ئێمە لە تۆرە کۆمەڵایەتیەکان

جیهان

توركیا بۆ ئەمریكا: چاوەڕێی وەڵامی ئێوەین

خەڵك – بەشی هەواڵ

توركیا داوای لە ویلایەتە یەكگرتووەكانی ئەمریكا كردووە، هاوكارییەكانی بۆ كوردانی ڕۆژئاوا ڕابگرێت، چونكە بەردەوامی ئەو هاوكارییەكان مەترسی بۆسەر ئاسایشی نیشتمانی توركیا دروست دەكات.

مەولود چاوش ئۆغڵۆ وەزیری دەرەوەی توركیا لە كۆنگرەیەكی ڕۆژنامەوانیدا لە ئەنقەرەی پایتەختی وڵاتەكەی ڕایگەیاند، چاوەڕێین ئەمریكا وەڵامێكی ئەرێنی بۆ داواكارییەكەمان هەبێت و هەماهەنگ بێت لە ڕاگرتنی هاوكاریی و پشتگیرییەكان بۆ یەكینەكانی پاراستنی گەل (یەپەگە) لە ڕۆژئاوای كوردستان.

وەزیری دەرەوەی توركیا ڕاشیگەیاند، لێپرسراوانی ئەنقەرە چەندین جار بۆ ئەو بابەتە لەگەڵ لێپرسراوانی ئەمریكا كۆبوونەتەوە، بەتایبەت دروستكردنی ناوچەی ئارام لە باكوری سوریا و ڕاگرتنی هاوكارییەكان بۆ كوردانی سوریا، بەتایبەت یەكینەكانی پاراستنی گەل كە ئەمە داواكاری سەرەكی ئەنقەرە بووە، كە بەڕای توركیا مەترسی گەورەن بۆسەر ئاسایشی نیشتمانی ئەو وڵاتە.

جیهان

“واشنتۆن 20 هەزار سەرباز ڕەوانەی ئەوروپا دەكات”

خەڵك – بەشی هەواڵ

ئەمریكا بۆ دووپاتكردنەوەی پابەندبوونی بە ناتۆ 20 هەزار سەرباز ڕەوانەی ئەوروپا دەكات.

ژەنەڕاڵ باڕ سیگن فەرماندە لە سوپای ئەمریكا و سەرپەرشتیاری ئەركە سەربازییەكانی هاوپەیمانی باكووری ئەتڵەسی (ناتۆ) لە لێدوانێكدا بۆ میدیاكانی وڵاتەكەی ئاماژەی بەوەدا ئەمریكا بە نیازە لە نێوان مانگەكانی چوار و پێنجی ساڵی داهاتوودا 20 هەزار سەرباز ڕەوانەی ئەوروپا بكات.

ئەو ژەنەڕاڵە ئەمریكاییە ڕوونیشیكردەوە، ڕەوانەكردنی ئەو هێزانە بەمەبەستی ئەنجامدانی گەورەترین مەشقی سەربازییە لەسەر خاكی ئەوروپا لەدوای جەنگی ساردەوە و ئیدارەی واشنتۆن لە ڕێگای ئەو هەنگاوەوە پابەندبوونی ئەمریكا بە هاوپەیمانییەتی ناتۆوە دووپاتدەكاتەوە.

بەردەوام بە لە خوێندنەوە

جیهان

لاڤرۆڤ و پۆمپیۆ كۆبوونەوە

خەڵك – بەشی هەواڵ

لەدوای نزیكەی 2 ساڵ جارێكی تر سێرگی لاڤرۆڤ وەزیری دەرەوەی ڕوسیا سەردانی واشنتۆنی كرد و لەگەڵ مایك پۆمپیۆ وەزیری دەرەوەی ئەمریكا كۆبووەوە.

دوابەدوای كۆبوونەوەكەش هەردوولا كۆنگرەیەكی ڕۆژنامەوانی هاوبەشیان ریَِكخست و تیایدا مایك پۆمپیۆ وەزیری دەرەوەی ئەمریكا ڕایگەیاند: دەستتێوەردانی هیچ لایەك لە هەڵبژاردنەكانی 2020 ی ئەمریكادا قبوڵ ناكەن و هۆشداریشیدایە ڕوسیا سەربەخۆیی هەڵبژاردنەكان بپارێزن.

هاوكات، سێرگی لاڤرۆڤ وەزیری دەرەوەی ڕوسیا ئەو تۆمەتانەی ڕەتكردەوە و دووپاتیكردەوە، دەستتێوەردان لە سەروەری هیچ وڵاتێكدا ناكەن و داواشی لە هاوتا ئەمریكاییەكەی كرد پێكەوە سەبارەت بە ڕێگەنەدان بە هەڵگیرسانی جەنگ ڕاگەیەنراوێكی هاوبەش ئامادەبكەن.

لەبەشێكی تری وتەكانیدا لاڤرۆڤ باسی لە ڕێككەوتنە نێودەوڵەتییەكان لەبارەی سیستمی بەرگری و مووشەكی كرد و ڕایگەیاند: لەسەر بنەمای ڕێككەوتنی سۆڤییەت- ئەمریكا، پێشنیاردەكەن كە سەبارەت بە ڕێگەنەدان بە هەڵگیرسانی جەنگی ئەتۆمی ڕاگەیەندراوێكی هاوبەش ئامادەبكەن و هەردوولا دووپاتیان كردەوە، دۆخی سوریا بە چەك و جەنگ چارەسەر ناكرێت و دەبێت چارەسەری تر بدۆزرێتەوە.

بەردەوام بە لە خوێندنەوە

جیهان

توركیا.. دوو بومەلەرزە ڕوویاندا

خەڵك – بەشی هەواڵ

فەرمانگەی ڕووداوەكان و فریاكەوتنی توركیا ڕوودانی دوو بومەلەرزەی لە ڕۆژئاوای ئەو وڵاتە ڕاگەیاند.

فەرمانگەی ڕووداوەكان و فریاكەوتنی توركیا بڵاویكردەوە، ئەمڕۆ سێ‌ شەممە 11/12/2019 دوو بومەلەرزە ڕۆژئاوای توركیای هەژاندووە، كە یەكێكیان لە ناوچەیەكی ولایەتی بالكسیری داوە و گوڕەكەی 4,6 پلە بووە بە پێوەری ڕێختەر، سەبارەت بە بومەلەرزەی دووەمیش ئەمشەو لە دەریای ئیجە ڕوویداوە و گوڕەكەی 5,1 پلەی ڕێختەر بووە.

جێی ئاماژەیە، فەرمانگەی ڕووداوەكان و فریاكەوتنی توركیا سەبارەت بە زیانەكانی ئەو دوو بومەلەرزەیە هیچ زیانێكی گیانی و ماددی ئاشكرانەكردووە.

بەردەوام بە لە خوێندنەوە

کوردستان