ئێمە لە تۆرە کۆمەڵایەتیەکان

کوردستان

مەلا بەختیار: ئەوانەی كوردستانیان كردووە بەگەندەڵستان ڕاپێچی دادگا دەكرێن


خەڵك – بەشی هەواڵ

مەلا بەختیار ڕایگەیاند، لەدەڤەری یەكێتی و پارتیدا تائێستا یەك گەندەڵیش سزا نەدراوە، ئەگەر ئەوان نایكەن، ئەوا ئەركی یەكێتی و حزبەكانی دیكەی ئۆپۆزسیۆنە كە كولتورێكی نوێ بۆ ڕوبەڕوبونەوەی گەندەڵی بێنینە كایەوە. ئەوەشی خستەڕوو، كاتێك ژیان بەرەو سەقامگیری و كرانەوە و ئازادی و مەدەنیەت و مافی هاوڵاتی دەڕوات، بەدڵنیایی جیلی دوای ڕاپەڕین دەبینن، ئەوانەی بونەتە هۆی دروستبوونی ئەم گەندەڵستانە ڕاپێچی دادگا دەكرێن.

لەمیانی بەڕێوەچوونی كۆڕێك بۆ مەلا بەختیار لێپرسراوی دەستەی كارگێڕی مەكتەبی سیاسی یەكێتی لەژێر ناونیشانی (یەكێتی و سەردەم، دیموكراسی و دادپەروەری) ڕایگەیاند، یەكێتی كە لەساڵی 1975 دامەزراوە و دنیایەك لەفەزای سیاسەتی نوێ دێنێتە گۆڕێ، ئێستا پێویستە لەكۆنگرەی چوارەمدا سەرلەنوێ ستراتیجەكەی، پێكهاتەكەی، بیركردنەوەكەی، سەركردایەتیەكەی، پەیڕەو و پڕۆگرامەكەی، پەیمانگای پەروەردەی كادرەكانی، ڕاگەیاندنەكەی نوێ بكاتەوە، ئەمە بەتەنها بە وتارەكان نابێت كە بوترێ سەردەم سەردەمی جیهانگیرییە، بەڵكو دەبێت یەكێتی بەهەموو چەمكەكانەوە بخەینە سەردەم و كارلێك لەگەڵ ئەم سەردەمەدا بكات.

مەلا بەختیار، لایەنێكی دیكەی كۆڕەكەی تایبەت كرد بە ئاستی گەندەڵی لەعیراق و كوردستان، لەوبارەیەوە ئاشكرایكرد، عیراق لەئێستادا مینڕێژكراوە بە گەندەڵی، بەپێی وتەی شارەزایان لەعێراقدا 500 بۆ 600 ملیار دۆلار دزراوە، لەكاتێكدا ئەم پارەیە هەموو عیراقی سەرلەنوێ پێ بنیاتدەنرایەوە، بەنمونە بودجەی ساڵانەی ئوردون 17 ملیار دۆلارە، هەروەها هەموو ئەوەی هەرێمی كوردستان لەعێراقی وەردەگرێت و بەداهاتی ناوخۆشەوە ناگاتە 17 ملیار دۆلار، بۆیە چەنێك لەو 500 بۆ 600 ملیار دۆلارە دزراوە بەر هەرێمی كوردستان دەكەوێت، ئەوە باشارەزایان ساغیبكەنەوە.

ناوبراو ئەوەشی خستەڕوو، بەپێی ڕاپۆرتی نەتەوە یەكگرتووەكان 176 دەوڵەت بەڕێژە گەندەڵی تێدایە، كە عێراق لەڕێزبەندی دەهەمین گەندەڵدایە، واتە لەڕیزی سۆماڵ و ئەفغانستان و بەنگلادیشدایە، لەئەمەشدا چەندێك پشك بەر هەرێمی كوردستان دەكەوێت؟ ئەمەش با پسپۆڕان ساغی بكەنەوە.

باسی لەئەوەشكرد، زاڵبونی عەقڵی تائیفی و بونی هێزی چەكداری تایبەتی و بونی هێزی چەكداری تائفی و كێشەكان وایكردووە تەمەنی ئەم حزب و دەسەڵاتانە درێژبێت، بەڵام كاتێك ئەمانە نامێنن و ژیان بەرەو سەقامگیری و كرانەوە و ئازادی و مەدەنیەت و مافی هاوڵاتی دەڕوات، بەدڵنیایی نەوەی سێهەم لەناو یەكێتی(نەوەی یەكەم مام جەلال و عەلی عەسكەر و عومەر دەبابە و قارەمانەكانی ئەو سەردەمەن، نەوەی دووەم ئێمەومانانین، نەوەی سێهەم جیلی دوای ڕاپەڕینن) دەبینن، كە ئەوانەی بونەتە هۆی دروستبوونی ئەم گەندەڵستانە ڕاپێچی دادگایان دەكەن.

ئاماژەی بەئەوەشدا، گەندەڵی گەورەترین ئافاتە بۆ دادپەروەری و دیموكراسی و ئازادی و سەربەستی ژن و ژێرخانی ئابووری بەرهەمهێن، بۆیە دەبێت خەمی گەورەی حكومەت و یەكێتی ڕیشەكێشكردنی گەندەڵی بێت، هەر بێدەنگییەكیش لەڕیشەكێشكردنی گەندەڵی واتە ڕازیت بەگەندەڵی و گەندەڵیشیت.

ڕاشیگەیاند: تا ئێستا حكومەت و پەرلەمان و حزبەكان، هیچ بەرنامەیەكی ستراتیژیان بۆ چارەسەركردنی كێشەكان و ڕوبەڕوبونەوەی گەندەڵی نیە. لەوبارەیەوە زیاتر وتی: لەدەڤەری یەكێتیدا تائێستا یەك گەندەڵیش سزا نەدراوە. دەڤەری ئەولاش بە سەدان و هەزاران گەندەڵی تێدایە، من هۆكارەكەی بۆ خراپی سیستەمەكەو حكومەت و پەرلەمان بە بەرپرسی ئەمە دەزانم. بۆیە ئەگەر ئەوان نایكەن، ئەوا ئەركی یەكێتی و حزبەكانی دیكەی ئۆپۆزسیۆنە كە كولتورێكی نوێ بۆ ڕوبەڕوبونەوەی گەندەڵی بێنینە كایەوە. بە سیاسەتی كۆن و زەمینەی كۆن، ناتوانین گۆڕانكاری ڕیشەیی بەدیبهێنین. ناتوانین وەرچەرخان بەدیبهێنین، بۆیە ئەگەر وابڕوات ئەوا لەكوردستاندا ڕوداوی چاوەڕواننەكراوی ناخۆش ڕودەدات. بۆیە كاتی ئەوەیە فشاری مەدەنی بۆ ڕوبەڕوبونەوەی دیاردە دزێوەكان زیاد بكەین و پرۆژەیەكی هاوبەشی رۆشنبیری گشتگیر هەبێت، بە بارەگا سوتاندن و هەڵكوتانە سەر دامودەزگاكان كێشەكان چارەسەر نابن، بۆیە ئەركی یەكەممان پاراستنی ئەم ئەزمونەیە، ئەركی دووەم هێنانەدی گۆڕانكاریە لە ئەزمونەكەدا. دەبێت زەمینەی كۆمەڵ و ژیانی خۆشگوزەران لەكوردستاندا بەدیبهێنین. ئەمە پرۆژە و ستراتیژی تازەیە بەلای منەوە.

ریکلام

کوردستان

105 كەس لە هەرێمی كوردستان تووشی كۆرۆنا بوون و دوانیش گیانیان لەدەستدا


خەڵك- بەشی هەواڵ
وەزارەتی تەندروستی هەرێمى كوردستان ئاماژە بە بەرەنجامی 24 كاتژمێری ڕابردوو دەكات و دەڵێت 105 كەسی تووشی كۆرۆنا بوون و 2 كەسیش گیانیانلەدەستدا.

بەپێی ڕاگەیەندراوێك كە ئەمڕۆ هەینی لەلایەن وەزارەتی تەندروستی هەرێمی كوردستانەوە بڵاوكرایەوە” دەرەنجامی 24 كاتژمێری ڕابردوو: (2) گیان لەدەستدان، و ( 105) تووشبووی نوێ تۆماركرا بەم شێوەیەی خوارەوە:

پارێزگای هەولێر (12) پۆزەتیڤ كە پیاو و (٤) ئافرەت و كچێكی گەنج و (2)منداڵ، ھەموویان بەركەوتووی تووشبووی پێشوون.

دانیشتووی گەڕەكەكانی كوێستان، ھەولێری نوێ، بەهار، فەرمانبەران، باداوەی شاری هەولێر، دوو تووشبوو دانیشتووی ناحیەی خەلیفان.
پارێزگای سلێمانی (٨٤) پۆزەتیڤ و (٢) گیان لەدەستدان: شاری سلێمانی (77) پۆزەتیڤ: 40) پیاو و (25) ئافرەت و (3) كچی گەنج و (3) كوڕی گەنچ و (6) منداڵ، بیست و یەك تووشبوو بەركەتووی تووشبووانی پێشوون و پەنجا و شەش تووشبووەكەی دیكە نیشانەیان هەیە، پێنج تووشبوو دانیشتووی قەزای چەمچاماڵ، پێنج تووشبوو دانیشتووی قەزای پێنجوین، یەك تووشبوو دانیشتووی كۆمەڵگەی باریكە سەر بە ناحیەی عەربەت، شەست و شەش تووشبوو دانیشتووی ناو شاری سلێمانین.

ئیدارەی گەرمیان (7) پۆزەتیڤ : 3 ئافرەت و (3) پیاو و كچێكی گەنج ، ھەموویان بەركەوتووی تووشبووانی پێشوون، دوو تووشبوو دانیشتووی گەڕەكی بنگرد لە قەزای كەلار، سێ تووشبوو دانیشتووی گەڕەكی شەھیدان قەزای كەلار، دوو تووشبوو دانیشتووی كوڵەجۆ قەزای كفری.

پارێزگای دهۆك (6) پۆزەتیڤ: (2 ) ئافرەت و (4) منداڵ ، یەك تووشبوو بەشداربووی داوەتەكەی نان خواردن بووە، تووشبووەكانی دیكە بەركەوتووی بەشداربوونی داوەتێكی نان خواردن بوونە، ھەموویان دانیشتووی شاری دھۆكن.

پارێزگای ‌هەڵەبجە (3) پۆزەتیڤ: پیاوێك و ئافرەتێك و منداڵێك ، پیاوەكە نیشانەی هەیە و ئافرەت و منداڵەكە بەركەوتووی هەمان تووشبووە،هەموویان دانیشتووی ناحیەی خۆرماڵن.

وەزارەتی تەندروستی هەرێمی كوردستان دەڵێت:”كۆی گشتی تووشبووان بە ڤایرۆسی كۆڕۆنای نوێ COVID-19 لە هەرێمی كوردستان 1015) تووشبوو، لەنێویاندا (18) مردن هەیە و (44) نەخۆش چاكبووەتەوە، وە ئێستا (555) نەخۆش لەژێر چاودێری پزیشكی دان، بۆ زانیاری زیاتر.

بەردەوام بە لە خوێندنەوە

کوردستان

پێیوایە پێشلكاریی كراوە
وەزارەتی ئەوقافی هەرێم باسی نوێژی هەینی ئەمڕۆ دەكات


خەڵك- بەشی هەواڵ

وەزارەتی ئەوقافی حكومەتی هەرێمی كوردستان، ئاماژە بە پابەندنەبوونی نوێژخوێنان دەكات بە ڕێنماییە تەندروستییەكان و ڕێكارەكانی خۆپاراستن لە بڵابوونەوەی ڤایرۆسی كۆرۆنا لە كاتی مەراسیمی نوێژی هەینی لە ژمارەیەكی زۆر لە مزگەوتەكانی هەرێم.

بەپێی ڕاگەیەندراوێك كە لەلایەن وەزارەتی ئەوقاف و كاروباری ئاینی حكومەتی هەرێمی كوردستانەوە بڵاوكرایەوە”لە بەشێكی زۆری مزگەوتەكانی هەرێمی كوردستان فەریزەی نوێژی هەینی ئەنجامدرا، بەبێ‌ ئەوەی هاووڵاتیان پابەندی ڕێكارەكانی خۆپاراستن ببن و ڕێنماییە تەندروستییەكان جێبەجێ‌ بكەن”.

وەزارەتی ئەوقاف ژمارەیەك وێنەی هاوپێشی ڕاگەیەندراوەكەی كردبوو كە نوێژخوێنان لە كاتی ئەنجامدانی نوێژی هەینیدا دەردەخات.

بەردەوام بە لە خوێندنەوە

کوردستان

(هەسەدە) ئۆپەراسیۆنێكی سەربازی هاوبەش لەگەڵ هێزە عیراقییەكان ئەنجام دەدات


خەڵك- بەشی هەواڵ
هێزەكانی سوریای دیموكرات (هەسەدە) بە هەماهەنگی لەگەڵ هاوپەیمانی نێودەوڵەتی و هێزە عیراقییەكان، هەڵمەتی ڕاوەدونانی پاشماوەكانی ڕێكخراوی داعش لەسەر سنورەكانی نێوان سوریا و عیراق ئەنجام دەدات.

بەپێی بەیاننامەیەك كە لەلایەن فەرماندەیی گشتی هێزەكانی سوریای دیموكراتەوە بڵاوكرایەوە”لە دوای زیادبوونی پەلامارەكانی داعش لەم ماوەیەی دواییدا كە مەترسییەكی راستەقینەیان بۆسەر سەلامەتی و ئاسایش و سەقامگیریی خەڵك دروستكرد، لە دوای پرۆسەی پشكین و كۆكردنەوەی زانیارییەكان بە هەماهەنگی لەگەڵ هاوپەیمانی نێودەوڵەتی و سوپای عیراق، هەڵمەتی (بەرپەرچدانەوەی تیرۆر) بۆ ڕاوەدونانی پاشماوەی چەكدارانی تیرۆریستی داعش لە بادیەی خۆرهەڵات و لە نزیك ڕوباری خابور و سنورەكانی عیراق، دەستیپێكرد”.

هەر لە بەیاننامەكەدا هاتووە”ئەو هەڵمەتە حەشارگەكانی داعش و مۆڵگەكانی ڕێكخراوەكەیان كردە ئامانج كە سەرچاوەی نیگەرانی بوون بۆ خەڵك و ئاسایش و سەقامگیریی ناوچەكەیان دەشێواند و هەڕەشە بوون بۆ گەڕانەوەی داعش”.

(هەسەدە) دەڵێت” هەڵمەتی (بەرپەرچدانەوەی تیرۆر) كە هێزەكانیان بە هەماهەنگی لەگەڵ هاوپەیمانی و هێزە عیراقییەكان دەسیپێكرد، بەشێوەیەكی باش بەڕێوەدەچێت و تائێستا ئەنجامی باشی هەبووە، و بەردەوامیش دەبێت تا تەواوی ئەو ئەركانەی كەوتۆتە ئەتۆی ئەنجامیان دەدات”.

بەردەوام بە لە خوێندنەوە

کوردستان