ئێمە لە تۆرە کۆمەڵایەتیەکان

عێراق

عادل عەبدولمەهدی بە نامە چی بە بەرپرسێكی باڵای هەرێم وتووە؟

خەڵك- بەشی هەواڵ
ئەندامێكی پەڕلەمانی عیراق لە فراكسیۆنی گۆڕان وردەكاری گفتوگۆكانیان لەگەڵ سەرۆك وەزیرانی عیراق ئاشكرا دەكات و دەڵێت: “دەربارەی نەتەوایەتی عەبدولمەهدی بە نامە بە بەرپرسێكی هەرێمی وتووە، دەبێ بزانن سود و بەرژەوەندی خەلك و هەرێمەكەتان بەرەو كوێ ئاڕاستە دەكەن”.

هۆشیار عەبدوڵڵا، ئەندامی پەڕلەمانی عیراق لە هەژماری خۆی لە فەیسبووك ئاماژەی بەوەكردووە، ڕۆژی 24-7 وەك فراكسێۆنی گۆڕان بۆ ماوەی زیاتر لە كاتژمێرێك لەگەڵ سەرۆك وەزیرانی عیراق دكتۆر عادل عەبدولمەهدی كۆبووینەوە و گفتوگۆیەكی قوڵی سیاسی و فكری لە نێوانماندا بەڕێوەچوو.

دەشڵێت: “دەربارەی فكری قەومی و قەومیەت قسەیەكی كرد جێگەی سەرنج بوو، وەك ڕەخنەیەك وتی (لەڕووی مێژوییەوە، ئیوەی كورد دوای هەموو نەتەوەكانی تری ناوچەكە دەستان دایە مەسەلەی قەومیەت و ڕەنگە دوای هەمووانیش دەستی لێهەڵبگرن)”.

وەك هۆشیار عەبدوڵڵا دەیگێڕێتەوە، عادل عەبدولمەهدی وتی، “هەموو كەس شانازی بە نەتەوەكەیەوە دەكات، ئینتیما بۆ نەتەوە وەك هەست وەك بەشێكی شوناسی مرۆڤ هەتا بەشەریەت بمێنێ هەر دەمێنی، بەڵام كاتێك قەومیەت وەك ئایدۆلۆژیایەكی داخراو دەبێتە تەرح و تێروانینی فكری و سیاسی بۆ دروستكردنی دەوڵەتی قەومی و كیانی قەومی ئەوە مەسەلەیەكە گەلان دەمێكە جێیانهێشتووە و چەقین لەم پرسەدا سوود بەنەتەوە ناگەیەنێت، بەڵكو لاوازی دەكات”.

عەبدولمەهدی وتووشیەتی، “بە نامە بەڕوونی بۆ بەرپرسێكی باڵای كوردم ناردوە، كە ئێوە لە نێوان گرفتی (جوگرافیا) و (بەرژەوەندی)دا دەبێ بزانن سوود و بەرژەوەندی خەڵك و هەرێمەكەتان بەرەو كوێ ئاڕاستە دەكەن و گرنگە دووركەونەوە لەچوارچێوە تەسك و بچووكەكان، وێنە گەورەكەی بەرژەوەندی خۆتان ببینن بە گوێرەی ئەم قۆناغ و زەمەنەی، كە پێیگەیشتووین”.

ئەو پێی وابوو، پرسی كورد ئێستا پرسێكی گەورەی جیهانییە، داخستنی جوگرافیا و گیرخواردن لە گرێ مێژووییەكاندا پرسی كورد گەورەتر ناكات، بەڵكو بچووكی دەكاتەوە.

وەك ئەو پەڕلەمانتارەی گۆڕان دەڵێت: “سەرۆكی ئەنجومەنی وەزیران نمونەی چەند نەتەوەیەكی لە مێژوی كۆن و نوێدا هێنایەوە، كە كاتێك لە گرێكانی مێژوو و جوگرافیا نەجاتیان بووە چۆن پێشكەوتوون و چونەتە ئاستی باڵای خۆشگوزەرانی و پێشكەوتن”.

هۆشیار عەبدوڵڵا دەشڵێت: “كە عەبدولمەهدی ئەو قسانەی كرد بیرم لەوە دەكردەوە فعلا ئایا كەی لەو بازرگانیە بەناوی قەومیەت ڕزگارمان دەبێت؟!”.

ئەم قسانەی عادل عەبدولمەهدی لەكاتێكدایە، كە لە مانگی ئەیلولی 2017 هەرێمی كوردستان ڕیفراندۆمی بۆ سەربەخۆی ئەنجام دا و دوابەدوای ئەوەش حكومەتی عیراق هێزی سەبازی لەدژی كورد بەكارهێنا و بەشێكی زۆری ناوچە جێناكۆكەكان لە كورد سەندرانەوە، كە بە خوێنی پێشمەرگە كۆنتڕۆڵ كرابوون و كۆمەڵگای نێودەوڵەتیش گەمارۆی خشتە سەر هەرێم، بەڵام دواتر پەیوەندییەكانی نێوان هەرێم و عیراق ئاسایی بوونەوە.

جیهان

داڤۆس.. سەرۆك كۆماری عیراق لەگەڵ سەرۆك وەزیرانی ئوردن كۆبووەوە

خەڵك – بەشی هەواڵ

لەپەراوێزی كۆڕبەندی ئابووری جیهانی (داڤۆس) بەرهەم ساڵح سەرۆك كۆماری عیراق، ئێوارەی ئەمڕۆ چوار شەممە 22/1/2020 لەگەڵ عومەر ڕەزاز سەرۆك وەزیرانی ئوردن كۆبووەوە و سەبارەت بە پرسە هاوبەشەكان گفتوگۆیان كرد.

لە دیدارەكەدا سەرۆك كۆمار دووپاتی كردەوە كە عیراق خوازیاری بونیادنانی پەیوەندییەكی باشە لەگەڵ وڵاتانی ناوچەكە، هاوكات جەختیشیكردەوە لەگرنگی چەسپاندنی ئاسایش و سەقامگیری لە ناوچەكە و دووركەوتنەوە لە سیاسەتی جەمسەرگیری و یەكلاییكردنەوەی بەژەوەندییەكان.

هەر لەدیدارەكەدا، باس لە دوا پێشهاتەكانی ناوچەكە و جیهان و پەیوەندییەكانی نێوان عیراق و ئوردن و چۆنیەتی بەرەوپێشبردنی كرا.

ك.ج

بەردەوام بە لە خوێندنەوە

عێراق

خەزعەلی: ڕۆژی هەینی شۆڕش بەرپادەكەین

خەڵك – بەشی هەواڵ

ئەمینداری گشتیی عەسائیبی ئەهلی حەق داوای ئەنجامدانی خۆپیشاندانێكی سەرتاسەری لە عیراق دەكات لە دژی ئەمریكا و بە (شۆڕش) ناوی دەبات.

قەیس خەزعەلی ئەمینداری گشتیی عەسائیبی ئەهلی حەق داوا لە گەلی عیراق دەكات:”ڕۆژی هەینی داهاتوو خۆپیشاندان بكەن و شۆڕش بەرپابكەن لە دژی داگیركاریی ئەمریكا”.

خەزعەلی ئاماژەبەوەشدەدات:”هەمووان لە ئامادەباشیدابن بۆ خۆپیشاندان لە ڕۆژی هەینیدا بۆ گەیاندنی پەیامێك بە هەموو جیهان و پەیامەكەتان بۆ هەموو جیهان ئەوە دەبێت كە به ‌هیچ شێوەیەك سەرشۆڕی و ملكەچی و دوژمنكاریی قبووڵ ناكەن”.

ئەمینداری گشتیی عەسائیبی ئەهلی حەق دەشڵێت:”پەیامەكەمان بۆ جیهان بریتی دەبێت لەوەی كە گەلێكی قارەمان هەن كە شكستیان بەداگیركاریی ئەمریكایی هێناوە”.

لەبارەی ئەوەی ئەمریكا ڕەتیكردەوە هێزەكانی لە عیراق بكێشێتەوە، قەیس خەزعەلی ڕایگەیاند:”ئەمریكا بڕیاری ئەنجومەنی نوێنەرانی عیراقی شكاند، بەمەش عیراق بووە وڵاتێكی داگیركراو. با ئەمریكا باش بزانێت پیاوانی شۆڕش لەوپەڕی ئامادەباشیدان بۆ ڕووبەڕووبوونەوە لە ئەگەری بەردەوامبوونی ئەمریكا بۆ ڕەتكردنەوەی بڕیاری سیاسی و جەماوەری و نەكشانەوەیان لە خاكی عیراقدا”.

ك.ج

بەردەوام بە لە خوێندنەوە

عێراق

جارێكی دیكە كۆبوونەوەی پەڕلەمان شكستی هێنا

خەڵك- بەشی هەواڵ
ئەمە بۆ دووەمجارە، كە كۆبوونەوەی پەڕلەمانی عیراق بەهۆی تەواو نەبوونی نیسابی یاساییەوە شكست دەهێنێت و دەگۆڕێت بۆ كۆبوونەوەی كراوە و گفتوگۆ.

سەرچاوەیەك لە پەڕلەمانی عیراق بۆ (خەڵك) ئاشكرای كرد، كە بڕیار بوو ئەمڕۆ كۆبوونەوەی پەڕلەمان ئەنجام بدرێت، بەڵام بەهۆی تەواو نەبوونی نیسابی یاساییەوە كۆبوونەوەكە ئەنجام نەدرا.

وتیشی، “سەرۆكی پەڕلەمان بڕیاری دا كۆبوونەوە ئاساییەكە بكاتە كۆبوونەوەی كراوە و گفتوگۆ و هەفتەی داهاتووی دیاری كرد بۆ كۆبوونەوە”.

ئەمە لەكاتێكدایە، كە سەرەتای ئەم هەفتەیەش كۆبوونەوەیەكی دیكەی پەڕلەمان ئەنجام درا، بەڵام بەهۆی ئەوەی نیساب تەواو نەبوو، كۆبوونەوەی ئاسایی نەكرا و گۆڕا بۆ گفتوگۆ.

بەردەوام بە لە خوێندنەوە

کوردستان