ئێمە لە تۆرە کۆمەڵایەتیەکان

عێراق

حەلبوسی بۆ (خەڵك): تەنگژەكانی نێوان بەغدا و هەرێم ئاڵۆزتردەبن

خەڵك- ئیدریس جەبار
پەرلەمانتارێكی هاوپەیمانی قەراری عیراقی پێیوایە، تائێستا تەنگژەكان لەنێوان حكومەتی فیدراڵ و حكومەتی هەرێمی كوردستان لەسەر نەوت و بودجە بە چارەسەرنەكراوی ماونەتەوە و گەر ڕەوشەكە بەمشێوەیەی ئێستا بڕوات، تەنگژەكانی نێوانيان ئاڵۆزتردەبن.

هەیبەت حەلبوسی، پەرلەمانتاری هاوپەیمانی قەراری عیراقی، لە لێدوانێكی تایبەت بە (خەڵك) ڕایگەیاند:”لە پێنج شەممەی ڕابردوودا هەردوو وەزیری داراریی و نەوت بانگهێشتی پەرلەمان كران و پرسیارەكانی تایبەت بە ڕادەستنەكردنی 250 هەزار بەرمیلی هەرێمی كوردستان و ڕەوانەكردنی پشكی هەرێم لە بودجەدا لەلایەن وەزیری داراییەوە گفتوگۆیان لەسەركرا، دانیشتنەكەش چوار كاتژمێری خایەند كە تێیدا حەسەن كەعبی جێگری یەكەمی سەرۆكی پەرلەمان و سەرۆكی لیژنەی دارایی و سەرۆكی لیژنەی نەوت و وزە ئامادەی بوون”.

بە وتەی حەلبوسی:”وەڵامەكانی وەزیری دارایی لەبارەی پرسیارەكانەوە بۆ هەموو لایەنە بەشداربووەكانی دانیشتنەكە قەناعەتپێكراو نەبوون، بەڵام بە پێی قسەی وەزی دارایی و وەزیری نەوت، لیژنەی هاوبەش لەنێوان هەرێم و بەغدا پێكهێنراوە، لە چەند ڕۆژی داهاتووشدا كارەكانیان تەواو دەكەن، بەو هیوایەی ببێتە مایەی یەكلاكردنەوە و كۆتایی هێنان بەو بابەتە”.

هەر لەو بارەیەوە هەیبەت حەلبوسی وتی:”وەزیری دارایی لەسەر ئەو ڕێچكەیە ڕێدەكات كە عادل عەبدولمەهدی سەرۆكی ئەنجومەنی وەزیران دیاریی دەكات، چونكە عەبدولمەهدی فەرمانی كردووە و گڵۆپی سەوزی بۆ وەزیری دارایی هەڵكردووە، تا پشكی هەرێم لە بودجەدا خەج بكات”.

بە بۆچوونی حەلبوسی”تەنگژەكان ڕوو لەوەن زیاتر ئاڵۆزببن، بەڵام بە بۆچوونی فوئاد حسێن وەزیری دارایی و سامر غەزبان وەزیری نەوت، لەڕێی لیژنە هاوبەشەكانی نێوان هەرێم و حكومەتی فیدراڵەوە كۆتایی بەكێشەكان دێت، ئێمەش لای خۆمانەوە هیوادارین و هەوڵ دەدەین ئەو كێشانە چارەسەبكرێن”.

مەسرور بارزانی، سەرۆك وەزیرانی هەرێمی كوردستان، دوابەدوای وەرگرتنی پۆستەكەی و ڕاگەیاندنی كابینەی نۆیەمی حكومەتی هەرێم، بەسەرۆكایەتی شاندێكی باڵا لە 16ی تەمموزی 2019 سەردانی بەغدای كرد و لەگەڵ بەرپرسانی باڵای حكومەتی فیدڕاڵ گفتوگۆكانی بۆ چارەسەركردنی كێشە هەڵپەسێردراوەكانی نێوان هەرێم و بەغدا دەستپێكرد، هەر لەو پێناوەدا چاوەڕوان دەكرێت گەڕەكانی تری گفتوگۆكان لەماوەكانی داهاتوو لەنێوان هەرێم و بەغدا دەستپێبكەن.

عێراق

“شیعە 11 وەزارەت و سوننە 6 وەزارەت”
پشكی كورد لە حكومەتەكەی عەللاوی دیاریكرا

خەڵك- بەشی هەواڵ
سەرچاوەیەكی سیاسی ئاگادار ڕایدەگەیەنێت، كابینە وەزارییە نوێیەكەی محەمەد تۆفیق عەللاوی، سەرۆك وەزیرانی ڕاسپێردراو، 11 وەزارەت بۆ شیعە و 6 وەزارەت بۆ سوننە و 5 وەزارەت بۆ كورد لەخۆدەگرێت.

شاندێكی سیاسی هەرێمی كوردستان، كە لە نوێنەری (یەكێتی و پارتی و گۆڕان و كۆمەڵ و یەكگرتوو) پێكهاتوون لە ئێستادا لە بەغدان و گفتووگۆ لەسەر ماف و پشكی كورد لە كابینەكەی عەللاوی دەكەن و بڕیارە ئەمشەو كۆبوونەوەیەك لەوبارەیەوە لەگەڵ كوتلە عیراقییەكان ئەنجام بدەن.

ئەمڕۆ سێ‌ شەممە، سەرچاوەیەكی سیاسی ئاگادار بە ماڵپەڕی (الاخباریە)ی عیراقی ڕاگەیاندووە، “محەمەد تۆفیق عەللاوی، سەرۆك وەزیرانی ڕاسپێردراو، كابینە وەزارییەكەی تەواوكردووە و لە ماوەیەكی داریكراودا، كە ڕەنگە پێنج شەممەی داهاتوو ئەوپەڕی بێت، بۆ پەڕلەمانی ڕەوانە دەكات”.

بە وتەی سەرچاوەكە، “كابینە وەزارییەكە 11 وەزارەت بۆ شیعە و 6 وەزارەت بۆ سوننە و 5 وەزارەت بۆ كورد و وەزارەتێكیش بۆ كەمینەكان لەخۆدەگرێت، هەر لەو چوارچێوەیەدا 5 وەزیر لە كابینەكەدا هەڵگری دوو ڕەگەزنامەن و 5 وەزیری تر ژنن”.

پێشتر سەرچاوەیەكی سیاسی ڕایگەیاندبوو، ڕاگەیاندنی كابینە وەزارییەكە لەماوەی پێنج ڕۆژی داهاتوودا دەبێت.

 

بەردەوام بە لە خوێندنەوە

عێراق

فەتح: ڕازی نابین ناتۆ لەسەر خاكی عیراق بێت

خەڵك- بەشی هەواڵ
هاوپەیمانی فەتح، كە لەلایەن هادی عامرییەوە سەرۆكایەتی دەكرێت ڕایدەگەیەنێت، بڕیارەكەی پەڕلەمان بۆ دەركردنی هێزە بیانییەكان ڕوونە و پێویستی بە شیكردنەوە نییە، ڕەتیشیدەكاتەوە هاوپەیمانی باكووری ئەتڵەسی (ناتۆ)، لە وڵاتدا جێگەی هێزەكانی ئەمریكا بگرێتەوە.

حەسەن سالم، پەڕلەمانتاری هاوپەیمانی فەتح لە بەیاننامەیەكدا ڕایگەیاندووە، “بڕیارەكەی پەڕلەمانی عیراق بۆ دەكردنی هێزە بیانییەكان زۆر ڕوونە و پێویستی بە شیكردنەوە نییە، گواستنەوەی ئەركی ئەمریكاییەكانیش بۆ هاوپەیمانی ناتۆ، سەرپێچی بڕیارەكەی پەڕلەمانە”.

بە وتەی ئەو پەڕلەمانتارەی فەتح، “داواكارییەكانی ئەمریكا لەگەڵ بەدەركردنی بنكەی عەین ئەسەد و بنكەكانی تری هەرێمی كوردستان لە پاشەكشەكردنی هێزەكان، بازهەڵدانە بەسەر بڕیارەكەی پەڕلەمان، كە ئاماژە بە پاشەكشەكردن لە عیراق دەكات بەبێ‌ دابەشبوون یان دابەشكردنێك”.

حەسەن سالم داوای لە حكومەت كردووە،” بوێر و چاونەترس بێت و داواكارییەكەی ئەمریكا بۆ دانانی سیستمی پاتریۆت ڕەتبكاتەوە، كە خۆی لەخۆیدا گرتنەبەری ڕێوشوێنی بەرگرییە لە قەوارەی زایۆنیزم، ئەمەش مایەی نەنگییە عیراق ببێتە سوپەر بۆ بەرگری لە زایۆنیزمەكان”.

بەردەوام بە لە خوێندنەوە

عێراق

ناتۆ: پلانی زۆرمان لە عیراقدا هەیە

خەڵك- بەشی هەواڵ
نێردەی ناتۆ ڕایدەگەیەنێت، هاوپەیمانی باكووری ئەتڵەسی (ناتۆ)، پلانی زۆری هەیە بۆ ماوەكانی داهاتووی كاركردنی لە عیراق.

بەپێی بەیاننامەیەك، كە لەلایەن وەزارەتی بەرگری عیراقەوە بڵاوكراوەتەوە، “فەریقی یەكەمی ڕوكن، عوسمان غانمی، سوپاسالاری عیراق، چاوی بە جەنەڕاڵ جینی كاردینیا، سەرۆكی نێردەی ناتۆ بۆ عیراق كەوتووە و هەردوولا جەختییان لەسەر گرنگی ڕێككەوتنی نێوان حكومەتی عیراق و نێردەی ناتۆ كردۆتەوە، جگە لە ئەركەكانی نێردەكە و فراوانكردنی كارەكانی لە عیراق”.

بە وتەی سوپاسالاری عیراق وەك لە بەیاننامەكەدا ئاماژەی پێكراوە، “چاوپێكەوتن و كۆبوونەوەكانی پێشوویان بەشێوەیەكی زۆر بەڕێوەچوون، ڕاسپاردە و بڕیاری گرنگیش دەركران بۆ بەردەوامبوونی كاری نێردەی ناتۆ لە عیراق و فراوانكردنی كارەكانی بە تایبەتیش لە خوێندنگە سەربازییەكان و مەشق و ڕاهێنانە سەربازییەكان، وێڕای زیاكردنی كورسییەكانی عیراق بۆ چوونە دەرەوەی وڵات و وەرگرتنی ئەزموون و شارەزایی زیاتر و تێكەڵبوون بە سوپا پەرەسەندووەكان”.

لای خۆیەوە، جەنەڕاڵ جینی ڕایگەیاندووە، “نێردەی ناتۆ پلانی زۆری هەیە بۆ ماوەكانی داهاتوو، كە ئامانج لێیان فراوانكردن و پەرەپێدانی كارەكانییەتی لە عیراق”.

بەردەوام بە لە خوێندنەوە

کوردستان