ئێمە لە تۆرە کۆمەڵایەتیەکان

جیهان

ئەحمەدی نەژاد سێ‌ نامەی بۆ ترەمپ ناردووە

خەڵك – بەشی هەواڵ

سەرۆكی پێشووتری كۆماری ئیسلامی ئێران پێشنیارێكی خستۆتەڕوو، تیایدا داوا دەكات تاران و واشنتۆن گفتوگۆی دوو قۆڵی ئەنجام بدەن.

مەحمود ئەحمەدی نەژاد نەژاد سەرۆكی پێشووتری كۆماری ئیسلامی ئێران لە پەیوەندییەكی تەلەفۆنیدا لەگەڵ ڕۆژنامەی (نیویۆرك تایمز)ی ئەمریكایی، دۆناڵد ترەمپ سەرۆكی ئەمریكای بە كەسێكی كردە و سەرمایەدار دادەنێت كە دەتوانێت خەرجی و سوودەكان مەزەندە بكات و بڕیار بدات لێرەشەوە داوا لە ترەمپ دەكات لە سەر بنەمای خەرجی و سوودەكان قازانج و سوودەكانی هەردوو وڵات بۆ ماوەیەكی دوور مەودا بخەمڵێنێت و گفتوگۆیەكی ڕاستەوخۆ لەگەڵ تاراندا ئەنجام بدات.

مەحمود ئەحمەدی نەژاد جەختیشیكردەوە، پێویستە تاران و واشنتۆن گفتوگۆیەكی ڕاستەوخۆ دەست پێبكەن بۆ یەكلایی كردنەوەی ئەو ناكۆكیانەی كە لە ساڵی 1978 وە لە نێوان هەردوو وڵاتدا دروست بوون، دەشڵێت ترەمپ كارێكی باش دەكات ئەگەر سەرەتا بەشێك لە سزاكان لەسەر ئێران هەڵگرێت.

سەرۆكی پێشووتری ئێران ئاشكراشیكرد، لە ڕێگەی باڵیۆزی سویسڕاوە لە تاران سێ پەیامی ئاڕاستەی ترەمپ كردووە كە تیایاندا بیرۆكەی فەلسەفی و ئامۆژگاری بەڕێوەبردنیان بۆ ترەمپ تێدابووە.

جیهان

بەوێنە..لە ڕووداوێكدا 40 عومرەكار بوونە قوربانی

خەڵك-بەشی هەواڵ

 

بەهۆی گڕگرتنی پاسێكی نەفەرهەڵگر ژمارەیەك لە عومەركاران گیانیان لەدەستدا.

تۆڕی سپوتنێك بڵاویكردەوە، بەهۆی پێكدادانی پاسێك و ئۆتۆمبێلێكی بارهەڵگر لەنێوان شارەكانی مەككە و مەدینە لە وڵاتی سعودیە لانی كەم 36 هاوڵاتی گیانیان لەدەستدا.

بەپێی زانیارییەكان، پاسەكە ژمارەیەك لە عومەرەكارانی تێدابووە و دوای پێكدادانی لەگەڵ ئۆتۆمبێلێكی بارهەڵگر ئاگری تێبەر دەبێت و دەبێتە هۆی گیانلەدەستدانی ژمارەیەك زۆر لە سەرنشینانی.

ئاشكراشیدەكات، ژمارەی عومرەكاران 40 كەس بوون و 4 كەسیان ڕەوانەی نەخۆشخانەكان كراون.

بەردەوام بە لە خوێندنەوە

جیهان

ترەمپ: ئەگەر دانوستانەكان لەگەڵ ئەردۆغان سەركەوتوو نەبن سزاكانمان وێرانكەر دەبن بۆ توركیا

خەڵك – بەشی هەواڵ

سەرۆكی ئەمریكا هەڕەشەی وێرانكردنی ئابووری توركیای كرد ئەگەرهاتوو دانوستانەكەی مایك پێنس جێگری سەرۆكی ویلایەتە یەكگرتووەكان لەگەڵ ڕەجەب تەیب ئەردۆغان سەرۆكی توركیا سەركەوتوو نەبن.

دۆناڵد ترەمپ سەرۆكی ئەمریكا لە میانی پێشوازیكردنی لە سێرجیۆ ماتاریلا سەرۆكی ئیتاڵیا، سەبارەت بە دوایین گۆڕانكارییەكانی هێرشەكەی توركیا بۆ سەر ڕۆژئاوای كوردستان وەڵامی ڕۆژنامەنووسانی دایەوە.

ترەمپ ڕایگەیاند، ئەو گڵۆپی سەوزی بۆ دەستپێكردنی هێرشی توركیا بۆ سەر سوریا هەڵنەكردووە و هیواشی خواست ئەنقەرە و دیمەشق بتوانن كێشەكانیان چارەسەر بكەن.

هاوكات ترەمپ ئاماژەشیدا بە گرنگیی سەركەوتنی دانوستانەكانی مایك پێنس جێگری سەرۆكی ویلایەتە یەكگرتووەكان لەگەڵ ڕەجەب تەیب ئەردۆغان سەرۆكی توركیا و جەختیشیكردەوە كە ئەگەر دانوستانەكان سەركەوتوو نەبن، ئەوا سزاكانیان بۆ سەر توركیا وێرانكەر دەبن.

بەردەوام بە لە خوێندنەوە

جیهان

مەزڵوم كۆبانێ: توركیا هەموو هێزی خۆی بەكاردەهێنێت و ئێمەش بەرخۆدان دەكەین

خەڵك – بەشی هەواڵ

فەرماندەی گشتی هێزەكانی سوریای دیموكرات (هەسەدە) ڕایدەگەیەنێت: توركیا هەمو هێزی خۆی بۆ هێرش كردنە سەر ڕۆژئاوای كوردستان و داگیركردنی خاكی باكووری سوریا بەكاردەهێنێت، ئێمەش بەرخۆدانێكی مەزن دەكەین.

مەزڵوم كۆبانێ، فەرماندەی گشتی هێزەكانی سوریای دیموكرات (هەسەدە) لە چاوپێكەوتنێكی تەلەفزیۆنیدا ڕایگەیاند: شەڕ لە ڕۆژی هەشتەمدایە هێرشی توركیا بە ئامانجی داگیركردنی ڕۆژئاوای كوردستان و خاكی باكووری سوریا بەردوامە، لەبەرامبەریشدا بەرخۆدانێكی گەورە هەیە.

مەزڵوم كۆبانێ وتیشی :”دەوڵەتی توركيا هەمو هێزی خۆی بەكاردەهێنێت سەدان فڕۆكەی جەنگی و فڕۆكەی چاودێریی بەكاردەهێنێت، بۆیە شەڕ و ڕووبەڕووبوونەوە سەختە”.

فەرماندەی گشتی (هەسەدە) ڕەخنەی لە بڕیارەكانی سەرۆكی ئەمریكا گرت بۆ كشانەوەی هێزەكانی وڵاتەكەی لە ڕۆژئاوای كوردستان (باكووری ڕۆژهەڵاتی سوریا) و وتی :”ئەەریكا پابەندییەكانی خۆی بەرامبەر ئێمە جێبەجێ نەكرد”.

مەزڵوم كۆبانێ جەختیشی كردەوە كە:” پێشتریش چەند جارێك هۆشدارییمان داوە ئەگەر توركیا هێرش بكاتە سەرمان، شەڕی داعش و پاراستنی زیندانی و كامپەكان دەبێتە ئەولەویەتی دووەم و سێیەم، لەبەرامبەردا ئەمریكا دەیەوێت شەڕی ڕووبەڕووبوونەوەی داعش بەردەوام بێت”.

مەزڵوم كۆبانێ ئاماژەی بەوەشدا:”بەلای ئێمەوە پاراستنی گەلەكەمان و ڕۆژئاوای كوردستان لە ئێستادا ئەولەویەتە، نەك شەڕی داعش”.

بەردەوام بە لە خوێندنەوە

کوردستان