ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

هاتوچۆ، سزایەكی نوێی بۆ شۆفێرانی ئۆتۆمبێلی بارهەڵگر دیاری كرد


خەڵك-بەشی هەواڵ

بەڕێوەبەرایەتی هاتوچۆی هەولێر ڕایدەگەیەنێت، ئەمڕۆ شەممە سزای ئەو شۆفێرە بارهەڵگرانە دەدەین كە پابەندی ڕێنمایی و یاساكانی هاتوچۆ نابن.

بەڕێوەبەرایەتی هاتوچۆی هەولێر لە ڕاگەیەندراوێكدا ئاماژە بۆ ئەوە دەكات، ئەمڕۆ شەممە 3-8-2019 دەست دەكرێت بەجێبەجێكردنی بڕیاری پابەندكردنی شوفێرانی بارهەڵگر بە ڕۆیشتن لەلای ڕاستی ڕێگا و بەخێراییەك كە زیاترینی (80) كیلۆمەتر لەكاتژمێرێكدا بێت لە شەقامی خێرایی (120) مەتری.

ڕوونیشیدەكاتەوە، پێشتر هاتوچۆی هەولێر بە بەردەوامی ئەو ڕێنماییانەی داوەتە شۆفێران، بەڵام بەهۆی پابەندنەبوونیان بڕیار درا بۆ لەمەودوا هەر شوفێرێك پابەندی یاساكە نەبێت بەبڕی (40000) دینار سزا دەدرێت بەپێی یاسای هاتوچۆ (ق26|ز) سەرپێچیكردنی بنەماكانی ڕۆیشتن لەشەقامی خێرا.

ئاشكراشیدەكات، بەپێی بنەماكانی ڕۆیشتن، ڕۆیشتنی بارهەڵگرەكان وەكو بەهێمای هاتوچۆش دیاریكراوە بەدرێژایی شەقامەكە لەلای ڕاستی ڕێگاكەوەیە بەخێراییەك كە لە (80) كیلۆمەتر لەكاتژمێرێك تێپەڕنەكات، هەروەها بۆشیان قەدەغەیە بۆ مانۆڕی تێپەڕاندنیش لەم خێراییە دیاری كراوە دەربچن.

هاتوچۆی هەولێر ڕاشیدەگەیەنێت، بۆ جێبەجێكردنی بڕیارەكە نەك تەنها كارمەندانی هاتوچۆ سزاكە جێبەجێ دەكەن، بەڵكو كامێراكانی چاودێریش خێراییەكە تۆمار دەكەن و سەرپێچیەكان تۆمار دەكەن.

ئۆتۆمبێل و تەکنەلۆژیا

زانكۆی كاسۆلیكی لە هەولێر CUE ماڵپەڕە نوێیەكەی دەخاتەكار


خەڵک

هاوكات لەگەڵ گەشەكردنی پڕۆسەی فێركردنی ئەلیكترۆنی بەهۆی بڵاوبوونەوەی ڤایرۆسی كۆرۆنا، زانكۆی كاسۆلیكی لە هەولێر، ماڵپەڕە ئەلیكترۆنییە نوێیەكەی دەخاتەكار cue.edu.krd

ماڵپەڕەكە دیزاینێكی جوان و تەكنیكێكی نوێی تێدا بەكارهاتووە، كە وا دەكات بەكارهێنانی ئاسان بێت و زیاتر سوودبەخش بێت، هەموو كەسێك دەتوانێ بەكاری بێنێ و تێیدا شارەزای زانكۆكە و بەشەكانی بێت و ئاگاداری خزمەتگوزاری و چالاكییەكانی بێت.

ئەم ماڵپەڕە نوێیە مینبەری فێركردنی ئەلیكترۆنیی Moodleی بۆ دانراوە لە ڕێگای ئەم بەستەرەوە: https://portal.cue.edu.krd
Moodle، سیستەمێكی ئیداریی فێركردنی زیاتر جەماوەرییە و لە جیهانیشدا زۆر بەكار دەهێنرێ (LMS)، چونكە چارەسەرێكی نەرم و كراوە و بەخۆڕاییە بۆ داونلۆدكردنی سیستەمی كارگێڕیی فێركردن.

لەگەڵ بڵاوبوونەوەی فێركردنی ئەلیكترۆنی لە هەموو جیهان، Moodle مینبەرێكە بەكارهێنانی ئاسانە، خزمەتی پێداویستییەكانی خوێندن و ڕاهێنانی فێرخوازان دەكات لە CUE كە باشترین و دیارترین خزمەتە لە بارودۆخی ئێستا. هەروەها سەردانكەران دەتوانن لەڕێی ئەم ماڵپەڕەوە، زانكۆكە بناسن و ئاگاداری كار و چالاكییەكان و فێرخوازان و بەشەكانی زانكۆ بن، ڤیدیۆی لەبارەی ناساندنی فێرخوازەكان تێدایە، كە لە ڕەگەز و ئاین و نەتەوەی جیاوازی عێراقیی ڕەسەن پێك هاتوون.

ئەمەش ئاماژەیە بۆ جوانیی سیاسەتی زانكۆكە، كە پابەندە بە جۆراوجۆرێتی و تێكەڵكردنی ڕەگەزە جیاوازەكان و قبووڵكردنی یەكتر. هەروەها چەند دەروازەیەكی تێدایە كە گرنگی بە كار و چالاكی و وۆركشۆپەكانی زانكۆكە دەدەن. پێناسەی خزمەتگوزاری و بەشەكانی ئێستای زانكۆی تێدایە و باسی ئەو بەشانەشی تێدایە كە بۆ ساڵی نوێ دروست كراون. لە ئایندەیەكی نزیكیشدا ماڵپەڕەكە كتێبخانەیەكی ئەلیكترۆنی دەكاتەوە، كە پڕ بێت لە سەرچاوە و كتێبی گرنگ و بەسوود، بۆ قوتابیانی زانكۆ و هەموو سەردانكەرانی دیكەی ماڵپەڕەكە.

جێی ئاماژەیە كە زانكۆی كاسۆلیكی، گرنگیی دەرفەتێكی نایابی خوێندنی باڵا بەرجەستە دەكات، سەرەڕای كرێیەكی گونجاوی ساڵانەی فێركردن، ئەو فێرخوازانەی پێویستیان بە پاڵپشتیی دارایی هەیە، CUE سیستەمێكی دارایی سەخاوەتمەندیان پێشكەش دەكات، بۆ ئەوەی كرێی خوێندنی پێ بدەن. هەروەها دەرماڵەیەكی تایبەتی خوێندنیش دەداتە ئەو فێرخوازانەی لە خانەوادەی شەهیدان و پێشمەرگەن.

جێی باسە، زانكۆی كاسۆلیكی لە هەولێر، دامەزراوەیەكی قازانجنەویستی خوێندنی باڵا و توێژینەوەی زانستییە، بڕوانامە لە بوارەكانی: كارگێڕیی كار، ژمێریاری، توێژینەوەی ڕۆژهەڵاتی، تەكنەلۆژیای زانیاری و پەیوەندییە نێودەوڵەتییەكان، بەنیازیشە بۆ ساڵی خوێندنی 2020-2021 بەشەكانی فراوان بكات، بەشە زانستییە پزیشكی و تەندروستییەكان، پزیشكیی گشتی و پزیشكیی ددان، لقی نوێی زانستە مرۆیی و كۆمەڵایەتییەكان، زانستە پەروەردەییەكان بە لقی جۆراوجۆر، دەرمانسازی و ئەندازیاری و لقەكانیان بكاتەوە. بڕوانامەكانی لە لایەن هەردوو وەزارەتی خوێندنی باڵا و توێژینەوەی زانستیی حكوومەتی هەرێمی كورستان و حكوومەتی فیدڕاڵی دانی پێدا نراوە.

سیستەمی خوێندن و فێركردن لەم زانكۆیە لەسەر زمانی ئینگلیزی بونیات دەنرێت، بۆ یارمەتیدانی فێرخوازانیش، زانكۆ پاڵپشتیی زمانەوانی لەپێش/یان لەمیانەی ساڵەكانی خوێندنی ئەكادیمی دەستەبەر دەكات. هەروەها ژینگەیەكی لێبوردەیی و جیاوازی ئەكادیمی هەیە، بەوپێیەی دامەزراوەیەكی ئەكادیمی كراوەیە و دابونەریتە جیاوازەكانی بواری خوێندنی باڵا دەپارێزێت و چاودێریی ئامادەكردنی نەوەی ئایندە دەكات، بۆ ئەوەی زانست و زانیاری و لێهاتوویی و شارەزایی پێویستیان بۆ ئامادە بكات، بەمەبەستی خزمەتكردنی كۆمەڵگای هەرێمی و نیشتمانی و نێودەوڵەتی.

زانكۆی كاسۆلیكی لە هەولێر، ئەندامی كیانی جیهانییە بۆ دامەزراوەكانی خوێندنی كاسۆلیكی، لەم سۆنگەیەشەوە هەوڵ دەدات بۆ هێنانی كەسانی پیشەگەر و زانای بەناوبانگی نێودەوڵەتی، بۆ ئەوەی فێرخوازەكانی هاوتای زانكۆ جیهانییەكان بن.

هەروەها دەرفەت بۆ فێرخوازەكانی دەڕەخسێنێ بۆ ئەوەی لەمیانەی پڕۆگرامی ئاڵوگۆڕیدا پەرە بە پەیوەندی و كارلێكەكانی لەگەڵ زانكۆ هاوبەشەكانی لە ئوستڕالیا، ئەوروپا و ویلایەتە یەكگرتووەكانی ئەمەریكا بدات.

بەردەوام بە لە خوێندنەوە

ئۆتۆمبێل و تەکنەلۆژیا

شارێکی ژاپۆن بەکارهێنانی تەلەفۆن لەکاتی رۆیشتندا قەدەغە دەکات


خەڵک

بەرپرسانی شاری یاماتۆ نزیك تۆکیۆ بەرنووسی بڕیارێکیان پێشنیارکردووە بۆ پەرلەمانی شارەکەیان بۆ قەدەغەکردنی بەکارهێنانی تەلەفۆن لەکاتی رۆیشتندا.

ماسائاکی یۆسۆمی بەرپرسێکی شارەکە دەڵێت؛ ژمارەی ئەو کەسانەی تەلەفۆنی مۆبایل بەکارئەهێنن زیادیکردووە و بە هۆیەوە ژمارەی ڕووداوەکانی هاتووچۆش زیاد بوون و ئەمانەوێت ڕێ لەو ڕووداوانە بگرین.

وتیشی ئەگەر هاتوو بڕیارەکە پەسەندبکرێت ئەوا دەبێتە یەکەم هەڵوێستی لەو جۆرە کە لە ژاپۆن کاری پێبکرێت.

ماسائاکی یۆسۆمی وتی: بەهیواین ئەو قەدەغەکردنە ببێتە مایەی ‌هۆشیارکردنەوەی خەڵك پەیوەست بەمەترسییەکانی بەکارهێنانی مۆبایل لەکاتی رۆیشتندا.

لەدرەرئەنجامی توێژینەوەیەك لەساڵی 2014، کە لەلایەن کۆمپانیای مۆبایلی “ئێن تی تی دۆکۆمۆ” دەرکەوتووە بەکارهێنەران لە کاتی بەکارهێنانی مۆبایلەکانیان ئاگایان لەڕێگەوبان نامێنیت لەو دەمەی چاویان لەسەر تەلەفۆنەکانیانە.

هەروەها لە ڕێگەی ئاپێکی تایبەتی کۆمپیۆتەرەوە بۆیان دەرکەوتووە لەو دەمەی هەزارو پێنج سەد کەس بیانەویت لە شەقامی قەڕەباڵغی “شێبۆیا” بەرەو ئەوبەری شەقامەکە بپەڕنەوە، ئەوا دوو لەسەر سێی ئەو ژمارەیە بەهۆی بەکارهێنانی مۆبایلەکانیانەوە تووشی ڕووداوی هاتووچۆ یان لەدەست بەربوونەوەی مۆبایلەکانیان ئەبن.

بەردەوام بە لە خوێندنەوە

ئۆتۆمبێل و تەکنەلۆژیا

كۆمپانیای “Baojun” هەرزانترین ئۆتۆمبێلی كارەبایی بەرهەمهێنا


خەڵك

كۆمپانیای “Baojun “ی چینی بەهاوبەشی لەگەڵ “SAIC-GM-Wuling” بۆ بەرهەمهێنانی ئۆتۆمبێلی قەبارەی بچووك و كارەبای و سەردەم، چارەسەری پاڵەپەستۆی شەقاك و بەهەدەردانی سووتەمەنی لەشارەكاندا دەكات لەڕێی ئۆتۆمبێلێكی بچوكی كارەبایی و كەم خەرج و هەرزان لە نرخدا.

ئۆتۆمبێلی (E300 – Baojun) ئۆتۆمبێلێكی قەبارە بچووكی كارەباییە، كە درێژییەكەی 2مەتر و 625 سانتیم و پانیەكەی 1 مەتر و 647 سانتم و بەرزیەكەی 1 مەتر و 588 سانتیمە.


ئۆتۆمبێلەكە بۆ هاتووچۆی نێو شارەكان شیاوە و ئاسانكاری دەكات لە ڕووی دروستنەبوونی قەرەباڵغی و پاڵەپەستۆی شەقام و پارككردن و ڕێگرتنی لەشەقامەكاندا كەمترین شوێنی دەوێت.

ئۆتۆمبێلی (E300 – Baojun) بە دوو شێواز بەردەست دەبێت چوار سەرنشینی و دوو سەرنشینی.


بزوێنەری ئەم بەرهەمە نوێیە، دۆستی ژینگەیە كە بەتوانای 39 و 55 ئەسپ بەردەست دەبن، باتریەكانیان لیسیۆمە و بۆ بڕینی 260كم – 305 كم، یەك جار بارگاویكردنەوەیان دەوێت.

وابڕیارە ئەم ئۆتۆمبێلە لە بازاڕەكانی چین و جیهاندا لە مانگی 9ی ئەمساڵدا بەردەست بێت بە نرخەكانی 7000$ تا 7700$ بە پێی تایبەتمەندی.

بەردەوام بە لە خوێندنەوە

کوردستان