ئێمە لە تۆرە کۆمەڵایەتیەکان

ژینگە

بە وێنە.. ئاگر لە قەرەداغ كەوتەوە

خەڵك- بەشی هەواڵ

لە سنوری شارۆچكەی قەرەداغ ئاگر كەوتووەتەوە و تائێستا 3 دۆنم پوش و پاوان سوتاون.

پۆلیسی دارستان و ژینگەی سلێمانی لە ڕاگەیەندراوێكدا ئاماژەی بەوەكردووە، لەئێستادا مەفرەزەكانی پۆلیسی دارستان بەبێ هیچ كەرەستەیەكی پێویست سەرقاڵی كوژانەوەی ئاگرەكەن.

هەر لە ڕاگەیەندراوەكەدا نوسراوە، كە تائێستا 3 دۆنم پوش و پاوان سوتاون.

جیهان

ساڵی ڕابردوو بە گەرمترین ساڵ دیاریكرا

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت، ساڵی 2019 بووە دووەم گەرمترین ساڵ بە درێژایی 180 ساڵی ڕابردوو.

بەڕێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا ئاماژە بۆ ئەوە دەكات، بەپێی دوو لێكۆڵینەوەی جیاواز، یەكیان لە ڕێگەی (ئاژانسی ناسا) و ئەوی دیكەشیان لە ڕێگەی (ئیدارەی نیشتیمانی بۆ ئۆقیانوس و بەرگەهەوا) ئەنجامدراوە، دەركەوت پلەكانی گەرمای تۆماركراو لەساڵی 2019 بەرزترین ڕێژەی تیادا بووە، دوای ساڵی 2016 یان بە واتایەكی دیكە ئەوەیان دووەم بەرزترین ڕێژەی پلەی گەرمییە كە بە درێژایی 180 ساڵی ڕابردوودا تۆمار دەكرێت.

ئاشكراشیدەكات، لە ڕاپۆرتەكەی (ئیدارەی نیشتیمانی بۆ ئۆقیانوس و بەرگەهەوا) دا هاتووە، ساڵی 2019 بووە ساڵی 44ەمین گەرمترین ساڵ كە یەك لەدوای یەك ڕێژەی بەرزی پلەی گەرمی تیایاندا تۆمار دەكرێن، دوای كۆكردنەوەی داتا لە 20.000 وێستگەی كەشناسی لە سەرتاپای جیهاندا.

ڕوونیشیدەكاتەوە، ساڵی 2019 بووە دووەم ساڵ لە نێو (ویلایەتە یەكگرتووەكانی ئەمریكا) دوای 1973 كە بەرزترین رادەی شێی و باران بارینی تیادا تۆمار كراوە و دەرەنجامەكان ئاماژە بەوە دەدەن كەوا تا دێت بارودۆخ و ریتمەكانی كەشوهەوا توندترو ئاڵۆزتر دەبن لەسەر هەسارەی زەوی، وە بەرزبوونەوەی نێوەندەكانی پلەی گەرمی جیهانی تا ئاستی 1.1 پلەی سیلیزیی یەكێكە لەو گۆڕانكاریانەو گەڕانەوەی بۆ باری پێشووتری نیمچە مەحاڵە.

بەردەوام بە لە خوێندنەوە

ژینگە

دوو بوومەلەرزە ناوچە سنووریەكانی عیراقى هەژاند

خەڵك- بەشی هەواڵ
كەشناسی عیراق ڕایدەگەیەنێت، كە دوو بوومەلەرزە ناوچە سنووریەكانی نێوان عیراق- لەگەڵ ئێران و كوێت-ى هەژاند.

دەستەی گشتی كەشناسی عیراق لە ڕاپۆرتێكدا ئاماژەی بەوەكردووە، بەیانی ئەمڕۆ دوو بوومەلەرزە ناوچە سنووریەكانی عیراق لەگەڵ ئێران و كوێت-ی هەژاندووە و هاووڵاتیان هەستیان پێ‌ كردووە.

ڕوونیشی كردۆتەوە، بوومەلەرزەی یەكەم لە كاتژمێر 9 و 52 خوولەكی بەیانی لە دووری 30 كیلۆمەتر لە باكووری ڕۆژهەڵاتی مەندەلی ڕوویداوە و گوڕەكەی 4.3 پلە بووە بە پێوەری ڕێختەر.

ئاماژەی بەوەشكردووە، كە بوومەلەرزەی دووەم لە كاتژمێر 10 و 55 چركەی بەیانی ڕوویداوە لە ناوچە سنووریەكانی نێوان عیراق و كوێت لە ناوچەی زوبێر و بە دووری 40 كیلۆمەتر لە باشووری بەسرە و گوڕەكەی 3.6 پلە بووە بە پێوەری ڕێختەر.

جەختیشی كردۆتەوە، كە هاووڵاتیانی ناوچەكانی نزیك بوومەلەرزەكە هەستیان پێ‌ كردووە و هیچ زیانێكی نەبووە.

بەردەوام بە لە خوێندنەوە

ژینگە

بەهۆكاری خەڵووزكردن (3) هاووڵاتی دەستگیركران

خەڵك – بەشی هەواڵ

بەهۆی بڕینی دار و كردنی بەخەڵووز، پۆلیسی دارستان و ژینگەی سلێمانی (3) هاووڵاتییان لە ناوچەكانی سەیدسادق و گاپیڵۆن دەستگیركرد.

بە پێی ڕاگەیەنراوێكی بەشی ڕاگەیاندنی بەڕێوەبەرایەتی پۆلیسی دارستان وژینگەی سلێمانی، ئەوە خراوەتەڕوو، كە زۆرێك لە گوندنشینان دوور لە بەرپرسیاریەتی كاری خەڵووزكردن ئەنجام دەدەن، هاوكات بڕینی داری دارستانەكان هەڕەشیەكی مەترسیدارە بۆ سامانی گشتی بۆ ئەو مەبەستەش لەسنوری سەیدسادق و سلیمانی (3) هاووڵاتییان دەستگیركردووە .

ڕاگەیەنراوەكە، لێدوانێكی عەمید هێمن كەمەرخان، بەڕێوەبەری ڕاگەیاندن لەبەڕێوەبەرایەتی پۆلیسی دارستان وژینگەی سلێمانی تێدایە و ڕایگەیاندووە: مەفرەزەیەكی بەشی پۆلیسی دارستان و ژینگەی سەیدسادق، لە ئەنجامی دەرچوونێكیان بۆ سنوورەكەیان توانیان (2) هاووڵاتیی دەستگیر بكەن كە سەرقاڵی خەڵووزكردن بوون هاوكات توانرا دەستبگیرێت بەسەر (26) فەردە خەڵووز و (1) ئۆتۆمبێلدا .


لەلایەكی ترەوە مەفرەزەیەكی پۆلیسی دارستان و ژینگەی سلێمانی بەهاوكاری و هەماهەنگی بازگەی ئاسایشی گاپیڵۆن توانیویانە (1) هاووڵاتیی دەستگیربكەن لەسەر خەڵوزكردن و هاوكات توانراوە دەست بەسەر (40) فەردە خەڵوزدا بگیرێت .

بەردەوام بە لە خوێندنەوە

کوردستان