ئێمە لە تۆرە کۆمەڵایەتیەکان

کوردستان

ئەمڕۆ، كاندیدانی ئەنجومەنی پارێزگای هەڵەبجە و پەڕلەمانی كوردستان كۆدەبنەوە

خەڵك-بەشی هەواڵ

كاندیدێكی ئەنجومەنی پارێزگای هەڵەبجە ڕایدەگەیەنێت، سەرجەم لایەنەكانی هەڵەبجە هاوڕاین لەسەر دامەزراندنی ئەنجومەنی پارێزگای هەڵەبجە.

دوای نزیكەی چوار ساڵ لە بڕیاری دامەزراندنی ئەنجومەنێك بۆ پارێزگای هەڵەبجە، بەهۆی كێشەو ناكۆكی نێوان لایەنە سیاسییەكان نەتوانراوە ئەنجومەنەكە دابمەزرێنرێت، بەپێی زانیارییەكانیش لە ئێستادا لایەنەكان دەیانەوێ ئەنجومەنەكە كارا بكەن.

سەلام كەریم كاندیدی ئەنجومەنی پارێزگای هەڵەبجە بە (خەڵك)ی ڕاگەیاند، ئەمڕۆ نوێنەری تەواوی كاندیدی لایەنەكان لەگەڵ نوسینگەی هەڵەبجەی پەڕلەمانی كوردستان كۆدەبینەوە، چونكە یاساكە پەڕلەمان دەریكردووە و دەبێت خۆیان بەدواداچوون بۆ جێبەجێكردنی یاساكەش بكەن.

وتیشی”كاندیدەكان لەگەڵ پارێزگاری هەڵەبجەش كۆدەبنەوە و ئامانج لەو كۆبونەوانەش بۆ بەگەڕخستنەوەی ئەنجومەنی پارێزگای هەڵەبجەیە، كە دەمێكە هەڵەبجە لە بۆشایی یاسایی گەورەدایە بەشێوەیەك نەیتوانیوە متمانە بداتە بەڕێوەبەرە گشتییەكانیش”.
ئاشكراشیكرد، تەواوی بەڕێوەبەرایەتییەكانی هەڵەبجە هەموویان بە وەكالەت دەبرێن بەڕێوە، ئەوەش گرفتی بۆ هەڵەبجە دروست كردووە، لەوانەیە لە داهاتووشدا نەتوانرێت وەك بازنەیەكی سەربەخۆ بەشداری هەڵبژارنەكان بكات.
ڕوونیشیكردەوە، لە ئێستادا تەواوی لایەنە سیاسییەكان هاتونەتە سەرخەت و دەمانەوێ ئەو ئەنجومەنە دروست ببێت و ئەو بۆشاییە كۆتایی پێبهرێنرێت.

ئاماژەی بۆ ئەوەش كرد، داوا لە پەڕلەمانی كوردستان دەكەین كۆبوونەوەی لایەنە سیاسییەكان ئەنجام بدەن، چونكە خۆیان یاساكەیان دەركردووە و پێویستە بەدواداچوونیشی بۆ بكەن، بۆ ئەوەی گرفتەكان كۆتایی پێبهێنرێت.

کوردستان

هەرێم.. سزای لە سێدارەدان بۆ بكوژی پێنج ئەندامی خێزانێك دەركرا

خەڵك – بەشی هەواڵ

دادگای تاوانەكان لە شاری هەولێر، سزای لەسێدارەدانی بۆ بكوژی خێزانە كوردە پێنج كەسییەكەی ڕۆژئاوای كوردستان دەركرد.

برزۆ سەعید پارێزەری دۆسیەكە ڕایگەیاند، لە دادگای تاوانەكانی هەولێر، فەرمانی لەسێدارەدان بۆ تاوانباری سەرەكیی دۆسیەی كوشتنی خێزانەكەی گوندی (پیرڕەش)ی ڕۆژهەڵاتی شاری هەولێر دەركراوە.

برزۆ سەعید ڕوونیشیكردەوە، بڕیارەكە لە ماوەی 10 ڕۆژدا بەشێوەیەكی ئۆتۆماتیكی بۆ تەمیزكردنەوەی، ڕەوانەی دادگای تەمیزی هەرێمی كوردستان دەكرێت و ئەگەر لەوێوە پەسەند بكرێت، بۆ سەرۆكایەتیی هەرێمی كوردستان دەنێردرێت بە مەبەستی جێبەجێكردنی سزای لەسێدارەدانەكە.

جێی ئاماژەیە، ڕۆژی 3/10/2019 خێزانێكی پێنج كەسیی كوردی ڕۆژئاوای كوردستان، لە گوندی (پیرڕەش)ی ڕۆژهەڵاتی هەولێر تەرمەكانیان دۆزرایەوە كە دایك و باوك و سێ منداڵی بچوك بوون، دواتر هێزەكانی ئاسایشی هەولێر تاوانباری ڕووداوەكەیان دەستگیركرد كە ناوی (ف. ك. ڕ.)ە، دانی نا بە تاوانەكەیدا.

بەردەوام بە لە خوێندنەوە

کوردستان

تۆمەتبارێك لە هەولێر هەڵات و لە سلێمانی دەستگیر كرا

خەڵك- بەشی هەواڵ
بەڕێوەبەرایەتی پۆلیسی سلێمانی ئاشكرای دەكات، ئەو تۆمەتبارە دەستگیركرا، كە لەلایەن پۆلیسی‌ هەولێرەوە داواكراو بووە.

بەڕێوەبەرایەتی پۆلیسی سلێمانی لە ڕاگەیەنراوێكدا ئاماژەی بەوەكردووە، مەفرەزەكانی‌ بنكەی‌ پۆلیسی‌ بەردەقارەمان تۆمەتبارێكیان دەستگیركرد، كە لەلایەن دادگای‌ تاوانەكانی‌ هەولێر و بەڕێوەبەرایەتی‌ پۆلیسی‌ هەولێرەوە داواكراو بووە.

ڕاشیگەیاندووە، تۆمەتبار ناوی‌ (ع، ع، ف) بەڕەگەز كوردە و لەلایەن دادگای‌ تاوانەكانی‌ هەولێرەوە بەپێی‌ ماددەی‌ ٤٤٣ لەیاسای‌ سزادانی‌ عیراقی‌ داواكراو بووە.

پۆلیسی سلێمانی جەختیشی كردۆتەوە، پاش گرتنەبەری‌ ڕێكارە یاساییەكان، تۆمەتبار ڕەوانەی‌ پۆلیسی‌ هەولێر دەكرێتەوە.

بەردەوام بە لە خوێندنەوە

کوردستان

كچێك دوای ددان كێشان گیانی لەدەستدا

خەڵك- ئارام سەردار
ئەمڕۆ چوارشەممە ۱۱ی كانوونی یەكەمی ۲۰۱۹ كچێك دوای ئەوەی سەردانی نەخۆشخانەی سۆران دەكات بەمەبەستی ددان كێشان، بەڵام دوای دەرهێنانی ددانەكەی بەماوەیەك گیان لەدەست دەدات.

شەمال دێواری حامد، وتەبێژی پۆلیسی سۆران  بۆ (خەڵك) ئاماژە بۆ ئەوە دەكات، ئەمڕۆ دوای نیوەڕۆ كاتژمێر ۳:۳۰ خولەك ئاگادار كراینەوە بەبوونی ڕووداوێك، كەوا كچێك بەناوی (س.ع.ح ) دوای ئەوەی سەردانی نەخۆشخانەی سۆران دەكات بەمەبەستی ددان كێشان، بەڵام دوای دەرهێنانی ددانەكەی و گەڕانەوەی بۆ ماڵەوە، لەماڵەوە باری تەندروستی تێك دەچێت.

دەشڵێت: “دوای تێكچوونی دۆخی تەندروستی هێناویانەتەوە بۆ نەخۆشخانە، بەڵام بەداخەوە لەڕێگا گیانی لەدەست داوە”.

ئەوەش دەخاتەڕوو، كچەكە خەڵكی ناحیەی سیدەكانە و لەدایكبووی ساڵی ٢٠٠٤ە.

جەختیشی كردەوە، لەسەر فەرمانی دادوەری لێكۆڵینەوە تەرمەكە ڕەوانەی پزیشكی دادی سۆران كراوە و لێكۆڵێنەوە دەستی پێ كردوە.

بەردەوام بە لە خوێندنەوە

کوردستان