ئێمە لە تۆرە کۆمەڵایەتیەکان

ئابوری

گرژییەكانی كەنداو نرخی نەوت بەرزدەكاتەوە

خەڵك –بەشی هەواڵ

نرخی نەوتی خاو لە بازاڕەكانی جیهاندا بەكاریگەری گرژییەكانی تەنگەی هۆرمز بەرزبووەوە.

دوای ئەوەی ئەمریكا خستنەخوارەوەی فڕۆكەیەكی بێفڕۆكەوانی ئێرانی لە نزیك یەكێك لە كەشتییە جەنگییەكان لە تەنگەی هۆرمز ڕاگەیاند، نرخی نەوت بەرز بووەوە.

ئەمڕۆ نرخی نەوتی خاوی برێنت گەیشتە 62.74 دۆلار بۆ هەر بەرمیلێك و بە ڕێژەی 1.31% بەرز بووەوە.

هاوكات نرخی گرێبەستەكانی خاوی ئەمریكایی لە نەوتی تێكساسی نێوەڕاست بە ڕێژەی 0.78% بەرزبووە و گەیشتە 55.73 دۆلار بۆ هەر بەرمیلێك.

ئەو بەرزبوونەوەیە هاوكاتە لەگەڵ گرژییە نوێیەكانی ناوچەی كەنداو، دوای ئەوەی ترەمپ سەرۆكی ئەمریكا ڕایگەیاند فڕۆكەیەكی بێفڕۆكەوانی ئێرانیان خستووەتەخوارەوە دوای ئەوەی لە كەشتی جەنگی یوئێس بوكسر نزیكبووەتەوە بۆ چەند هەزار مەترێك لە تەنگەی هۆرمز.

ئەمە لەكاتێكدایە ئێرانیش دوێنێ دەستی بەسەر كەشتییەكی نەوت هەڵگردا گرت لە كەنداو كە سوپای پاسدارانی ڕایگەیاند، بارەكە قاچاخ بووە.

ئابوری

چەند پێشنیارێك ئاڕاستەی وەزیری كشتوكاڵ دەكرێت
“قەدەغەكردنی هاوردەی بەرهەمی دەرەكی كێشەی جووتیاران چارەسەر ناكات”

خەڵك – بەشی هەواڵ
سەرۆكی لیژنەی كشتوكاڵ لە ئەنجوومەنی پارێزگای سلێمانی ڕایدەگەیەنێت، داخستنی سنورەكان بۆ داخل نەبوونی بەرهەمی دەرەكی چارەسەری ڕیشەیی نیە، دەشڵێت: “دابینكردنی پێداویستیەكان و دانانی بەڕاد و لابردنی باجی سەر جووتیاران كێشەی ئەو توێژە چارە دەكات”.

كاسترۆ مەعروف، سەرۆكی لیژنەی كشتوكاڵ لە ئەنجوومەنی پارێزگای سلێمانی بە (خەڵك)ی ڕاگەیاند، داخستنی سنورەكان بۆ داخڵ نەبوونی بەرھەمی دەرەكی تاكە چارەسەری ڕیشەیی نیە بۆ جووتیاران، باشترین چارەسەر بۆ ڕزگاركردنی جووتیاران لەم دۆخە خراپە ھاوكاری كردنی جووتیارانی كوردستانە لەلایەن حكومەتی ھەریمی كوردستانەوە.

وتیشی، “دابینكردنی پێداویستیەكان و دانانی بەڕاد و لابردنی باجی سەر جووتیاران و دابینكردنی سووتەمەنی و سەماد و بنەتۆوی باوەڕپێكراو و ئامێر بە نرخێكی گونجاو و پێدانی كارەبا بەنرخێكی گونجاو دەبێتە چارەسەری كێشەی جووتیاران”.

ڕاشیگەیاند، دانانی پلانێكی جیگیر و بە بازاڕكردنی بەرهەمەكانیان ئەمە چارەسەری ڕیشەیی دەبێت.

ئەمە لەكاتێكدایە، كە هەفتەی ڕابردوو، بێگەرد تاڵەبانی، وەزیری كشتوكاڵی حكومەتی هەرێم بڕیاریدا، لەبەر پاراستنی بەرووبوومی ناوخۆیی و دەستگیرۆیی جووتیاران، هاوردەكردنی تەماتە لەدەرەوە قەدەغە بكات.

بەردەوام بە لە خوێندنەوە

ئابوری

پەروەردە سەبارەت بە دامەزراندنی مامۆستای وانەبێژی بڕیارێك دەردەكات

خەڵك- بەشی هەواڵ
بەڕێوەبەرێتی پەروەردەی شارباژێڕ سەبارەت بە دامەزراندنی مامۆستای وانەبێژ بۆ ساڵی نوێی خوێندن بڕیار دەدات مامۆستاكانی ساڵی ڕابردوو دابنێتەوە.

پشتیوان تاڵب، وتەبێژی بەڕێوەبەرێتی پەروەردەی شارباژێڕ بۆ (خەڵك) ئاماژەی بەوەكرد، سەرجەم مامۆستایانی وانەبێژ ئەوەی لە قۆناغی ئامادەیی ساڵی ڕابردوو (2018- 2019) لە سنوری پەروەردەكەمان وانەبێژ بوون سبەینێ‌ یەك شەممە لە بەشی خۆیەتی و میلاك لە پەروەردەی شارباژێڕ ئامادەبن.

ڕاشیگەیاند، كە ئەو مامۆستا وانەبێژانە دەبێت وانەبێژییان بۆ ساڵی نوێی خوێندنی (2019 – 2020) تازە بكەنەوە.

ئاشكراشی كرد، كە پێویستە ئەو مامۆستایانە پێداویستیەكانی (ڕەگەزنامە و پێناسی باری شارستانی یان (كارتی نیشتمانی)، پشتگیری خوێندنگە، دوو وێنەی كەسێتی) لەگەڵ خۆیتان بهێنن.

وەك وتەبێژی پەروەردەی شارباژێڕ ڕوونی كردەوە، هەر مامۆستایەكی وانەبێژ پرسیاری هەیە پەیوەندی بكات بە كاك ئامانج، لێپرسراوی خۆیەتی و میلاك بە ژمارە تەلەفۆنی (0773 552 5520).

بەردەوام بە لە خوێندنەوە

ئابوری

كوێستان محەمەد مەرجی پێدانی مووچەی كابانی ماڵ ئاشكرادەكات

خەڵك – بەشی هەواڵ
وەزیری كار و كاروباری كۆمەڵایەتی حكومەتی هەرێم ڕایدەگەیەنێت، كۆمەڵێك پڕۆژە یاسامان لە كارنامەی وەزارەت دارشتووە، كە سوودی بۆ هاووڵاتیان و كەمئەندامان و توێژەكان دەبێت، دەشڵێت: “پێدانی مووچەی كابانی ماڵ بە هەڵە لێكدانەوەی بۆ كرا”.

كوێستان محەمەد، وەزیری كار و كاروباری كۆمەڵایەتی حكومەتی هەرێم بە (خەڵك)ی ڕاگەیاند، لە كابینەی نۆیەم لایەنەكانی بەشدار لە حكومەت بە كۆمەڵێك كارنامە و پڕۆژەوە بەشداری حكومەتیان كردووە.

وتیشی، “ئێمە كۆمەڵێك پڕۆژەی باش لە كارنامەكەماندایە، كە سوودی زۆری بۆ هاووڵاتیان و كەمئەندامان و چین و توێژەكان هەیە، بەڵام دەبێت لە ئەنجوومەنی وەزیران پەسەند بكرێت ئەوجا باسی دەكەین، چونكە هێشتا كارنامەی كاری چوار ساڵی وەزارەت نەبراوەتە ئەنجوومەنی وەزیران”.

ڕاشیگەیاند، لەماوەی ڕابردوودا باس كردن لە پێدانی مووچەی كابانی ماڵ بە هەڵە لە میدیاكانەوە لێكدانەوەی بۆ كرا، ئێمە ئەوەمان وت، كە ئەوە پڕۆژەیە كارنامەی بزووتنەوەی گۆڕان بووە بۆ حكومەت، بۆیە ئەگەر ئەنجوومەنی وەزیران پەسەندی بكات، دەخرێتە بواری جێبەجێ كردنەوە.

بەردەوام بە لە خوێندنەوە

کوردستان