ئێمە لە تۆرە کۆمەڵایەتیەکان

عێراق

عەبدولمەهدی پۆستێكی نوێ‌ دەداتە حەنان فەتلاوی

خەڵك- بەشی هەواڵ
وەك ڕاوێژكاری سەرۆك وەزیران بۆ كاروباری ژنان، محەمەد عەلی حەكیم، وەزیری دەرەوەی عیراق، پێشوازی حەنان فەتلاوی، سەرۆكی بزوتنەوەی ئیرادە دەكات.

بەپێی بەیاننامەیەكی وەزارەتی دەرەوەی عیراق، “محەمەد عەلی حەكیم چاوی بە حەنان فەتلاوی، ڕاوێژكاری سەرۆك وەزیران بۆ كاروباری ژنان كەوت، لەو چاوپێكەوتنەشدا وەزیری دەرەوە باسی لە ستراتیژی وەزارەتەكە و بنیتنانی پەیوەندییە دووقۆڵی و هەمەلایەنەكان كرد لەگەڵ وڵاتانی جیهان، ئەمەش بەپێی بەرنامەی حكومی، كە لەلایەن سەرۆكی ئەنجوومەنی وەزیرانەوە خراوەتەڕوو، وێڕای خستنەڕووی هەڵوێستی وەزارەتەكە، كە لە بنەڕەتدا گوزارشت لە هەڵوێستی عیراق دەكات بەرانبەر بە پرسەكانی ناوچەكە”.

هەر وەها حەكیم ئاماژەی بە ئاڕاستەكانی وەزارەتی دەرەوە كردووە لەڕووی “جێبەجێكردنی بەرنامەكانی بنیتنانی تواناكان و چالاكییەكان لەبارەی كاری دیپلۆماسی و بەتایبەتیش كارمەندە ژنەكان لە وەزارەتی دەرەوە”، باسی لە ئامادەیی و زیادبوونی ژنانیش كردووە و پشتیوانی لە خواست و كارامەیی ژنانیش كردووە بۆ هاتنە نێو مەیدانەكە و كاركردن لە بواری دیپلۆماسی عیراقی.

عێراق

عادل عەبدولمەهدی: گەندەڵیی حكومەتەكانی ڕابردوو ڕووبەڕووی ئێمە دەكەنەوە

خەڵك – بەشی هەواڵ
سەرۆك وەزیرانی عیراق ڕایدەگەیەنێت، ئەو گەندەڵییەی دامەزراوەكانی دەوڵەتی گرتووەتەوە بە درێژایی تەمەنی حكومەتەكانی ڕابردوو كەڵەكە بووە و حكومەتەكەی ئەو لێی بەرپرس نییە.

عادل عەبدولمەهدی سەرۆك وەزیرانی عیراق ئەمڕۆ سێ شەممە ڕایگەیاند، خۆپیشاندانەكان دەرفەتێكی باشبوو بۆ ئەنجامدانی چاكسازی ڕیشەیی لە وڵاتدا.

سەرۆك وەزیرانی عیراق وتیشی: هەڵمەتێكی فراوانمان بۆ چاكسازی ئەنجامداوە و لیژنەیەكیشمان بۆ ئەو توندوتیژانە پێكهێناوە كە ڕووبەڕووی خۆپیشاندەران كراوە.

عادل عەبدولمەهدی ئەوەشی خستەڕوو: ئەو گەندەڵییەی دامەزراوەكانی دەوڵەتی گرتووەتەوە وهەندێك لەكێشەكان و نەبوونی هەلی كار بۆ گەنجانمان، بە درێژایی تەمەنی حكومەتەكانی ڕابردوو كەڵەكە بووە و پەیوەندی بە ئێستاوە نییە و حكومەتەكەی ئەو لێی بەرپرس نییە.

بەردەوام بە لە خوێندنەوە

عێراق

پۆمپیۆ بۆ عەبدولمەهدی: چارەسەرێكی بەپەلە بدۆزەرەوە

خەڵك – بەشی هەواڵ

وەزیری دەرەوەی ئەمریكا لە پەیوەندییەكی تەلەفۆنیدا لەگەڵ عادل عەبدولمەهدی، كوشتنی خۆپیشاندەرانی عیراقی ئیدانە كرد و داواشیلێكرد كە چارەسەری بەپەلە بۆ داواكارییەكانی خۆپیشاندەران بدۆزێتەوە.

وەزارەتی دەرەوەی ئەمریكا ڕایگەیاند، ئەمڕۆ سێ‌ شەممە 12/11/2019، مایك پۆمپیۆ وەزیری دەرەوەی ویلایەتە یەكگرتووەكان پەیوەندییەكی تەلەفۆنیی لەگەڵ عادل عەبدولمەهدی سەرۆك وەزیرانی عیراق ئەنجامدا و پێی ڕاگەیاند:”خۆپیشاندانی ئاشتییانە فاكتەرێكی سەرەكی هەموو (ئەزموونە) دیموكراسییەكانە”.

لە پەیوەندییە تەلەفۆنییەكەدا پۆمپیۆ كوشتنی ئەو ژمارە زۆرەی خۆپیشاندەران و ڕووداوی ڕفاندنەكانی ئیدانەكرد.
وەزیری دەرەوەی ئەمریكا، عادل عەبدولمەهدی هاندا هەنگاوی بەپەلە بنێت بۆ چارەسەركردنی داواكارییە ڕەواكانی خۆپیشاندەران لە ڕێی ئەنجامدانی چاكسازی و چارەسەركردنی گەندەڵییەوە.

پۆمپیۆ پابەندبوونی ئەمریكاشی بە پشتیوانیكردنی عیراقێكی بەهێز و خاوەن سەروەری و پەرەسەندوویی دووپاتكردەوە، ئەویش لەسەر بنەمای ڕێككەوتنی ستراتیژی كە لە نێوان بەغدا و واشنتۆن واژۆ كراوە.

هەر لەو پەیوەندییە تەلەفۆنییەدا، وەزیری دەرەوەی ئەمریكا بەڵێنیشیدا، وڵاتەكەی بەردەوام بێت لە پشتیوانیكردنی هێزە ئەمنییەكانی عێراق لە جەنگی دژی داعشدا.

بەردەوام بە لە خوێندنەوە

عێراق

سائیرون بۆ (خەڵك): بەنێودەوڵەتیكردنی خۆپیشاندانەكان ڕەتدەكەینەوە

خەڵك- بەشی هەواڵ
هاوپەیمانی سائیرون، كە لەلایەن موقتەدا سەدر، ڕابەری ڕەوتی سەدرەوە سەرپەرشتی دەكرێت، ڕەتیدەكاتەوە ڕێگە بە نێودەوڵەتیكردنی خۆپیشاندانەكان بدرێت و پێیوایە پێویستە چارەسەرەكردنی كێشەكانی عیراق لەناوخۆدابن.

جەمال فاخر، پەڕلەمانتاری هاوپەیمانی سائیرون لە لێدوانێكی تایبەت بە (خەڵك) ڕایگەیاند، “بە هەموو شێوەیەك بەنێودەوڵەتیكردنی خۆپیشاندانەكان و كێشەكانی تری عیراق ڕەتدەكەینەوە، چونكە خۆمان دەتوانین كێشەكانی خۆمان چارەسەر بكەین و دەستوەردانی وڵاتانیش ڕەتدەكەینەوە”.

بە وتەی جەمال فاخر، “وێڕای ئەوەی نەتەوە یەكگرتووەكان ڕێكخراوێكی نێودەوڵەتی بێلایەنە، بەڵام عیراقییەكان دەیانەوێت بۆخۆیان كێشەكانیان چارەسەر بكەن، لە دوای 2003وە تائێستاش، ئەوان دژ بە هەموو دەستوەردانە ئیقلیمی و نێودەوڵەتییەكان بوون لە كاروباری ناوخۆی وڵات، چونكە عیراق وڵاتێكی سەربەخۆیە و پێویستە لەلایەن هەمووانەوە ڕێزی لێبگرێت”.

سەبارەت بە خۆپیشاندانەكانیش، پەرلِەرلەمانتارەكەی سائیرون وتی، “ئەوان وەك سائیرون پشتیوانی لە خۆپیشاندانەكان دەكەن و پێیانوایە هەموو داواكارییەكانیان ڕەوان، سەبارەت بە قوربانییەكانیش بەپێویستی دەزاین لێكۆڵینەوەیەكی هەمەلایەنە بكرێت بۆ ئاشكراكردن و بەسزاگەیاندنی ئەوانەی دەستیان لە كوشتن و برینداركردن و دەستدرێژكردنە سەر خۆپیشاندەراندا هەبووە”.

لە سەرەتای مانگی تشرینی یەكەمی ڕابردووەوە، تەوژمی خۆپیشاندان بەغدا و شارەكانی ناوەڕاست و باشووری عیراقی گرتۆتەوە، خۆپیشاندەران داوای چاكسازی و باشتركردنی ئاستی خزمەتگوزاری و بەگژداچوونەوەی گەندەڵی و دابینكردنی هەلی كار دەكەن، بەهۆی دروستبوونی پێكداهەڵپژانیش لەنێوان خۆپیشاندەران و هێزە ئەمنییەكان، تا ئێستا سەدان كەس كوژران و هەزارانی تریش برینداربوون.

بەردەوام بە لە خوێندنەوە

کوردستان