ئێمە لە تۆرە کۆمەڵایەتیەکان

جیهان

ئێران دەستی بەسەر دووەم كەشتی نەوتهەڵگری بەریتانیادا گرت

خەڵك – بەشی هەواڵ

بەپێی چەند ڕاپۆرتێك، دووەم كەشتی نەوتهەڵگری بەریتانیا لەلایەن ئێرانەوە لە گەرووی هورمز دەستیبەسەرداگیرا.

بەپێی داتاكانی دەزگای (ڕیڤینیتیف) بۆ چاودێری جووڵەی كەشتییەكان، ئەمڕۆ هەینی 19/7/2019 دووەم كەشتی نەوتهەڵگری بەریتانیا كە ئاڵای لیبیریای لەسەر هەڵكراوە لە باكوری گەرووی هورمز بەرەو كەناراوەكانی ئێران ئاڕاستەی گۆڕیوە و لەلایەن ئێرانەوە دەستیبەسەرداگیراوە.

ڕاپۆرتی ئەو دەزگایە ڕوونیشیكردووەتەوە، كەشتییە نەوتهەڵگرەكە كاتژمێر 4 بە كاتی گرێنیچ واتە 40 خولەك دوای دەستبەسەرداگرتنی كەشتی نەوتهەڵگری (ستینا ئیمپرۆ) كە لەلایەن سوپای پاسدارانی ئێرانەوە دەستیبەسەر داگیراوە، بەرەو هەمان شوێن ئاڕاستەی گۆڕیوە.

جێی ئاماژەیە، سوپای پاسدارانی ئێران ڕایگەیاند، ئەمڕۆ هەینی 19/7/2019 لە گەرووی هورمز دەستیان بەسەر كەشتییەكی نەوتهەڵگری بەریتانیادا گرتووە و كەشتییە نەوتهەڵگرە بەریتانییەكە ناوی (ستینا ئیمپیرۆ)یە و پابەندی یاساكانی درەیاوانی نەبووە.

دوابەداوی ئەو ڕووداوەش، گاریت ماركیز وتەبێژی ئەنجومەنی ئاسایشی نەتەوەیی ئەمریكا لە كۆشكی سپی ڕایگەیاند، وڵاتەكەی لەگەڵ هاوپەیمانەكانی كاردەكەن بۆ پاراستنی ئاسایش و بەرژەوەندییەكانیان و ڕووبەڕووبوونەوەی ڕەفتارەكانی ئێران.

جیهان

كۆمپانیای ئارامكۆ و دوو فڕۆكەخانە و بنكەیەكی سەربازی سعودیە بۆردومانكران

خەڵك-بەشی هەواڵ
گروپی (انصار الله)ی حوسی ڕایدەگەیەنێت، هێرشێكی فراوانی بۆ سەر پێگەكان “لە قوڵایی خاكی سعودیە”ئەنجامداوە، كە كۆمپانیای نەوتی سعودی (ئارامكۆ) و دوو فڕۆكەخانە و بنكەیەكی سەربازیان كردۆتە ئامانج.

ئەمڕۆ چوار شەممە، هێزە چەكدارەكانی سەر بە حوسییەكان لە بەیاننامەیەكدا ڕایانگەیاندووە، وەك وەڵامێك بۆ هێرشە ئاسمانییەكانی هاوپەیمانی عەرەبی بەسەركردایەتی سعودیە، هێزە مووشەكی و فڕۆكە بێفڕۆكەوانییەكانیان ئۆپەراسیۆنی جۆرییان ئەنجامداوە.

هەر لە بەیاننامەكەدا هاتووە، “دامەزراوەكانی ئارامكۆ لە ناوچەی جاوان و دوو فڕۆكەخانە لە ئەبها و جاوان و بنكەی خەمیس مشیت و چەند ئامانجێكی گرنگی تر لە قوڵایی خاكی سعودیە، بە ژمارەیەك مووشەك و فڕۆكەی بێفڕۆكەوان بۆردومان كراون”.

تائێستا لایەنی سعودیە هیچ ڕوونكردنەوەیەكی لەبارەی بەیاننامەی حوسییەكان بڵاونەكردۆتەوە، بە هەمان شێوە ئارامكۆش سەبارەت بە بۆردومانكردنی دامەزراوەكانی لە سعودیە لەلایەن حوسییەكانەوە، ڕوونكردنەوەی بڵاونەكردۆتەوە.

بەردەوام بە لە خوێندنەوە

جیهان

پزیشكێكی ئەڵمانی باشترین شێوازی خۆپاراستن لە كۆرۆنا ئاشكرادەكات

خەڵك- بەشی هەواڵ
پسپۆڕی پزیشكی نەخۆشییە گوازراوەكان لە ئەڵمانیا ڕایدەگەیەنێت، پابەندبوون بە مەرجە تەندروستییەكان، باشترین ئامرازە بۆ خۆپاراستن لە نەخۆشییەكانی كۆئەندامی هەناسە و نەخۆشسییە گوازراوەكانی وەك سەرمابوون و ئەنفلۆنزا و تەنانەت ڤایرۆسی كۆرۆناش.

دكتۆر ئۆلیڤەر فیتسكە، كە پزیشكێكی ئەڵمانییە بەپێویستی دەزانێت بۆ خۆپاراستن لە نەخۆشییە گوازراوەكان، بەردەوام دەستەكانمان بشۆین بەشێوەیەكی ڕێكخراو لەنێوان ماوەیەك بۆ ماوەیەكی تر، كە كەمتر نەبێت لە 20 خولەك، لەگەڵ ڕەچاوكردنی بۆشاییەكانی نێوان پەنجەكانمان و پشتی دەستمان.

بە وتەی ئەو پزیشكە ئەڵمانیە، “تابتوانرێت خۆمان لە تەوقەكردن لەو كەسانە دووربخەینەوە، كە تووشی پژمین و كۆكە بوون، چونكە میكرۆبەكان لەڕێی پزیسكە تەڕەكانەوە دەگوازرێنەوە و لە هەمان كاتدا پێویستە چارەسەر لە دژی ئەنفلۆنزا وەربگیرێت”.

پزیشكەكە بەپێویستی دەزانێت، بەخێرایی سەردانی پزیشكی پسپۆڕ بكرێت لەحاڵەتی گومان بردن بە توشبوون بە ڤایرۆسی كۆرۆنا، كە نیشانەكانی خۆی لە كۆكەی وشك و تەنگەنەفەسی و تا و لوتگیران و هەستكردن بە ماندوبوونێكی زۆر، دەبینێتەوە.

بەردەوام بە لە خوێندنەوە

جیهان

ئەندەنووسیا گەشتە ئاسمانییەكانی بۆ چین ڕاگرت

خەڵك –بەشی هەواڵ

هێڵی ئاسمانی ئەندەنووسیا گەشتە ئاسمانییەكانی بۆ چین ڕاگرت.

حكومەتی ئەندەنووسیا ڕایگەیاند هەڵپەساردنی گەشتە ئاسمانییەكان بۆ چین بەهۆی نەخۆشی كۆرۆناوەیە و تا كاتێكی نادیار گەشتەكان ڕادەگیرێن.

ئەمڕۆ بەریتانیاش گەشتە ئاسمانییەكانی بۆ شارەكانی پەكین و شەنگەهای چین ڕاگرت.

بەپێی نوێترین ئامار 132 كەس بەهۆی كۆرۆناوە گیانیان لەدەستداوە و 6 هەزار كەسی دیكەش تووشی نەخۆشییەكە بوون.

نەخۆشییەكە بە چەندین وڵاتی دیكەشدا بڵاوبووەتەوە و ئەمڕۆ ئیماراتی عەرەبی وەك یەكەم وڵاتی ڕۆژهەڵاتی نێوەڕاست گەیشتنی نەخۆشییەكەی بەو وڵاتە ڕاگەیاند.

بەردەوام بە لە خوێندنەوە

کوردستان