بەڕێوەبەرایەتی نەوت و كانزاكانی هەولێر ڕایدەگەیەنێت ، دابەشكردنی بەنزینی 690 دیناری دەست پێدەكاتەوە، وەستانەكەشی كاتی بوو و بەهۆی كێشەیەك بووە لە پاڵاوگەی كار كە لە دەسەڵاتی ئەوانیشدا نەبوو.
ئاری كاكەشین، بەڕێوەبەری نەوت و كانزاكانی هەولێر لە ڕاگەیەنراوێكدا بڵاویكردەوە، وەستانی دابەشكردنی بەنزینی 690 دیناری كاتییە و بەهۆی كێشەیەك بووە لە پاڵاوگەی كار كە لە دەسەڵاتی ئەوانیشدا نەبوو، بەڵام كێشەكە چارەسەربووە و سبەی یەكشەممە دەست دەكرێتەوە بە دابەشكردنی بەنزینی 690 دیناری.
ئەمە لەكاتێكدایە، چەند رۆژێكە لەپارێزگای هەولێر دابەشكردنی بەنزینی 690 دیناری وەستاوە و ئەمەش وایكردووە ئەو بەنزینخانانەی بەنزینی 800 دیناری دابەش دەكەن قەرەباڵخ بن و نۆرەیەكی زۆر دروست ببێت.
