ئێمە لە تۆرە کۆمەڵایەتیەکان

جیهانی

(بارسا و پێشنیارێکی تر) یوڤی لە گواستنەوەی نایمارداهه‌نگاوێک پێش به‌رشلۆنه‌ که‌وتووه‌ !

خه‌ڵک سپۆرت

نایمار دا سیلڤای به‌رازیلی ئه‌ستێره‌ی یانه‌ی پاریس سانت جێرمان ده‌رگای گفتوگۆی به‌ڕووی یانه‌ زه‌به‌لاحه‌کانی کیشوه‌ری ئه‌وروپا کردۆته‌وه‌، بۆ ئه‌م مه‌به‌سته‌ش نوێنه‌رانی یانه‌ی یوڤانتۆس ده‌ستیان به‌ مامه‌ڵه‌ی گواستنه‌وه‌ی کردووه‌.

ڕۆژنامه‌ی “موندۆ دیپۆرتیڤۆ”ی ئیسپانی ئاشکرای کردووه‌، نایماری به‌رازیلی و به‌رپرسی کاروباره‌کانی هه‌ستیان به‌وه‌ کردووه‌ که‌ گه‌ڕانه‌وه‌یان به‌ره‌و خولی ئیسپانیا و به‌تایبه‌ت یانه‌ی به‌رشلۆنه‌ نزیکی مه‌حاڵه‌، به‌ڵکو ئاسته‌نگیه‌کان له‌چه‌ندین جه‌مسه‌ره‌وه‌ دروست بوون، له‌لایه‌ک یانه‌ی به‌رشلۆنه‌‌ له‌ڕووی داراییه‌وه‌ توانای پێدانی ٢٢٢ ملیۆن یورۆی به‌ کاش نییه‌، له‌لایه‌کی تریشه‌وه‌ له‌حاڵه‌تی گه‌ڕانه‌وه‌یدا ناچار ده‌بێت به‌هۆی ڕێساکانی باجدانی ئیسپانیاوه‌ بڕی ٣٥ ملیۆن یورۆ به‌ حکومه‌تی ئیسپانیا بدات.

سه‌رچاوه‌که‌ ئاماژه‌ی کردووه‌، له‌به‌رامبه‌ردا حکومه‌تی ئیتاڵیا ئاسانکاری به‌بڕی له‌سه‌دا سی باجدان بۆ یاریزانه‌ بیانیه‌کان ده‌کات، هه‌روه‌ها یانه‌ی یوڤانتۆس به‌شێوه‌ی قیست بڕی پاره‌ی گواستنه‌وه‌ی ماتیاس دی لیختی هۆڵه‌ندی ده‌دات و دوو یاریزانیشی بێبه‌رامبه‌ر گواستۆته‌وه‌ بۆ ڕیزه‌کانی (ڕامسی و ڕابیۆ)، ئه‌وه‌ش وا ده‌کات له‌ڕووی داراییه‌وه‌ خاوه‌نی بودجه‌یه‌کی دیاریکراو و هاوسه‌نگ بێت، سەرباری ئەوەش ئامادەییان نیشانداوە بڕی ٩٠ ملیۆن و دیبالا و ماتویدی پێشکەشی پاریس سانت جێرمان بکەن.

شاره‌زایان پێیان وایه‌ گواستنه‌وه‌ی نایمار بۆ یوڤانتۆس ئاسانتره‌، هه‌ر به‌و هۆیه‌شه‌وه‌ له‌ گفتوگۆکاندا فابیۆ پاراتیچی و پاڤڵ نیدڤیدی به‌ڕێوه‌به‌رانی بیانکۆنێری ته‌نها له‌ چه‌ند ڕۆژێکدا توانیویانه‌ پێشه‌نگ له‌ یانه‌ی به‌رشلۆنه‌ بگرن.

لەلایەکی ترەوە ڕۆژنامەی “سپۆرت بڵاویکردۆتەوە، کە ئیدارەی یانەی بەرشلۆنە پێشنیارێکی نوێیان کردووە، ئەویش خۆی لە گواستنەوەی نایماردا دەبینیتەوە بەشێوەی خواستن و بۆ وەرزێک، لەدوای ئەو وادەیەش گواستنەوەکە دەبێتە ناچاری بەو بڕەی دوو جەمسەری فرۆشیار و کڕیار لەسەری ڕێکدەکەون، هەموو ئەمانەش بۆ ئەوەیە لەم وەرزەدا ئیدارەی بارسا پارێزگاری لە جیاوازی نێوان داهات و خەرجیات بکات (ڕێساکانی یاریی خاوێن).

جیهانی

کۆتینیۆ (٢٥) ملیۆنی بۆ به‌رشلۆنه‌ گه‌ڕاندۆته‌وه‌‌ و پاریس ڕێگه‌ی گه‌ڕانه‌وه‌ی نایماری لێگرتوون !

خه‌ڵک سپۆرت

گواستنه‌وه‌ی فیلیپی کۆتینیۆ به‌شێوه‌ی خواستن بۆ یانه‌ی بایرن میونشن، سودی (٢٥) ملیۆن یورۆی به‌ یانه‌ ئیسپانیه‌که‌ گه‌یاندووه‌ و له‌لایه‌کی تره‌وه‌ گفتوگۆکان بۆ گواستنه‌وه‌ی نایمار ئاسته‌نگی بۆ دروست بووه‌.

پۆرتاڵی “دۆن بالۆن”ی ئیسپانی ئاشکرای کردووه‌، له‌ڕابردوودا یانه‌ی به‌رشلۆنه‌ به‌بڕی ١٢٠ ملیۆن یورۆ کۆتینیۆیان له‌ یانه‌ی لیڤه‌رپوڵه‌وه‌ گواستۆته‌وه‌ بۆ ڕیزه‌کانیان، هه‌روه‌ها بڕیاربووه‌ بڕی ٤٠ ملیۆن یورۆی زیاده‌ش پێشکه‌ش بکه‌ن له‌ ئه‌گه‌ری به‌شداریکردنی یاریزانه‌که‌ له‌ ١٠٠ ڕووبه‌ڕوبونه‌وه‌ و به‌ده‌ستهێنانی نازناوی خولی یانه‌ پاڵه‌وانه‌کان و چه‌ند مه‌رجێکی تر.

“کۆتی” ئه‌و دوو مه‌رجه‌ی تێدا نه‌بووه‌ (١٠٠ یاریی و نازناوی چامپیۆنز لیگ) بۆیه‌ یانه‌ی به‌رشلۆنه‌ بڕی (٢٥ ملیۆن یورۆ) که‌متر له‌ نرخی ١٦٠ ملیۆنیان پێشکه‌شی لیڤه‌رپوڵ کردووه‌، له‌ئێستاشدا به‌شێوه‌ی خواستن په‌یوه‌ندی به‌ بایرنه‌وه‌ کردووه‌ و ئه‌و دوو به‌نده‌ی بۆنده‌که‌ی هه‌رگیز جێبه‌جێ نابێت، هه‌روه‌ها ته‌نها به‌ خواستنی بڕی ٢٠ ملیۆن یورۆیان له‌ بایرنه‌وه‌ به‌ده‌ست هێناوه‌ و ئه‌گه‌ر یانه‌ باڤاریه‌که‌ به‌تواناکانی قایل بێت ئه‌وا وه‌رزی داهاتوو ١٢٠ ملیۆن یورۆ پێشکه‌ش ده‌کات، به‌وشێوه‌یه‌ بڕی ته‌واوی پاره‌ی گواستنه‌وه‌ی به‌بێ که‌م و زیاد ده‌ست ئیداره‌ی جوسێپی ماریا بارتومیۆ ده‌که‌وێته‌وه‌.

له‌به‌رامبه‌ر ئه‌م زانیارییانه‌دا، ئه‌لیخاندرۆ ساکریستانی ڕۆژنامه‌وان به‌ هه‌مان سه‌رچاوه‌ی ڕاگه‌یاندووه‌، گفتوگۆکان بۆ گواستنه‌وه‌ی نایمار له‌ پاریسه‌وه‌ بۆ “کامپ نو” ئاسته‌نگی بۆ دروست بووه‌، چونکه‌ یانه‌ی فرۆشیار له‌ فرۆشتنی کۆتینیۆ بێزاره‌ و له‌کۆتا کۆبونه‌وه‌دا لیۆناردۆی به‌ڕێوه‌به‌ری وه‌رزشیی یانه‌ فه‌ره‌نسیه‌که‌ به‌ نوینه‌رانی بارسای وتووه‌: یان ٢٠٠ ملیۆن، یان هیچ.

ئه‌وه‌ش ده‌ریده‌خات که‌ ناسڕ خلێفی و هاوه‌ڵانی به‌ ئاڵوگۆڕی یاریزانان قایل نابن به‌تایبه‌ت پاش فرۆشتنی کۆتینیۆ له‌لایه‌ن به‌رشلۆنه‌وه‌، لێره‌شدا ئاسته‌مه‌ بارتومیۆ و هاوه‌ڵانی بتوانن بڕی ٢٠٠ ملیۆن له‌ گواستنه‌وه‌ی ئه‌ستێره‌ به‌رازیلیه‌که‌دا به‌کاربخه‌ن به‌هۆی ڕێساکانی یاریی خاوێنه‌وه‌.

بەردەوام بە لە خوێندنەوە

جیهانی

ڕۆژنامەوانێکی ناوداری ئیسپانیا ستراتیجی ڕیاڵ مه‌درید بۆ گواستنه‌وه‌ی نایمار ئاشکرا ده‌کات

خه‌ڵک سپۆرت

تۆماس ڕۆنسێرۆی ڕۆژنامه‌وانی ناوداری مه‌درید سترایجی ئیداره‌ی یانه‌ی ڕیاڵ مه‌درید بۆ گواستنه‌وه‌ی نایمار ئاشکرا ده‌کات و دانیشی پێدا ده‌نێت، که‌ له‌ئێستادا یانه‌ی به‌رشلۆنه‌ هه‌وڵه‌کانی بۆ هه‌مان مه‌به‌ست به‌گه‌ڕخستووه‌.

ڕۆسنێرۆ له‌ ڕۆژنامه‌ی “ئاس”ی ئیسپانی ڕاپۆرتێکی نوسیوه‌ تیایدا هاتووه‌، نایمار هه‌ڵوێستی ڕوونه‌ و ده‌یه‌وێت بگه‌ڕێته‌وه‌ بۆ “کامپ نو” هه‌ر به‌وهۆیه‌شه‌وه‌ به‌رپرسانی یانه‌ی به‌رشلۆنه‌ ده‌ستیان به‌ گفتوگۆیه‌کی چڕوپڕ کردووه‌ و له‌هه‌وڵدان بۆ ئیمزاکردنی بۆنده‌که‌ی.

به‌پێی زانیارییه‌ به‌ده‌ستهاتووه‌کان، ئیداره‌ی فلۆرنتینۆ پێرێز له‌ هاوینی ڕابردوو خواستیان له‌سه‌ر یاریزانه‌ به‌رازیلیه‌که‌ بووه‌، به‌ڵام له‌م وه‌رزه‌دا به‌هۆی ڕه‌تکردنه‌وه‌ی به‌رده‌وامی زینه‌دین زێدانه‌وه‌ چیتر ئه‌م بۆنده‌ له‌ لوتکه‌ی خواستی یانه‌ مه‌دریدیه‌که‌ نه‌ماوه‌، به‌ڵکو ته‌نها له‌ یه‌ک حاڵه‌تدا ئاماده‌ن گفتوگۆ بۆ گواستنه‌وه‌ی بکه‌ن ئه‌ویش کاتێک یانه‌ی به‌رشلۆنه‌ له‌ گفتوگۆکاندا به‌رامبه‌ر یانه‌ی پاریس سانت جێرمان شکست بهێنێت.

ڕۆنسێرۆ نوسیویه‌تی، زێدان به‌رهه‌ڵستی گواستنه‌وه‌که‌ ده‌کات و به‌ ئاشکرا ڕایگه‌یاندووه‌ که‌ پێویستی به‌ تواناکانی نایمار نییه‌ و له‌ پێگه‌که‌یدا خاوه‌نی ڤینیسیۆز و لوکاس ڤاسکیز و ڕۆدریگۆ و ته‌نانه‌ت گاریس به‌یله‌ که‌ تائێستا له‌ یانه‌که‌ به‌رده‌وامه‌.

به‌هۆی پێداگری زێدان و گفتوگۆکانی نێوان بارسا و پاریس حاڵی حازر‌ پێرێز له‌چاوه‌ڕوانیدایه‌، ئه‌گه‌ر بێتو یانه‌ی به‌رشلۆنه‌ له‌گه‌ڕاندنه‌وه‌ی نایمار سه‌رکه‌وتوو نه‌بێت ئه‌وا یانه‌ی پاریس سانت جێرمان وه‌ک فریادڕه‌سێک په‌یوه‌ندی به‌ پێرێزه‌وه‌ ده‌که‌ن و داوای لێده‌که‌ن گفتوگۆ بۆ گواستنه‌وه‌ی نایمار ده‌ست پێبکات، چونکه‌ چیتر یاریزانه‌که‌ له‌لایه‌ن سه‌رکرده‌کانی پاریس و هانده‌رانه‌وه‌ قبوڵکراو نییه‌ و نابێت وه‌رزی نوێ له‌و یانه‌یه‌ به‌رده‌وام بێت، ئه‌وه‌ش خۆی له‌ خۆیدا له‌لایه‌ن ڕۆسنێرۆوه‌ به‌ کێشه‌ وه‌سفکراوه‌ به‌وپێیه‌ی پێرێز هێشتا خه‌ون به‌ “نێی”یه‌وه‌ ده‌بینێت و ئه‌گه‌ر بشیکڕێت ئه‌وا زێدان یاخی ده‌بێت.

بەردەوام بە لە خوێندنەوە

جیهانی

خشته‌ و کاتی یارییه‌کانی ئه‌مڕۆی خوله‌ ناوخۆییه‌کانی ئه‌وروپا (یه‌کشه‌ممه‌)

خه‌ڵک سپۆرت

پاش ده‌ستپێکردنه‌وه‌ی زۆرینه‌ی خوله‌ گه‌وره‌کانی کیشوه‌ری ئه‌وروپا، ئه‌مڕۆ ململانێکان به‌رده‌وامیان ده‌بێت و چه‌ندین ڕووبه‌ڕوبونه‌وه‌ی به‌هێز ئه‌نجام ده‌درێن، گرنگترینیان ئه‌مانه‌ن:

خولی ئینگلیزی

شیفێڵد یونایتد – کریستاڵ پاڵاس (٤:٠٠)

چێڵسی – لیسته‌ر سیتی (٦:٣٠)

خولی ئیسپانیا

دیپۆرتیڤۆ ئالاڤێس – لیڤانتی (٦:٠٠)

ئیسپانیۆل – سڤیلیه‌ (٨:٠٠)

ڕیاڵ بیتیس – ڤه‌له‌د وه‌لید (١٠:٠٠)

ئه‌تله‌تیکۆ مه‌درید – خیتافێ (١١:٠٠)

خولی ئه‌ڵمانیا

ئینتراخت فرانکفۆرت – هۆفینهایم (٤:٣٠)

یونایۆن به‌رلین – لایپزیگ (٧:٠٠)

خولی فه‌ره‌نسا

سانت ئیتیان – ستاد بریست (٤:٠٠)

ستاد ڕیمس – ستراسبۆرگ (٦:٠٠)

ستاد ڕینس – پاریس سانت جێرمان (١٠:٠٠)

بەردەوام بە لە خوێندنەوە

کوردستان