كۆبونەوەی بافڵ تاڵەبانی لەگەڵ نوێنەری مامۆستایانی وانەبێژ كۆتایی هات


لەدوای كۆبونەوەی سەرۆكی یەكێتی نیشتمانی كوردستان لەگەڵ نوێنەری مامۆستایانی وانەبێژ، بافڵ تاڵەبانی بەڵێنی داوە، چ لە ڕێگەی حزب یان تیمی یەكێتی لەحكومەت كار بۆ چارەسەر كردنی كێشەكانیان بكرێت .

بافڵ تاڵەبانی، سەرۆكی یەكێتی نیشتمانی كوردستان ئەمڕۆ پێنج شەممە 16ی 2ی 2023 لەگەڵ نوێنەری مامۆستایانی وانەبێژ لەسەرتاسەری هەرێم كۆبووە و دوای 3 كاتژمێر كۆبوونەوە نوێنەری مامۆستایان ڕایگەیاند، تەواوی داخوازی و داواكارییەكانی مامۆستایانی وانەبێژمان خستە بەردەم سەرۆكی یەكێتی .

سەرۆكی یەكێتی نیشتمانی كوردستان بەڵێنیدا، بەزووترین کات  لە ڕێگەی حزب یان تیمی یەكێتی لەحكومەت کار بۆ دامەزراندنيان بکات و کێشەکانیان چارەسەر بکات.

هاوكات نوێنه‌رى مامۆستایانى وانه‌بێژ وتى”ده‌یان كۆبوونه‌وه‌مان له‌گه‌ڵ وه‌زیرى په‌روه‌رده‌ كردووه‌ و سه‌دان به‌ڵێنى بێ كردارى پێداوین”.

ئەمە لەكاتێكدایە، نزیكەی 33 هەزار مامۆستای وانەبێژ لەسەرتاسەری هەرێمی كوردستان بوونی هەیە و كۆی 25% ی مامۆستایانی پەروەردە پێك دەهێنن و لەماوەی ڕابردوودا لە هەموو دەرگایەكیان داوە بۆ ئەوەی كێشەكانیان چارەسەر بكرێت .

 

ئەڵمانیا ژمارەی پەنابەرانی ئۆكراینا لە وڵاتەكەی ئاشكرا دەكات
پێشت ئەڵمانیا ژمارەی پەنابەرانی ئۆكراینا لە وڵاتەكەی ئاشكرا دەكات
فرۆكەخانەی نێودەوڵەتی هەولێر بڕیارێكی لە بەرژەوەندی عومرەكاران دەركرد
دواتر فرۆكەخانەی نێودەوڵەتی هەولێر بڕیارێكی لە بەرژەوەندی عومرەكاران دەركرد
پەیوەندیدار