ئێمە لە تۆرە کۆمەڵایەتیەکان

کوردستان

بەشێكی مامۆستایان لەسەر بڕیارێكی حكومەت هانا بۆ پەڕلەمان دەبەن

خەڵك- بەشی هەواڵ
بەهۆی بڕیارێكی حكومەتی هەرێمەوە بەشێكی مامۆستایان، كە هەڵگری بڕوانامەی باڵان هانا بۆ پەڕلەمانی كوردستان دەبەن و پەڕلەمانتارێك-یش دەڵێت: “سەرۆكی پەڕلەمانی بەڵێنی بەرزكردنەوەی داواكارییەكەی پێداون”.

بەپێی بڕیارێكی ئەنجوومەنی وەزیران و وەزارەتی خوێندنی باڵا ئەو مامۆستایانەی هەڵگری بڕوانامەی باڵان لە ماستەر و دكتۆرا دەگەڕێنرێنەوە بۆ سەر میلاكی وەزارەتی ئەوقاف و كاروباری ئایینی تا لەچوارچێوەی ئەو وەزارەتەدا خزمەت بكەن.

ئەبوبەكر هەڵەدنی، ئەندامی پەڕلەمانی كوردستان لە فراكسیۆنی یەكگرتوو بۆ (خەڵك) ئاماژەی بەوەكرد، كە ئەمڕۆ ژمارەیەك مامۆستا، كە هەڵگری بڕوانامەی باڵان لە ماستەر و دكتۆرا هاتنە لامان و داوایانكرد ئەو بڕیارەی حكومەتی هەرێم هەڵبوەشێندرێتەوە، كە تێیدا بڕیار دراوە بە گێڕانەوەیان بۆ سەر وەزارەتی ئەوقاف.

وتیشی، “ئەو مامۆستایانە سەر بە وەزارەتی خوێندنی باڵان و گرفتەكەیان ئەوەیە، كە بڕیار دراوە بگەڕێندرێنەوە بۆ سەر وەزارەتی ئەوقاف لەكاتێكدا ئەوانە مافی خۆیانە لەچوارچێوەی وەزارەتی خوێندنی باڵا سوود لە توانا و پسپۆڕیەكانیان وەربگیرێت و لە زانكۆ و پەیمانگاكانی هەرێم وانە بڵێنەوە”.

ڕاشیگەیاند، ئەو مامۆستایانە هاتنە پەڕلەمان و سەردانی سەرۆكی پەڕلەمان و لیژنەی یاساییان كرد و داواكاری خۆیان پێشكەش كرد و سەرۆكی پەڕلەمانیش بەڵێنی پێ‌ داون داواكارییەكەیان بۆ بەرزبكاتەوە بۆ لایەنی پەیوەندیدار.

بۆ وەرگرتنی زانیاری زیاتر (خەڵك) پەیوەندی كرد بە یەكێك لەو مامۆستایانەوە، بەڵام پەیوەندییەكەی بەردەست نەبوو.

جیهان

ڕۆژئاوای كوردستان.. ڕوسیا ناوچەی دژە فڕین دروست دەكات

خەڵك – بەشی هەواڵ

لەپاش ڕێككەوتنی هێزەكانی سوریای دیموكرات (هەسەدە) لەگەڵ حكومەتی سوریا بڕیارە ڕوسیا ناوچەی دژە فڕین لە ڕۆژئاوای كوردستان دروست بكات.

بابەك تەڤگایی نوسەر و ڕۆژنامەنووسی كەناڵی “بی بی سی” لە جریوەیەكدا لە تۆڕی كۆمەڵایەتی تویتەر ڕایگەیاندووە: لە سەركردەكانی هەسەدەوە بۆی پشتڕاست كراوەتەوە كە ڕوسیا ڕازی بووە ناوچەی دژە فڕین لە ڕۆژئاوای كوردستان دروستبكات و بەوەش فڕۆكەكانی توركیا چیتر ناتوانن ناوچەكە بۆردوومان بكەن.

هەر بەپێی سەرچاوەكانی هەواڵ، ڕوسیا فڕۆكەی جۆری Su-35S خستووەتە حاڵەتی ئامادەباشیەوە بۆ ڕوبەڕووبوونەوەی فڕۆكەی F-16C/Ds و F-4Es توركی.

ئەمەش پاش ئەوە دێت كە ئەمڕۆ بە نێوەندگیری ڕوسیا، هێزەكانی سوریای دیموكرات (هەسەدە) لەگەڵ حكومەتی سوریا ڕێككەوتن بۆ گەڕانەوەی سوپای سوریا بۆ ناوچە سنورییەكان و بەرپەرچدانەوەی هێرشەكانی توركیا.

بەردەوام بە لە خوێندنەوە

کوردستان

“بڕیارە لەم هەفتەیەدا شاندی هەرێم سەردانی بەغدا بكات”

خەڵك – بەشی هەواڵ

لێپرسراوی نوێنەرایەتیی حكومەتی هەرێمی كوردستان لە بەغدا ڕایدەگەیەنێت، چاوەڕواندەكرێت سەردانی شاندی هەرێم بۆ بەغدا لەم هەفتەیەدا ئەنجامبدرێت.

فارس عیسا لێپرسراوی نوێنەرایەتیی حكومەتی هەرێمی كوردستان لە بەغدا لەلێدوانێكی ڕۆژنامەوانیدا ڕایگەیاند، هەرچەندە پێشتر بڕیاردرابوو شاندێكی وزاری حكومەتی هەرێمی كوردستان سەردانی بەغدا بكات ڕۆژی سێ شەممەی هەفتەی ڕابردووش بۆ سەردانەكە دیاریكرابوو، بەڵام بەهۆی ئەو خۆپیشاندانانەی لە بەغدا دروستبوو سەرقاڵی لێپرسراوانی حكومەتی عیراق بەودۆخەوە سەردانی شاندەكەی هەرێم دواخرا بۆ ئەم هەفتەیە.

فارس عیسا وتیشی: “چاوەڕواندەكرێت لەم هەفتەیەدا شاندەكەی هەرێم سەردانی بەغدا بكات ئەویش دوای ئامادەیی بەرپرسانی حكومەتی عیراقی و گەڕانەوەی وەزیری دارایی حكومەتی عیراق كە ناوبراو لەئێستادا لە دەرەوەی وڵاتە و چاوەڕواندەكرێت لەدوو ڕۆژی داهاتوو بگەڕێتەوە و پێویستە شاندەكەی هەرێم لەگەڵ ئەویش گفتوگۆ بكەن”.

لێپرسراوی نوێنەرایەتیی حكومەتی هەرێمی كوردستان لە بەغدا ئاشكراشیكرد، “حكومەتی هەرێمی كوردستان ڕاپۆرتی بودجەی خەمڵێنراوی بۆ ساڵی 2020 بۆ ئێمە ڕەوانە كردووە وەكو نوێنەرایەتی حكومەتی هەرێم لە بەغدا تا ئێمەش بیدەینە حكومەتی عیراق و بەرچاو ڕوونی هەبێت بۆ گفتوگۆكان لەسەر بودجەی ساڵی داهاتوو ئەو داهاتەی هەرێمی كوردستان پێویستیەتی”.

بەردەوام بە لە خوێندنەوە

کوردستان

تەڤدەم هەوڵەكانی سەرۆك كۆماری عیراق بەرز دەنرخێنێت

خەڵك – بەشی هەواڵ

لە پەیوەندیيەكی تەلەفۆنیدا غەریب حەسۆ هاوسەرۆكی تەڤدەم لەگەڵ سالار مەحمود ڕاوێژكاری سەرۆك كۆماری عیراق د بەرهەم ساڵح، دۆخی مەترسیداری ڕۆژئاوای كوردستانى لەسەر خەڵكی سڤیل و ئەگەری كارەساتێكی گەورەتر ڕوونكردەوە.

هاوكات هاوسەرۆكی تەڤدەم، ڕۆڵی د. بەرهەم ساڵح سەرۆك كۆماری عیراقی لەمەڕ گرێدانی كۆبوونەوەی كۆمكاری وڵاتانی عەرەبی و پەیوەندییەكانی و هەڵوێستییان بۆ راگرتنی شەڕەكە بەرز نرخاند.

غەریب حەسۆ هاوسەرۆكی تەڤدەم هەروەها، داوای لە سەرۆك كۆماری عیراق كردووە كۆششی زیاتر بكات لە ئاستی نێودەوڵەتی تا ڕای گشتی دونیا بتوانن ئەو شەڕە نەخوازراوە و هێرشی توركیا ڕابگیرێت.

بەردەوام بە لە خوێندنەوە

کوردستان