ئێمە لە تۆرە کۆمەڵایەتیەکان

کوردستان

لیژنە هاوبەشەكانی سلێمانی ئاماری مانگی ڕابردووی بڵاوكردەوە

خەڵك- بەشی هەواڵ

لیژنە هاوبەشەكانی قائیمقامییەتی سلێمانی ئاماری مانگی تەموز بڵاودەكاتەوە و بە پێی ئامارەكە لەماوەی ئەو مانگەدا لیژنەكان زیاتر لە چوار هەزار شوێنیان بەسەركردووەتەوە و یاساو ڕیێنماییەكانیش هەر شویێنك پابەندی مەرج و ڕێنماییەكان نەبێت، ڕووبەڕووی سزای ماددی و یاسایی دەكرێتەوە.

قائیمقامیەتی سلێمانی لە ڕاگەیەندراوێكدا كە وێنەیەكی بۆ (خەڵك) نێردراوە، نوسراوە”بەپێی ئامارەكەی لیژنەهاوبەشەكانی قائیمقامییەتی سلێمانی لە مانگی “7” تەموز لیژنەكان سەردانی چوار هەزار و “298” شوێنیان كردووە و لە پابەند بون و جێبەجێ كردنی مەرج و ڕێنماییە تەندروستیەكانیان كۆڵیوەتەوە, لە كۆی گەڕان و بەسەركردنەوەكانیان، بەهۆی پابەندنەبوون بە مەرج و رێنماییە تەندروستی و ڤێترنەرییەكانەوە (427) شوێن پسوڵەی سەرپێچیان بۆ كراوە و “857” شوێنیش ئاگاداركراونەتەوە كە پابەندی مەرج و رێنماییەكان بن و بەهۆی جۆرەكانی سەرپێچیەوە (27) شوێن داخراون و “16” شوێنیش بەهۆی قەبارەی ئەو سەرپێچیانەی كە كردوویانە رووبەڕووی دادگا كراونەتەوە.”

لە ئامارەكەدا هاتووە، لە مانگی تەموزدا بڕی 55 تۆن و پێنج سەدو نەوەد و حەوت كیلۆگرام مەوادو خۆراكی ماوەبەسەرچوو لە ناوبراوە ,كۆی گشتی پارەی غەرامەكراویش لەو مانگەدا بریتییە لە (23) ملیۆن و حەوسەد هەزار دینار كە بەپێی یاساو ڕێنماییەكانی وەزارەتی دارایی هەرێم دەخرێتەوە سەر داهاتی گشتی.

بە پێی ڕێنماییەكانی لیژنە هاوبەشەكان هەرشویێنێك پابەند نەبێت، سەرەتا ئاگادار دەكرێتەوە، دواتر سزای ماددی دەدرێن و لە ئەگەری دووبارەكردنەوەی سەرپێچیەكاندا ڕووبەڕووی داخستن یان دادگا دەكرێنەوە.
لیژنەهاوبەشەكانی قائیمقامیەتی سلێمانی ژمارەیان “36” لیژنەیەو بۆ پاراستنی تەندروستی هاوڵاتیان و داكۆكی كردن لە بەرژەوەندی گشتی رۆژ و شەو لە ئەرك و بەرپرسیارێتیدان .

کوردستان

بەهۆی بۆردوومانی فڕۆكەكانی توركیا لە سنووری گرێ سپی دوو هاووڵاتی شەهید بوون

خەڵك – بەشی هەواڵ

بەهۆی بۆردوومانی فڕۆكەی بێفڕۆكەوانی توركیا لە گوندەكانی ڕۆژئاوای شاری گرێ سپی ڕۆژئاوای كوردستان، دوو هاووڵاتی مەدەنی شەهید بوون و ژمارەیەكی تریش برینداربوون.

بەهۆی هێرشی فڕۆكەیەكی بێفڕۆكەوانی توركیا بۆسەر ئۆتۆمبێلێكی هاووڵاتیانی مەدەنی لەگوندی قەرەنفول لە ڕۆژئاوای گرێ سپی، دوو هاووڵاتی شەهید بوون و ژمارەیەكی تریش بریندار بوون و ڕەوانەی نەخۆشخانەكانی مەنبەج و كۆبانێ‌ كراون.

بەردەوام بە لە خوێندنەوە

کوردستان

خەبات.. كچە خوێندكارێك گیانیلەدەستدا

خەڵك – بەشی هەواڵ

لە شارۆچكەی خەباتی سەر بە پارێزگای هەولێر كچە خوێندكارێك لەكاتی دابەزین لەو پاسەی هاتوچۆی خوێندنگەی پێدەكات، بەهۆی بێ ئاگایی شۆفێری پاسەكەیەوە كەوتووەتە ژێر تایەی پاسەكە و دەستبەجێی گیانی لەدەستداوە.

مقەدەم فازڵ حاجی وتەبێژی پۆلیسی هاتوچۆی هەولێر لەلاپەڕەی تایبەتی خۆی لە تۆڕی كۆمەڵایەتی فەیسبوك بڵاویكردەوە: ئێوارەی ئەمڕۆ چوارشەممە 20/11/2019 لە شارۆچكەی خەبات خوێندكارێكی كچ بەهۆی بێ ئاگایی و خەمساردی شۆفێرەكەیەوە كە هاتوچۆی خوێندنگەی پێدەكات كەوتە ژێر تایەكانی ئەو پاسەی كە لێی دابەزیوە.

وتەبێژی پۆلیسی هاتوچۆی هەولێر ئاماژەی بەوەشداوە، بەهۆی ڕووداوەكەوە كچە خوێندكارەكە دەستبەجێ گیانی لەدەستداوە.

بەردەوام بە لە خوێندنەوە

کوردستان

“بێ‌ ڕێزی بەرامبەر لیژنەكانی تەندروستی دەكرێت”

خەڵك – بەشی هەواڵ
بەڕێوەبەرایەتی گشتی تەندروستی هەڵەبجە ڕایدەگەیەنێت، وەك ئەوەی تێبینی كراوە لە لایەن زۆرینــەی خاوەنكارەكانەوە بێ ڕێزی بەرامبەر ئەندامانی لیژنە تەندروستیەكان دەكرێت، دەشڵێت: “هەر خاوەنكــارێك بێ ڕێزی بەرامبەریان بكات ڕێكاری یاسایی توند لەدژیان دەگیرێتەبەر و ڕووبەڕووی یاسا دەكرێنەوە”.

بەڕێوەبەرایەتی گشتی تەندروستی هەڵەبجە لە ئاگادارییەكدا، كە وێنەیەكی بۆ (خەڵك) نێردراوە ڕایگەیاندووە، وەك هـەمـوو لایەكتان ئاگـادارن لیـژنەكانی چاودێری تەندروستی و خۆپاراستنی تەندروستی سەر بە بەڕێوبەرایەتیمان شەو و ڕۆژ بەبێ وچان و ماندوبوون بە سەرما و گەرما لە خزمەت هاووڵاتیاندان لە پێناو پاراستنی تەندروستیان.

ڕاشیگەیاندووە، وەك ئەوەی تێبینی كراوە لە لایــەن زۆرینەی خاون كارەكانەوە بێ ڕێزی بەرامـبـەر ئەندامانی لیژنە تەندروستیەكان دەكرێت، كە كوڕ و كچی ئەم شارەن.

جەختیشی كردۆتەوە، ئاگاداری تەواوی خاوەنكارەكان دەكەینەوە بۆ داهاتوو ئەگەر بێتو هەر خاوەن كـارێك بێ ڕێزی بەرامبەر بە ئەندامانی هەر لیــژنەیەك بكـات ئاوا ڕێكاری یاسایی توند دەگیرێتەبەر و ڕووبەڕووی یاسا دەبێتەوە.

بەردەوام بە لە خوێندنەوە

کوردستان