ئێمە لە تۆرە کۆمەڵایەتیەکان

کوردستان

ڕووداوەكەی هەولێر كاریگەری لەسەر پەیوەندییەكان دەبێت؟
چاودێرێكی سیاسی: توركیا لەگەڵ چەند وڵاتێك كێشەی هەیە و نابێت بخرێتە ئەستۆی كورد

خەڵك – بەشی هەواڵ
چاودێرێكی سیاسی لە هەرێمی كوردستان ڕایدەگەیەنێت، ئەوەی ئەمڕۆ لە هەولێر ڕوویدا شتێكی زۆر ئاساییەوە و هیچ كاریگەری لەسەر پەیوەندییە سیاسی و ئابوورییەكانی نێوان هەولێر و ئەنقەرە نابێت و دەشڵێت: “توركیا لە ئێستادا لەگەڵ زۆر لایەن و وڵاتان كێشەی هەیە”.

مەسعود عەبدولخالق، چاودێری سیاسی لە هەرێمی كوردستان بە (خەڵك)ی ڕاگەیاند، ئەوەی ئەمڕۆ چوار شەممە لە شاری هەولێر ڕوویدا و بووە هۆی كوژرانی دیبلۆماتكارێكی توركیا، وەك شتێكی ئاسایی تەماشا دەكرێت و لە زۆرێك لە پایتەختەكانی وڵاتان ئەمە ڕوو دەدات.

وتیشی، “توركیا جگە لە نەیارەكانی ناوخۆیی، كێشەی لەگەڵ چەند وڵاتێكی دراوسێ و هەرێمی و نێودەوڵەتی هەیە، ئەو جۆرە ڕووداوانەش مانای ئەوە ناگەیەنێت، كە ئارامی و ئاسایش تێكچووە، هەولێر شارێكی زۆر ئارامە”.

ڕاشیگەیاند، زۆر نیە لە توركیا هێرشكراوەتە سەر باڵیۆزخانەی ڕوسیا و سعودیە و لە وڵاتانی ئەوروپاش ئەو جۆرە ڕووداوانە ڕوو دەدەن، توركیاش حەق نیە ئەوە بخاتە ئەستۆی كورد، چونكە بیرماننەچێت نزیكەی 10 ڕۆژ پێش ئێستا خەلیفە حەفتەری بەرپرس لە بەشێكی خاكی لیبیا، كە نزیكە لە كەنداوەوە هەڕەشەی لە توركیا كرد.

ئاشكراشی كرد، لە ئێستادا نازانرێت كێ بەرپرسە یان دەستی لەو كردەوەی هەولێر هەیە، بەڵام دواجار هەولێر شارێكی ئارامە و ئەو جۆرە ڕووداوانەش لە پایتەخت و شارە گەورەكانی زۆر لە وڵاتانی جیهان ڕوودەدەن.

ئەمڕۆ چوار شەممە، لە هێرشێكی چەكداریدا لە ڕیستۆرانتێكی هەولێر دیبلۆماتكارێك و كارمەندێكی كونسوڵخانەی توركیا كوژران و یەكێكی دیكەش بریندار بوو و دوابەدوای ئەوەش پەكەكە ڕەتیكردەوە، كە پەیوەندییان بەو ڕووداوەوە هەبێت..

کوردستان

مەسرور بارزانی بانگهێشتی ڕوسیا دەكرێت

خەڵك- بەشی هەواڵ
سەرۆكی حكومەتی هەرێمی كوردستان پێشوازی لە جێگری وەزیری دەرەوەی ڕوسیا دەكات و بانگهێشتی ئەو وڵاتە دەكرێت بۆ بەشداری كردن لە فۆرومی نێودەوڵەتی ئابووری سانت پێترسبۆرگ.

بەپێی ڕاگەیەنراوێكی حكومەتی هەرێمی كوردستان، ئەمڕۆ چوار شەممە 2020/1/29 مەسرور بارزانی، سەرۆكی حكومەتی هەرێمی كوردستان پێشوازی لە میخائیل بۆگدانۆڤ، جێگری وەزیری دەرەوە و نوێنەری سەرۆكی ڕوسیا بۆ كاروباری ڕۆژهەڵاتی ناوەڕاست و باكووری ئەفریقا كرد.

لە دیدارێكدا ، بارودۆخی عیراق و ناوچەكە و پەرەپێدانی پەیوەندییەكانی نێوان هەرێمی كوردستان و ڕوسیا تاوتوێ كران.

جێگری وەزیری دەرەوەی ڕوسیا، سڵاوی ڤڵادیمێر پوتن و سەرۆك وەزیرانی ڕوسیای بە سەرۆكی حكومەتی هەرێمی كوردستان گەیاند و بانگھێشتنامەی فەرمیشی پێشكەشكرد بۆ بەشداریكردن لە فۆرومی نێودەوڵەتی ئابووری سانت پێترسبۆرگ .

هەردوولا هاوڕابوون لە سەر گرنگی ئارامبوونی دۆخی عیراق و سوریا و هەماهەنگی لە ڕووبەڕووبوونەوەی هەڕەشەكانی داعش و تیرۆر و ڕۆڵی گرنگی هەرێمی كوردستان لە سەقامگیری ناوچەكەدا.

بەردەوام بە لە خوێندنەوە

کوردستان

نێچیرڤان بارزانی لەگەڵ بۆگدانۆف كۆبووەوە

خەڵك- بەشی هەواڵ
سەرۆكی هەرێمی كوردستان لەگەڵ نوێنەری سەرۆكی ڕوسیا بۆ كاروباری ڕۆژهەڵاتی ناوەڕاست و ئافریقا كۆدەبێتەوە و جەختی لەخواستی هەرێمی كوردستانی بۆ برەودانی پەیوەندییەكانی لە هەموو بوارەكاندا لەگەڵ ڕوسیا كردەوە و دەستخۆشی لە كار و چالاكییەكانی كۆمپانیای گازپرۆمی ڕوسی لە كەرتی وزەدا لە هەرێمی كوردستان كرد.

بەپێی ڕاگەیەنراوێكی سەرۆكایەتی هەرێمی كوردستان، نیوەڕۆی ئەمڕۆ چوار شەممە 29/1/2020 نێچیرڤان بارزانی، سەرۆكی هەرێمی كوردستان، پێشوازی لە میخائیل بۆگدانۆف، نوێنەری سەرۆكی ڕوسیا بۆ كاروباری ڕۆژهەڵاتی ناوەڕاست و ئافریقا و جێگری وەزیری دەرەوەی ڕوسیا و باڵیۆزی ڕوسیا لە بەغدا و كونسولی گشتی لە هەولێر و شاندێكی یاوەری كرد، كە لە ژمارەیەك دیپلۆماتكار و بەرپرسانی كۆمپانیای گازپرۆمی ڕوسی پێكهاتبوون.

بەپێی ڕاگەیەنراوەكە، “بۆگدانۆف سڵاو و ڕێزی ڤلادیمیر پوتین و سەرۆك وەزیرانی ڕوسیای گەیاندە سەرۆكی هەرێمی كوردستان و ستایشی ڕۆڵی بەڕێزیان و پێشكەوتنەكانی هەرێمی كوردستانی كرد”.

هەردوولا دۆخی عیراقیان تاوتوێ كرد و جەختیان لە گرنگیی هەوڵدان بۆ ئارامكردنەوەی گرژی و ئاڵۆزییەكان لە ناوچەكە و نەبوونی عیراق بە گۆڕەپانی كێشە و ململانێی هێزە هەرێمی و نێودەوڵەتییەكان كردەوە، هەروەها تیشكیان خستە سەر خۆپیشاندانەكان و هەوڵەكان بۆ دیاریكردنی سەرۆك وەزیرانی داهاتووی عیراق، كێشەكانی هەولێر ــ بەغدا و گرنگی هەماهەنگیی پێشمەرگە و سوپای عێراق لە ناوچە كێشە لەسەرەكان.

دۆخی سوریا و هەبوونی هێزە نێودەوڵەتییەكان و پرسی كورد و ئایندەیان لە چوارچێوەی سوریا و ڕۆڵی ڕوسیا لەو وڵاتە، بەردەوامیی مەترسییەكانی تیرۆر و چۆنیەتیی ڕووبەڕووبوونەوەی، پرۆسەی ئاشتی لە ڕۆژهەڵاتی ناوەڕاست و دوایین پێشهاتەكانی كێشەی فەلەستین ــ ئیسرائیل، دۆخی ناوچەكە بەگشتی و چەند پرسێكی مایەی بایەخی هەردوولا، بەشێكی دیكەی كۆبوونەوەكە بوو.

بەردەوام بە لە خوێندنەوە

کوردستان

لە ڕاپەڕین مێردمنداڵێك خۆی كوشت

خەڵك- بەشی هەواڵ
بەڕێوەبەرایەتی پۆلیسی راپەڕین ڕایدەگەیەنێت، مێرد منداڵێكی تەمەن 16 ساڵ لە شارەدێی ژاراوە خۆی كوشت،لێكۆڵینەوەش بۆ زانینی هۆكاری ڕووداوەكە دەستیپێكردووە.

بەپێی ڕِاگەیەنراوێك، كە لەلایەن پۆلیسی ڕاپەڕینەوە بڵاوكراوەتەوە، “پێش نیوەڕۆی ئەمڕۆ تەرمی مێردمنداڵێك بەناوی ( س . ع . س ) تەمەن 16 ساڵ، پیشەی قوتابی، دانیشتووی شارەدێی ژاراوەی سەر بە شارۆچكەی پشدەر (قەڵادزێ) گەیەندرایە نەخۆشخانەی گشتی قەڵادزێ، كە بەچەكی جۆری (ئێم فۆڕ) لە ماڵی خۆیاندا خۆی كوشتووە”.

بە وتەی پۆلیس، “لە دوای گەیشتنی تەرمەكە بە نەخۆشخانە، دەركەوتووە شوێنەواری سێ گولـلـە بە سەریەوە هەبووە، پاش توێكاری بۆ لاشەكەی ڕادەستی كەسوكاری كرایەوە”.

پۆلیسی ڕاپەڕین دەڵێت: “دوابەدوای ڕووداوەكە، دەستبەجێ تیمەكانی بەڵگە و تاوانی پشدەر چوونەتەسەر شوێنی مەبەست و دەستگیراوە بەسەر چەكی بەكارهاتوو،بەڵام تائێستاش هۆكاری ڕووداوەكە نەزانراوە، دۆسێی لێكۆڵینەوە بۆ ڕووداوەكە ڕێكخراوە و لێكۆڵینەوەش بەردەوامە”.

بەردەوام بە لە خوێندنەوە

کوردستان