ئێمە لە تۆرە کۆمەڵایەتیەکان

عێراق

ژنە پەڕلەمانتارێكی پێشوو زۆربوونی جیابوونەوەی هاوسەران دەخاتە ئەستۆی مەلاكان

خەڵك- بەشی هەواڵ
پەڕلەمانتارێكی خولی پێشووی پەڕلەمانی عیراق، هۆكاری بەرزبوونەوەی ڕێژەی جیابوونەوە لە شارەكانی عیراقدا ئاشكرا دەكات و پێیوایە، بە پلەی یەكەم مەلاكانن، كە لە دەرەوەی دادگاكان كچان مارە دەكەن.

ڕێزان شێخ دلێر، پەڕلەمانتاری خولی پێشووی پەڕلەمانی عیراق لە لێدوانێكیدا بۆ (خەڵك) ڕایگەیاند، “كچان ئەگەر 18 ساڵی تەواو بكەن دەتوانن هاوسەرگیری بكەن، ئەگەر 15 یان 16 ساڵبن، دەكرێت بە مۆڵەتی بەخێوكەر هاوسەرگیری بكەن ئەمە بەپێی یاسا، بەڵام كێشەكە لەوەدایە، كە لە دەرەوەی دادگاكان كچان مارە دەكرێن”.

بە وتەی ڕێزان شێخ دلێر، “كێشەكە ئەوەیە كاتێك مەلایەك دەچێت كچێكی 13 ساڵان یان 12 ساڵان یان هەندێك كات نۆ ساڵان مارە دەبڕێت، لەدواییدا كێشە دروست دەكات و سەرەنجام جیابوونەوەی لێ دروست دەبێت، ئەمە لە عیراقدا هەیە، بەڵام لە هەرێمی كوردستان یاساكە هەمواركراوە و ئەو جۆرە كارانە بە تاوان دادەنرێن”.

دەشڵێت: “لەهەرێمی كوردستان ئەگەر كچێك لە دەرەوەی دادگا مارە بكرێت و تەمەنی یاسایی تەواو نەكردبێت، مەلاكە، كە كارەی كردووە و باوكی و كەسوكاری و تەنانەت شاهیدەكانیش ڕووبەڕووی یاسا دەكرێنەوە، بەڵام لە عیراقدا ئەمە نییە و ئەوەڵ و ئەخیر، كە ڕێگە بە هاوسەرگرییەكی لەو جۆرە دەدات مەلایە”.

ئەو پەرلەمانتارەی خولی پێشووی پەڕلەمانی عیراق، بەپێویستی دەزانێت، مەلاكان لە عیراقدا هۆشیاربكرێنەوە بەوەی نابێت لە دەرەوەی دادگا ئەو گرێبەستی هاوسەرگیرییانە بكەن، بە تایبەت بۆ كچێك، كە تەمەنی زۆر منداڵ بێت.

دادگاكانی عیراق، لەڕێی ئاماری مانگانەی خۆیان، كە لەلایەن حكومەتەوە بڵاودەكرێتەوە، ئاماژەیان بە تۆماركردنی چوار هەزار حاڵەتی جیابوونەوە كردبووە لەماوەی مانگی حوزەیرانی ڕابردوودا، بەپێی ئامارەكەش لە پارێزگاكانی عیراق، جگە لە هەرێمی كوردستان، 4548 حاڵەتی جیابوونەوەیان تۆماركردووە، كە 3303 حاڵەتیان لە دەرەوە پەسەندكراون و 1245 حاڵەتیشیان بە حوكمی داوەری بوون.

بەپێی هەمان ئامار، هەر لەو ماوەیەدا، 20 هەزار و 412 گرێبەستی هاوسەرگیری تۆماركراوە، كە 16 هەزار و 942 گرێبەستیان لە چوارچێوەی دادگاكاندا بوون و 3570 گرێبەستیشیان لە دەرەوەی دادگا پەسەندكراون.

عێراق

وێنە.. 14 فیشەكیان نا بە كوڕەكەی وتەبێژی موقتەدا سەدر

خەڵك – بەشی هەواڵ

ژمارەیەك چەكداری نەناسراو لە هێرشێكدا لە بەغدا هەوڵی كوشتنی كوڕی جەعفەر موسەوی وتەبێژی موقتەدا سەدر سەرۆكی ڕەوتی سەدریاندا.

سەفا تەمیمی وتەبێژی سەرایا سەلام سەر بە ڕەوتی سەدر ڕایگەیاند، كوڕەكەی جەعفەر موسەوی وتەبێژی موقتەدا سەدر لە بەغدا ڕووبەڕووی هەوڵی كوشتن بووەتەوە.

وتەبێژی سەرایا سەلام ڕوونیشیكردەوە، چەكدارەكان 14 فیشەكیان ناوە بە ئۆتۆمبێلی كوڕی لێپرسراوەكەی ڕەوتی سەدرەوە.

سەفا تەمیمی وتیشی: “ئێستا كوڕەكەی موسەوی لە نەخۆشخانەیە و چارەسەردەكرێت”، بێ ئەوەی زانیاری زیاتر لەبارەی دۆخی تەندروستی ئاشكرا بكات.

بەردەوام بە لە خوێندنەوە

عێراق

عادل عەبدولمەهدی: لەناو خۆپیشاندەران گرووپی كوشتن هەیە

خەڵك – بەشی هەواڵ
سەرۆك وەزیرانی كاربەڕێكەری عیراق ڕایدەگەیەنێت، ڕووداوی وەسبە سەلمێنەری ئەوەیە، كە لەناو خۆپیشاندەران گرووپی كوشتن هەیە، دەشڵێت: “لە پێناو پاراستن و پاڵپشتیكردنی خۆپیشاندەران درێغی ناكەین”.

عادل عەبدولمەهدی، سەرۆك وەزیرانی كاربەڕێكەری عیراق ڕایگەیاندووە، كە ڕووداوی وەسبە سەلمێنەری ئەو ڕاستیەیە، كە لەناو خۆپیشاندەرانی عیراقدا گرووپی كوشتن هەیە.

ڕاشیگەیاندووە، لە هیچ جۆرە هەنگاوێك بۆ پاراستن و پاڵپشتی‌ كردنی خۆپیشاندەران درێغی ناكەین.

ئەمە لەكاتێكدایە، لە درێژەی ڕووداوە گومان لێ‌ كراوەكانی ناو عیراق، كە لە لایەن چەند كەسێكەوە ئەنجام دەدرێت، وێنەی كوژرانی گەنجێك و هەڵواسینی بەستوونێكدا لە مەیدانی وەسبەی بەغدا لە تۆڕە كۆمەڵایەتییەكان بڵاوكرایە و كاردانەوەی بەدوای خۆیدا هێنا.

بەردەوام بە لە خوێندنەوە

عێراق

زانیاری نوێ لەسەر هەوڵەكان بۆ دانانی سەرۆكوەزیرانی عیراق

خەڵك – بەشی هەواڵ
تا ئێستا خۆپیشاندەران و كوتلە سیاسیەكان نەگەیشتوونەتە رێككەوتن بۆ كاندیدكردنی كەسێك بۆ سەرۆكی حكومەتی كاربەرێكەری عیراق ، سیاسەتمەدارێكی كوریش دەڵێت،”گەر سەرۆكوەزیرانی ڕاسپێردراو جێی رەزامەندی هەموو لایەك نەبێت ، كێشە دروست دەبێت”.

د. مەحمود عوسمان ، سیاسەتمەداری كورد بە دەنگی كوردی ئەمریكای ڕایگەیاندووە، ئەركی سەرۆككۆماری عیراقە بە ڕاوێژ لەگەڵ كوتلەكان و خۆپیشاندەران ، كەسێك بۆ سەرۆكوەزیران دەستنیشان بكات، بەڵام ئەگەر سەرۆكوەزیرانی ڕاسپێردراو جێی ڕەزامەندی هەموو لایەك نەبێت كێشە دروست دەبێت.

لە تا ئێستا سەرۆككۆماری عیراق سەرقاڵی ڕاوێژكردنە بۆ دەستنیشانكردنی كاندیدێك بۆ سەرۆكوەزیران، كە جێی ڕەزامەندی لایەنەكان بێت، بەڵام لایەنە شیعیەكان نایانەوێت دەستبەرداری ئەو پۆستە بن و هەوڵی بەدەست هێنانەوەی دەدەن.

ئەمە لەكاتێكدایە، ئەمڕۆ هەینی محەمەد شەیاع سودانی، دەست لەكاركێشانەوەی لە حیزبی دەعوە و دەوڵەتی یاسا ڕاگەیاند، كە دەست لەكاركێشانەوەكەی دەبەسترێتەوە بە كاندیدكردنیەوە بۆ پۆستی سەرۆكوەزیران، لە ئێستاشدا باس لەوەدەكرێت دەستلەكاركێشانەوەكەی هەڵدانی باڵۆنە، تا بزانرێت كاردانەوەی خۆپیشاندەران چیە لەبەرامبەر كاندیدكردنی بۆ سەرۆكوەزیران.

بەردەوام بە لە خوێندنەوە

کوردستان