ئێمە لە تۆرە کۆمەڵایەتیەکان

ئابوری

بڕیارێكیان تایبەتە بە مووچە
ئەنجوومەنی وەزیرانی هەرێم چەند بڕیارێكی دەركرد

خەڵك- بەشی هەواڵ
كۆبوونەوەی ئەنجوومەنی وەزیرانی هەرێم كۆتایی هات و بڕیاریدا مووچەی ئەو 13 هەزار كەمئەندامەی ڕاگیرابوو خەرج بكرێت.

ئەنجوومەنی وەزیرانی هەرێم لە ڕاگەیەندراوێكدا ناوەڕۆكی كۆبوونەوەی ئەمڕۆی بڵاوكردەوە و ڕایگەیاند، بڕیار درا سیستمی باج ڕێكبخرێتەوە و دادپەروەری لە باجداندا هەبێت و ئاستی بژێوی و داهاتی تاك لە بەرچاو بگیرێت.

دەقی ڕاگەیەندراوەكە:
ئەمڕۆ چوار شەممە 2019/8/7 ئەنجوومەنی وەزیرانی هەرێمی كوردستان بە سەرۆكایەتی مەسرور بارزانی سەرۆكی ئەنجوومەنی وەزیران كۆبووەوە.

سەرەتا سەرۆكی ئەنجوومەنی وەزیران ئاماژەی بە بڕیاری دادگای باڵای فیدراڵی ژمارە (71/2009) لە 28/7/2019 تایبەت بە راڤەكردنی ماددەی(140)ـی دەستوور كرد، كە تێیدا بڕیاردرا بە زیندوومانەوەی ماددەی ئاماژەپێكراو. لەو بارەیەوە بڕیاری پێكهێنانی لیژنەیەكی تایبەت لە ئەنجوومەنی وەزیران درا بە هەماهەنگی لەگەڵ دەستەی گشتیی ناوچە كوردستانییەكانی دەرەوەی ئیدارەی هەرێمی كوردستان بۆ بەدواداچوون و گفتوگۆكردن لەگەڵ بەغدا بۆ دانانی رێكارەكانی جێبەجێكردنی ماددەی 140 بە پێی بڕیارەكەی دادگای فیدراڵی.

پاشان كۆبوونەوەكە گفتوگۆی لە بارەی داڕشتنی میكانیزمێكی پێویست كرد بۆ جێبەجێكردنی بڕگەی هەشتەم لە بەشی چاكسازی لە هێڵە گشتییەكانی كارنامەی كابینەی نۆیەمی حكوومەتی هەرێمی كوردستان تایبەت بە چاكسازی لە سیستەمی باج، بە جۆرێك دادپەروەری لە وەرگرتنی باج هەبێت، هەروەها گرتنەبەری هەموو رێكارێكی یاسایی و كارگێڕی بۆ رێگەگرتن لە خۆدزینەوە لە باج.

ئەنجوومەنی وەزیران جەختی لە سەر گرنگی باجدان كردەوە، كە پێویستە هەموو ئەو لایەن و كەس و كۆمپانیایانەی قەرزداری حكوومەتن و ئەو باجانەی لەسەریانە بە شێوەیەكی یاسایی بدەن. هەروەها پێویستە باجەكانی ناوخۆی هەرێمی كوردستان لە رووی یاسایی و كارگێڕییەوە رێكبخرێنەوە بە شێوەیەك دادپەروەری لە باجداندا هەبێت و ئاستی بژێوی و داهاتی تاك لە بەرچاو بگیرێت. هەروەها رێگە بگیرێت لە خۆدزینەوە لە دانی باج و ئەو یاسایانەش هەموار بكرێنەوە، كە لەوبارەیەوە رێگرن.

بڕگەیەكی دیكەی كۆبوونەوەكه، گفتوگۆكردن بوو دەربارەی پێداچوونەوە بە لیستی ئەو كەسانەی بە ناوی كەمئەندام و خاوەن پێداویستی تایبەت تۆماركراون و سوودمەندبوون لە تۆڕی پاراستنی كۆمەڵایەتی. لەمبارەیەوە كۆبوونەوەكە بڕیاری دا هاوتەریب لەگەڵ پرۆسەی پێداچوونەوە، بڕیاری گەڕاندنەوەی مووچەی زیاتر لە 13 هەزار كەمئەندام و خاوەن پێداویستی تایبەتی دا.

لە كۆتایی كۆبوونەوەكەدا، چەند بابەتێكی پەیوەندیدار بە كاروباری فەرمانگەی پەیوەندییەكانی دەرەوە تاوتوێ كران و بڕیاری پێویستیان لەبارەوە درا.

ئەنجوومەنی وەزیران، وەزارەتەكانی ناوخۆ و شارەوانی و گەشتوگوزار و وەزارەتە پەیوەندیدارەكانی دیكەی راسپارد، كە پێشوازی گەرم و ئاسانكاری پێویست بۆ گەشتیاران بكەن، كە بە بۆنەی جەژنەوە سەردانی هەرێمی كوردستان دەكەن.

ئابوری

بەوێنە؛ ئەفسەرێكی پێشمەرگە بڕێكی زۆر مووچە بەهەڵە وەردەگرێت و دەیگەڕێنێتەوە

خەڵك- بەشی هەواڵ
ئەفسەرێكی وەزارەتی پێشمەرگە لەكاتی دابەشكردنی مووچەدا بڕێكی زۆر زیاتر لە مووچەكەی وەردەگرێت و دوای ئەوەی بۆی دەردەكەوێت پارەكە بەهەڵە پێی دراوە دەیگەڕێنێتەوە بۆ لیژنەی دابەشكردنی مووچەی وەزارەتەكەی.

بەپێی ئەوەی لە تۆڕە كۆمەڵایەتییەكان بڵاوكراوەتەوە، ڕۆژی دابەشكردنی مووچە ئەفسەرێك بەناوی هێمن كەریم، كە پلەی مقەدەمە بڕی 970 هەزار دینار زیاتر لە مووچەكەی پێ‌ دەدرێت، بەڵام دوای ئەوەی بۆی دەردەكەوێت ئەو پارەیە زیاترە لە مووچەكەی خۆی، بۆە دەیگەڕێنێتەوە بۆ لیژنەی دابەشكردنی مووچە.

لەسەر ئەو هەڵوێستەی ئەو ئەفسەرە سوپاس دەكرێت و ئەوەش لە تۆڕە كۆمەڵایەتییەكان كاردانەوەی لێ‌ دەكەوێتەوە و بە هەڵوێستێكی جوان و بە بەها وەسف دەكرێت.

بەردەوام بە لە خوێندنەوە

ئابوری

سبەینێ موچەی ئەم وەزارەتە دابەشدەكرێت

خەڵك- بەشی هەواڵ

بەپێی نوێترین خشتەی وەزارەتی دارایی بڕیارە سبەی چوار شەممە موچەی مانگی نۆی وەزارەتی دارایی دابەشبكرێت.

بەپێی ئەو زانیارییانەی لە وەزارەتی دارایی حكومەتی هەرێم دەست (خەڵك) كەوتووە، سبەی چوار شەممە موچەی مانگی نۆی وەزارەتی دارایی حكومەتی هەرێم خەرجدەكرێت.

ئەمە لەكاتێكدایە حكومەتی هەرێم ڕۆژانە دیاریدەكات كام وەزارەت موچە وەردەگرێت، واتە خشتەیەكی دیاریكراوی بۆ كۆی وەزارەتەكانی حكومەتی هەرێم نییە.

بەردەوام بە لە خوێندنەوە

ئابوری

ئەمڕۆ مووچەی وەزارەتی پەروەردە دابەش دەكرێت

خەڵك- بەشی هەواڵ

دوای دابەشكردنی مووچەی پێشمەرگە لە ڕۆژانی ڕابردوودا، بڕیارە ئەمڕۆ مووچەی مانگی ئەیلولی وەزارەتی پەروەردە دابەش بكرێت.

بەپێی خشتەیەك كە لە وەزارەتی دارایی و ئابورییەوە بڵاوكراوەتەوە، ئەمڕۆ مووچەی وەزارەتی پەروەردە دابەش دەكرێت.

دابەشكردنی مووچەی مانگی ئەیلول لەكاتێكدایە كە چارەنوسی سێ‌ مووچەی ئەمساڵی فەرمانبەرانی هەرێمی كوردستان نادیارە، سەرباری ئەوەی بەغدا پارەكەی ناردووە.

بەردەوام بە لە خوێندنەوە

کوردستان