ئێمە لە تۆرە کۆمەڵایەتیەکان

کوردستان

پڕۆسەی تەعریب كردنی كەركوك دەستی پێكردەوە


خەڵك – بەشی هەواڵ
ئەندامێكی خولی پێشووی پەڕلەمانی عیراق ڕایدەگەیەنێت، بەپێی ئامارێكی كۆمپانیای خۆراكی وەزارەتی بازرگانی عیراق لە مانگی یەك تا مانگی حەوتی ئەمساڵ 39 هەزار 268 هاووڵاتی لە نەتەوەی عەرەب گواستراوەتەوە بۆ سەر پارێزگای كەركوك.

محەمەد عوسمان، ئەندامی خولی پێشووی پەڕلەمانی عیراق لە پشكی یەكێتی لە هەژماری تایبەتی خۆی ڕایگەیاندووە، كۆمپانیای خۆراكی وەزارەتی بازرگانی عیراق ئامارێكی بڵاوكردۆتەوە، كە بەپێی ئامارەكە مانگی یەك تا مانگی حەوت-ی ئەمساڵ 39 هەزار و 268 كەس لە نەتەوەی عەرەب گواستراوەتەوە بۆ سەرپارێزگای كەركوك.

ڕاشیگەیاندووە، ئەم زیادكردنە پەیوەندی بە زیادكردنی ڕێژەی ئاسایی دانیشتوانی ئەسڵی شاری كەركوكەوە نیە.

ئەمە لەكاتێكدایە، كە لەدوای ڕووداوەكانی 16ی ئۆكتۆبەری ساڵی 2017وە، كە هێزەكانی پێشمەرگە لەو شارە كشانەوە، چەندین بەرپرسی كورد لە پۆستەكانیان دوورخراونەتەوە و بەهۆی باڵادەستی سوپای عیراق و حەشدی شەعبی چەندین هاووڵاتی عەرەب هێنراونەتە ئەو پارێزگایە و نیشتەجێ‌ كراون و ئەوەش كاریگەری لەسەر ژمارەی دانیشتوان دەكات.

کوردستان

تەندروستی هەولێر: 6 تووشبووى ڤایرۆسی كۆرۆنا چاكبوونەوە


خەڵك – بەشی هەواڵ

بەڕێوەبەرایەتی گشتی تەندروستی هەولێر لە ڕاگەیەنراوێكدا ڕایگەیاند: 6 نەخۆشیتر لە تووشبووان بە ڤایرۆسی كۆرۆنا COVID – 19 دوای وەرگرتنی چارەسەری پزیشكی بەتەواوی چاكبوونەوە و باری تەندروستیان تەواو جێگیر بووەتەوە، وە پشكنینی تایبەتی یەك لەدوای یەك بۆ ئەوان كراوە كە نێگەتیڤ بووە.

بەڕێوەبەرایەتی گشتی تەندروستی هەولێر ئاماژەی بەوەشداوە: لە ئێستادا كۆی گشتی چاكبووەوەكان گەیشتە 17() حەڤدە كەس.

دەقی ڕاگەیەنراوەكە:

ڕاگەیەندراوێك بۆ هاوڵاتیانی شاری هەولێری خۆشەویست

پێتان ڕادەگەیەنین كە ( ٦ ) شەش نەخۆشیتر لە تووشبوان بە ڤایرۆسی كۆڕۆنا COVID – 19 دوای وەرگرتنی چارەسەری پزیشكی بەتەواوی چاكبونەوە و باری تەندروستیان تەواو جێگیر بۆتەوە، وە پشكنینی تایبەتی یەك لەدوای یەك بۆ ئەوان كراوە كە نێگەتیڤ بوو.

كۆی گشتی چابوەكان گەیشتە ( ١٧ ) حەڤدە نەخۆش.

سوپاسی پابەندبوونتان دەكەین بۆ ڕێنماییە خۆپارێزییەكان، جێبەجێكردنی ڕێنماییەكان زامنی زاڵبوونمانە بەسەر ئەم پەتا جیهانیە.

زۆر سوپاسی ماندووبوونی تەواوی پزیشكان و كارمەندانی تەندروستی و تەواوی هێزەكانی ناوخۆ دەكەین كە پارێزگاری لە تەندروستی هاوڵاتیان دەكەن.

بەڕێوەبەرایەتی گشتی تەندروستی هەولێر
٣ نیسان ٢٠٢٠

بەردەوام بە لە خوێندنەوە

کوردستان

حكومەتی هەرێم: بۆ ماوەی 48 كاتژمێر هاتوچۆی ئۆتۆمبێل و پیادە و هەموو شوێنە ڕێپێدراوەكان ڕادەگیرێت


خەڵك – بەشی هەواڵ

حكومەتی هەرێم بڕیاریدا بۆ ماوەی 48 كاتژمێر هاتوچۆی ئۆتۆمبێل و پیادە و هەموو شوێنە ڕێپێدراوەكان ڕابگیرێت.

وەزارەتی ناوخۆی هەرێمی كوردستان لە ڕاگەیەنراوێكدا ڕایگەیاند: بۆ ماوەی 48 كاژمێر هاتوچۆی ئۆتۆمبێل و پیادە بەتەواوی قەدەغە دەكرێت و هەركەس سەرپێچی بكات سزادەدرێت و بڕیارەكەش لە كاتژمێر 12ی نیوەڕۆی ڕۆژی 4/4/2020 جێبەجێ دەكرێت.

لە بڕیارەكەی وەزارەتی ناوخۆدا هاتووە:”گشت ماركێت و نانەواخانەكان و ئەو شوێنانەی بۆ خزمەتی هاووڵاتییان ڕێگەپێدراون، دادەخرێن جگە لە دەرمانخانەی ئێشكگر كە كراوە دەبێت”.

لەبارەی دابەشكردنی مووچەی فەرمانبەرانیش ، لە بڕیارەكەی وەزارەتی ناوخۆدا ئاماژە بەوەكراوە، دابەشكردنی مووچە بەردەوام دەبێت بەمەرجێك وەزارەت و فەرمانگە پەیوەندیدارەكان پێویستە پێشوەختە هەماهەنگی تەواو لەگەڵ ژووری ئۆپراسیۆنەكان بكەن و لەكاتی وەرگرتنی مووچە مەودای دوو كەس لە دوو مەتر كەمتر نەبێت.

وەزارەتی ناوخۆ ئاماژە بەوە دەكات، هەر ئەفسەر و كارمەندێكی سەر بە هێزەكانی ئاسایشی ناوخۆ و ئاسایش و وەزارەتی پێشمەرگە و ئەو هێزانەی سەر بە هێزەكانی ئیتیحادیی عیراقن و لەناو هەرێمی كوردستان خزمەتدەكەن ئەگەر لە ئەركی فەڕمییدا نەبن و ئۆتۆمبێلی سەربازی یان ناسنامەی سەربازی بەكاربهێنن بۆ شكاندنی قەدەغەی هاتوچۆ، پێویستە لەلایەن هێزە ئەمنییەكانەوە دەستگیربكرێن.

وەزارەتی ناوخۆ دەڵێت بڕیارەكان بۆ ڕێگرتنە لە بڵاوبوونەوەی زیاتری ڤایرۆسی كۆرۆنا، هەر كەسێك سەرپێچی بكات دەستگیردەكرێت و ئۆتۆمبێلەكەی دەستی بەسەردا دەگیرێت.

 

بەردەوام بە لە خوێندنەوە

کوردستان

وەزارەتی كشتوكاڵ و سەرچاوەكانی ئاو توێكاری بۆ باڵندە مرداربووەكان دەكات


خەڵك – بەشی هەواڵ

دەیان باڵندەی سیقورینگ (قورینگ) لە چیای مامەڕووت لە شارەدێی قەسرێ مردارەوەبوون، وەزیری كشتوكاڵ و سەرچاوەكانی ئاویش ڤێتێرنەری وەزارەتی ڕاسپاردووە سبەینێ‌ لەتاقیگەی ناوەندی ڤێتێرنەری توێكاریان بۆ بكەن.

بێگەرد تاڵەبانی، وەزیری كشتوكاڵ و سەرچاوەكانی ئاو ڕایگەیاند: بەڕێوەبەرایەتی گشتی سامانی ئاژەڵ و ڤێتێرنەری وەزارەتمان ڕاسپاردووە بەدواداچوون و توێكاری بكەن بۆ مرداربوونی دەیان باڵندەی سیقورینگ (قورینگ) لەچیایی مامەڕووت لە شارەدێی قەسرێ.

وەزیری كشتوكاڵ و سەرچاوەكانی ئاو باسی لەوەشكردووە، سبەینێ‌ شەممە 4/4/2020 تیمی پزیشكی ڤێتێرنەری لە ڤێتێرنەری هەولێر بەهاوكاری قائیمقامییەتی شارۆچكەی چۆمان و ڤێتێرنەری چۆمان دەچنە شوێنەكە و دەست دەكەن بە بەدواداچوون، چەند لاشەیەك دەهێنەوە هەولێر لە تاقیگەی ناوەندی ڤێتێرنەری وەزارەتی كشتوكاڵ و سەرچاوەكانی ئاو توێكاریان بۆ ئەنجام دەدەن.

بێگەرد تاڵەبانی، وەزیری كشتوكاڵ و سەرچاوەكانی ئاو ئاماژەی بەوەشكردووە، محەمەد عەبدوڵا، لە ڕێكخراوی وارەمیر بۆ پاراستنی ژینگە سەردانی شوێنەكەی كردووە، دەستخۆشی لێ دەكەین و پێشمان وتوە هەماهەنگی لەگەڵ تیمی وەزارەت بكات بۆ بەدواداچوون لەپێناو گەیشتن بە ئەنجام.

بەردەوام بە لە خوێندنەوە

کوردستان