ئێمە لە تۆرە کۆمەڵایەتیەکان

عێراق

وەزارەتێكی عیراق دەیان هەزار پلەی دامەزراندنی ڕاگەیاند

خەڵك- بەشی هەواڵ

وەزارەتی خوێندنی باڵا و توێژینەوەی زانستی بە چەند قۆناغێك پلانی دامەزراندنی 85 هەزار مامۆستا و كارمەندی خوێندنی باڵایان هەیە.

قوسەی سوهەیل، وەزیری خوێندنی باڵای عیراق لە كۆبوونەوەیەكدا لەگەڵ لیژنەی خوێندنی باڵا و توێژینەوەی زانستی ڕایگەیاند، لەگەڵ كادیرە پێشكەوتووەكانی وەزارەت و بە ڕاوێژكردن لەگەڵ لیژنەی پەیوەنداری پەڕلەمان پلانێكی تۆكمەیان هەیە بۆ دامەزراندن، كە دەگاتە 85 پلەی دامەزراندن.

بە وتەی سوهەیلی ئەو وەزارەتی خوێندنی باڵای عیراق پێویستی بەو ژمارە مامۆستا و كارمەندە هەیە بۆ پڕكردنەوەی بۆشاییەكی گەورە كە لە وەزارەتەكەیدا دروستبووە.

عێراق

وردەكاری كۆبوونەوەكەی ئەمڕۆی نێوان سەرۆك كۆمار و فراكسیۆنەكان ئاشكرا دەكرێت

خەڵك- بەشی هەواڵ
ناوەڕۆكی كۆبوونەوەی سەرۆك كۆماری عیراق لەگەڵ سەرۆكی فراكسیۆنەكانی پەڕلەمانی عیراق ئاشكرا دەكرێت.

محەمەد خالیدی، ئەندامی پەڕلەمانی عیراق لە لێدوانێكی ڕۆژنامەوانیدا ڕاگەیاندووە، لە كۆبوونەوەی ئەمڕۆدا سەرۆك كۆمار و سەرۆكی فراكسیۆنەكانی پەڕلەمان گفتووگۆیان لەسەر ڕێوشوێنی دروستكردنی گەورەترین فراكسیۆنی پەڕلەمانی كردووە، لە هەمان كاتدا ئەو تایبەتمەندی و خەسڵەتانە تاوتوێكران كە پێویستە لە كاندیدی سەرۆكی حكومەتی عیراقدا هەبن.

بە وتەی خالیدی، “لە ڕۆژانی داهاتوودا كۆبوونەوەی تر سازدەكرێت بۆ دیاركردنی ئەو كەسەی، كە ڕەزامەندی لەسەر دەدرێت، تا ببێتە سەرۆك وەزیرانی عیراق”.

ئەمڕۆ دوو شەممە، بەرهەم ساڵح، سەرۆك كۆماری عیراق بۆ تاوتوێكردنی قۆناغی داهاتووی پڕۆسەی سیاسی، لەگەڵ سەرۆكی فراكسیۆنەكانی پەڕلەمانی عیراق كۆبووەوە.

عادل عەبدولمەهدی، سەرۆك وەزیرانی عیراق لە 29ی تشرینی دووەمی 2019، خواستی خۆی بۆ دەستلەكاركێشانەوە لە پۆستەكەی دەربڕی، لە 1ی ئەم مانگەشدا، نامەی دەستلەكاركێشانەوەكەی لەلایەن پەڕلەمانی عیراقەوە پەسەندكرا، ئەمەش لەكاتێكدایە، كە لە مانگی تشرینی یەكەمی ڕابردووەوە، خۆپیشاندانی ناڕەزایی بەغدا و شارەكانی تری ناوەڕاست و باشووری عیراقی گرتۆتەوە و ڕۆژ لە دوای ڕۆژیش ڕەوشەكە لە وڵاتدا ڕوو لە ئاڵۆزبوون دەكات.

بەردەوام بە لە خوێندنەوە

عێراق

هاوپەیمانی نەسر: لە عیراق كەلێنی ئەمنی دروست بووە

خەڵك- بەشی هەواڵ
پەڕلەمانتارێكی هاوپەیمانی نەسر دەڵێت،” ئێمە لە حاڵەتی تیرۆركردن و لە حاڵەتی لەناوبردنی خۆپیشاندەران و دروستكردنی كوشتارگەكانداین لە گۆڕەپانەكانی خۆپیشاندان، لەئێستادا لە عیراق كەلێنی ئەمنی دروست بووە”.

نەدا شاكر جەودەت، پەڕلەمانتاری هاوپەیمانی نەسر بە (خەڵك)ی ڕاگەیاند، “لەئێستادا گروپە چەكدارەكان بەوپەڕی ئازادییەوە كوشتارەگە بۆ خۆپیشاندەران دروست دەكەن و هێزە ئەمنییەكان و سەركردە ئەمنییەكان هیچ ڕۆڵێكیان نییە بۆ ڕێگرتن لەو ڕووداوانە، بۆیە دەكرێت بڵێین وڵات ڕووەو ئاقارێكی نادیار مل دەنێت، ئێمەش نازانین چی ڕوودەدات”.

سەبارەت بە ڕەوشی ئێستای عیراق، پەڕلەمانتارەكەی هاوپەیمانی نەسر دەڵێت: “لەئێستادا ململانێكان بەردەوامن لەنێوان ئەو پرەنسیپانەی پڕۆسەی سیاسییان لەسەر دروست بوو لەگەڵ ئەو فراكسیۆنە سیاسییانەی، كە هەوڵ دەدەن داواكارییەكانی خۆيان و داواكاری خۆپیشاندەران بهێنێتەدی، لەڕێی دروستكردنی پێكهاتەیەكی نوێ‌، كە جێگەی ڕەزامەندی شەقامی عیراقی بێت”.

سەبارەت بە ڕەوشی ئەمنی، بە وتەی نەدا شاكر جەودەت، “ڕەوشی ئەمنی دەكرێت بڵێین بە تەواوەتی لەژێر كۆنتڕۆڵ دەرچووە، بەو پێیەی ململانێكان بەردەوامن و كوشتن بەردەوامە بەوپەڕی خوێن ساردییەوە بەردەوامە دژ بە خۆپیشاندەران، ئەمەش بەڵگەیە لەسەر ئەوەی وەزارەتی ناوخۆ و لایەنە ئەمنییەكان، دەستەوستانن لە كۆنتڕۆڵكردنی ڕەوشی ئەمنی وڵات و پاراستنی ئەو خۆپیشاندەرانەی، كە تەنیا ئاڵایەكییان بەدەستەوەیە، ئایا هێزە ئەمنییەكان ناتوانن ئەوانە لە گۆڕەپانی تەحریر و گۆڕەپانی وەسبە و گۆڕەپانی خەڵانی بپارێزن؟”.

میدیاكانی عیراق دەڵێن، بەهۆی هێرش و پەلاماردانی خۆپیشاندەران لە شەوی هەینی ڕابردوو لە گۆڕەپانی خەڵانی و پردی سنەك لە بەغدا لەلایەن ژمارەیەك چەكداری دەمامكدارەوە، 21 كەس كوژران و 123 كەسی تر برینداربوون، كۆمسیۆنی باڵای مافەكانی مرۆڤیش هۆشداری دابوو لەبارەی داڕوخانی ڕەوشی ئەمنی لە وڵاتدا.

بەردەوام بە لە خوێندنەوە

عێراق

ئەیاد عەللاوی: خۆپیشاندانەكان مێژووی عیراق دەگۆڕن

خەڵك- بەشی هەواڵ
سەرۆكی هاوپەیمانی وەتەنیە، باس لە جوڵاندنی چەند كەیسێك دەكات لە دژی چەند بەرپرسێكی عیراقی، كە دەستیان لە كوشتن و سەركوتكردنی خۆپیشاندەراندا هەبووە و پێیوایە، خۆپیشاندانەكانی ئێستا مێژووی عیراق دەگۆڕن.

ئەیاد عەللاوی، سەرۆكی هاوپەیمانی وەتەنیە، لە لێدوانێكی ڕۆژنامەوانیدا ڕایگەیاندووە، “كاردانەوەی نێودەوڵەتی بەرانبەر كوشتارگەكەی سنەك و خەڵانی ئابڕووبەرە، عیراق لەئێستادا هاوشێوەی كەشتییەكی گڕگرتووە و ڕووبەڕووی نقومبوون دەبێتەوە بەهۆی بەردەوامبوونی كوشتن و بڕینی هاووڵاتیان”.

بە وتەی عەللاوی، “ناكرێت خراپی بەڕێوەبردن بەسەر هەموو چینە سیاسییەكەی ئێستادا گشتگیر بكرێت، بەڵكو بەشێك لە پڕۆسەی سیاسی خراپ بووە و بەشەكەی تر بە دڵسۆزییەوە كار دەكات”.

بە بۆچوونی سەرۆكی هاوپەیمانی وەتەنیە، “خۆپیشاندانەكانی ئێستا، بوومەلەرزیەكی بێ‌ پێشینەیە و مێژووی عیراق دەگۆڕن تەنانەت ئەگەر هەموو ئاكامە خوازراوەكانیش نەهێننەدی”.

بەردەوام بە لە خوێندنەوە

کوردستان