ئێمە لە تۆرە کۆمەڵایەتیەکان

ئابوری

بانكی ناوەندی بڕێكی كەمتر دۆلار دەخاتە بازاڕەوە

خەڵك- بەشی هەواڵ
بانكی ناوەندی عیراق لەڕێگەی زیادكردنی ئاشكراوە بڕێكی كەمتر دراوی ئەمریكی (دۆلار)ی خستە بازاڕەكان، ئەمەش كاریگەری لەسەر بەرزبوونەوەی نرخی ئەو دراوە هەیە لە بازاڕەكانی ناوخۆدا.

بەپێی بەیاننامەیەكی بانكی ناوەندی عیراق، كە ئەمڕۆ پێنج شەممە بڵاوكرایەوە، بە زیادكردنی ئاشكرا بڕی 229 ملیۆن دۆلار بە بانك و كۆمپانیاكانی حەواڵە فرۆشراوە، ئەمەش بەراورد بەو بڕەی لە ڕۆژی پێشوودا فرۆشرا، كە 255 ملیۆن دۆلار بوو، دابەزينی بەرچاوی بەخۆوە بینیوە.

بانكی ناوەندی دەڵێت: “بڕی ئەو پارەیەی بۆ پتەوكردنی ڕەسیدی بانكەكانی دەرەوە فرۆشراوە، گەیشتۆتە 209 ملیۆن دۆلار، بڕی 19 ملیۆن دۆلاریش بەشێوەی كاش فرۆشراوە”.

هەر لە بەیاننامەكەی بانكی ناوەندیدا هاتووە، “یەك دۆلار بە 1190 دینار فرۆشراوە و لەو زیادكردنەشدا 31 بانك بەشدارییان كردووە”.

ڕۆژانە لەگەڵ زیادبوونی خستنەڕووی دۆلار لە بازاڕەكاندا، بەهای دۆلاری ئەمریكی دادەبەزێت و بەپێچەوانەشەوە بەهاكەی بەرزدەبێتەوە، ئەمڕۆش لە بازاڕەكانی ئاڵوگۆڕی دراو لە سلێمانی نرخی 100 دۆلار بە 120 هەزار و 100 دینار مامەڵەی پێوەكراوە.

 

ئابوری

پارتی: دەرماڵەی فەرمانبەران ڕێكدەخرێتەوە

خەڵك – بەشی هەواڵ
پڕۆژە یاسای چاكسازی ڕادەستی پەڕلەمانی كوردستان دەكرێت و پارتیش دڵنیایی دەداتە فەرمانبەران، كە دەرماڵەی یاسایی هیچ فەرمانبەرێك نابڕدرێت و تەنیا دەرماڵەكان ڕێكدەخرێنەوە.

زانا خالید، ئەندامی فراكسیۆنی پارتی لە پەڕلەمانی كوردستان بە ماڵپەڕی فەرمی حزبەكەی ڕاگەیاندووە، لەپڕۆژە یاسای چاكسازیدا بە هیچ شێوەیەك بڕینی دەرماڵەی فەرمانبەرانی هەرێمی تێدا نییە، بەڵكو ڕێكخستنەوەی دەرماڵە و بڕینی ئەو دەرماڵەیەیە، كە بە ناحەق وەردەگیرێت، لەبەر ئەوەش با فەرمانبەران دڵنیابن، دەستكاری ئەو دەرماڵانە ناكرێت، كە بە یاسا ڕێكخراون.

ڕاشیگەیاندووە، دەرماڵەی مەترسی لە هەندێك وەزارەت هەیە بۆ نموونە، لە كەرتی كارەبا و تەندروستیدا، بەشێك لە فەرمانبەرانی هەردوو كەرتەكە دەرماڵەی مەترسییان بۆ بەستراوە و هیچ كارێكی مەترسیداریش ناكەن.

ئاماژەی بۆ ئەوەشكردووە، مەبەست لە پڕۆژە یاسای چاكسازی بەرپاكردنی یەكسانی و چەسپاندنی عەدالەتە لە نێو حكوومەتدا، لەبەر ئەوەش، هەر مووچە و دەرماڵەیەكی یاسایی هەبێت دەستی بۆ نابرێت، بەڵام كە هەنگاو بەرەو یەكسانی دەنرێت، بێگومان هەندێك كەس گلەیی دەكەن، بۆ نموونە، بەهۆی مەترسی بۆسەر ژیانی ٣٠%ی دەرماڵەی مەترسی بۆ كارمەندێكی كارەبا خەرج دەكرێت، بەڵام ناكرێت فەرمانبەرێكی دیكەی كارەبا ئەو دەرماڵەیەی بۆ خەرج بكرێت، كە كاری كارەبا ناكات.

بەردەوام بە لە خوێندنەوە

ئابوری

یەكێتی: هەموو خانەنشینەكانی یەكێتی یاسای چاكسازی دەیانگرێتەوە

خەڵك – بەشی هەواڵ
سەرچاوەیەك لە فراكسیۆنی یەكێتی لە پەڕلەمانی كوردستان ڕایدەگەیەنێت، یەكێتی ترسی لە یاسای خانەنشینی نیە، هەموو خانەنشینەكانی یاساكە دەیانگرێتەوە، دەشڵێت: “یەك خانەنشینی یەكێتی نیە، كە لەدایكبووی 1973 بێت، بۆیە یەكێتی هیچ ترسێكی لە یاساكە نیە”.

سەرچاوەیەك لە فراكسیۆنی یەكێتی لە پەڕلەمانی كوردستان بە (خەڵك)ی ڕاگەیاند، ماوەیەكە زۆر باسی خانەنشینی دەكرێت، بە پێی یاسا تەمەنی 45 ساڵ دەتوانێت خانەنشین بێت بەو مەرجەی خزمەتی 15 ساڵی هەبێت، بۆیە دەبێت ئەوەی خانەنشین دەبێت نابێت لەدایكبووی 1972 كەمتر بێت بۆ ئەوەی یاساكە بیگرێتەوە.

ڕاشیگەیاند، ئەو كەسانەی یەكێتی خانەنشینی كردوون، هیچكامیان تەمەنیان لە 1972 بچوكتر نیە، هەمووی لە 1972 و گەورەترن، بۆیە بەپێی یاساكە خانەنشینانی یەكێتی هەموویان بڕیارەكە دەیانگرێتەوە و بێ كێشەن.

ئاشكراشیكرد، ئەگەر یاساكە جێبەجێ بكرێت یەك خانەنشینی یەكێتی مووچەی نابڕێت لەبەرئەوە یەكێتی ئەو قۆناغەی تێپەڕاندووە، هەموو خانەنشینەكانی یاساكە دەیانگرێتەوە.

بەردەوام بە لە خوێندنەوە

ئابوری

سەرچاوەیەك لە یەكێتی: دەرماڵەی فەرمانبەران دەبڕێت

خەڵك – بەشی هەواڵ
سەرچاوەیەك لە فراكسیۆنی یەكێتی نیشتمانی كوردستان ڕایدەگەیەنێت، پڕۆژەی چاكسازیەكەی حكومەت پەیوەندی بە ژیانی هەزاران خێزانەوە هەیە و بەوهۆیەوە دەرماڵەكانیان بە یاسا دەبڕێت، دەشڵێت: “هەندێك لە فراكسیۆنەكان بانگەشەی ئەوە دەكەن، كە دەرماڵە نابڕێت، باشە ئەی بۆ ئەو ماددەی تێدایە ڕێكخستنەوەی دەرماڵە، چ پێویستی بە یاسا هەیە؟”.

سەرچاوەیەك لە فراكسیۆنی یەكێتی لە پەڕلەمانی كوردستان بە (خەڵك)ی ڕاگەیاند، ئەو چاكسازیەی لە ئێستادا كراوەتە هەڵا لەسەری هی ئەوە نیە، چونكە پەیوەندی ڕاستەوخۆی بە ژیانی هەزاران خێزانی ئەم هەرێمەوە هەیە، كە بە دەرچوواندنی یاساكە دەرماڵەكانیان دەبڕێت.

وتیشی، “فراكسیۆنی یەكێتی پێشتر ئەوەی بۆ ڕای گشتی خستەڕوو، كە لە پڕۆژە یاساكەدا ماددەیەك هەیە بۆ ڕێكخستنەوەی دەرماڵە، پێم وایە ئەوە بۆ بڕینی دەرماڵەی هەزاران هاووڵاتی ئەم هەرێمەیە، ئەگەرنا پێدانی دەرماڵە بەیاسا نەدراوە تا یاسای بۆ دەربچوێنرێت، هەر فەرمانگەیەك لای خۆیەوە لە ڕێگەی بەڕێوەبەری كارگێڕی دەتوانێت دەرماڵەی ئەو فەرمانبەرە ببڕێت، كە شایەنی نیە”.

ڕاشیگەیاند، ئێمە ترسمان هەیە لەوەی پڕۆژەكە بێتە پەڕلەمان و دەنگی لەسەر بدرێت، هاووڵاتیانێكی زۆر دەرماڵەكەیان بەیاسا دەبڕێت، بەڵام هەندێك لە فراكسیۆنەكان بانگەشەی ئەوەدەكەن، كە دەرماڵە نابڕێت، ئەی بۆچی ئەو ماددە لە یاساكەدا هەیە؟

ئاشكرشیكرد، ئێمە پێش وەختە ئەوەمان بۆ هەموولایەك خستۆتەڕوو، لەكاتی گفتوگۆكانی لەسەر پڕۆژە یاساكە مەترسی خۆمان لەسەر ئەو ماددەیە دەخەینەڕوو، بەڵام بۆ ئەوەی نەبێتە هەڵا لەسەر فراكسیۆنی یەكێتی، كە دەنگی لەسەر درا ئێمەش دەنگی بۆ دەدەین، بەڵام ترسیشمان لەوە هەیە، كە باسمان كرد.

بەردەوام بە لە خوێندنەوە

کوردستان