ئێمە لە تۆرە کۆمەڵایەتیەکان

عێراق

نەتەوە یەكگرتووەكان: دەبێت داعشەكان وەك نازییەكان دادگایی بكرێن

خەڵك- بەشی هەواڵ
نێردەی نەتەوە یەكگرتووەكان بۆ لێكۆڵینەوە لە تاوانەكانی داعش لە عیراق، داوای پێكهێنانی دادگای تایبەت دەكات بۆ دادگایی كردنی داعشە دیلەكان و “داعشەكان بە هاوشێوەی نازییەكان” وەسف دەكات.

كەریم خان، نێردەی نەتەوە یەكگرتووەكان بۆ لێكۆڵینەوە لە تاوانەكانی داعش لە عیراق، لێدوانێكی ڕۆژنامەوانیدا ڕایگەیاندووە، “دەبێت دادگای تایبەتی هاوشێوەی دادگاكانی شاری نۆرمبێرگی ئەڵمانی، كە لە دوای دووەمین جەنگی جیهان دروستكران و تێیاندا لەساڵانی چل-ی سەدەی ڕابردوو سەركردە نازییەكان دادگایی كران، بۆ داعشە دیلەكان دروست بكرێن”.

بە وتەی كەریم خان، “گرتنەبەری ڕێوشوێنێكی لەو جۆرە، دەكرێتە ببێتە مایەی پوكانەوەی ئایدۆلۆژیای داعش، بە هەمان شێوە تاوانەكانی ڕێكخراوەكە بۆ جیهان ئاشكرا دەكات”.

عیراق بەشێوەیەكی نیمچە ڕۆژانە دادگایی كردنی چەكدارە دیلەكانی داعش بەخۆوە دەبینێت، كە حوكمی جیاجیایان بەسەردا دەسەپێنرێت لەنێوان زیندانی تاهەتایی و لەسێدارەدان و ڕاگواستنی تیرۆریستە بیانییەكان بۆ وڵاتەكانیان، تا لەو شوێنەی لێوەی هاتوون دادگایی بكرێن.

عێراق

عیراق.. وەزیری پێشووی كارەبا بەڕێوەبەرێكی گشتی هەمان وەزارەت گەشتی دەرەوەی وڵاتیان لێ قەدەغەكرا

خەڵك – بەشی هەواڵ

سەرۆكایەتی دادگای تێهەڵچوونەوەی بەغدا / كەرخ بەشی لێكۆڵینەوە لە دۆسیەی دەستپاكی بە نووسراوی ژمارە 1264 لە 12/8/2020 كەئاڕاستەی دەزگای هەواڵگری نیشتمانی عیراقی كردووە بڕیاری ڕاگرتنی گەشتی دەرەوەی وڵاتی لە وەزیری پێشووی كارەبا و بەڕێوەبەری گشتی فەرمانگەی دارایی و ئابووری لە وەزارەتەكە دەركرد.

بەپێی نووسراوەكە، دادگای عیراق بڕیاری قەدەغەی گەشتی دەرەوەی وڵاتی دەركردووە بۆ هەریەك لە لوئەی حەمید جەواد وەزیری پێشووی كارەبای عیراق و فەلاح سەعید دلێمی بەڕێوەبەری گشتی فەرمانگەی دارایی و ئابووری لە وەزارەتی كارەبا.

بەردەوام بە لە خوێندنەوە

عێراق

چەكی زۆری بەدەستەوەیە
عیراق باس لە وەڵامدانەوەی توركیا دەكات

خەڵك- بەشی هەواڵ
وەزارەتی دەرەوەی عیراق ڕایدەگەیەنێت، وڵاتەكەی چەكی زۆری بەدەستەوەیە بۆ وەڵامدانەوەی دەستدرێژییەكانی توركیا بۆسەر خاكی عیراق.

ئەحمەد سەحاف وتەبێژی وەزارەتی دەرەوەی عیراق لە لێدوانێكیدا بۆ كەناڵی (العراقیە)ی نیمچە فەرمی ڕایگەیاند:”عیراق چەكی زۆری بەدەستەیە بۆ مامەڵەكردن لەگەڵ توركیا، لەوانە بودجەی بازرگانی كە زیاترە لە 16 ملیار دۆلاری ساڵانە، دەیان كۆمپانیای توركی لە عیراقدان، وێڕای پەیوەندییە نێودەوڵەتییەكانی و قوڵایی عەرەبی كە عیراق هەیەتی”.

بە وتەی سەحاف”ئۆپەراسیۆنێكی وەك ئەو ئۆپەراسیۆنە، دەبێتە مایەی لەقكردنی سەقامگیریی لە ناوچەكە، لەگەڵ ئەوەشدا كاتێك عیراق بەشێوازێكی دیپلۆماسی لەگەڵ ئەو دوژمنكاریی و دەستدرێژیانەدا مامەڵە دەكات، مانای ئەوە نییە كە توانای چارەسەری نییە”.

وتەبێژی وەزارەتی دەرەوەی عیراق، ئاماژەی بە بوونی هەماهەنگی نێوان وەزارەتی دەرەوە و سێ‌ سەرۆكایەتییەكەش كرد، سەبارەت بە دەستدرێژییەكانی ئەم دواییەی توركیا.

سەحاف دەڵێت”ئێمە جەخت لەسەر بنەما دەستورییەكان دەكەین كە نابێت خاكی عیراق بكرێتە ڕێڕەو بۆ دەستدرێژكردنە سەر وڵاتانی دراوسی، لەگەڵ ئەوەشدا ڕەتیدەكەینەوە خاكی عیراق بكرێتە شانۆ بۆ ئەنجامدانی ئۆپەراسیۆنە سەربازییەكان “.

دوێنێ‌ سێ‌ شەممە، فڕۆكە بێفڕۆكەوانەكانی توركیا هێرشێكیان لەسەر سنوری عیراق ئەنجامدا و لە ئاكامدا پێنج كەس شەهیدبوون كە چەند فەرماندەیەكی پاسەوانی سنوری عیراق لەنێوانیاندا بوو.

سەرۆكایەتی كۆماری عیراق، ئیدانەی هێرشەكەی توركیای كرد بۆسەر ناوچەی سیدەكان لە هەرێمی كوردستان و بە پێشێلكارییەكی مەترسیدار بۆسەر سەروەریی خاكی عیراق ناوی برد.

بەردەوام بە لە خوێندنەوە

عێراق

ملیۆنێك كرێكاری بیانی لە عیراقدا هەیە

خەڵك- بەشی هەواڵ
لیژنەی كار و كاروباری كۆمەڵایەتی لە پەرلەمانی عیراق، ئاماژە بە بوونی ملیۆنێك كرێكاری بیانی دەكات لە عیراق، جەختیش لەسەر چاوخشاندنەوە بە ژمارەی كرێكارانی بیانی و سودوەرگرتن لە دەستی كاریی ناوخۆ دەكاتەوە.

فازڵ فەتلاوی ئەندامی لیژنەی كار و كاروباری كۆمەڵایەتی لە پەرلەمانی عیراق لە لێدوانێكی ڕۆژنامەوانیدا ڕایگەیاند”خۆپیشاندان مافێكی شیاوی هەموو عیراقییەكانە بۆ دەستخستنی هەلی كار و دامەزراندن لە فەرمانگە و دامەزراوەكانی دەوڵەت و كەرتی تایبەت”، داواشی لە حكومەت كرد، گوێ‌ بۆ داواكاریی خۆپیشاندەران بگرێت و بەدەم داخوازییەكانیانیەوە بچێت.

بە وتەی فەتلاوی”ملیۆنێك كرێكاری بیانی هەن لەو كۆمپانیایانەدا كاردەكەن لە عیراق، بە كۆمپانیا نەوتییەكانيشەوە”، ئاماژەی بە 90%ی كرێكارانی بیانيش كرد كە لە كۆمپانیا نەوتییەكاندا لە عیراق كاردەكەن و فرە نەژادن.

ئەو پەرلەمانتارە دەڵێت”ئەوان كاردەكەن بۆ داڕشتنی یاسایەك كە خزمەت بە هاووڵاتی بكات، لەڕێی بەگەڕخستنی كەرتی تایبەت و زامنكردنی مافی كارمەندان بۆ دۆزینەوەی هەلی كار بۆ دەرچوان و بێكاران، وێڕای چاوخشاندنەوە بە ژمارەی كرێكارە بیانییەكان لە وڵاتدا”.

بڵاوبوونەوەی بێكاریی لەنێوان عیراقییەكاندا، هەزاران كەسی لە تشرینی یەكەمی 2019وە ناچاركردووە خۆپیشاندانی ناڕەزایی دەرببڕێت سازبكەن و داوای هەلی كار و خزمەتگوزاریی و چاكسازیی بكەن لە وڵاتدا.

بەردەوام بە لە خوێندنەوە

کوردستان