ئێمە لە تۆرە کۆمەڵایەتیەکان

کوردستان

پەروەردە دەست بە دابەشكردنی فۆڕمی وانەبێژ دەكات

خەڵك – بەشی هەواڵ
بەڕێوەبەرایەتی پەروەردەی كەلار ڕایدەگەیەنێت ، بۆ ڕەخساندنی هەلی كار بۆ دەرچووانی زانكۆ و پەیمانگاكان هەفتەی داهاتوو دەست بە دابەشكردنی فۆڕمی وانەبێژ دەكرێت، ماوەی گەڕانەوەی فۆڕمیش دیاریكراوە.

بەڕێوەبەرایەتی پەروەردەی كەلار لە ئاگادارییەكدا، كە وێنەیەكی بۆ (خەڵك) نێراوە ڕایگەیاندووە، دەرچووانی زانكۆ و پەیمانگاكان ئاگادار دەكەین دابەشكردنی فۆرمی وانەبێژ بۆ ساڵی خوێندنی ۲۰۱۹ ـ ۲۰۲۰ دەستپێدەكات.

ڕاشیگەیاندووە، لە ڕۆژی دووشەممە 22ی تەمموز 2019 بەپێی ئەو خاڵ بەندیانەی هاتووە دەست دەكرێت بە دابەشكردنی فۆڕم و كۆتا ڕۆژ بۆ گەڕانەوەی فۆرمەكان ڕۆژی چوارشەممە 7ی ئابی 2019 دەبێت.

ئاماژە بۆ ئەوەشكراوە، دەرچووانی زانكۆ و پەیمانگاكان ئەوانەی خوازیاری وانەبێژین دەتوانن سەردانی دیوانی بەڕێوەبەرایەتی پەروەردەی كەلار بكەن بۆ وەرگرتنی فۆڕم.

کوردستان

ناوەندی نەتەوەیی ڕۆژهەڵاتی كوردستان ڕاگەیەنرا

خەڵك-بەشی هەواڵ

ناوەندی نەتەوەیی ڕۆژهەڵاتی كوردستان لەلایەن چەندین حزب و كەسایەتی ڕۆژهەڵاتی كوردستان پێكهێنرا.

لە ڕاگەیەنراوێكدا ناوەندی نەتەوەیی ڕۆژھەڵاتی كوردستان ڕایدەگەیەنێت، كۆنفرانسی نەتەوەیی ڕۆژهەڵاتی كوردستان بەسەركەوتوویی بەڕێوەچوو و بەپێی بڕیاری كۆنفڕانس “ناوەندی نەتەوەیی ڕۆژهەڵاتی كوردستان” دامەزرا.

ئاشكراشیدەكات، ڕۆژی شەممە ، كۆنفڕانسی نەتەوەیی ڕۆژھەڵاتی كوردستان بۆ پێكھێنانی بەستێنێكی یەكگرتووی نەتەوەیی بە مێتۆدێكی هاوچەرخ و بەشداریدەرانە، بە بەشداری زیاتر لە 80 كەسایەتی و چالاكانی بوارە جیاوازەكان بەڕێوەچوو.

ڕوونیشیكردەوە، كۆنفڕانسی نەتەوەیی ڕۆژھەڵاتی كوردستان، لە بنەڕەتدا كۆنفڕانسێكی كاری بوو كە بنەماكانی “ناوەندی نەتەوەیی ڕۆژھەڵاتی كوردستان”ی پێكهێنا، ئەم ناوەندە دامەزراوەیەكی گشتگیری كوردە بۆ ڕۆژهەڵاتی كوردستان.

ئاماژە بۆ ئەوەش دەكات، ناوەندی نەتەوەیی ڕۆژهەڵاتی كوردستان هەوڵی خۆی دەخاتەگەڕ بۆ ئەوەی بتوانێت بستێنی پەیوەندی دوولایەنە دەستەبەر بكات و كۆمەڵانی خەڵكی كوردستان لە نێوخۆو دەرەوەی كوردستان و خۆیانی تێدا ببیننەوە، پەیامی ڕاستەقینەی ئەم كۆنفڕانسەش ڕووی لە خەڵكی ناوخۆی ڕۆژهەڵاتی كوردستانە، خەڵكی كوردستان لە چەندین ئەزموون و بۆنەی وەك خۆپیشاندان و مانگرتنەكانی ساڵانی ڕابردوودا، بە نیشاندانی تێگەیشتنی بەرزی سیاسی خۆیان، سەلماندیان كە ھێزی نەتەوەیی لە یەكگرتندایە و كۆنفڕانسیش هەوڵ دەدات بنەمای دامەزراوەیی بۆ خەباتێكی نەتەوەیی یەكگرتووانە دابڕێژێت.

لە كۆتایی ڕاگەیەنراوەكەدا هاتووە، جڤاتی گشتی هەڵبژێردراوی كۆنفڕانسی نەتەوەیی ڕۆژهەڵاتی كوردستان وێڕای پیرۆزبایی سەركەوتنی ئەم ئەزموونە نوێیەی خەباتی یەكگرتووانەی نەتەوەیی لە كۆمەڵانی خەڵكی ڕۆژهەڵات، بەڵێن دەدات هەموو توانای خۆی بخاتەگەڕ بۆ بردنەپێشی ئەجێندای یەكگرتوویخوازانەی ناوەندی نەتەوەیی ڕۆژهەڵاتی كوردستان.

ئەمەش لەكاتێكدایە، ناوەندی هاوكاری حزبەكانی ڕۆژهەڵات كە لە هەردوو حزبی دیموكرات و حزبەكانی كۆمەڵە پێك دێت و دەیانەوێ ببنە مەرجەعێك بۆ ڕۆژهەڵاتی كوردستان.

بەردەوام بە لە خوێندنەوە

کوردستان

بەرپرسێكی یەكێتی: داعش جموجۆڵی دەستپێنەكردووەتەوە

خەڵك- بەشی هەواڵ

هەرچەندە دەنگۆی ئەوە هەیە بەهۆی شەڕی داعشەوە بۆشایی ئەمنی بۆ داعش دروستبووە و چالاكییەكانیان زیاتر بووە لە سوریا و چەند ناوچەیەكی عیراق، بەتایبەتی لە ناوچەكانی موسڵ، بەڵام بەرپرسێكی یەكێتی ڕەتیدەكاتەوە.

ڕەشاد گەڵاڵی، بەرپرسی كۆمیتەی مەخموری یەكێتی نیشتیمانی كوردستان بە (خەڵك)ی ڕاگەیاند، چەكدارانی داعش چالاكیان زیادینەكردووە و بەمەبەست پارتی ئەو دەنگۆیانە بڵاودەكاتەوە، بۆ گەڕانەوەی پێشمەرگەكانی بۆ نزیك مەخمور.

وتیشی”داعش بە ئاشكرا لە ناوچەكەدا هەن و هاوپەیمانانیش هاوكاریان دەكەن، پێشمەرگەش ناتوانێت ڕێگرییان لێبكات، بەڵام ئەوەی چالاكییان زیادی كردبێت، ڕاست نییە”.

ساڵی ڕابردوو پێشمەرگانی پارتی دیموكراتی كوردستان هەڵمەتێكی سەربازییان بۆ سەر چیای قەرەچۆغ دەستپێكرد بۆ دەستگیركردن یان كوشتنی چەكدارانی داعش و بەهۆیەوە چەند پێشمەرگەش شەهید و برینداربوون.

ئەو بەرپرسەی یەكێتی ڕونیكردەوە، هەڵمەتە سەربازییەكان ئەگەر بكرێن لە ناوچەكەدا بە فەرمانی ئەمریكا دەكرێت و ساڵی ڕابردووش بەهۆی ڕەچاونەكردنی ڕێنماییەكانی ئەمریكاوە چەندین پێشمەرگە شەهید و برینداربوون و ئێستاش ئەمریكا لەگەڵ بوونی داعشدایە لە ناوچەكەدا.

بەردەوام بە لە خوێندنەوە

کوردستان

ئەمڕۆ پەرلەمان خوێندنەوەی دووهەم بۆ پرۆژەیاسای تاپۆكردنی زەوییە بێتاپۆكان دەكات

خەڵک-ئارام سەردار
بڕیارە لەدانیشتنی ئەمڕۆ چوارشەممە ۲۳ی ئۆکتۆبەری ۲۰۱۹ په‌ڕله‌مانی کوردستان
خوێندنەوەی دووەم دەكرێت بۆ پێشنیازی یاسای (بە خاوەنكردنی ئەو زەوییانەی زێدەڕۆییان لەسەركراوە لە سنووری شارەوانییەكان)، فڕاكسیۆنی پارتیش پێشنیاریەکانی خۆی لەسەر ئەو پێشنیازە یاسایە دەخاتەڕوو.
پێشه‌وا هه‌ورامی بڕیارده‌ری فراكسیۆنی پارتی له‌ کۆنفڕانسێکی ڕۆژنامەوانیدا ڕایگەیاند، پێشنیازی یاسای (بە خاوەنكردنی ئەو زەوییانەی زێدەڕۆییان لەسەركراوە لە سنووری شارەوانییەكان)، پرۆژه‌یه‌كی گرینگە ‌ بۆ گه‌شه‌پێدان و ڕێكخستنی شاره‌كان ، دیاری كردنی زێده‌ڕۆییه‌كان.

دەشڵێت، میکانزمی جێبه‌جێكردنی ئه‌م پرۆژه‌یه‌ له‌ دوای ده‌رچونیه‌وە دەبێت، بەڵام لێمان ڕوونە سەرجەم ئەو زەویانەی کەوا بەشێوەی زێده‌ڕۆ خانوویان لەسەر دروست كراون خه‌ڵكی هه‌ژار و كه‌م ده‌رامه‌تن، بەپێی پێشنیازە یاساییەکە خەڵکەکە دەبن بەخاوەنی خانووی خۆیان و لەسەریان تاپۆ دەکرێت، ئامانجێکی تری پێشنیازە یاساییەکەش ڕێكخستنەوە و گه‌شه‌پێدانی شاره‌كان دەبێت بەشێوەیەک‌ داهاتی وەرگیراو بەپێی یاساکە کە دیاری كراوه‌ دەبێتە هۆی دابینکردنی خزمه‌تگوزاری بۆ ئه‌و شوێنانه‌، کە لەئێستادابەشێکی زۆری ئەو شوێنانە خزمەتگوزاریان نیە، بەتایبەت دروستکردنی ڕێگا و قووتابخانه‌ و نه‌خۆشخانه‌ .

سەبارەت بەپێشنیارەکانیشیان وتی “داوامان کردووە کەس و کاری شەهیدان و برینداران و پەککەوتوانی شەڕ لە باج و ڕسووماتی ئەو یاسایە ببەخشرێن و لەهەمان کاتدا یاساکە كه‌مترین بارگرانی مادی له‌سه‌ر هاوڵاتیان دروست بكات و ڕەچاوی گوزەرانی هاوڵاتیان بکرێت”.

بەردەوام بە لە خوێندنەوە

کوردستان