ئێمە لە تۆرە کۆمەڵایەتیەکان

کوردستان

مامۆستایانی وانەبێژ داوای دامەزراندن دەكەن

خەڵك- ئارام سەردار

دەستەی داكۆكی لە مامۆستایانی وانەبێژ و گرێبەست لەبەردەم سەرۆكایەتی ئەنجومەنی وەزیران لە هەولێر گردبوونەوەیەكیان ئەنجامدا و چەند داواكارییەكیان ئاڕاستەی حكومەتی نوێی هەرێم كرد.
سۆران كەریم یەكێك لەمامۆستایانی وانەبێژ بە(خەڵك)ی ڕاگەیاند، پێشتر بەڵێنمان پێدرابوو دابمەزرێین یاخود بكرێین بەگرێبەست، بۆیە داوا لە ئەنجومەنی وەزیران و وەزارەتی پەروەردە و لیژنەی پەروەردە و خوێندنی باڵا لە پەڕلەمانی كوردستان دەكەین، داواكاریی و بەڵێنەكان جێبەجێ بكەن.
وتیشی”لە هەرێمی كوردستان 11 هەزار مامۆستای وانەبێژ و ٦ هەزار مامۆستای گرێبەست بوونی هەیە و بەوپەڕی دڵسۆزییەوە كاری خۆیان كردووە، سەڕەڕای خراپی دۆخی گوزەرانیان، بۆیە داوا دەكەین دابمەزرێین بەهەمیشەیی، ئەگەر ئەوەش ناكرێت دەتوانرێت مامۆستایانی گرێبەست بكرێن بەهەمیشەیی و وانەبێژان بكرێن بەگرێبەست بەبێ جیاوازی و ساڵانی وانەبێژی بە خزمەت بۆمان هەژمار بكرێت.

کوردستان

دوو ڕۆژ لە هەرێمی كوردستان دەبێتە پشوو

خەڵك- بەشى هەواڵ
بەپێی بڕیاری پەڕلەمانی كوردستان و بەپێی خشتەی پشووە فەرمیەكانی حكومەتی هەرێم هەردوو ڕۆژی 1ی موحەڕەم و 10ی موحەڕەم لە هەرێمی كوردستان دەبنە پشووی فەرمی.

بەپێی خشتەی پشووە فەرمییەكانی حكومەتی هەرێمی كوردستان، كە گشتاندنی بۆ كراوە، هەردوو ڕۆژی 1ی موحەڕەم (سەری ساڵی كۆچی) و 10ی موحەڕەم (ڕۆژی عاشورا)ی هەموو ساڵێك دەبنە پشووی فەرمی.

بەپێی ڕۆژمێری كۆچی، ئەمڕۆ 24ی ئاب هاوكاتە لەگەڵ 23ی مانگی زیلحیجەی كۆچی و بەو هۆیەوە ڕۆژی شەممەی داهاتوو دەكاتە 30ی زیلحیجە و ڕۆژی یەك شەممە 1ی ئەیلول دەبێتە 1ی موحەڕەم و ڕۆژی سێ‌ شەممە 10ی ئەیلول دەبێتە 10ی موحەڕەم.

بەپێی ڕۆژمێری سعودی، 1ی ئەیلول دەبێتە 1ی موحەڕەمى ساڵی 1441 و 10ی ئەیلول-یش دەبێتە 10ی موحەڕەم، بەڵام ئەوەش ڕەها نییە و دەكرێت بەهۆی بینینی مانگەوە گۆڕانكاری بەسەردابێت.

بەردەوام بە لە خوێندنەوە

کوردستان

توركیا بۆردومانی ناوچەكانی ئاكریِ دەكات

خەڵك- بەشی هەواڵ
فڕۆكە جەنگیەكانی توركیا جارێكی دیكە كایەی ئاسمانی هەرێمی كوردستان دەبەزێنن و چەند ناوچەیەكی سنوری ئاكرێ‌ بۆردومان دەكەن.

بەپێی زانیاریەكان، دوانیوەڕۆی ئەمڕۆ شەممە 24ی ئاب، فڕۆكە جەنگییەكانی توركیا بۆردوومانی گوندەكانی بابلۆ و باكورمان-یان لە ناوچەی زێباری سەر بە شارۆچكەی ئاكرێ لە پارێزگای دهۆك كردووە.

بەپێی زانیاریە ڕۆژنامەوانیەكان، بەهۆی بۆردومانەكەوە ئۆتۆمبیلێك سووتاوە و زیانیش بە ڕەز و باخی هاووڵاتیان كەوتووە و ترس و دڵەڕاوكێ‌ لای هاووڵاتیان دروست بووە.

بەردەوام فڕۆكە جەنگیەكانی توركیا بە بیانووی بوونی گەریلاكانی پەكەكە ناوچەكانی هەرێمی كوردستان بۆردومان دەكات و لە چەند ناوچەیەكیش بە دەیان كیلۆمەتر هاتۆتە ناو خاكی هەرێم و سەنگەری لێداوە.

بەردەوام بە لە خوێندنەوە

کوردستان

بەوێنە؛ چوارەمین فێستیڤاڵی مێژوویی مەریوان بەڕێوەدەچێت

خەڵك – بەشی هەواڵ
بەبەشداری 11 وڵاتی جیهان، چواردەهەمین فێستیڤاڵی مێژوویی شارۆچكەی مەریوان لە پاركی شانۆ بەڕێوەدەچێت و بڕیارە لە ئەمڕۆوە تا پێنج ڕۆژ بەردەوام بێت.

چواردەهەمین فێستیڤاڵی مێژوویی شارۆچكەی مەریوان لە پاركی شانۆ بە بەشداری 11 وڵاتی جیهان و بە بەشداری هونەرمەندان و شانۆكاران دەستی پێكرد و بۆ ماوەی پێنج ڕۆژ بەردەوام دەبێت و تێیدا چەندین چالاكی هونەری و كلتوری ئەو وڵاتانە پێشكەش دەكرێت.

لە فێستیڤاڵەكەدا هەریەك لە وڵاتانی هۆڵەندا و مەكسیك و ڕوسیا و ئیتاڵیا و بەڕازیل و ئۆكرانیا و ئەرمەنستان و عیراق و ئوردن و گورجستان و لوبنان بەشداریان تێدا كردووە و شاندێكی هەرێمی كوردستانیش لەو فێستیڤاڵەدا بەشداری دەكات.

بەردەوام بە لە خوێندنەوە

کوردستان