ئێمە لە تۆرە کۆمەڵایەتیەکان

عێراق

سوپای پاسداران دەخرێتە ئامادەباشییەوە

خەڵك –بەشی هەواڵ
فەرماندەیەكی سوپای پاسداران داوای ئامادەباشی هێزە چەكدارەكانی ئێران دەكات بۆ وەڵامدانەوەی هەڕەشەكانی نەیارانیان.

مەحمود تەشەكوری سكرتێری زاڵبوونی گشتی فەرماندەیی هێزە چەكدارەكانی ئێران لە ڕێوڕەسمێكی سەربازیدا ڕایگەیاند، هێزی چەكداری لە بەرەی پێشەوەی بەرەنگاربوونەوەی دوژمنانن و بەو هۆیە دەبێ لەوپەڕی ئامادەیی و زاڵبوونی هەواڵگرانە بن و لەو پێناوە دەبێ بە باشی دوژمن بناسن و ئاگاداری توانستە ناوخۆییەكانی وڵاتیش بن و خۆیان هاوسەنگ لە گەڵ هەڕەشە و ستراتژییەكانی دوژمن، ئامادەی بەرەنگاربوونەوە بكەن.

تەشەكوری لە درێژەدا بە ئاماژە بەوەی كە دوژمنان زۆر باش لە ورە و ئامادەیی هێزی چەكداری ئێران گەیشتوون، دەڵێت “دوژمنیش دەبێ بزانێت كە نابێ هەڕەشە لە دژی ئێران بكات و ئەگەر هەڕەشەیەكیش كرا دەبێ بزانێت كە وەڵامی توندی دەدرێتەوە، چونكە هێزی چەكداریی ئێمە لەوپەڕی دەسەڵات و ئامادەیی دایە”.

ڕاشیگەیاند، ئامادەیی ئەو پرێنسیپە گرینگەیە كە پێش لە دەستەوەستان بوون و ڕاچڵەكانمان دەگرێت و هەر بۆیە هێزی چەكداری دەبێ توانست و ئامادەیی خۆی بە ڕۆژ بكاتەوە و ئامادەی بەرەنگاربوونەوەی هەڕەشەكان بێت.

عێراق

وێنە.. 14 فیشەكیان نا بە كوڕەكەی وتەبێژی موقتەدا سەدر

خەڵك – بەشی هەواڵ

ژمارەیەك چەكداری نەناسراو لە هێرشێكدا لە بەغدا هەوڵی كوشتنی كوڕی جەعفەر موسەوی وتەبێژی موقتەدا سەدر سەرۆكی ڕەوتی سەدریاندا.

سەفا تەمیمی وتەبێژی سەرایا سەلام سەر بە ڕەوتی سەدر ڕایگەیاند، كوڕەكەی جەعفەر موسەوی وتەبێژی موقتەدا سەدر لە بەغدا ڕووبەڕووی هەوڵی كوشتن بووەتەوە.

وتەبێژی سەرایا سەلام ڕوونیشیكردەوە، چەكدارەكان 14 فیشەكیان ناوە بە ئۆتۆمبێلی كوڕی لێپرسراوەكەی ڕەوتی سەدرەوە.

سەفا تەمیمی وتیشی: “ئێستا كوڕەكەی موسەوی لە نەخۆشخانەیە و چارەسەردەكرێت”، بێ ئەوەی زانیاری زیاتر لەبارەی دۆخی تەندروستی ئاشكرا بكات.

بەردەوام بە لە خوێندنەوە

عێراق

عادل عەبدولمەهدی: لەناو خۆپیشاندەران گرووپی كوشتن هەیە

خەڵك – بەشی هەواڵ
سەرۆك وەزیرانی كاربەڕێكەری عیراق ڕایدەگەیەنێت، ڕووداوی وەسبە سەلمێنەری ئەوەیە، كە لەناو خۆپیشاندەران گرووپی كوشتن هەیە، دەشڵێت: “لە پێناو پاراستن و پاڵپشتیكردنی خۆپیشاندەران درێغی ناكەین”.

عادل عەبدولمەهدی، سەرۆك وەزیرانی كاربەڕێكەری عیراق ڕایگەیاندووە، كە ڕووداوی وەسبە سەلمێنەری ئەو ڕاستیەیە، كە لەناو خۆپیشاندەرانی عیراقدا گرووپی كوشتن هەیە.

ڕاشیگەیاندووە، لە هیچ جۆرە هەنگاوێك بۆ پاراستن و پاڵپشتی‌ كردنی خۆپیشاندەران درێغی ناكەین.

ئەمە لەكاتێكدایە، لە درێژەی ڕووداوە گومان لێ‌ كراوەكانی ناو عیراق، كە لە لایەن چەند كەسێكەوە ئەنجام دەدرێت، وێنەی كوژرانی گەنجێك و هەڵواسینی بەستوونێكدا لە مەیدانی وەسبەی بەغدا لە تۆڕە كۆمەڵایەتییەكان بڵاوكرایە و كاردانەوەی بەدوای خۆیدا هێنا.

بەردەوام بە لە خوێندنەوە

عێراق

زانیاری نوێ لەسەر هەوڵەكان بۆ دانانی سەرۆكوەزیرانی عیراق

خەڵك – بەشی هەواڵ
تا ئێستا خۆپیشاندەران و كوتلە سیاسیەكان نەگەیشتوونەتە رێككەوتن بۆ كاندیدكردنی كەسێك بۆ سەرۆكی حكومەتی كاربەرێكەری عیراق ، سیاسەتمەدارێكی كوریش دەڵێت،”گەر سەرۆكوەزیرانی ڕاسپێردراو جێی رەزامەندی هەموو لایەك نەبێت ، كێشە دروست دەبێت”.

د. مەحمود عوسمان ، سیاسەتمەداری كورد بە دەنگی كوردی ئەمریكای ڕایگەیاندووە، ئەركی سەرۆككۆماری عیراقە بە ڕاوێژ لەگەڵ كوتلەكان و خۆپیشاندەران ، كەسێك بۆ سەرۆكوەزیران دەستنیشان بكات، بەڵام ئەگەر سەرۆكوەزیرانی ڕاسپێردراو جێی ڕەزامەندی هەموو لایەك نەبێت كێشە دروست دەبێت.

لە تا ئێستا سەرۆككۆماری عیراق سەرقاڵی ڕاوێژكردنە بۆ دەستنیشانكردنی كاندیدێك بۆ سەرۆكوەزیران، كە جێی ڕەزامەندی لایەنەكان بێت، بەڵام لایەنە شیعیەكان نایانەوێت دەستبەرداری ئەو پۆستە بن و هەوڵی بەدەست هێنانەوەی دەدەن.

ئەمە لەكاتێكدایە، ئەمڕۆ هەینی محەمەد شەیاع سودانی، دەست لەكاركێشانەوەی لە حیزبی دەعوە و دەوڵەتی یاسا ڕاگەیاند، كە دەست لەكاركێشانەوەكەی دەبەسترێتەوە بە كاندیدكردنیەوە بۆ پۆستی سەرۆكوەزیران، لە ئێستاشدا باس لەوەدەكرێت دەستلەكاركێشانەوەكەی هەڵدانی باڵۆنە، تا بزانرێت كاردانەوەی خۆپیشاندەران چیە لەبەرامبەر كاندیدكردنی بۆ سەرۆكوەزیران.

بەردەوام بە لە خوێندنەوە

کوردستان