ئێمە لە تۆرە کۆمەڵایەتیەکان

کوردستان

سەردار عەبدوڵڵا: ئەوانەی ئێستا باسی كێشەكانی گۆڕان دەكەن پێشتر دژایەتی ڕەخنەگرتنی ناو بزوتنەوەكەیان دەكرد

خەڵك- بەشی هەواڵ

سەردار عەبدوڵڵا، سیاسەتمەتداری سەربەخۆ و سەرۆكی پێشووتری فڕاكسیۆنی گۆڕان لە پەڕلەمانی عیراق ڕایدەگەیەنێت، ئەوانەی ئێستا لە بزوتنەوەی گۆڕان ناڕازین و لە فەیسبوك و ڕاگەیاندن ڕەخنەی لێدەگرن، پێشتر دژایەتی دەنگە ڕەخنەگر و ئازاكانی ناو بزوتنەوەكەیان كردووە و بەوەش چەندین هەڵەیان بەسەرداهێناوە، كە حاڵی گۆڕانی گەیاندووەتە ئەم دۆخەی ئێستا.

سەردار عەبدوڵڵا لە وتارێكدا كە بۆ (خەڵك)ی ناردووە، نوسیویەتی”ئەم دۆخەی ئێستای بزوتنەوەی گۆڕان، خۆی هۆ نییە، بەڵكو دەرەنجامە. دەرەنجامی كەڵەكەبونی سیاسەتی هەڵە و بەتایبەتیش نەفەسی شەعبەوییە لە گوتار و رەفتاردا. لێرەدا بە پێویستی دەزانم ئەو وتەیەشم وەبیرتان بێنمەوە، كە دەمگوت “شەعبەویەت لە گەندەڵی ترسناكترە”. كە ئەو گوتار و رەفتارە شەعبەوییە سەردەمانێك شەقڵی سەرەكی زۆر لە هاوڕێیان بو، بەشێك لە ئێوەی بەڕێزیش، نەك هەر مومارەسەتان دەكرد، بگرە وەك سیمبولی ئەو قۆناغە هەمو شتێكیان قۆرخ كردبو. بەشێك بون لە پەلاماردان و تاوانباركردنی عەقلانییەت و بەمجۆرەش بون بەهۆی داڕشتن و پیادەكردنی دەیان سیاسەت و بڕیاری هەڵە، كە بەداخەوە بەشێكیان هەڵەی ستراتیژی بون”.

هەر لە نوسینەكەیدا ناوبراو باسی لەوەكردووە، هەندێك لەوانەی ئێستا ڕەخنە لە گۆڕان دەگرن، پێشتر بۆ خۆبردنەپێشەوە و پۆست وەرگرتن بوون بە بەشێك لە سەركوتكردن لەناو گۆڕاندا” ئەو كاتەی پێویست بو قسە بكەن، و تەنها لە ناو ئۆرگانەكانی بزوتنەوەكەدا، یان بە دۆستانە و شێوازی حیزبییانە لەگەڵ هاوڕێكانتاندا قسە بكەن، نەك هەر نەتانكرد، بەڵكو بەشێكتان ئەو دۆخەی دەقۆستەوە بۆ ئەوەی لەو رێگەیەوە خۆی بەرێتە پێشەوە. هەندێكتان بون بە بەشێك لە پرۆسەی ترسناكی سەركوتكردن و بێدەنگكردنی ئەو دەنگانەی دەگمەنانەی، مومارەسەی پرۆسەی رەخنەیەكی عەقلانی كە بەشێوازی ئوسوڵی و ئەخلاقی حیزبی دور لە هەڵڵای شەعبەویانەی سەر میدیا و فەیسبوكیان دەكرد”.

ئەو بەرپرسەی پێشووی گۆڕان داوایشی لە لایەنگرانی گۆڕان كردووە، جارێكی دیكە متمانە بەو كەسانە مەكەن، كە پێشتر چەواشەیان كردوون” ناچارم بێژم، كە بەشێك لەم بەڕێزانەی ئێستا قسە دەكەن لە قۆناغی تردا هەڵوێستی خۆنەویستییان بە ئێوە فرۆشت و گوتیان: ئێمە لە فڵان پۆست و پرۆسەی وەدەستهێنانی پۆست دەكشێینەوە. بەداخەوە كە ڕاستییە تاڵەكە ئەوەیە كاتی خۆی (موقایەزە) یەكیان خرایە پێش، كە ئەگەر ئێستا بكشێیتەوە، دواتر فڵانە پۆستت دەدەینێ، ئەمانەش یەك و دوان نین، بگرە زۆرن. لەمەش خراپتر، هەندێك لەم ئازیزانە دەیانەوێ دیسانەوە چەواشەتان بكەنەوە، بەوەی كه پرۆسەیەكی جیاكاریی دور لە راستیی مومارەسە دەكەن، بە هەوڵدانی پاككردنەوە و بە فریشتە ناساندنی هەندێك ناو و كەسی پێشتر لە بزوتنەوەكەتاندا بون.. تكایە ئازیزان، رێگەیان مەدەنێ جارێكی تر چەواشەتان بكەنەوە”.

کوردستان

پۆلیسی هەولێر، دوو كەسی بەتۆمەتی كوشتن دەستگیر كرد

خەڵك-بەشی هەواڵ

 

بەڕێوەبەرایەتی پۆلیسی هەولێر ڕایدەگەیەنێت، دوو كەسمان بەتۆمەتی كوشتن دەستگیر كردووە كە یەكێك لە تۆمەتبارەكان هاوسەرەكەی كوشتووە.

بەڕێوەبەرایەتی پۆلیسی هەولێر لە ڕاگەیەنراوێكدا ئاماژە بۆ ئەوە دەكات، دوای ئاگاداركردنەوەی پۆلیسی هەولێر بە بوونی تەرمێك لە شارۆچكەی عەنكاوە، تیمێكی لێكۆڵینەوە لە هەریەك لە بەشی نەهێشتنی تاوان و بەشی پۆلیسی چالاكییە مەدەنییەكان و بەشی پۆلیسی عەنكاوە/ بنكەی پۆلیسی حەدیاب و بنكەی پۆلیسی عەنكاوە پێكهێندرا، پاش گەیشتنیان بۆ شوێنی ڕووداوەكە، دەركەوت ئافرەتێك بەناوی (زەینەب)، تەرمەكەی فڕێدراوە لە شارۆچكەی عەنكاوە.
ئاشكراشیكرد، دوای لێكۆڵینەوەیەكی ورد و چڕ، توانرا بە كەمتر لە 7 كاتژمێر تۆمەتبار بەناوی (ع.س.ن) دوای چەندینجار بە چەكی كڵاشینكۆف دەستڕێژی گوللەی لە هێزەكانی پۆلیس كرد، بەڵام توانرا دەستگیر بكرێت و دانی نا بەتاوانەكەیدا كە هەڵساوە بە كوشتنی خێزانی خۆی بە گوللە.

ڕوونیشیكردەوە، توانرا تۆمەتبارێكی دیكە لەم ڕووداوە دەستگیر بكرێت بەناوی (هـ.م.ح)، پەڕاوی لێكۆڵینەوەیان بۆ ڕێكخرا و بەپێی ماددە (406) لە یاسای سزادان بەند كران.

بەردەوام بە لە خوێندنەوە

کوردستان

یاسین مەحمود پیرۆزبایی لە محەمەدی حاجی مەحمود دەكات

خەڵك-بەشی هەواڵ

 

سەرۆكی یەكێتی وەبەرهێنەرانی كوردستان ـ سلێمانی پیرۆزبایی لە سكرتێری حزبی سۆسیالیست دیموكراتی كوردستان دەكات.

یاسین مەحمود ڕەشید سەرۆكی یەكێتی وەبەرهێنەرانی كوردستان ـ سلێمانی بەبۆنەی ساڵیادی دامەزراندنی حزبی سۆسیالیست، بروسكەیەكی پیرۆزبایی ئاڕاستەی محەمەدی حاجی مەحمود دەكات و ئاماژە بۆ ئەوە دەكات، لە “44”ەمین ساڵیادی دامەزراندنی حزبی سۆسیالیست دیموكراتی كوردستان، بەناوی خۆم و هەڤاڵانم لە یەكێتی وەبەرهێنەرانی كوردستان پیرۆزبایی گەرمی خۆم ئاڕاستەی جەنابت و سەرجەم هاوڕێیانمان لە ئەنجومەنی سەركردایەتی و مەكتەبی سیاسی و دۆست و لایەنگرانتان دەكەین، و بەسەركەوتن و بەردەوامیتان ئاوات دەخوازین.

وتیشی”جەنابتان، لای ئێمە كەسایەتییەكی دیار و تێكۆشەرن و وەك وەبەرهێنێكی نموونەیی لێتان دەڕوانین و هەڵوێست و بۆچوونە نەتەوەیی و نیشتمانییەكانتان بۆ ئێمە ڕێچكە ڕێنیشاندەرە و هەمیشە بەبایەخەوە لێتان دەڕوانین.

بەردەوام بە لە خوێندنەوە

کوردستان

پەكەكە: یەكەم ئەندامی هێزی بەرگری ئاسمانیمان شەهید بوو

خەڵك – بەشی هەواڵ
پارتی كرێكارانی كوردستان ڕایدەگەیەنێت كە یەكەی بەرگری ئاسمانییان هەیە و یەكەم ئەندامی ئەو یەكەیەش لە كاتی ئەنجامدانی چالاكییەكدا شەهید بوو.

ئەمڕۆ یەك شەممە، هێزەكانی پاراستنی گەل باڵی سەربازی پەكەكە ڕایگەیاند شەوی ١٢ی تەموز دۆغان زیلان لە شاخی شەهید بێریڤانی حەفتانین بە کەرەستەیەکی ئاسمانی چالاکییەکییەکی سەرکەوتووانەی ئەنجام دا و لە کاتی چالاکییەکەدا شەهید بوو”.

بەڵام پەكەكە جۆر و چۆنێتی ئەو چالاكییەی ڕوون نەكردووەتەوە كە “یەكەی بەرگری ئاسمانی”ی هێزەكانیان ئەنجامی داوە.

پەكەكە ناسنامەی گەریلاكەی بەم شێوەیە ڕاگەیاندووە:

نازناو: دۆغان زیلان
ناو و پاشناو: هەدیە چەرچی
شوێن و ساڵی لە دایکبوون: موش – ١٩٩٤
ناوی دایک و باوک: پەریخان – ئەشرەف
کات و شوێنی شەهیدبوون: ١٢ی تەممووزی ٢٠٢٠ / حەفتانین

بەردەوام بە لە خوێندنەوە

کوردستان