ئێمە لە تۆرە کۆمەڵایەتیەکان

ئابوری

“وادەی راگەیاندنی خشتەی مووچەی مانگی چوار ئاشكرابوو”

خەڵك – بەشی هەواڵ

بەپێی زانیارییەكانی گەیشتوو بە (خەڵك) ئەمڕۆ یان سبەی خشتەی مووچەی مانگی چواری ئەمساڵ رادەگەیەندرێت.

بەپێی ئەو زانیارییانە، بڕیارە ئێوارەی ئەمڕۆ یەك شەممە یان سبەی دوو شەممە وەزارەتی دارایی و ئابووری حكومەتی هەرێمی كوردستان خشتەی مووچەی مانگی چواری ئەمساڵ رابگەیەنێت.

لە ماوەی سێ مانگی رابردوودا حكومەتی هەرێمی كوردستان توانیویەتی مانگانە بە سیستمی نوێی پاشەكەوت مووچە دابەش بكات.

لەو ماوەیەدا حكومەتی هەرێم مووچەی پەرلەمانتار و وەزیر و پلەباڵاكانی بە خانەنشینەكانیشەوە زیادكردووەتەوە، بەڵام مووچەی چاودێری كۆمەڵایەتی كە لە 2015وە بڕدراوە، نەگەڕاندووەتەوە.

ئابوری

وەبەرهێنان: لەمەودوا كارمەندانی كەرتی تایبەت ئیمتیازاتی مووچەخۆری حكومییان دەبێت

خەڵك –بەشی هەواڵ

سەرۆكی دەستەی وەبەرهێنانی حكوومەتی هەرێمی كوردستان ڕایگەیاند “هەمواری یاسای وەبەرهێنان دەكەین، دەمانهەوێت وەبەرهێنان فراوانتر بكەین و ئەركی زیاتر بخەینە سەر شانی كەرتی تایبەت تاوەكو كەرتێكی تایبەتی بەهێزی نیشتمانپەروەر دروست بێت و كەمێك لەبارگرانی سەرشانی حكومەت كەم بكاتەوە”.

محەمەد شوكری بە ڕۆژنامەی باسی ڕاگەیاند “دەبێت چین و توێژەكانی كۆمەڵگە هەلێكی زیاتریان بدەینێ بۆ كاركردن لە كەرتی تایبەت و گەنجەكانمان ئاسۆیەكی فراوانی كاركردن و بەدەستهێنانی هەلی كاریان بۆ واڵا بێت”.

دەشڵێت “هەلی كارێك كە بەهای كار و كەرامەتی كارمەندانی تێدا زامن بێت و هەموو ئیمتیازات و ئەو دەستكەوتانەشی تێدا بێت كە لە كەرتی گشتی بۆ مووچەخۆرانی حكوومەت هەیە”.

بەردەوام بە لە خوێندنەوە

ئابوری

یاسین مەحمود: لەسەر پێشنیاری فارق مەلا مستەفا یەكێتی وەبەرهێنەرانی كوردستان كۆنگرە دەبەستێت

خەڵك – بەشی هەواڵ

وتەبێژی یەكێتی وەبەرهێنەرانی كوردستان ئاشكرایدەكات، لەسەر پێشنیاری فاروق مەلا مستەفا بڕیارە ناوەڕاستی مانگی داهاتوو یان سەرەتای ساڵی داهاتوو یەكێتی وەبەرهێنەرانی كوردستان كۆنگرە ئەنجامبدات.

یاسین مەحمود وتەبێژی یەكێتی وەبەرهێنەرانی كوردستان بە (تۆڕی میدیایی خەڵك)ی ڕاگەیاند،”فاروق مەلا مستەفا پێشنیاری كردووە بۆ بەستنی كۆنگرە تا دەستیەكی بە هێز لە وەبەرهێنەران هەڵبژێردرێن، دوای ئاڕاستەكردنی ئەو پێشنیارە بۆ یەكێتی وەبەرهێنەران، یەكێتییەكەیان ئامادەیی بەستنی كۆنگرەی دەربڕیوە”.

سەبارەت بە وادەی بەستنی كۆنگرەی یەكێتی وەبەرهێنەرانی كوردستان، یاسین مەحمود ئاماژەی بەوەدا،”بڕیاردراوە ناوەڕاستی مانگی داهاتوو یان سەرەتای ساڵی داهاتوو كۆنگرەكە ببەسترێت، كە دەبێتە یەكەمین كۆنگرە و زۆر گرنگ و جیاواز دەبێت”.

وتەبێژی یەكێتی وەبەرهێنەرانی كوردستان ئەوەشیخستەڕوو،”لەگەڵ لیژنەی وەبەرهێنانی پەرلەمانی كوردستان سەرقاڵی پڕۆژە یاسایەكن كە تایبەت بێت بە وەبەرهێنەران، چونكە ئەو یاسایەی ئێستا تایبەتە بە وەبەرهێنان، ئەمەش لە پێناوئەوەی بتوانن هەڵسەگاندن بۆ وەبەرهێنەرانیش بكرێت”.

بەردەوام بە لە خوێندنەوە

ئابوری

ئاستی فرۆشی یەكەكانی نیشتەجێبوون لە توركیا كەمیكردووە

خەڵك – بەشی هەواڵ

وێرای كەمكردنەوەی نرخی سوود لەمانگی ئۆكتۆبەردا، ئاستی فرۆشتنی یەكەكانی نیشتەجێبوون لە توركیا ڕووی لە كەمبوونەوە كردووە.

پەیمانگای ئاماری توركیا بڵاویكردەوە، لەمانگی تشرینی یەكەمی ئەمساڵدا ئاستی فرۆشی یەكەكانی نیشتەجێبوون لە توركیا لەسەر بنەمای ساڵانە بەڕێژەی 2.5% كەمیكردووەو تەنها 142 هەزار و 810 یەكەی نیشتەجێبوون فرۆشراون، ئەمەش لە كاتێكدایە ماوەی دوو مانگ بوو لە بەرزبوونەوەی بەردەوامدابوو.

پەیمانگاكە ئەوەشیخستووەتەڕوو، دابەزینی ئاستی فرۆشتنی یەكەكانی نیشتەجێبوون لە توركیا لە كاتێكدایە كە نرخی سوودیش لەلایەن بانكی ناوەندی توركیاوە وەك پاڵپشتییەك بۆ ئابووری ئەو وڵاتە كەمكراوەتەوە.

بەردەوام بە لە خوێندنەوە

کوردستان