ئێمە لە تۆرە کۆمەڵایەتیەکان

کوردستان

“تەعریبێكی بێدەنگ دەستی پێكردووە”
بەرپرسێكی كەركوك: زۆربەی بەڕێوەبەرە كوردەكان گۆڕدراون

خەڵك- بەشی هەواڵ
بەرپرسێكی پارێزگای كەركوك، گۆڕینی بەڕێوەبەرەكانی پۆلیسی پارێزگاكە بە كارێكی ئاسایی دادەنێت لەلایەن حكومەتەوە، بەڵام پێیوایە گۆڕینی بەڕێوەبەرە كوردەكانی فەرمانگە مەدەنییەكان لە كەركوك، دەستپێكردنی قۆناغێكی تری تەعریبە لە شارەكەدا.

ئازاد جەباری، سەرۆكی لیژنەی ئەمنی لە ئەنجوومەنی پارێزگای كەركوك بە (خەڵك)ی ڕاگەیاند، “گۆڕینی بەڕێوەبەرەكانی پۆلیس لە پارێزگاكەدا، كارێكی ئاساییە و بەشێوەیەكی دەوری ئەنجام دەدرێت، بەڵام گۆڕینی بەڕێوەبەرە كوردەكان لە فەرمانگە مەدەنییەكاندا، دەستپێكردنی قۆناغێكی نوێی تەعریب دەگەیەنێت لە كەركوك، چونكە لەئێستادا زۆربەی بەڕێوەبەرە كوردەكان لە كەركوكدا گۆڕدراون، ئێمە ڕاستە هەڵەمان كردووە، ئەوانیش هاتوون هەمان هەڵەكانی ئێمە دووبارە دەكەنەوە”.

ئەمەی لەئێستادا دەكرێت بە وتەی ئازاد جەباری، “بەئامانج گرتنی كوردە و لەلایەن بەغداوەیە، تەعریبێكی بێدەنگە و لە كەركوك ئەنجام دەدرێت، وەك بەعس ژاوەژاوی دروست نەكردووە، كە تەرحیلی تێدا بوو، بە بێدەنگی لە كەركوكدا تەعریبكردن بەڕێوەدەچێت”.

ئەو بەرپرسەی كەركوك دەڵێت: “گۆڕینی بەڕێوەبەرەكانی پۆلیس لە پارێزگای كەركوك كارێكی ئاساییە، چونكە لە سەردەمی پارێزگاری پێشوودا بە هەمان شێوە بەبێ‌ ڕەوچاوكردنی پێكهاتەكان، دوو ساڵ جارێك بەڕێوەبەرەكانی پۆلیس دەگۆڕدران، بەبێ‌ ئەوەی ڕەچاوی ئەوە بكرێت، كە ئەمە كوردە یان عەرەب یان توركمان، بۆیە دەكرێت گۆڕینی بەڕێوەبەرەكانی پۆلیس لە كەركوك بە ئاسایی دابنرێت”.

ئەم لێدوانانەی ئازاد جەباری، سەرۆكی لیژنەی ئەمنی لە ئەنجوومەنی پارێزگای كەركوك لەكاتێكدایە، كە بە فەرمانێكی وەزارەتی ناوخۆی حكومەتی فیدڕاڵ، بەڕێوەبەرێكی نوێ‌ بۆ بەڕێوەبەرایەتی پۆلیسی كەركوك دانرا و عەقید دانیاڵ جەبار بە بەڕێوەبەری نوێی بەڕێوەبەرایەتی پۆلیسی فریاكەوتنی پارێزگاكە دەستنیشان كرا.

کوردستان

بۆ دووەم جار، کەس و کاری بەشێک لەزیندانیان گردبوونەوە

خەڵک-ئارام سەردار
ئەمڕۆ کەسوکاری بەشێک لە زیندانیانی چاکسازی گەورانی هەولێر لەبەردەم ئەنجوومەنی دادوەری لەهەولێر گردبونەوە.

کەس و کاری گیراوان کە پێشتر لەبەردەم پەڕلەمانی کوردستان گردبوونەوە، نیگەرانن بە ڕاگرتنی جێبەجێ کردنی بڕیاری ئازادکردنی مەرجدار، چونکە بەهۆی ڕاگرتنی ئەو بڕیارە، دەبێ زیندانیکراوەکانيان چەند ساڵێکی تر لەزیندان بن.

دەشڵێن، ماوەی چەند ساڵێکە چاوەڕوانین زیندانیکراوەکانمان ئازاد بکرێن، بەڵام ناکرێت چەند ساڵێکی تر چاوەڕوان بین، ئێمەش خاوەنی منداڵین، داوا دەکەین حکومەت و ئەنجوومەنی دادوەری و پەڕلەمان گیراوەکانمان ئازاد بکەن.

بەهۆی ڕاگرتنی جێبەجێ کردنی بڕیاری ئازادکردنی مەرجدار، ژمارەیەک زیندانی لەچاکسازی هەولێر مانگرتنیان ڕاگەیاند و تائێستاش هیچ بڕیارێکی نوێ نیە بۆ دەست پێکردنەوەی جێبەجێ کردنی ئەو بڕیارە کە بۆ هەر زیندانیەک نزیکەی لە۲٥٪ کۆی ساڵەکانی زیندانی لێخۆشبوونیان بۆ دەردەچێت.

بەردەوام بە لە خوێندنەوە

کوردستان

لە پیرانشا و سەردەشت مەتر و نیوێك بەفر باریوە

خەڵك- بەشی هەواڵ

سەرۆكی ئیدارەی ڕێگەوبان و گواستنەوەی وشكانی پیرانشار وتی: بەرزایی بەفر لە مەودای پیرانشار – سەردەشت گەیشتە مەتر و نیوێك.

جەلال محەمەدی بۆ مێدیاكانی ئێران وتی : ئاستی بارینی بەفر كە شەوی یەكشەممە دەستی پێ كردووە، لە مەودای پیرانشار – سەردەشت و تەمەرچین – پیرانشار یەك مەتر و نیو بووە.

وتیشی : لە ئێستادا ڕێگەی تەمەرچین بۆ پیرانشار داخراوە و هێزەكانی ڕێگەوبان خەریكی كردنەوەی ئەو ڕێگەیەن.

محەمەدی پێداگری لەپێویستی خۆپاراستنی شۆفێرانی ناو جادە لە هاتوچۆ لە ڕێگەكانی پیرانشار تا كەمكردنەوەی كڕێوە و بارینی بەفر كردو، پێشبینیكرد بەفری زیاتر ببارێت.

بەردەوام بە لە خوێندنەوە

ئابوری

سەبارەت بە مووچە، دڵنیایی دەدرێتە مووچەخۆرانی هەرێم

خەڵك-بەشی هەواڵ

جێگری دووەمی سەرۆكی پەڕلەمانی عیراق ڕایدەگەیەنێت، موچەی هاوڵاتیانی هەرێمی كوردستان بە گویرەی بودجەی ساڵی ٢٠١٩ بەردەوام دەبێت.

بەشیر حەداد جێگری دووەمی سەرۆكی پەڕلەمانی عیراق لە ڕاگەیەنراوێكدا ئاماژە بۆ ئەوە دەكات، دڵنیاییەك لەبارەی مووچەی هاوڵاتیانەوە دەمێكە بڵاودەبێتەوە كە گوایە حكومەتی عیراق مووچەی فەرمانبەرانی هەرێم ڕادەگرێت، یەكەم شت خەڵكی خۆشەویستی هەرێمی كوردستان دڵنیا دەكەینەوە كە هیچ مەترسییەك لەسەر موچەكانیان نیە و ناشبێت.

وتیشی”مووچەی هاوڵاتیانی هەرێمی كوردستان بە گوێرەی بودجەی ساڵی ٢٠١٩ بەردەوام دەبێت، كەی بودجەی سالی ٢٠٢٠ هاتە پەڕلەمانی عیراق ئەوە بگرە هەوڵی زیادكردنیشی دەدەین نەك كەمكردنەوەی”ز

ئاشكراشیكرد، ئەو هەواڵانەی باس لە ڕاگرتنی مووچەش دەكەن جگە لە پڕوپاگەندە و ترس نانەوە هیچی دیكە نیە، ڕاستە بارودۆخی سیاسی و ئاسایشی عیراق تا ئاستێك خراپ بووە، بەڵام لە ڕووی ئابووریەوە عیراق لە هەناردەكردنی نەوت ڕانەوەستاوە، ئەمە لەكاتێكدایە عیراق خاوەنی یەدەگێكی باشی پارەیە كە مەزەندەی ٨٠ بۆ ١٠٠ ملیار دۆلاری ئەمەریكیە و هەر بەم بڕە پارەیەی دەتوانێ مووچەی خۆی بدات تاكو دۆخەكە ئاسایی دەبێتەوە.

دەشڵێت” دڵنیایی تەواو بە هاوڵاتیانی خۆشەویستی خۆمان دەدەین كە حكومەتی عیراق لە ناردنی مووچەی فەرمانبەران بۆ هەرێمی كوردستان بەردەوام دەبێت”.

بەردەوام بە لە خوێندنەوە

کوردستان