ئێمە لە تۆرە کۆمەڵایەتیەکان

کوردستان

بەرپرسێكی یەكێتی: بەرهەم ساڵح بە ئارەزوو پۆستەكان دابەش دەكات

خەڵك- بەشی هەواڵ

جەبار محەمەد، كارگێڕی مەڵبەندی سلێمانی یەكێتی پێیوایە، كە بەرهەم ساڵح جیاوازی لە نێوان ئەندامانی یەكێتییدا دەكات و پۆستەكانی دەوروبەری خۆی بە ئارەزووی خۆی دابەش دەكات بەسەر لایەنگرانی خۆیدا، وەك ئەو دەڵێت.

ناوبراو لە نوسینێكدا لە فەیسبوكی خۆی وتویەتی”هەرچەندە ئەو كات و ئێستاش هەندێك هەن بڕوایان وایە كە هاوپەیمانی توانی ئەم پۆستە لەژێر قەڵغانی یەكێتی بۆ خۆی ببات و هەندێك ئەم بۆچونەیان ڕەتدەكردەوە بەڵام بەڕاستی، رۆژ دوایی ڕۆژ ئەو خۆشیەمان كاڵ دەبێتەوە بێباكی سەرەك كۆمار و جیاكاری لەنێوان یەكێتیە دڵسۆز و ماندوو بووەكان و ئەوانەی هاوڕێی بوون”.

هەر لە نوسینەكەدا ئەو بەرپرسەی یەكێتی نوسیویەتی”لەبێهێزكردنی یەكێتی ئێستا ئەوان پاداشت وەردەگرن ئێمە مانانیش حساب بۆنەكراوین ، هەر لە بەخشاندنەوەی پۆستەكان لەبەغداد و پۆستەكانی دەوری خۆی بەكەیفی خۆی ، ئەم بەڕێزە لەچەندین كەناڵەوە داوای گشتی و داوای یەكێتی هەیە و ئاراستەی كراوە بێباك ، بێ وەڵام لەئاستی وەستاوە.”

کوردستان

دوو ڕۆژ لە هەرێمی كوردستان دەبێتە پشوو

خەڵك- بەشى هەواڵ
بەپێی بڕیاری پەڕلەمانی كوردستان و بەپێی خشتەی پشووە فەرمیەكانی حكومەتی هەرێم هەردوو ڕۆژی 1ی موحەڕەم و 10ی موحەڕەم لە هەرێمی كوردستان دەبنە پشووی فەرمی.

بەپێی خشتەی پشووە فەرمییەكانی حكومەتی هەرێمی كوردستان، كە گشتاندنی بۆ كراوە، هەردوو ڕۆژی 1ی موحەڕەم (سەری ساڵی كۆچی) و 10ی موحەڕەم (ڕۆژی عاشورا)ی هەموو ساڵێك دەبنە پشووی فەرمی.

بەپێی ڕۆژمێری كۆچی، ئەمڕۆ 24ی ئاب هاوكاتە لەگەڵ 23ی مانگی زیلحیجەی كۆچی و بەو هۆیەوە ڕۆژی شەممەی داهاتوو دەكاتە 30ی زیلحیجە و ڕۆژی یەك شەممە 1ی ئەیلول دەبێتە 1ی موحەڕەم و ڕۆژی سێ‌ شەممە 10ی ئەیلول دەبێتە 10ی موحەڕەم.

بەپێی ڕۆژمێری سعودی، 1ی ئەیلول دەبێتە 1ی موحەڕەمى ساڵی 1441 و 10ی ئەیلول-یش دەبێتە 10ی موحەڕەم، بەڵام ئەوەش ڕەها نییە و دەكرێت بەهۆی بینینی مانگەوە گۆڕانكاری بەسەردابێت.

بەردەوام بە لە خوێندنەوە

کوردستان

توركیا بۆردومانی ناوچەكانی ئاكریِ دەكات

خەڵك- بەشی هەواڵ
فڕۆكە جەنگیەكانی توركیا جارێكی دیكە كایەی ئاسمانی هەرێمی كوردستان دەبەزێنن و چەند ناوچەیەكی سنوری ئاكرێ‌ بۆردومان دەكەن.

بەپێی زانیاریەكان، دوانیوەڕۆی ئەمڕۆ شەممە 24ی ئاب، فڕۆكە جەنگییەكانی توركیا بۆردوومانی گوندەكانی بابلۆ و باكورمان-یان لە ناوچەی زێباری سەر بە شارۆچكەی ئاكرێ لە پارێزگای دهۆك كردووە.

بەپێی زانیاریە ڕۆژنامەوانیەكان، بەهۆی بۆردومانەكەوە ئۆتۆمبیلێك سووتاوە و زیانیش بە ڕەز و باخی هاووڵاتیان كەوتووە و ترس و دڵەڕاوكێ‌ لای هاووڵاتیان دروست بووە.

بەردەوام فڕۆكە جەنگیەكانی توركیا بە بیانووی بوونی گەریلاكانی پەكەكە ناوچەكانی هەرێمی كوردستان بۆردومان دەكات و لە چەند ناوچەیەكیش بە دەیان كیلۆمەتر هاتۆتە ناو خاكی هەرێم و سەنگەری لێداوە.

بەردەوام بە لە خوێندنەوە

کوردستان

بەوێنە؛ چوارەمین فێستیڤاڵی مێژوویی مەریوان بەڕێوەدەچێت

خەڵك – بەشی هەواڵ
بەبەشداری 11 وڵاتی جیهان، چواردەهەمین فێستیڤاڵی مێژوویی شارۆچكەی مەریوان لە پاركی شانۆ بەڕێوەدەچێت و بڕیارە لە ئەمڕۆوە تا پێنج ڕۆژ بەردەوام بێت.

چواردەهەمین فێستیڤاڵی مێژوویی شارۆچكەی مەریوان لە پاركی شانۆ بە بەشداری 11 وڵاتی جیهان و بە بەشداری هونەرمەندان و شانۆكاران دەستی پێكرد و بۆ ماوەی پێنج ڕۆژ بەردەوام دەبێت و تێیدا چەندین چالاكی هونەری و كلتوری ئەو وڵاتانە پێشكەش دەكرێت.

لە فێستیڤاڵەكەدا هەریەك لە وڵاتانی هۆڵەندا و مەكسیك و ڕوسیا و ئیتاڵیا و بەڕازیل و ئۆكرانیا و ئەرمەنستان و عیراق و ئوردن و گورجستان و لوبنان بەشداریان تێدا كردووە و شاندێكی هەرێمی كوردستانیش لەو فێستیڤاڵەدا بەشداری دەكات.

بەردەوام بە لە خوێندنەوە

کوردستان