیمانی نەسر، دەبێت بگۆڕدرێن و كەسانی تر لە جێگەیان دابنرێت”.

شوشكەیی پێیوایە، “مانەوەی ئەوانە و نەگۆڕینیان، وەك موجامەلەیەكی سیاسییە، چونكە كارەكە تەواو پێچەوانەی پەیڕەوی ناوخۆی پەڕلەمان و دەستوری عیراق و هەموو یاسا كارپێكراوەكانە، سەرۆكایەتی پەڕلەمانیش بەرپرسە لە نەگۆڕینی ئەوانە”.

ئەو پەڕلەمانتارە كوردە، كە ئەندامی لیژنەی یاسایی پەڕلەمانی عیراقە دەڵێت: “هەر پەڕلەمانتارێك داوا لە دادگای فیدڕاڵ بكات، بۆ گۆڕینی ئەو ئەندامانە، دەكرێت دادگای فیدڕاڵی بە بڕیارێك داوای گۆڕینی ئەو پەڕلەرمانتارانە بكات، بەڵام تائێستا هیچ كەسێك داوایەكی لەو جۆرەی پێشكەش نەكردووە، یان سكاڵای یاسایی لەسەر ئەوانە تۆمارنەكردووە”.

وێڕای تێپەڕینی زیاتر لە هەشت مانگ بەسەر دەستبەكاربوونی خولی نوێی پەڕلەمانی عیراق، تائێستا هەریەك لە نوری مالكی، سەرۆكی هاوپەیمانی دەوڵەتی یاسا و حەیدەر عەبادی، سەرۆكی هاوپەیمانی نەسر و ئەیاد عەللاوی، سەرۆكی هاوپەیمانی وەتەنیە و چەند كەسێتییەكی تر، كە وەك ئەندامی پەڕلەمان هەڵبژێرراون، دەوامیان لە پەڕلەماندا نەكردووە و هەندێكیشیان تا ئێستا سوێندی یاساییان نەخواردووە.

عێراق

كارنامەی دانیشتنی سبەینێی پەڕلەمانی عیراق بڵاودەكرێتەوە

خەڵك- بەشی هەواڵ
سەرۆكایەتی پەرلەمانی عیراق، كارنامەی دانیشتنی داهاتووی خۆی بڵاودەكاتەوە، كە بڕیارە سبەینێ‌ چوار شەممە سازبكرێت.

ئەمڕۆ سێ‌ شەممە، سەرۆكایەتی پەڕلەمانی عیراق، كارنامەی دانیشتنی سبەینێ‌ چوار شەممەی پەڕلەمانی بڵاوكردەوە، كە تێیدا دەنگدان لەسەر پڕۆژە یاسای هەڵًبژاردنی ئەنجوومەنی نوێنەران لەخۆدەگرێت.

بەپێی كارنامەكە، كە وێنەیەكی دەست (خەڵك) كەوتووە، لە بڕگەی یەكەمی دانیشتنەكەی سبەینێی پەڕلەمانی عیراق دا، دەنگدانە لەسەر هەمواری دووەمی یاسای قەربووكردنەوەی زیانلێكەوتووانی جەنگ و هەڵە سەربازییەكان و كردەوە تیرۆریستییەكان.

لە بڕگەی دووەمی كارنامەكەشدا، دەنگدان لەسەر پڕۆژە یاسای هەڵبژاردنی پەڕلەمانی عیراقە و لە بڕگەی سێیەمیشدا گفتووگۆیەكی گشتی دەكرێت، كە 15 خولەكی بۆ تەرخان كراوە.

وابڕیارە سبەینێ‌ چوار شەممە، پەڕلەمانی عیراق لە كاتژمێر 12ی نیوەڕۆ كۆببێتەوە.

بەردەوام بە لە خوێندنەوە

عێراق

بەوێنە..خۆپیشاندەران بەغدای پایتەختیان داپۆشی

 

خەڵك-بەشی هەواڵ

ئەمڕۆ خۆپیشاندانێكی بەرفراوان لە شاری بەغدا ئەنجام درا و بەپێی زانیارییەكانیش تاكو ئێستا بەردەوامە.

كەناڵی “العالم” بڵاویكردەوە، ئەمڕۆ سێ شەممە لە شاری بەغدا خۆپیشاندانێكی فراوان ئەنجام درا، ئەمەش لەكاتێكدایە ئەمڕۆ ساڵڕۆژی سەركەوتنی عیراقە بەسەر ڕێكخراوی داعشدا.

بەپێی زانیارییەكان، هاووڵاتیانی عیراق ئەمڕۆ لە خۆپیشاندانێكی هێمنانەدا پردی كۆمارییان لە بەغدا گرت و هاوكات خۆپیشاندەران بەبێ هیچ توندوتیژییەك لە مەیدانی تەحریر لە بەغدا مانەوە.

بەردەوام بە لە خوێندنەوە

عێراق

“كۆمسیۆنی باڵای سەربەخۆی هەڵبژاردنەكانی عیراق، كەسێكی نییە قسەی لێوەربگیرێت”

خەڵك-بەشی هەواڵ

ئەندامێكی پێشووی كۆمسیۆنی باڵای سەربەخۆی هەڵبژاردنەكانی عیراق ڕایدەگەیەنێت، لە ئێستادا كۆمسیۆن وتەبێژێك یان كۆمسیار و كەسێكی نییە قسە لەسەر پرسەكانی هەڵبژاردنەكانی داهاتوو بكات.

دوای ئەنجامدانی خۆپیشاندانەكان و ناڕەزایەتی هاوڵاتیانی ژمارەیەك لە پارێزگاكانی عیراق، پەڕلەمانی عیراق كۆمسیۆنی باڵای سەربەخۆی هەڵبژاردنەكان و ئەنجومەنی پارێزگاكانی هەڵوەشاندەوە و تاكو ئێستا نەیتوانیوە یاسای هەمواركراوی كۆمسیۆن یەكلایی بكاتەوە و لە ئێستادا عیراق كۆمسیۆنی هەڵبژاردنەكانی نییە.

سەعید كاكەیی ئەندامی پێشووی كۆمسیۆنی باڵای سەربەخۆی هەڵبژاردنەكانی عیراق بە (خەڵك)ی ڕاگەیاند، بەپێی یاسای نوێی پەڕلەمان ئەو كۆمسیۆنەی پێشوو لە كار خراوە و ناتوانین قسە لەسەر هیچ بابەتێك بكەین.
وتیشی”لە 5ی مانگەوە ئێمە كۆمسیار نین و ئەوەی بڵێت كۆمسیارە ڕاست ناكات، چونكە یاساكە هەموو كۆمسیارەكان و بەڕێوەبەرە گشتییەكان و هۆبەكانیشی لابردووە و كۆمسیۆن كەسێكی نییە وتەبێژ بێت یان قسەی لێوەربگیرێت”.

سەبارەت بە ئەنجامدانی ئەو وادەیەی كە پێویستە بۆ ئەنجامدانی هەڵبژاردنی پێشوەختە، ناوبراو هیچ زانیارییەكی لەو بارەوە ڕانەگەیاند و ئاشكرایكرد، دەبێت كۆمیسۆنی داهاتوو ئەو بابەتە یەكلایی بكەنەوە.

بەردەوام بە لە خوێندنەوە

کوردستان