ئێمە لە تۆرە کۆمەڵایەتیەکان

ئابوری

نرخی بەنزین بۆ 250 دینار و غاز بۆ 3 هەزار دینار هەرزان دەبێت؟

خەڵك- بەشی هەواڵ
بەپێی هەواڵێك، كە لە بەشێك لە میدیا عیراقییەكان و تۆڕە كۆمەڵایەتییەكان لە هەرێمی كوردستان بڵاوكراوەتەوە، بە بڕیاری سەرۆك وەزیرانی عیراق نرخی بەنزین و غاز و پسووڵەی نەخۆشخانە هەرزان دەبێت و لە قەرزەكانی ئاو و كارەبای هاووڵاتیان-یش خۆشدەبن، بەڵام بەپێی بەدواداچوونەكانی (خەڵك) هیچ بڕیارێكی لەو شێوەیە لەلایەن حكومەتی عیراقییەوە نەدراوە.

بەپێی هەواڵێك، كە (سەماوە حەدەس)ی عیراقی بڵاویكردۆتەوە، عادل عەبدولمەهدی، سەرۆك وەزیرانی عیراق ڕەزامەندی دەربڕیوە لەسەر داشكاندنی نرخی غازی ماڵان بۆ هەر بتڵێك ٣٠٠٠ هەزار دینار و نرخی لیترێك بەنزین بۆ ٢٥٠ دینار و بلیتی نەخۆشخانە ٢٥٠ دینار.

ماڵپەڕەكە لەزاری نووسینگەی سەرۆك وەزیرانی عیراقەوە ئاشكرای كردووە، كە بڕیاریش دراوە بە هەلگرتنی تەواوی قەرزی ئاو و كارەبا، كە تا ساڵی 2019 لەسەر خەلك كەڵەكە بووە.

بەپێی بەدواداچووونی (خەڵك) هیچ بڕیارێكی لەو شێوەیە لەلایەن سەرۆك وەزیرانی عیراقەوە دەرنەكراوە و تەنها لە ماوەی ڕابردوودا چەند پێشنیارێك لەو بارەیەوە هەبووە ئەوەش بەهۆی ئەو بووژاندنەوە ئابوورییەی ڕووی لە عیراق كردووە بەهۆی بەزربوونەوەی نرخی نەوتەوە.

هاوكات تا ئێستا لەلایەن ماڵپەڕ و هەژماری فەرمی سەرۆك وەزیرانی عیراق و ئەمیندارێتی ئەنجوومەنی وەزیران و وەزارەتی نەوت هیچ بڕیارێكی لەو شێوەیە بڵاونەكراوەتەوە.

بۆ بەدواداچوونی زیاتر (خەڵك) پەیوەندی كرد بە چەند بەرپرسێكی كورد لە عیراق، بەڵام بێ‌ ئاگایی خۆیان لەو بابەتە نیشاندا.

لەئێستادا لە شارەكانی عیراق بەهۆی پاڵپشتی حكومەتەوە نرخی لیترێك بەنزین 450 دینارە و بوتڵێك غاز-یش بە 6 هەزار دینارە و ئەوەش بە بەراورد بە هەرێمی كوردستان هەرزانترە، كە حكومەتی هەرێم هیچ پاڵپشتییەكی سووتەمەنی ناكات.

ئابوری

بەگوژمەى ١٦٠ ملیۆن دینار پڕۆژەیەک لەهەولێر ئەنجامدەدرێت

هەولێر-ئارام سەردار

 

جێگری پارێزگاری هەولێر ڕایدەگەیەنێت، پڕۆژە خزمەتگوزاریەکان بەردەوامە و بەگوژمەی ١٦٠ ملیۆن دینار چەند شەقامێکی شارەدێی دارەتوو قیرتاو دەکەن.

مەسعود کاڕەش، جێگری پارێزگاری هەولێر بۆ کاروباری هونەری لەکۆنفڕانسێکی ڕۆژنامەوانیدا ڕایگەیاند، پڕۆژکان بەردەوامە لەسەرجەم سێکتەرەکانی ئاو و کارەبا و ڕێگاوبان و ئاوەڕۆ، ئەمڕۆش یەکێک لەپڕۆژەکانمان لەدارەتوو بەسەرکردەوە، کە بەهۆی نەبوونی بوودجە پڕۆژەی جووت سایدی ناو شارەدێی دارتوو وەستابوو، ئاستەنگی زۆری دروست کردبوو بۆ هاوڵاتیان، بەخۆشحاڵیەوە توانیمان بە گوژمەیەکی کەم تەواوی جووت سایدەکە قیرتاو بکرێت و هاوڵاتی سوودی لێ ببینن، کە گوژمەکەی نزیکەی ١٦٠ ملیۆن دینار بوو، دوو شەقامی تریشی لەگەڵ قیرتاو دەکەن.

دەشڵێت، لەپڕۆژەکان بەردەوام دەبن بەپێی بوودجەی بەردەست تاوەکو هاوڵاتیان سوودمەند بن لە پڕۆژەی خزمەتگوزاری ئاو وکارەبا و ڕێگاو بان لەشار و شارۆچکەکان، کۆمەڵێک پڕۆژەش لە بەرنامەدان ئەو شوێنانە قیرتاو دەکرێن کە پێویستن بەر لەوەرزی زستان.

 

سەبارەت بە کێشەی شکانی بۆڕی ئاوی ئیفرازو گرانکردنی نرخی تانکەری ئاو وتی، ئومێدمان وایە جارێکی تر ئەو بۆڕیە نەشکێت، ئەمجارەش بەهۆی گواستنەوەی بۆڕیەکە لەژێر ڕێگای گۆپاڵ وای لێهات و شکا، ئەوەی ڕوویدا ڕەنگە جارێکی تر بەم کاتە زۆرە ڕوونەداتەوە، دەشبێت نرخ بۆ تانکەرەکان دیاری بکرێت.

بەردەوام بە لە خوێندنەوە

ئابوری

نرخی زێڕ و نەوت و دراوەکان

خەڵک – بەشی هەواڵ

 

نرخی زێڕ و نەوت و دراوەکان بۆ ئەمڕۆ دوو شەممە لەبازاڕەکانی هەرێمی کوردستان بەم جۆرەى خوارەوەیە، کە لەزێڕنگەری پێشین وەرگیراوە:

زێڕ:

Oz: 1950$
24K: 386,000
21K: 338,000
18K: 289,000
Lira 22K= 413$

نەوت:

BRENT: 42.6$
WTI: 40.75$

دراوەکان:

100$= 123,000
100€= 144,000
100£= 156,000
100$=756 لیرەی تورکی
100$= 2,590,000 تمەن (نەقدی)
100$= 2,720,000 تمەن (حەواڵە)

 

بەردەوام بە لە خوێندنەوە

ئابوری

لەپەرلەمانەوە کار بۆ دامەزراندنی مامۆستایانی وانەبێژ و سێ یەکەمەکان دەکرێت

خەڵک – بەشی هەواڵ

 

سەرچنار ئەحمەد ئەندامی پەرلەمانی کوردستان لەفڕاکسیۆنی یەکگرتووی ئیسلامی کوردستان بەمیدیای حزبەکەی ڕاگەیاند، داوای دانیشتنیکی تایبەتییان کردووە، کە تێیدا وەزیری پەروەردە و وەزیری خوێندنی باڵا بەشداری بکەن.

 

ئاماژەى بەئەوەشدا، ئامانج لەم کۆبوونەوەیە، دیاریکردنی چارەنووسی نزیکی ١٧ بۆ ٢٠ هەزار مامۆستای وانەبێژە، کە تاکو ئێستا دانەمەزراون و ئەرکیان هەیە بەڵام مافەکەیان کە دامەزراندنە دانەمەزراون.

 

ئەوەشی خستەڕوو، سێ یەکەمەکەی زانکۆ و پەیمانگاکان کە دەبوو تاکو ئێستا دابمەزرانایە، بەڵام تاکو ئێستا چارەسنویان دیارنییە و داوا لەوەزیری خوێندنی باڵا دەکەن، کە چارەنوسی ئەمانیش دیاریبکەن.

 

باسب لەئەوەشکرد، داوایان کردووە، ئەگەر حکومەتى هەرێم نیەتى چاکسازی هەیە، با موچەیەکی دووموچەکان و بندیوارەکان ببڕێت، لەبەرامبەردا ئەم کەسانە دابمەزرێنێت.

 

بەردەوام بە لە خوێندنەوە

کوردستان