ئێمە لە تۆرە کۆمەڵایەتیەکان

ژینگە

لە سنووری سلێمانی 800 دۆنم پووش و داری سروشتی و باخ سووتاون

خەڵك- بەشی هەواڵ

بەڕێوەبەرایەتی دارستان و پووش و پاوانی سلێمانی ئاشكرای دەكات، كە لەماوەی (24) كاتژمێری ڕابردوودا لە سێ ڕووداوی ئاگركەوتنەوەدا لە سنوری پیرەمەگرون و پێنجوێن و سلێمانی نزیكەی (800) دۆنم پووش و پاوان سووتا .

هێمن كمرخان ئەفندی، بەڕێوەبەری ڕاگەیاندن لە بەرێوەبەرایەتی پۆلیسی دارستان و ژینگەی سلێمانی بۆ (خەڵك) وتی، “ئاگرێكی بەرفراوان لە (پیرەمەگرون) لە سنوری گوندەكانی (سوسێ كۆن، قۆچە بڵاخ، عەوەڵان) كەوتەوە و دەستبەجێ مەفرەزەكانی بنكەی پۆلیسی دارستان و ژینگەی پیرەمەگرون گەیشتنە شوێنی ڕووداوەكە، خوشبەختانە توانرا بەهاوكاری هاووڵاتیانی سنورەكە و ئاگركوژێنەوە كۆنتڕۆڵ بكرێت .

وتیشی، “زیانی ئاگرەكە مەزندە دەكرێت بە سووتانی (550) دۆنم لە پووش و پاوان و داری سروشتی و هەروەها باخی هاووڵاتیەك زیانی پێگەیشتووە”.

ڕاشیگەیاند، لەلایەكی ترەوە ئاگریكی بەرفراوان لە سنوری (پێنجوێن) كەوتەوە و لەیەكەم ساتی ڕووداوەكە مەفرەزەكانی بەشی پۆلیسی دارستان و ژینگەی پێنجوێن لەگەڵ خاڵی باشماخ و بەهاوكاری ڕێكخراوی ملەكەوە و ئاگركوژێنەوە گەیشتنە شوێنی ڕووداوەكە و توانرا ئاگرەكە كۆنتڕۆڵ بكرێت .

هێمن كمرخان ئاشكراشی كرد، زیانی ئاگرەكە سووتانی (200) دۆنم لە پووش و پاوان و داری سروشتی و چەند باخێكی هاووڵاتیان بووە.

ئاماژەی بەوەشكرد، لە ڕووداوێكی هاوشێوەدا لە سنوری شاخی گویژە ئاگرێك كەوتەوە و بووە هۆی سووتانی (25) دۆنم پووش و پاوان.

جەختیشی كردەوە، كە هۆكاری كەوتنەوەی ئاگرەكان تا ئێستا نادیارن و لێكۆڵینەوە لەو بارەیەوە بەردەوامە.

ژینگە

بارانبارین دەستپێدەكات

خەڵك- بەشی هەواڵ
كەشناسی هەرێم دەستپێكردنی بارانبارینی لە شارەكانی هەرێمی كوردستان ڕادەگەیەنێت.

لە ڕاگەیەندراوێكدا كە كۆپییەكی دەست (خەڵك) كەوتووە بەڕێوەبەرایەتی گشتی كەشناسی و بومەلەرزەزانی هەرێم ڕایگەیاندوە: ئەمڕۆ شەممە 12ی تشرینی یەكەمی 2019، لە شارەكانی هەرێم بارانی پچڕپچڕ دەبارێت و ئاسمان هەور دەبێت.

هەر بەپێی ڕاگەیەندراوەكە” نزمترین پلەكانی گەرما لە نێوان 20 پلە بۆ 26 پلە دەبێت.

هەر لەو چوارچێوەیەدا، ئەمڕۆ پەیجی شارەزوور نیوز، تۆمارێكی ڤیدیۆیی بڵاوكردووەتەوە كە تێیدا بارانبارینی بەلێزمە لە شارەزوور دەركەوێت.

بەردەوام بە لە خوێندنەوە

ژینگە

بارانبارین دەستپێدەكات

خەڵك- بەشی هەواڵ
كەشناسێكی عیراقی دەڵێت، بارینی نمە باران دەستپێدەكات و لە سبەینێ‌ هەینییەوە، ناوچەكانی وڵات دەگرێتەوە.

سادق عەتیە لە پەیجی تایبەتی خۆی لەسەر تۆڕی كۆمەڵایەتی (فەیسبوك) بڵاویكردووەتەوە”كەشوهەوا تا ئەندازەیەك جێگیردەبێت لەگەڵ كۆبوونەوەی هەندێك پەڵەهەوری پەرش و بڵاو، ئەو جێگیرییەش تا بەرەبەیانی سبەینێ‌ هەینی بەردەوام دەبێت”.

بە وتەی ئەو كەشناسە”بەشێوەیەكی پلەبەندی لە كاتژمێرەكانی دواتری هەینی، پەڵە هەورەكان كۆدەبنەوە لەسەر شارەكانی ناوەڕاست و باكوور، نمەبارانیش كە هەورەبروسكەی لەگەڵدا دەبێت لە ناوچەكانی خۆرئاوای وڵات لە ئێوارە و شەوی هەیندا دەبارێت”.

سادق عەتیە دەڵێت”پەڵە هەورەكان بەرەو شارەكانی ناوەڕاست و بەغدا دەكشێن، و شارەكانی باكووریش دەگرنەوە تا ڕۆژی شەممە، لە ڕۆژی هەینشیدا ئاراستەكانی با گۆڕانكارییان بەسەردا دێت”، ڕەتیشیكردووەتەوە هیچ گۆڕانكارییەك بەسەر پلەكانی گەرمادا بێت.

 

بەردەوام بە لە خوێندنەوە

ژینگە

لە ناوچەیەكی هەرێم باران بارین دەستی پێكرد

خەڵك – بەشی هەواڵ
كەشناسی هەرێم كوردستان ڕایدەگەیەنێت، بەهۆی ناسەقامگیری كەش و هەوای هەرێم ئێستا لە قەڵادزێ‌ نمە باران دەستی پێكردوە.

بەڕێوەبەرایەتی گشتی كەشناسی و بوومەلەرزەزانی هەرێمی كوردستان لە ڕاگەیەنراوێكدا، كە وێنەیەكی بۆ (خەڵك) هاتووە ڕایگەیاندووە، بەهۆی ناسەقامگیری كەش و هەوای هەرێم ئێستا لە قەڵادزێ‌ نمە باران دەستی پێكردوە و ئەگەر هەیە لە هەندێ شوێنی دیكەش دەست پێ بكات.

ڕاشیگەیاندووە، ئێوارەی ئەمڕۆ ئاسمانی پارێزگای هەولێر 6 بەشی هەور و مەودای بینین 9 كم بووە، لە پارێزگای سلێمانی 5 بەش هەور و مەودا بینین 8 كم، هەروەها پارێزگای دهۆك 4 بەش هەور و مەودا بینین 10 كم بووە.

وێنەی ‏بەرێوەبەرایەتی گشتی کەشناسی و بومەلەرزەزانی هەرێمی کوردستان‏.

بەردەوام بە لە خوێندنەوە

کوردستان