ئێمە لە تۆرە کۆمەڵایەتیەکان

کوردستان

فراكسیۆنی یەكێتی: دەبێت حكومەتی عیراق، قەرەبووی ئێزدیەكان بكاتەوە

 

خەڵك – بەشی هەواڵ

 

فراكسیۆنی یەكێتی نیشتمانی كوردستان، لە كۆنفرانسێكی رۆژنامەوانیدا، پاش ناساندنی رۆژی 3ی ئاب بە ڕۆژی جینۆسایدی ئێزدیەكان، ڕایگەیاند، پێویستە حكومەتی هەرێم هەوڵەكانی چڕ بكاتەوە بۆ پابەند كردنی حكومەتی عیراقی فیدراڵ تا قەرەبووی هاوڵاتیانی ئێزی بكرێتەوە.

 

فراكسیۆنی یەكێتی نیشتمانی كوردستان، ئەوەشیان خستەڕوو، ئەمرۆ پەڕلەمانی كوردستان یەك دەنگ و یەك هەڵوێست بوو، كە پێكەوە پڕۆژە بڕیاری بە جینۆساید ناساندنی ئەو تاوان و كۆمەڵكوژیانەمان پەسەند كرد، ئومێد دەكەین ئەم رۆژە ببێتە مایەی سارێژی زامەكانی برایانی كوردی ئێزدیمان و ئەو كەڵێنەیان بۆ پڕ بكەینەوە كە بەهۆی پەلامارەكانی داعش و كوشت و بڕیان بەسەریان هاتووە.

 

ئەوەشسان خستەڕوو دەبێت حكومەتی عیاقی لە ئازار و مەینەتییەكانی ئێزدیەكان تێبگات و قەرەبوویان بكاتەوە.

بە پێی ئامارەكانی نەتەوە یەكگرتووەكان 550 هەزار ئێزدی لە عیراقدا هەن، لە كۆی ئەو ئامارە 360 هەزار ئێزدی بەهۆی هێرشەكانی داعشەوە ئاوارە بوون لە 3ی ئابی 2014.

لە سەرەتای هێرشەكانیی داعشدا بۆ سەر شەنگال، هەزار و 293 ئێزدی شەهید بوون و 2745یش بێ دایكوباوك بوون.

لە ئەنجامی شاڵاوەكانی داعشدا بۆ سەر شەنگال، تاكو ئێستا 80 گۆڕی بە كۆمەڵ لە شەنگال دۆزراونەوە لەگەڵ دەیان گۆڕی تاك.

هاوكات ژمارەیەك مەزارگە و شوێنی ئاینیش كە زیاتر لە 68 شوێنن، وێران كراون و تەقێندراونەوە.

کۆنفڕانسی ڕۆژنامەوانی فڕاکسیۆنی یەکێتی

Posted by Xelk Media Network on Saturday, August 3, 2019

کوردستان

هەرێمی كوردستان هەل بۆ وەبەرهێنەرە ئیسپانییەكان دەڕەخسێنێت

خەڵك- بەشی هەواڵ

ئەمڕۆ نێچیرڤان بارزانی سەرۆكی هەرێمی كوردستان لەگەڵ باڵیۆزی ئیسپانیا لە عێراق خوان خوسیە ئیسكوبار و شاندێكی بازرگانیدا كۆبووەوە.

بەپێی راگەیەندراوی سەرۆكایەتی هەێمی كوردستان، نێچیرڤان بارزانی جەختیكردووە لەسەر پەرەدان بە پەیوەندییەكانی هەرێمی كوردستان و ئیسپانیا بە تایبەت لەلایەنی ئابووری و بازرگانییەوە.

وتیشی: هەرێمی كوردستان ئامادەیە بۆ پێشكەشكردنی سەرجەم پشتیوانی و كارئاسانی كەرتی تایبەت و وەبەرهێنەرانی ئیسپانی بۆ رەخساندنی هەلی كار و وەبەرهێنان لە هەرێم و بەشداریكردن لە كەرتی ئابووری لە كوردستان.

هەردوولایەن تاوتوێی رەوشی گشتی ناوچەكە، پرۆسەی سیاسی عێراق، پەیوەندییەكانی هەرێم و بەغدا و چارەسەركردنی كێشەكانیان، ڤایرۆسی كۆرۆنا و مەترسییەكانی تیرۆر و دۆسێ گرنگەكانی دیكەیان كرد.

بەردەوام بە لە خوێندنەوە

کوردستان

ئامادەكاری بۆ وەرزی نوێی كۆرۆنا و پەتا دەكرێت

خەڵك-ئارام سەردار

بەڕێوەبەری گشتی دیوانی وەزارەتی تەندروستی ڕایدەگەیەنێت، ئامادەكاری كراوە بۆ ئەم وەرزە، چونكە پێشبینی دەكرێت ژمارەی تووشبووان زیاتر بێت و تێكەڵ بێت لەگەڵ ئەنفلۆنزای وەرزی، بۆیە پێویستە هاوڵاتیان پابەندی ڕێنماییەكان بن.

خاڵس قادر، بەڕێوەبەری گشتی دیوانی وەزارەتی تەندروستی لەبارەی ئەگەرەكانی زیاتربوونی ژمارەی تووشبووانی كۆڕۆنا بە(خەڵك)ی ڕاگەیاند، تاوەكو ئێستا كۆڕۆنا لەكوردستان لەبڵاوبوونەوەی بەردەوامدایە، بەڵام لەپارێزگایەك بۆ پارێزگایەكی تر جیاوازە ئەگەر بەراوردی بكەین لەگەڵ هەفتەی ڕابردوو لەدهۆك زۆرترین حاڵەت تۆمار دەكرێت، هەولێر كەم بۆتەوە و لەسلێمانیش ماوەیەكی زۆرە كەم بۆتەوە دوای ئەوەی ژمارەی تووشبووان گەیشتە لوتكە، دەتوانین بڵێین بڵاوبوونەوەی كۆڕۆنا لەژێر كۆنتڕۆڵدا نییە و هۆكاری بەردەوامی بڵاوبوونەوەش بەهۆی پابەند نەبوونی هاوڵاتیان و كرانەوەی زۆر و ئاسایی بوونەوەی ژیانە، لەكاتێكدا پێشبینی دەكرا ژمارەكان كەمتر بن.

دەشڵێت: ڕاستە ئێستا ژمارەی تووشبووان كەمتر بووە لەهەندێ پارێزگا، چونكە خەڵكێكی زۆر تووشی بوون و ڕۆژانەش ژمارەی تووشبووان بەردەوامە و لەكۆی گشتی هەرێمی كوردستان ژمارەكان زۆرە و لەبڵاوبوونەوەی فراوانداین.

خاڵس قادر ڕونیشیكردەوە، كارێكی باشە خەڵك ترسی نەبێت، بەڵام پێویستە بەهۆشیاری مامەڵە بكرێت و ڕێنماییەكان جێبەجێ بكرێن، چونكە هەموو پەتایەك بڵاودەبێتەوە لایەنی ترس هەبێت خراپە، بەڵام ناشبێت بەسلبی مامەڵەبكرێت و دەمامك فڕێ بدرێت و قەرەباڵغی دروست بكەی، یان تەوقەبكرێت، بۆیە ژیان ئاسایی كردنەوە بە پابەندبوونی ڕێنماییەكانە.

باسی لەوەشکرد، هەماهەنگیمان کردوە لەگەڵ عێراق تاوەکو ڤاکسنی دژی ئەنفلۆنزای وەرزی بەردەست بێت بدرێت بەگروپە مەترسیدارەکان.

بەردەوام بە لە خوێندنەوە

ئابوری

بەگوژمەى ١٦٠ ملیۆن دینار پڕۆژەیەک لەهەولێر ئەنجامدەدرێت

هەولێر-ئارام سەردار

 

جێگری پارێزگاری هەولێر ڕایدەگەیەنێت، پڕۆژە خزمەتگوزاریەکان بەردەوامە و بەگوژمەی ١٦٠ ملیۆن دینار چەند شەقامێکی شارەدێی دارەتوو قیرتاو دەکەن.

مەسعود کاڕەش، جێگری پارێزگاری هەولێر بۆ کاروباری هونەری لەکۆنفڕانسێکی ڕۆژنامەوانیدا ڕایگەیاند، پڕۆژکان بەردەوامە لەسەرجەم سێکتەرەکانی ئاو و کارەبا و ڕێگاوبان و ئاوەڕۆ، ئەمڕۆش یەکێک لەپڕۆژەکانمان لەدارەتوو بەسەرکردەوە، کە بەهۆی نەبوونی بوودجە پڕۆژەی جووت سایدی ناو شارەدێی دارتوو وەستابوو، ئاستەنگی زۆری دروست کردبوو بۆ هاوڵاتیان، بەخۆشحاڵیەوە توانیمان بە گوژمەیەکی کەم تەواوی جووت سایدەکە قیرتاو بکرێت و هاوڵاتی سوودی لێ ببینن، کە گوژمەکەی نزیکەی ١٦٠ ملیۆن دینار بوو، دوو شەقامی تریشی لەگەڵ قیرتاو دەکەن.

دەشڵێت، لەپڕۆژەکان بەردەوام دەبن بەپێی بوودجەی بەردەست تاوەکو هاوڵاتیان سوودمەند بن لە پڕۆژەی خزمەتگوزاری ئاو وکارەبا و ڕێگاو بان لەشار و شارۆچکەکان، کۆمەڵێک پڕۆژەش لە بەرنامەدان ئەو شوێنانە قیرتاو دەکرێن کە پێویستن بەر لەوەرزی زستان.

 

سەبارەت بە کێشەی شکانی بۆڕی ئاوی ئیفرازو گرانکردنی نرخی تانکەری ئاو وتی، ئومێدمان وایە جارێکی تر ئەو بۆڕیە نەشکێت، ئەمجارەش بەهۆی گواستنەوەی بۆڕیەکە لەژێر ڕێگای گۆپاڵ وای لێهات و شکا، ئەوەی ڕوویدا ڕەنگە جارێکی تر بەم کاتە زۆرە ڕوونەداتەوە، دەشبێت نرخ بۆ تانکەرەکان دیاری بکرێت.

بەردەوام بە لە خوێندنەوە

کوردستان