ئێمە لە تۆرە کۆمەڵایەتیەکان

عێراق

“چەند لایەنێكی سیاسی دەستیانگرتووە بەسەر فڕۆكەخانەی نێودەوڵەتی نەجەفدا”

خەڵك – بەشی هەواڵ

لیژنەی تایبەت بە لێكۆڵینەوە لەفڕۆكەخانەی نێودەوڵەتی نەجەف بوونی گەندەڵیی گەورە لەناو ئەو فڕۆكەخانەیە ئاشكرادەكات.

سەنا موسەوی سەرۆكی لیژنەی ڕاسپێردراو بۆ لێكۆڵینەوە لە فڕۆكەخانەی نێودەوڵەتی نەجەف ڕایگەیاند، تائێستا كارەكانی لیژنەكەیان بەردەوامە و جەختیكردەوە لەوەی گەندەڵیی گەورە و بەهەدەردانی پارەی گشتی لەو فڕۆكەخانەیە هەیە.

سەرۆكی ئەو لیژنەیە ئاماژەی بەوەشدا، چەند لایەنێكی سیاسی دەستیانگرتووە بەسەر چەندین پڕۆژە و كەلوپەلی وەهمی لەناو فڕۆكەخانەی نێودەوڵەتی نەجەف كە لە بنەڕەتدا بوونی نییە و لیژنەكەیان تا ئەم ساتە كاردەكات بۆ كۆكردنەوەی سەرجەم دۆسییەكانی تایبەت بەو فڕۆكەخانەیە.

سەنا موسەوی ئەوەشیخستەڕوو، ڕاپۆرتی كۆتایی لێكۆڵینەوە لە فڕۆكەخانەی نەجەف بەمنزیكانە دەخرێتە بەردەم ئەنجومەنی نوێنەران كە لەسەركالابردنی چەندین كەسایەتی گەورە و ڕاگرتنی پڕۆژە وەهمیەكان و بەهەدەردانی پارەی گشتی بەخۆیەوە دەبینێت.

عێراق

خەزعەلی لەبارەی خۆپیشاندانەكەی سبەینێی بەغداوە هۆشداری دەدات

خەڵك – بەشی هەواڵ

بەغدا چاوەڕوانی بەڕێوەچوونی خۆپیشاندانی پێنج ملیۆنییە و ئەمینداری گشتی عەسائیب ئەهلی حەق هۆشداری لەبارەی خۆپیشاندانەكە دەدات و ڕایدەگەیەنێت، زۆرترین كوژراوی لێدەكەوێتەوە.

قەیس خەزعەلی، ئەمینداری گشتی عەسائیب ئەهلی حەق ئەمڕۆ دووشەممە9/12/2019 لە وتارێكیدا، خۆپیشاندانەكەی سبەینێی بە ڕووداوێكی نەشیاو ناوبرد و ڕایگەیاند، زانیارییان هەیە كە پیلانێك هەیە بۆ ئەوەی سبەینێ‌ لە بەغدا كاری تێكدەرانە و كوشتن ئەنجام بدرێت.

خەزعەلی ئاماژەی بەوەشدا”پێشتر ئێمە هۆشداریمان دابوو لە ڕووداوەكانی مانگی 10، ئێستاش هۆشداری دەدەین لەو ڕووداوە كە ڕووداوێكی قێزەونە، دەیانەوێت پشێوییەكی گەورە لە بەغدا دروستبكەن و تا بكرێت زۆرترین كوژراوی لێبكەوێتەوە”.

ئەمینداری گشتی عەسائیب ئەهلی حەق ئەوەشیخستەڕوو “دەیانەوێت گەورەترین وێرانكاری و كردەوەی دزی بكرێت، بۆچی ڕێككەوتی 10/12؟ چونكە ڕۆژی جیهانی مافەكانی مرۆڤە، بۆیە ئەمانە دەیانەوێت پشێویەكی گەورەی ئەمنی لە بەغدا دروستبكەن تا پەیامێك بنێرن بۆ كۆمەڵگەی نێودەوڵەتی كە سەیری ئەو كوژراو و بریندار و وێرانكارییە بكەن لە عیراق ڕوودەدات و بەرپرسیاریەتییەكەشی بخەنە سەر هێزە ئەمنییەكان و حەشدی شەعبی”.

بەردەوام بە لە خوێندنەوە

عێراق

دەستەی دەستپاكی: فەرمانی بانگهێشتكردن بۆ 20 وەزیر و پەرلەمانتار دەركراوە

خەڵك – بەشی هەواڵ

بە مەبەستی ڕووبەڕووبوونەوەی گەندەڵی، دەستەی دەستپاكی عیراق، فەرمانی بانگهێشتكردنی بۆ نزیكەی 20 وەزیر و پەرلەمانتار دەركردووە.

دەستەی دەستپاكی عیراق لە ڕاپۆرتێكدا ئاشكرایكردووە، لە چوارچێوەی ڕووبەڕووبوونەوەی گەندەڵی و تەنیا لەماوەی مانگی تشرینی دووەمی ئەمساڵدا، فەرمانی دەستگیركردن و بانگهێشتكردن بۆ 256 كەس دەركراوە كە 9 كەسیان وەزیر و پلەتایبەتن و بەشێكیان ئێستا لە پۆستەكانیان بەردەوامن، هەروەها فەرمانی دەستگیركردن بۆ 12 ئەندامی ئەنجومەنی نوێنەران دەركراوە، كە 10 كەسیان ئەندامی ئەم خولەی ئەنجومەنەكەن.

دەستەی دەستپاكی عیراق ئاماژەی بەوەشداوە، فەرمانی دەستگیركردن و بانگهێشتكردن بۆ نزیكەی 170 پارێزگار و ئەندامی ئەنجومەنی پارێزگاكان دەركراوە و نزیكەی 70 كەسی تریش كە تۆمەتیان بەسەردا ساغ بووەتەوە، ڕەوانەی دادگای كراون.

بەردەوام بە لە خوێندنەوە

عێراق

هاوپەیمانییەكەی عەبادی بۆ (خەڵك): نازانین چی ڕوودەدات

خەڵك- ئیدریس جەبار
هاوپەیمانی نەسر، كە لەلایەن حەیدەر عەبادی، سەرۆك وەزیرانی پێشووی عیراقەوە سەركردایەتی دەكرێت ڕایدەگەیەنێت، نازانن چی ڕوودەدات و ڕەوشی عیراق ڕوو لە چ ئاقارێك دەكات، ڕەتیشیدەكاتەوە بزانن ئەو لایەنانە كێن، كە دەستییان لە كوشارەگەی شەو هەینی ڕابردوودا هەبوو لە گۆڕەپانی خەڵانی و پردی سنك لە بەغدا.

نەدا شاكر جەودەت، پەڕلەمانتاری هاوپەیمانی نەسر، لە لێدوانێكی تایبەت بە (خەڵك) ڕایگەیاند، “نازانیین چی لە گۆڕەپانی خەڵانی و پردی سنك ڕوویدا لە شەوی هەینی ڕابردوو، چاوەڕوانی حكومەتین پێمان بڵێت و لەڕێی لێكۆڵینەوەكانی ئەو لایەنە ئاشكرا بكات، كە دەستی لەو كوشتارەدا هەبوو”.

بە وتەی نەدا شاكر، “گروپە چەكدارەكان لەنێوان خۆیاندا ململانێ‌ دەكەن و خۆپیشاندەرانیش لەنێوانیاندا بوون، بۆیە ئەوەی ڕوویدا ڕوویدا و ژمارەیەكی زۆر لە خۆپیشاندەران بوونە قوربانی و هەموو جیهانییش تەماشاكەر بوون”.

سەبارەت بە ڕەوشی ئێستای وڵات و ئەگەری هێوربوونەوەی، پەڕلەمانتارەكەی هاوپەیمانی نەسر وتی، “ڕەوشەكە لەئێستادا زۆر ئاڵۆزە، ئاشكرایە لای هەمووان لەئێستادا بزاوتنێك هەیە لە پارێزگەكانی ناوەڕاست و باشوور بە ئاڕاستەی بەغدا لەماوەی ئەمڕۆ و سبەینێ‌، بۆیە نازانیین ڕەوشەكە ڕووی لە كوێیە و چی ڕوودەدات”، ئاماژەی بەو ڕێوشوێنە ئەمنییانەش كرد، كە لەئێستادا لە لەبەغدای پایتەخت گیراونەتەبەر.

بەردەوام بە لە خوێندنەوە

کوردستان