ئێمە لە تۆرە کۆمەڵایەتیەکان

جیهان

ئێران خستنەخوارەوەی فڕۆكەكەی ڕەتدەكاتەوە

خەڵك –بەشی هەواڵ

جێگری سیاسی وەزیری دەرەوەی ئێران خستنەخوارەوەی فڕۆكە بێفڕۆكەوانەكەیان لەلایەن ئەمریكاوە ڕەتدەكاتەوە كە دۆناڵد ترەمپ سەرۆكی ئەو وڵاتە ئاشكرایكردبوو.

عەباس عیراقچی لە توێتەر نووسی “ئێمە هیچ فڕۆكەیەكمان لەدەستنەداوە لە گەرووی هورمز نە لە هیچ جێگەیەكی دیكەدا”.

ئاماژەی بەوەشكرد، نیگەرانە لەوەی كەشتی جەنگی ئەمریكایی یوئێس باكسێر بە هەڵە فڕۆكەیەكی خۆیانی خستبێتەخوارەوە.

دوێنێ دۆناڵد ترەمپ سەرۆكی ئەمریكا ڕایگەیاند هێزەكانیان لە هورمز فڕۆكەیەكی بێفڕۆكەوانی ئێرانیان خستووەتەخوارەوە دوای ئەوەی لە كەشتیی جەنگی یوئێس باكسێر نزیكبووەتەوە.

جیهان

سوپای پاسداران: هێشتا كاتی سڕینەوەی ئیسرائیل نەهاتووە

خەڵك – بەشی هەواڵ

فەرماندەی سوپای پاسدارانی ئێران ڕایدەگەیەنێت، وڵاتەكەی لە توانایدایە ئیسرائیل لەناوببات، بەڵام هێشتا كاتی نەهاتووە.

حسێن سەلامی فەرماندەی سوپای پاسدارانی ئێران لە لێدوانێكیدا داوای لە ئیسرائیل كرد پشت بە ئەمریكا نەبەستێت لە دژایەتیكردنی ئێراندا، چونكە وڵاتی تر هەبووە پشتی بە ئەمریكا بەستووە و هیچ ئەنجامێكیشی دەست نەكەوت.

حسێن سەلامی جەختیشیكردەوە، توانای سەربازیی ئێران گەیشتووەتە ئاستێك كە بتوانێت هەرەس بە (قەوارەی زایۆنی) و بوونی ئەمریكا لە ناوچەكە بهێنێت.

فەرماندەی سوپای پاسدارانی ئێران هۆشداریشیدایە ئیسرائیل لە پێشكەوتنی تواناكانی حزبوڵای لوبنانی و ڕایگەیاند، ئێستا حزبوڵا دە هێندەی ساڵی 2006 بەهێزترە و پێویستە ئیسرائیل ئاگاداربێت لەوەی ڕووبەڕووی حزبێك دەبنەوە كە لە ڕووی چەك و بەرگریكردن و شارەزایی سەربازییەوە زۆر پێشكەوتووە.

ك.ج

بەردەوام بە لە خوێندنەوە

جیهان

بەرپرسێكی گەورەی داعش لە توركیا دەستگیركرا

خەڵك- بەشی هەواڵ
هێزە ئەمنییەكانی توركیا، بەرپرسێكی گەورەی داعش لە شارۆچكەی ئیناگۆلی سەر بە ویلایەتی بۆرسەی خۆرئاوای وڵاتەكە دەستگیردەكەن.

ئەمڕۆ سێ‌ شەممە، ئاژانسی (ئەنادۆڵ)ی توركیا بڵاویكردەوە، “هێزە ئەمنییەكان بە هەماهەنگی لەگەڵ بەشی دژە تیرۆر، (ئەبو تەقی شامی) هاووڵاتیانی سوریایان دەستگیركرد، كە بەرپرسی چالاكییە هەواڵگرییەكانی ڕێكخراوی داعش بووە”.

بەپێًی ئاژانسەكە، “هێزە ئەمنییەكان 3 كەسیان دەستگیركردووە لە ئۆپەراسیۆنەكەدا، كە گومانیان لێدەكرێت سەر بە داعش بن، بەڵام ئەبو تەقی شامی (50 ساڵان) بەرپرسێكی باڵای داعش بووە لە ناوچەی مەیادین و ئەلبوكەمال و دێرەزوور لە خۆرهەڵاتی سوریا، كە لە شارۆچكەی ئیناگوۆل دەستگیركراوە و كاری وەستای چاككردنی غازی ماڵانی كردووە لە ناوچەكە”.

سەرچاوە ئەمنییەكان دەڵێن: “شامی سەرپەرشتی هەڵمەتەكانی لەسێدارەدانی كردووە بە ناوی داعشەوە، ڕێكخراوەكەش لەسێدارەدانەكانی لەڕێی تۆڕە كۆمەڵایەتییەكانەوە بڵاودەكردەوە”.

بەردەوام بە لە خوێندنەوە

جیهان

كەشتییەكی پڕلە چەك و تەقەمەنی توركیا لە لیبیا تەقێنرایەوە

خەڵك- بەشی هەواڵ
سوپای نیشتمانی لیبی، تێكشكاندنی كەشتییەكی پڕلە چەك و تەقەمەنی توكیای لە بەندەری دەریایی تەڕابلوس ڕادەگەیەنێت.

ئەمڕۆ سێ‌ شەممە، ناوەندی ڕاگەیاندنی ژووری عەمەلیاتی كەرامەی سەر بە سوپای نیشتمانی لیبیا، كە سەر بە جەنڕاڵ خەلیفە حەفتەرە ڕایگەیاند، “كەشتییەكی توركی پڕ لە چەك و تەقەمەنی، كە سەرلەبەیانی ئەمڕۆ لە بەندەری تەڕابلوس لەنگەری گرتبوو، تێكشكێنرا”.

بە وتەی شایەتحاڵەكان، كە بە ڕۆژنامەی (بەوابە ئەلوەسەت)ی لیبی-یان ڕاگەیاندبوو، “بۆمبەكان ماوەیەك لەمەوبەر بەسەر دەروازەی سەرەكی بەندەری تەڕابولسدا دەتەقینەوە، بۆردومانەكانش تائێستا بەردەوامن”.

یەكێك لە خاوەن كۆگاكانی نزیك لە بەندەری تەڕابلوس لەڕێی تەلەفۆنەوە ڕاگەیاندووە، دووكەڵ لەو شوێنانە بەرزدەبێتەوە، كە ڕووبەڕووی بۆردومان بوونەتەوە.

بەردەوام بە لە خوێندنەوە

کوردستان