ئێمە لە تۆرە کۆمەڵایەتیەکان

کوردستان

نەجمەدین كەریم بۆ هەڵبژاردنی داهاتوو لیست دروست دەكات

خەڵك- بەشی هەواڵ
بەرپرسی نووسینگەی پارێزگاری لەسەركالادراوی كەركوك ڕایدەگەیەنێت، نەجمەدین كەریم خواستی هەیە بەشداری لە هەڵبژاردنی ئەنجوومەنی پارێزگاكاندا بكات، كە وابڕیارە لە مانگی نیسانی داهاتوودا سازبكرێت.

نەشوان جەلال، بەپرسی نووسینگەی نەجمەدین كەریم، پارێزگاری لەكارلادراوی كەركوك لە بەیاننامەیەكی ڕۆژنامەوانیدا ڕایگەیاندووە، “نەجمەدین كەریم بەشداری لە هەڵبژاردنی ئەنجوومەنی پارێزگاكاندا دەكات لە كەركوك، بۆ ئەو مەبەستەش لەماوەی ڕابردوودا چاوپێكەوتن و كۆبوونەوەی زۆری لەگەڵ پێكهاتە و كەسێتییەكانی كەركوكدا ئەنجامداوە”.

بە وتەی نەشوان جەلال، “ئەو چاوەڕوانی ڕێنماییە تایبەتەكانی كۆمیسیۆنی باڵای سەربەخۆی هەڵبژاردنەكانە لەبارەی تۆماركردنی قەوارە سیاسییەكان، تا ئەو لیستە تۆماربكات، كە دەیەوێت لێوەی بەشداری لە هەڵبژاردنەكەی مانگی نیسانی 2020دا بكات”.

سەبارەت بە ئەگەری بەشداری نەجمەدین كەریم لەو هەڵبژاردنە، دوای ئەوەی تۆمەتێكی زۆری لەلایەن حكومەتی فیدڕاڵەوە ڕووبەڕووكرایەوە، بەرپرسی نووسینگەكەی دەڵێت: “زۆرێك لەو تۆمەتانەی ڕووبەڕووی دكتۆر نەجمەدین كەریم كرانەوە، تۆمەتێكی بێ‌ بنەمابوون و هەڵگری سیمای سیاسی بوون، بۆیە لەئێستادا كار بۆ چارەسەركردنیان دەكەین، بەر لەهاتنی وادەی هەڵبژاردنەكەش هیوامان وایە هەموویان چارسەربكرێن”.

لە 22ی ئایاری ڕابردوو، پۆلیسی ئینتەرپوڵ، نەجمەدین كەریمی لە بەیروت-ی پایتەختی لوبنان دەستگیركرد، بەڵام دواتر ئازادكرا.

کوردستان

هەرێم.. سزای لە سێدارەدان بۆ بكوژی پێنج ئەندامی خێزانێك دەركرا

خەڵك – بەشی هەواڵ

دادگای تاوانەكان لە شاری هەولێر، سزای لەسێدارەدانی بۆ بكوژی خێزانە كوردە پێنج كەسییەكەی ڕۆژئاوای كوردستان دەركرد.

برزۆ سەعید پارێزەری دۆسیەكە ڕایگەیاند، لە دادگای تاوانەكانی هەولێر، فەرمانی لەسێدارەدان بۆ تاوانباری سەرەكیی دۆسیەی كوشتنی خێزانەكەی گوندی (پیرڕەش)ی ڕۆژهەڵاتی شاری هەولێر دەركراوە.

برزۆ سەعید ڕوونیشیكردەوە، بڕیارەكە لە ماوەی 10 ڕۆژدا بەشێوەیەكی ئۆتۆماتیكی بۆ تەمیزكردنەوەی، ڕەوانەی دادگای تەمیزی هەرێمی كوردستان دەكرێت و ئەگەر لەوێوە پەسەند بكرێت، بۆ سەرۆكایەتیی هەرێمی كوردستان دەنێردرێت بە مەبەستی جێبەجێكردنی سزای لەسێدارەدانەكە.

جێی ئاماژەیە، ڕۆژی 3/10/2019 خێزانێكی پێنج كەسیی كوردی ڕۆژئاوای كوردستان، لە گوندی (پیرڕەش)ی ڕۆژهەڵاتی هەولێر تەرمەكانیان دۆزرایەوە كە دایك و باوك و سێ منداڵی بچوك بوون، دواتر هێزەكانی ئاسایشی هەولێر تاوانباری ڕووداوەكەیان دەستگیركرد كە ناوی (ف. ك. ڕ.)ە، دانی نا بە تاوانەكەیدا.

بەردەوام بە لە خوێندنەوە

کوردستان

تۆمەتبارێك لە هەولێر هەڵات و لە سلێمانی دەستگیر كرا

خەڵك- بەشی هەواڵ
بەڕێوەبەرایەتی پۆلیسی سلێمانی ئاشكرای دەكات، ئەو تۆمەتبارە دەستگیركرا، كە لەلایەن پۆلیسی‌ هەولێرەوە داواكراو بووە.

بەڕێوەبەرایەتی پۆلیسی سلێمانی لە ڕاگەیەنراوێكدا ئاماژەی بەوەكردووە، مەفرەزەكانی‌ بنكەی‌ پۆلیسی‌ بەردەقارەمان تۆمەتبارێكیان دەستگیركرد، كە لەلایەن دادگای‌ تاوانەكانی‌ هەولێر و بەڕێوەبەرایەتی‌ پۆلیسی‌ هەولێرەوە داواكراو بووە.

ڕاشیگەیاندووە، تۆمەتبار ناوی‌ (ع، ع، ف) بەڕەگەز كوردە و لەلایەن دادگای‌ تاوانەكانی‌ هەولێرەوە بەپێی‌ ماددەی‌ ٤٤٣ لەیاسای‌ سزادانی‌ عیراقی‌ داواكراو بووە.

پۆلیسی سلێمانی جەختیشی كردۆتەوە، پاش گرتنەبەری‌ ڕێكارە یاساییەكان، تۆمەتبار ڕەوانەی‌ پۆلیسی‌ هەولێر دەكرێتەوە.

بەردەوام بە لە خوێندنەوە

کوردستان

كچێك دوای ددان كێشان گیانی لەدەستدا

خەڵك- ئارام سەردار
ئەمڕۆ چوارشەممە ۱۱ی كانوونی یەكەمی ۲۰۱۹ كچێك دوای ئەوەی سەردانی نەخۆشخانەی سۆران دەكات بەمەبەستی ددان كێشان، بەڵام دوای دەرهێنانی ددانەكەی بەماوەیەك گیان لەدەست دەدات.

شەمال دێواری حامد، وتەبێژی پۆلیسی سۆران  بۆ (خەڵك) ئاماژە بۆ ئەوە دەكات، ئەمڕۆ دوای نیوەڕۆ كاتژمێر ۳:۳۰ خولەك ئاگادار كراینەوە بەبوونی ڕووداوێك، كەوا كچێك بەناوی (س.ع.ح ) دوای ئەوەی سەردانی نەخۆشخانەی سۆران دەكات بەمەبەستی ددان كێشان، بەڵام دوای دەرهێنانی ددانەكەی و گەڕانەوەی بۆ ماڵەوە، لەماڵەوە باری تەندروستی تێك دەچێت.

دەشڵێت: “دوای تێكچوونی دۆخی تەندروستی هێناویانەتەوە بۆ نەخۆشخانە، بەڵام بەداخەوە لەڕێگا گیانی لەدەست داوە”.

ئەوەش دەخاتەڕوو، كچەكە خەڵكی ناحیەی سیدەكانە و لەدایكبووی ساڵی ٢٠٠٤ە.

جەختیشی كردەوە، لەسەر فەرمانی دادوەری لێكۆڵینەوە تەرمەكە ڕەوانەی پزیشكی دادی سۆران كراوە و لێكۆڵێنەوە دەستی پێ كردوە.

بەردەوام بە لە خوێندنەوە

کوردستان