ئێمە لە تۆرە کۆمەڵایەتیەکان

کوردستان

پۆلیسی سلێمانی دەستگیركردنی ژمارەیەك تۆمەتبار ڕادەگەیەنێت

خەڵك – بەشی هەواڵ
بەڕێوەبەرایەتی پۆلیسی پارێزگای سلێمانی ڕایدەگەیەنێت، ژمارەیەك ئۆتۆمبێل لە شاری سلێمانی دزراون بە هەوڵی هێزەكانی پۆلیسی پارێزگای سلێمانی توانراوە تەواوی ئەو ئۆتۆمۆبێلانە بدۆزرێنەوە و بگەڕێندرێنەوە بۆ خاوەنەكانیان و بكەری تاوانەكانیش رووبەرووی یاسا بكرێنەوە.

نەقیب سەركەوت ئەحمەد، بەرپرسی راگەیاندن و پەیوەندییەكانی بەڕێوەبەرایەتی پۆلیسی سلێمانی لە كۆنگرەیەكی ڕۆژنامەوانیدا رایگەیاند، لە هەڵمەتی گەڕان و پشكنینی كافتریاو یانەشەوانەكان و دانانی بازگە دەستگیراوە بەسەر شانزە دەمانچەدا، كە بێمۆڵەت بوون و خاوەنەكانیان ڕوبەڕوی یاسا كراونەتەوە .

ڕاشیگەیاندووە، لەلایەن مەفەرزەكانی بەشی پۆلیسی فریاكەوتنەوە چوار تۆمەتبار دەستگیركراون كە تەقەیان كردووەو دەستیش گیراوە بەسەر چەكەكانیاندا و هەژدە پارچە چەكیش دەستیبەسەردا گیراوە كە بەخاوەنەكانیان بوون و بێمۆڵەت بوون .

بەڕێوەبەرایەتی پۆلیسی پارێزگای سلێمانی دەستگیركردنی ژمارەیەك تۆمەتبار ڕادەگەیەنێت

بەڕێوەبەرایەتی پۆلیسی پارێزگای سلێمانی دەستگیركردنی ژمارەیەك تۆمەتبار ڕادەگەیەنێت بەڕێوەبەرایەتی پۆلیسی پارێزگای سلێمانی دەستگیركردنی ژمارەیەك تۆمەتباری ڕاگەیاند .نەقیب سەركەوت ئەحمەد بەرپرسی راگەیاندن و پەیوەندییەكانی بەڕێوەبەرایەتی پۆلیسی سلێمانی لە كۆنگرەیەكی ڕۆژنامەوانیدا رایگەیاند : ژمارەیەك ئۆتۆمبێل لە شاری سلێمانی دزراون بە هەوڵی هێزەكانی پۆلیسی پارێزگای سلێمانی توانراوە تەواوی ئەو ئۆتۆمۆبێلانە بدۆزرێنەوە و بگەڕێندرێنەوە بۆ خاوەنەكانیان و بكەری تاوانەكانیش رووبەرووی یاسا بكرێنەوە.هەر لەو كۆنگرە ڕۆژنامەوانییەدا نەقیب سەركەوت ئەحمەد وتیشی : لە هەڵمەتی گەڕان و پشكنینی كافتریاو یانەشەوانەكان و دانانی بازگە دەستگیراوە بەسەر شانزە دەمانچەدا كە بێمۆڵەت بوون و خاوەنەكانیان ڕوبەڕوی یاسا كراونەتەوە .هەروەها لەلایەن مەفەرزەكانی بەشی پۆلیسی فریاكەوتنەوە چوار تۆمەتبار دەستگیركراون كە تەقەیان كردووەو دەستیش گیراوە بەسەر چەكەكانیاندا و هەژدە پارچە چەكیش دەستیبەسەردا گیراوە كە بەخاوەنەكانیان بوون و بێمۆڵەت بوون .بەڕێوەبەرایەتی پۆلیسی پارێزگای سلێمانی – ڕاگەیاندن و پەیوەندییەكان

Posted by ‎Sulaymanya police پۆلیسی سلێمانی‎ on Friday, July 26, 2019

کوردستان

سەرۆكایەتی كۆمار لەسەر بۆردوومانەكەی ئەمڕۆی ناوچەی سیدەكان هاتە دەنگ

خەڵك – بەشی هەواڵ

سەرۆكایەتی كۆمار ئیدانەی بۆردوومانی فڕۆكەكانی توركیا دەكات، بۆ سەر ناوچەی سیدەكان لە هەرێمی كوردستان.

وتەبێژی فەڕمی سەرۆكایەتی كۆمار لە ڕاگەیەنراوێكدا، بۆردوومانی توركیا بۆ سەر ناوچەی سیدەكان ئیدانە دەكات و داوای كۆتایی هێنان بە پێشلكارییەكان دەكات بۆ سەر سەروەری عیراق.

وتەبێژی فەڕمی سەرۆكایەتی كۆمار جەختیش دەكاتەوە، پێشلكارییە سەربازییە بەردەوامەكانی توركیا بۆ سەر خاكی عیراق بە پێشێلكارییەكی مەترسیدار دادەنرێت بۆ سەروەری عیراق.

وتەبێژی فەڕمی سەرۆكایەتی كۆمار داواشیكرد، تەواوی پڕۆسە سەربازییەكان بوەستێنرێت كە زیان بە پەیوەندی نیازپاكی و دراوسێیەتی دەگەیەنێت، ھاوكات داواشدەكات پشت ببەسترێت بە دیالۆگ و لێكتێگەشتن بۆ چارسەركردنی كێشە سنوورییەكانی نێوان هەردوو وڵاتی دراوسێ.

دەقی ڕاگەیەنراوەكە:

بەتوندی ئیدانەی ئەو پیشێلكاریانە دەكەین كە توركیا لە رێگەی فرۆكەكانییەوە ناوچەی سیدەكانی لە هەرێمی كوردستان بۆردومان كردووە، ئەو پێشلكارییە سەربازییە بەردەوامانەی توركیا بۆ سەر خاكی عێراق بە پێشێلكارییەكی مەترسیدار دادەنرێت بۆ سەر خاكی عێراق و سەرپێچیەكی روون و ئاشكراشە بۆ یاسا و ڕێككەوتننامە نێودەوڵەتییەكان و پەیوەندی نیازپاكی دراوسێیەتی، ئێمە ئەم رەفتارە دوژمنكارانە سەرزەنشت دەكەین، كە بووە هۆی شەهیدكردنی ژمارەیەك هاووڵاتی بێتاوان و ئەفسەران لە هێزەكانی پاسەوانی سنوور، ھاوكات داوای دەست بەجێ راگرتنی ئەو دەستدرێژیانە و دیالۆگ و گفتوگۆ و لێكتێگەیشتن دەكەین، بۆ چارەسەركردنی كێشە سنوورییەكانی نێوان هەردوو وڵاتی دراوسێ و دۆزینەوەی رێگەچارەی ئاشتیانە كە ببێتە مایەی ئاسایش و سەقامگیری ناوچەكە.

شەهیدان بەر رەحمەتی یەزدان بكەون و ئارامی و سەبوریش بۆ كەس و كاریان و هیوای زوو چاكبوونەوەش بۆ بریندارەكان دەخوازین.

وتەبێژی فەرمی سەرۆك كۆمار
بەغداد 11 ئابی 2020

بەردەوام بە لە خوێندنەوە

کوردستان

(پەكەكە) وردەكاریی نوێ‌ لەبارەی هێرشەكەی توركیاوە ئاشكرادەكات

خەڵك- بەشی هەواڵ
پارتی كرێكارانی كوردستان (پەكەكە)، وردەكاریی نوێ‌ لەبارەی هێرشی فڕۆكە بێفڕۆكەوانەكانی توركیا بۆسەر كاروانی سەربازی هێزەكانی پاسەوانی سنور لە ناوچەیەكی سەر بە پارێزگەی هەولێر لە هەرێمی كوردستان ئاشكرادەكات.

كاوە شێخ موس، بەرپرسی پەیوەندییەكانی پارتی كرێكارانی كوردستان لە لێدوانێكیدا بۆ ماڵپەڕی (بغداد الیوم)ی عیراقی ڕایگەیاندووە”فڕۆكەیەكی بێفڕۆكەوانی توركیا كاروانێكی سەربازی عیراقی كردە ئامانج كە سەر بە هێزەكانی پاسەوانی سنور بووە و فەرماندەی لیوا و فەرماندەی فەوجى سێیەمی فەرماندەیی پاسەوانی سنوری لەخۆگرتبوو، لەگەڵ ژمارەیەك فەرماندە و ئەفسەری تر”.

بە وتەی كاوە شێخ موس”دەوڵەتی توركیای پیلانگێڕ، كاروانە سەربازییە عیراقییەكەی بۆردومان كرد، بەبێ‌ ئەوەی هیچ گەریلایەكی سەر بە پارتی كرێكارانی كوردستان لەگەڵ ئەو كاروانەدا بێت كە كرایە ئامانج”.

هەر ئەمڕۆ شانەی میدیای ئەمنی عیراقی، توركیای بە تێوەگلان لە هێرشەكەی باكووری پارێزگەی هەولێر تۆمەتبار كرد.

شانەی میدیای ئەمنی لە بەیاننامەیەكدا ڕایگەیاند”ئیدانەی دەستدرێژییەكەی توركیا دەكەین كە لەڕێی فڕۆكەی بێفڕۆكەوانەوە ئەنجامدرا و كاروانێكی سەربازی پاسەوانی سنوری لە ناوچەی سیدەكان كردە ئامانج و بووە مایەی شەهیدبوونی فەرماندەی لیوای دووی پاسەوانی سنوری ناوچەی یەك و فەرماندەی فەوجی سێ‌/ لیوای دوو و شۆفێری ئۆتۆمبێلەكەیان”.

بەردەوام بە لە خوێندنەوە

کوردستان

هاتووچۆی هەولێر گۆڕانكاری لە كاتی مامەڵەی هاووڵاتیان بڵاوكردەوە

خەڵك- بەشی هەواڵ
بەڕێوەبەرایەتی هاتووچۆی هەولێر گۆڕانكاری لە كات و نۆرەی مامەڵەی هاووڵاتیان دەكات و جەختیشدەكاتەوە لەسەر بەستنی دەمامك و دەستكێش لەكاتی سەردانی بەڕێوەبەرایەتییەكە.

فازڵ حاجی، بەڕێوەبەری ڕاگەیاندنی هاتووچۆی هەولێر لە ڕوونكردنەوەیەكدا ئاماژەی بەوەكردووە، ئەو هاووڵاتیانەی ناویان تۆماركردبو لەسیستمی ئۆنلاین بۆ سەردانیكردنی بەشی مۆڵەتی هاتووچۆی هەولێر و نۆرە (سرە)یان بۆ دانرابو لەماوەی نێوان10/1 تاكو 11/ دەتوانن لەماوەی هەفتەی داهاتوو سەردانی بەشی مۆلەت بكەن بۆ ڕایی كردنی مامەلەكانیان و ئەنجامدانی تراییەكان بەو شێوەیەی خوارەوە:

1- ئەوانەی كە سرەیان لە10/1 تاكو10/15 دانرابو دەتوانن لەڕۆژی یەك شەممە ڕێكەوتی 8/16 سەردان بكەن.
2- ئەوانەی سرەیان بۆ دانرابو لەماوەی نێوان10/16 تاكو10/31 دەتوانن لەڕۆژی دوو شەممەی هەفتەی داهاتو لەبەرواری 8/17 سەردان بكەن.
3- ئەو كەسانەی سرەیان بۆ دانرابو لەماوەی نێوان 11/1 تاكو11/15دەتوانن لەڕۆژی سێ شەممە كەدەكاتە 11/18سەردان بكەن.
4- ئەو كەسانەی سرەیان بۆ دانرابو لەماوەی نێوان 11/16 تاكو 11/31 دەتوانن لەرۆژی چوار شەممە ڕێكەوتی 8/19سەردان بكەن.
5- ئەو كەسانەی مۆلەتی شوفێریان بەسەرچوە و دەیانەوێت تازەی بكەنەوە پێویست بەسەرەی ئۆنلاین ناكات و تەنها پێویستی پشكنینی چاویان كردبێت و ڕاستەوخۆ دەتوانن سەردانی بەشی مۆڵەت بكەن.
6- دەبێت سەرجەم هاووڵاتیان لەكاتی سەردانیكردن پابەندی ڕێنماییە تەندروستیەكان بن و دەستكێش و دەمامك ببەستن.

بەردەوام بە لە خوێندنەوە

کوردستان