ئێمە لە تۆرە کۆمەڵایەتیەکان

ژینگە

لە شارباژێڕ نزیكەی 20 هەزار دۆنم پووش و پاوان سووتان

خەڵك- بەشی هەواڵ
ڕووداوی ئاگركەوتنەوە یەكێكە لەو دیاردانەی ساڵانە چەند جارێك دووبارە دەبنەوە و لەگەڵ ئەوەی كوژاندنەوە و كۆنتڕۆڵ كردنیان كارێكی زەحمەتە هاوكات زیانێكی زۆر بەسروشت و ژینگەی كوردستان دەگەیەنێت بەو هۆكارەوە لەسنوری ماوەت لە شارباژێڕ نزیكەی (20) هەزار دۆنم پووش و پاوان سووتاوە .

عەمیدی پۆلیس، هێمن كمرخان ئەفندی، بەڕێوەبەری ڕاگەیاندن لە بەڕێوەبەرایەتی پۆلیسی دارستان و ژینگەی پارێزگای سلێمانی بۆ (خەڵك) ڕایگەیاند، دوو ڕۆژ بەر لەئێستا بەهۆكارێكی نادیار ئاگرێكی فراوان لە سنوری گوندەكانی (وڵاخلو، قامیش، گەورەدێ، بەرزەدێ، كانی مێو، كانی چناران و دۆڵ بێشك) كەوتەوە.

ڕاشیگەیاند، ئەگەرچی مەفرەزەكانی پۆلیسی دارستانی ماوەت و گوندنشینەكان هەوڵی زۆریان دا بۆ كوژاندنەوە و كۆنتڕۆڵكردنی ئاگرەكە، بەڵام سەرلەئێوارەی دوێنێ 22/7/2019 بەهۆی پاشماوەی ئاگر و بەرزی پلەكانی گەرما و تەقینی (مین و جۆرەكانی تەقەمەنی) جارێكی تر ئاگرەكە سەریهەڵدایەوە.

وتیشی، “بەهۆی سەختی و دژواری شوێنی ئاگرەكە و مەترسی گیانی و نەبوونی كەرەسەی پێویست، نەتوانرا بەئاسانی ڕێگە لە تەشەنەكردنی ئاگرەكە بگیرێت و بەهۆكارەش نزیكەی (20) هەزار دۆنم پووش و پاوان سوتان و زیانی زۆر بەسروشتی ناوچەكە گەیشتووە .

هێمن كمرخان ئاشكراشی كرد، لێكۆڵینەوە و بەدواداچون سەبارەت بە هۆكاری كەوتنەوەی ئاگرەكە بەردەوامە .

بەڕێوەبەری ڕاگەیاندنی پۆلیسی دارستان و ژینگەی سلێمانی ڕاشیگەیاند، جێگەی خۆیەتی دەستخۆشی لە هەموو ئەو هاووڵاتی و گوندنشینە خۆبەخشانە بكەین، كە دڵسۆزانە هاوكار و پشتیوانی پۆلیسی دارستان بوون لە كوژاندنەوەی ئاگر و پاراستنی سروشت و ژینگەدا و دەور و كاریگەری بەرچاویان هەبووە.

ژینگە

سبەینێ هەورە تریشقە و باران بارین دەستپێدەكاتەوە

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت، كەشوهەوا بۆ ئەمڕۆ هەینی ئاسمان لەنێوان هەور و نیمچە هەوردا دەبێت و نزمترین پلەی گەرماش 7 پلە دەبێت.

بەڕێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا ئاماژە بۆ ئەوە دەكات، سبەینێ شەممە ئاسمان هەور دەبێت، لەگەڵ ئەگەری نمە بارانی كەم لە ناوچە جیاجیاكان و لەكاتەكانی ئێوارەش كاریگەری بەهێز دەبێت و ئەگەری لێزمە باران و هەورە تریشقە هەیە و پلەكانی گەرماش نزم دەبنەوە.

بەردەوام بە لە خوێندنەوە

ژینگە

بڕی باران بارینی 24 كاتژمێری ڕابردوو بڵاوكرایەوە

خەڵك- بەشی هەواڵ

لە ماوەی 24 كاتژمێری ڕابردوودا زۆرترین بڕی باران لە ناوچەی هەڵشۆی سەر بە پارێزگای سلێمانی بووە.

لە ڕاگەیەندراوێكدا بەڕێوەبەرایەتی كەشناسی و بومەلەرزەزانی هەرێمی كوردستان ڕایگەیاند، لە چەند ناوچەیەكی هەرێمی كوردستان بە بڕی جیاواز باران باریووە.

بەردەوام بە لە خوێندنەوە

ژینگە

كەشناسی هەرێم ئاگادارییەكی بڵاوكردەوە

خەڵك- بەشی هەواڵ

بەڕێوەبەرایەتی گشتی كەشناسی و بوومەلەرزەزانی ھەرێمی كوردستان، ئاگادارییەكی لەبارەی هاتنی شەپۆلێكی باران بارینەوە بڵاوكردەوە.

بەڕێوەبەرایەتییەكە لە ئاگادارییەكەدا نوسیویەتی”سەنتەری كاریگەریی نزمە پاڵەپەستۆیەك دەكەوێتە سەر ناوەڕاستی عێراق، كاریگەرییەكەی درێژ دەبێتەوە بۆ سەر بەشێك لە ناوچەكانمان”.

هەروەها نوسراوە”ئەمشەو بارانبارین لە كاتەكانی درەنگانی شەودا لە بەشێك لە ناوچەكانمان دەست پێدەكات، ئاستی بارانبارینەكە لەسەر بەشەكانی باشووری هەرێمی كوردستان زیاتر دەبێت، بە تایبەتی بەشێك لە (ئیدارەی گەرمیان و بەشێك لە ناوچەكانی باشووری پارێزگای سلێمانی)، لە كاتی زیادبوون و بەهێزبوونی كاریگەریی ئەم شەپۆلە، پێشبینی دەكرێت ئاستی باران بۆ بارانی بە لێزمە بگۆڕدرێت لە ناوچەكانی ئاماژەپێكراو، هەروەها لەكاتی بارانبارینی بەلێزمەدا، ئەگەری دروستبوونی هەورە تریشقەش هەیە”.

لە بەشێكی دیكەدا نوسراوە” لە درەنگانی شەوی سبەی سێشەممەدا، كاریگەریی ئەم شەپۆلە لەسەر ناوچەكانی باشووری هەرێمی كوردستان كۆتایی دێت، بەڵام لەسەر ناوچەكانی دیكەی هەرێمی كوردستان لە كاتێكی زووتر كۆتایی دێت”

بەردەوام بە لە خوێندنەوە

کوردستان