ئێمە لە تۆرە کۆمەڵایەتیەکان

ئابوری

هاتووچۆی سلێمانی چەند بڕیارێكی بۆ پشكنینی ئۆتۆمبێل دەركرد

خەڵك- بەشی هەواڵ
بەڕێوەبەرایەتی هاتووچۆی سلێمانی چەند بڕیارێك سەبارەت بە پشكنینی سەلامەتی ئۆتۆمبێل دەردەكات و ڕایدەگەیەنێت، هەر تاقیگەیەك پابەند نەبێت سزا دەدرێت.

بەڕێوەبەرایەتی هاتووچۆی پارێزگای سلێمانی لە ڕاگەیەندراوێكدا ئاماژەی بەوەكردووە، ئەمڕۆ عەمیدی مافناس، فەرەیدون عومەر، بەڕێوەبەری هاتووچۆی سلێمانی لەگەڵ خاوەنی تاقیگەكانی پشكنینی ئۆتۆمبێل كۆبۆتەوە بە مەبەستی تیشك خستنە سەر كاری تاقیگەكانی پشكنینی ئۆتۆمبێل بۆ دابینكردنی مەرجەكانی توندوتۆڵی بەمەبەستی پاراستنی گیانی هاووڵاتیان.

بەڕێوەبەری هاتووچۆ ڕایگەیاندووە، لە وەزارەتی ناوخۆوە بڕیار دەرچووە، كە پێویستە لەمەودوا سەرجەم تاقیگەكانی پشكنینی ئۆتۆمبێل ئامێر و كەرەستەی پێویستیان بۆ پشكنینی ئێرباك و پشتێنی سەلامەتی هەبێت.

ئاماژەی بەوەشكردووە، ئەو بڕیارە لە سەرەتای ساڵی داهاتووەوە جێبەجێ‌ دەكرێت و هەر تاقیگەیەك سەرپێچی بڕیارەكە بكات سزای دارایی دەدرێت.

عەمید فەرەیدون وتوشیەتی، “هەر تاقیگەیەك كارئاسانی بۆ ئۆتۆمبێل بكات لەكاتی پشكنیندا ڕووبەڕووی سزای دارایی دەبێتەوە و لەكاتی دووبارەكردنەوەی مۆڵەت لە تاقیگەكە وەردەگیرێتەوە”.

ئابوری

بەڕێوەبەرایەتی ئاوی سلێمانی هۆشداری بە هاووڵاتیان دەدات

خەڵك- بەشی هەواڵ
بەڕێوەبەرایەتی ئاوی سلێمانی هۆشداری بە هاووڵاتیان دەدات، كە لەكاتی سەرپێچی كردن بۆ سەر بۆریەكانی ئاو ڕووبەڕووی یاسا دەكرێنەوە.

ئامانج جەلال، وتەبێژی بەڕێوەبەرایەتی ئاوی سلێمانی بۆ (خەڵك) ڕایگەیاند، كە بۆریە سەرەكییەكانی گواستنەوەی ئاوی خواردنەوە بۆ هاووڵاتیان لە هێڵی دوكان- سلێمانی ئاوی خواردنەوە بۆ ژمارەیەكی زۆر لە هاووڵاتیانی سلێمانی و دەورووبەری و چەمچەماڵ و شۆڕش و بازیان و تەكیە و پیرەمەگروون دابین دەكەن.

ڕاشیگەیاند، كە بۆیە هاووڵاتیان و خاوەن زەوییەكانی نزیك لەو بۆریانە ئاگادار دەكەینەوە، كە هەر جۆرێك نزیكبوونەوە یان سەرپێچی كردن و شكاندنی ئەو بۆریانە دژی بەرژەوەندی گشتی و تەندروستی و پێچەوانەی یاسایە و كەسەكە ڕووبەڕووی یاسا و دادگا دەكەینەوە.

وتەبێژی بەڕێوەبەرایەتی ئاوی سلێمانی داوا لە هاووڵاتیان دەكات، “لەبەر بەرژەوەندی گشتی، لەكاتی شكاوی یان زیادەڕەوی بۆ سەر بۆریەكان ئاگادارمان بكەنەوە” .

بەردەوام بە لە خوێندنەوە

ئابوری

خشتەی هەفتەیەكی مووچەی فەرمانبەران ڕاگەیەنرا

خەڵك- بەشی هەواڵ
ماوەی هەفتەیەكە دابەشكردنی مووچەی مانگی 8ی فەرمانبەران دەستی پێكردووە و سەرچاوەیەكیش دەڵێت: “ئەم هەفتەیە زۆربەی وەزارەتەكان مووچە وەردەگرن”.

سەرچاوەیەك لە گەنجینەی سلێمانی بۆ (خەڵك) ئاشكرای كرد، كە دابەشكردنی مووچەی فەرمانبەران بەردەوامە و لەگەڵ گەیشتنی پارەی بەغدا لەم هەفتەیەدا زۆرینەی فەرمانبەران مووچە وەردەگرن.

ڕاشیگەیاند، ڕۆژی یەك شەممە 17/ 11/ 2019 مووچەی وەزارەتی كار و كاروباری كۆمەڵایەتی و خاوەن پێداویستییە تایبەتەكان خەرج ەدەكرێت.

وتیشی، “ڕۆژی دوو شەممە مووچەی ئەنجوومەنی دادوەری و ڕۆژی سێ شەممە مووچەی وەزارەتی داد خەرج دەكرێت”.

ئاماژەی بەوەشكرد، ڕۆژی چوار شەممە مووچەی وەزارەتەكانی (ناوخۆ، خوێندنی باڵا و توێژینەوەی زانستی، ئەوقاف و كاروباری ئایینی، سامانە سروشتیەكان) دابەش دەكرێت لەگەڵ (ھێزەكانی زێرەڤانی، ئەنجوومەنی ئاسایش، دەزگای گشتی ئاسایش، هێزی بەرگری فریاكەوتن، بەڕێوەبەرایەتی گشتی ڕەگەزنامەی ھەرێم، پۆلیسی نەوت و گاز).

ئاشكراشی كرد، ڕۆژی پێنج شەممە مووچەی وەزارەتەكانی (شارەوانی‌ و گەشتوگوزار، كشتوكاڵ، كارەبا، پلاندانان، گواستنەوه و گەیاندن) لەگەڵ (دیوانی‌ چاودێری‌ دارایی، دەستەی مافی مرۆڤ، دەستەی وەبەرهێنان، دەستەی دەستپاكی، دەستەی ژینگه، دەستەی ناوچە كوردستانییەكانی دەرەوەی ئیدارە هەرێم، كۆمیسیۆنی هەڵبژاردن، دەزگای گشتی كاروباری مین)

بەردەوام بە لە خوێندنەوە

ئابوری

مەرجی نوێ‌ بۆ هاوردەكردنی چەند جۆرێكی ئۆتۆمبێل دیاریكرا

خەڵك – بەشی هەواڵ‎
كۆمەڵگای دەروازەی نێودەوڵەتی حاجی ئۆمەران ڕایدەگەیەنێت، لە ساڵی نوێوە كۆمپانیاكانی بازرگانی هاوردەكردنی شەحن بۆ هێنانی چەند جۆرێك ئۆتۆمبێل پێویستە بڕوانامەی (COC)یان هەبێت.

كۆمەڵگای دەروازەی نێودەوڵەتی حاجی ئۆمەران لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، بە نووسراوی بەڕێوبەرایەتی گشتی گومرگـ، بەڕێوبەرایەتی ئۆتۆمبێل و ئامێرەكان ژمارە 21578 لە ڕۆژی 7-11-2019 چەند مەرجێكی نوێ بۆ هاوردەكردنی چەند جۆرێك لە ئۆتۆمبێل دیاریكراوە، پێویستە بڕوانامەی (COC)یان هەبێت.

ڕاشیگەیاندووە، بڕیارەكە گشت كۆمپانیا و بازرگان و دەرهێنەرانی گومرگ دەگرێتەوە، كە بازرگانی هاوردەكردنی شەحن دەكەن سەبارەت بە هێنانە ژورەوەی ئۆتۆمبێلی (پاص ۲٠ نەفەری بەرەوسەرەوە) و ئۆتۆمبێلی (بارهەڵگر ۳ تەن بەرەوسەرەوە) بۆ ناو هەرێمی كوردستان.

جەختیشی كردۆتەوە، كە بڕیارەكە لە 1-1-2020 جێبەجێ‌ دەكرێت.

بەردەوام بە لە خوێندنەوە

کوردستان