ئێمە لە تۆرە کۆمەڵایەتیەکان

عێراق

وێنە.. لە مەخمور 6 تیرۆریستی داعش كوژران


خەڵك – بەشی هەواڵ

وەزارەتی بەرگری عیراق ئاشكرایكرد، لە سنوری شارۆچكەی مەخمور 6 تیرۆریستی داعشیان كوشتووە.

وەزارەتی بەرگری عیراق لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردەوە، هێزەكانی فیرقەی 14ی سوپای عیراق بە هاوكاری هێزەكانی هاوپەیمانی نێودەوڵەتی دژی داعش و پاڵپشت بە زانیاری هەواڵگری، توانیویانە لە گوندی (ئەلسەمەر)ی سەر بە شارۆچكەی مەخمور 6 تیرۆریستی داعش بكوژن كە دوو لە كوژراوەكان سەركردە بوون.

وەزارەتی بەرگری عیراق ئەوەشیخستووەتەڕوو، لەو هەڵمەتەدا توانیوانە ژمارەیەكی زۆر چەك و تەقەمەنی تیرۆریستان لەناوببەن و هەڵمەتەكەشیان بەردەوام دەبێت.

 

عێراق

زورفی دەكشێتەوە و كازمی كاندید دەكرێت


خەڵك – بەشی هەواڵ
بڕیارە ئەمڕۆ پێنج شەممە عەدنان زورفی لە پێكهێنانی حكومەتی نوێی عیراق بكشێتەوە و دواتریش سەرۆكی دەزگای هەواڵگری بۆ ئەو ئەركە ڕابسپێردرێت.

ژمارەیەك ماڵپەڕی عیراقی بڵاویانكردەوە ئەمڕۆ عەدنان زورفی كشانەوەی خۆی لە پێكهێنانی حكومەتی نوێی عیراق رادەگەیەنێت.

هۆكاری ئەو هەنگاوەش بۆ ئەوە دەگەڕێتەوە كە زورفی نەیتوانی پشتیوانیی تەواوی هێزە شیعەكان بەدەستبهێنێت و بەو هۆیەشەوە كورد و سوننە پشتیوانییان نەكرد.

بڕیارە دوای كشانەوەی عەدنان زورفی، مستەفا كازمی سەرۆكی دەزگای هەواڵگری بۆ پێكهێنانی حكومەت رابسپێردرێت.

دوێنێش سەرۆكی هەرێمی كوردستان پشتیوانی هەرێمی بۆ كاندیدكردنی كازمی ڕاگەیاند.

بەردەوام بە لە خوێندنەوە

عێراق

هەڵوێستی سائیرون نازانن
دەوڵەتی یاسا بۆ (خەڵك): لەبارەی كاندیدی سەرۆك وەزیران ئێمە لەگەڵ زۆرینەداین


خەڵك-ئیدریس جەبار
سەركردەیەكی دەوڵەتی یاسا سەبارەت بە جێگرەوەی عەدنان زورفی ڕاسێردراو بۆ پێكهێنانی حكومەتی نوێ‌ ڕایدەگەیەنێت، ئەوان لەگەڵ زۆرینەدان، ڕەتیشیدەكاتەوە هیچ زانیارییەكی لەبارەی هەڵوێستی فراكسیۆنی سائیرون و ڕەوتی سەدرەوە هەبێت.

سەعد موتەڵیبی، سەركردە لە هاوپەیمانی دەوڵەتی یاسا لە لێدوانێكی تایبەت بە (خەڵك) ڕایگەیاند:”ئەوان لەگەڵ زۆرینەدان و زۆرینە ڕوو لە هەر ئاراستەیەك بكات ئەوان لەگەڵیدا دەبن و نایانەوێت كۆدەنگی و هەڵوێستی زۆرینە ببەزێنن”.

بە وتەی سەعد موتەڵیبی:”گەر زۆرینە لەسەر مستەفا كازمی یان عەدنان زورفی رێكبكەون، یان تەوافوق لەسەر یەكێكیان دروست ببێت و خواستی زۆرینەیان لەگەڵدا بێت لەسەر ئاستی فەزای نیشتمانی، ئەمە مەرجی هاوپەیمانی دەوڵەتی یاسایە و هیچ كێشەیەكیان لەو بارەیەوە نییە، لەگەڵ ئەمەشدا ئەوان پەیوەندییان لەگەڵ هەردوو كاندیدەكەدا باشە كە كەسانی نیشتمانپەروەر عیراقین”.

سەبارەت بەوەی لەئێستادا مستەفا كازمی تەوافوقی لەسەر كرابێت، سەركردەكەی دەوڵەتی یاسا ڕایگەیاند:”گەر ماڵی شیعە بە تەواوەتی لەسەر مستەفا كازمی رێكەوتن، ئەوا بەدڵنیاییەوە ئێمە پشتیوانی لێدەكەین و لەگەڵ ئەو ئاراستەیەدا ڕێدەكەین”.

سەعد موتەڵیبی لەبارەی هەڵوێستی ڕەوتی سەدر و فراكسیۆنی سائیرونەوە وتی:”ئێمە نازانیین هەڵوێستی ڕەوتی سەدر و سائیرون چۆنە، بۆیە چاوەڕوانیین ئەوان هەڵوێستی خۆیان ئاشكرابكەن، بەڵام هیواخوازین ئەوانیش هەڵوێستییان لەگەڵ لایەنەكانی تر بێت و پشتیوانی لە مستەفا كازمی بكەن ، بەڵام تائێستا هەڵوێستییان ڕوون نییە و ئەوەی لە میدیاكانیشدا بڵاودەبێتەوە بە هەند وەرناگیرێت و چاوەڕوانی هەڵوێستی فەرمی ئەوان دەكەین”.

 

بەردەوام بە لە خوێندنەوە

عێراق

بروسكەیەك دەنێرێت
سەرۆكایەتی پەرلەمانی عیراق سەرەخۆشی لە پێشمەرگە دەكات


خەڵك- بەشی هەواڵ
جێگری یەكەمی سەرۆكی پەرلەمانی عیراق، بروسكەیەكی سەرەخۆشی بۆ فەرماندەیی هێزەكانی پێشمەرگەی هەرێمی كوردستان دەنێرێت بەهۆی شەهیدبوونی دوو پێشمەرگە لە هێرشێكی چەكدارانی ڕێكخراوی داعش لە گەرمیان.

حەسەن كەعبی، جێگری یەكەمی سەرۆكی پەرلەمانی عیراق بروسكەیەكی سەرەخۆشی بۆ فەرماندەیی هێزەكانی پێشمەرگە نارد و لە بروسەكەكەدا ڕایگەیاند”دوژمنانی عیراق و بە تایبەت گروپە تیرۆیستەكانی داعش، پێكهاتەیەك یان لایەنێكی دیاریكراو ناكەنە ئامانج، بۆیە پێویستە كاریی هاوبەش هەبێت و هەوڵەكان لەنێوان هەموو هێزە ئەمنییەكان و هێزەكانی پێشمەرگە یەكبخرێن لە دژی جموجۆڵەكانی داعش”.

ئەو ئەندامەی سەرۆكایەتی پەرلەمانی عیراق دەڵێت:”پێویستە بائاگابین بەرانبەر بە گەڕانەوەی چالاكی شانە تیرۆریستییەكانی داعش كە پەلاماری لەناكاو لە دژی هێزە چەكدارەكان ئەنجام دەدەن”.

بە بۆچوونی كەعبی”داعش لەئێستادا هەوڵ و كۆششی هێزە ئەمنییەكانی بۆ بەگژداچوونەوەی مەترسی پەتای كۆرۆنا قۆستۆتەوە و دەیەوێت لەو كەلێنەوە چالاكی و جموجۆڵەكانی دەستپێبكاتەوە”.

شەوی ڕابردوو تیرۆریستانی داعش لە گوندی كوڵەجۆی سەر بە شارەدێی كۆكس لە گەرمیان، پەلاماری هێزەكانی پێشمەرگەیاندا و بەهۆیەوە دوو پێشمەرگەی لیوای پێنجی شارەزوور شەھید بوون و پێشمەرگەیەكی تر برینداربوو.

 

بەردەوام بە لە خوێندنەوە

کوردستان