ئێمە لە تۆرە کۆمەڵایەتیەکان

جیهان

ترەمپ شەڕی ڕەشپێستەكان هەڵدەگیرسێنێتەوە

خەڵك –بەشی هەواڵ

كۆنگرێسی ئەمریكا بە زۆرینەی دەنگی 240 ئەندام لەبەرامبەر دەنگی 187 ئەندام لێدوانەكانی دۆناڵد ترەمپ سەرۆكی وڵاتی لە دژی چوار كۆنگرێسمان شەرمەزار كرد.

ئەنجومەنی نوێنەرانی ئەمریكا بە توندی شەرمەزاری لێدوانە ڕەگەزپەرستەكانی سەرۆكی وڵات دۆناڵد ترەمپ دەكات كە مەترسی ڕق و كینەی لەنێو ئەمریكاییەكاندا زۆرتركرد لەبەرامبەر ئەوانەی تازە بوونە ئەمریكایی یان ئەوانەی ڕەنگیان جۆرێكی دیكەیە.

دوێنێ چوار كۆنگرێسمانی ئەمریكایی لە كۆنفڕانسێكی ڕۆژنامەوانیدا وەڵامی لێدواەكانی ترەمپیان دایەوە كە داوای لێكردبوون بگەڕێنەوە وڵاتەكانی خۆیان.

ئیلهان عومەر كۆنگرێسمان لە نێو هۆڵی كۆنگرێس ڕایگەیاند، هێرشەكانی ترەمپ بۆ سەر خۆی و هاوكارەكانی ڕەگەزپەرستانەیە بۆ ئەو كۆنگرێسمانانەی ڕەنگی دیكەیان هەیە، ئەوەش هەڵگری ئەجێندای نەتەوەییە سپییەكانە و داواشیكرد لە هاوكارە دیموكراتییەكانی كە داوای دادگای پەڕلەمانی سەرۆك بكەن بە ئامانجی دوورخستنەوەی.

لای خۆیەوە نانسی پێلۆسی سەرۆكی كۆنگرێس ڕایگەیاند، جارێكی دیكە ترەمپ دەیهەوێت ئەمریكا بكاتەوە بە سپی لە ئاماژەیەكدا بۆ گوتاری نەتەوەیی بڕوادار بە باڵادەستی ڕەگەزی سپی، بۆیە لەگەڵ كۆمارییەكان لە هەوڵدادەبن لەنێو كۆنگرێس بۆ دەركردنی بڕیارێك بۆ شەرمەزاركردنی لێدوانەكانی ترەمپ كە هانی ڕق و كینەی بیانیی و كۆچبەرەكان دەدات.

ترەمپ وێڕای هەڵمەتەكانی شەرمەزاری پێداگری لە هێرشەكانی بۆ سەر ئەو چوار كۆنگرێسمانە دەكات.

ئابوری

كار بۆ لابردنی سفرەكانی سەر دراوی ئێرانی دەكرێت

خەڵك-بەشی هەواڵ

سەرۆك كۆماری ئێران پڕۆژەیەكی بۆ لابردنی 4 سفری دراوی وڵاتەكەی دایە پەڕلەمانی ئێران.

ئاژانسی ئەسۆشێتدپرێس بڵاویكردەوە، ئەمڕۆ چوار شەممە حەسەن ڕۆحانی سەرۆك كۆماری ئێران پڕۆژە یاسایەكی بۆ پەڕلەمانی وڵاتەكەی ناردووە سەبارەت بە لابردنی 4 سفری سەر دراوی ئێران.

ئاژانسەكە، ئاماژە بۆ ئەوە دەكات، هۆكاری ناردنی پڕۆژەكە بۆ ئەوە دەگەڕێتەوە كە بەهای دراوی ئێرانی دابەزیوە، ئەویش بەهۆی ئەو گەمارۆ ئابوورییەی لەلایەن ئەمریكاوە خراوەتە سەر ئەو وڵاتە و هاوكات هاتنە دەرەوەی ئەمریكایە لە ڕێككەوتننامەی ئەتۆمی.

ئاشكراشیدەكات، گەمارۆ ئابوورییەكانی ئەمریكا بۆ سەر ئێران بە تەواوەتی بەهای تمەنی ئێرانی هێناوەتە خوارەوە و ڕووبەڕووی داڕوخانی كردووە.

بەردەوام بە لە خوێندنەوە

جیهان

پۆمپیۆ: لە هەندێك ناوچە داعش زۆر بەهێزترە لە سێ ساڵ لەمەوبەر

خەڵك – بەشی هەواڵ

وەزیری دەرەوەی ئەمریكا ڕایدەگەیەنێت، داعش لە هەندێك ناوچە بەهێزدەبێتەوە.

مایك پۆمپیۆ وەزیری دەرەوەی ئەمریكا ئەمڕۆ 20/8/2019، لە چاوپێكەوتنێكدا لەگەڵ كەناڵی (سی بی ئێس)ی وڵاتەكەیدا ڕایگەیاند، چەكدارانی ڕێكخراوی داعش لە هەندێك ناوچە بەهێزدەبنەوە، بەڵام تواناكانیان بۆ هێرشكردن كەمبووەتەوە.

پۆمپیۆ ئاشكراشیكرد، دۆخەكە ئاڵۆزە، چونكە لە ئێستادا و لە هەندێك ناوچە، داعش زۆر بەهێزترە لە سێ ساڵ لەمەوبەر.

ئەمەش لەكاتێكدایە، پێشتر هاوپەیمانی نێودەوڵەتی دژی داعش بە سەركردایەتی ئەمریكا ڕایگەیاند، داعش لە عیراق و سوریا كۆتایی هاتووە.

بەردەوام بە لە خوێندنەوە

جیهان

ناتانیاهۆ لەبارەی بۆردوومانكردنى حەشدی شەعبییەوە دەدوێت

خەڵك – بەشی هەواڵ

سەرۆك وەزیرانی ئیسڕائیل ناڕاستەوخۆ ئەو دەنگۆیانە پشتڕاست دەكاتەوە، كە لە بارەی هێرشی وڵاتەكەی بۆ سەر چەند بنكەیەكی هێزەكانی حەشدی شەعبی لە عیراق بڵاوكرابوونەوە.

بنیامین ناتانیاهۆ لە میانی گەشتەكەی بۆ وڵاتی ئۆكراین و لە وەڵامی پرسیارێكی ڕۆژنامەواناندا لە بارەی ئەوەی ئاخۆ ئیسڕائیل لە پشت ئەو هێرشانەوەیە كە لە عیراق كراونەتە سەر هێزەكانی حەشدی شەعبی ڕایگەیاند:”ئێران هەڕەشەی لە ناوبردنی ئیسڕائیل دەكات و ئێمەش لە هەر شوێنێك پێویست بێت دەیانكەینە ئامانج”.

ناتانیاهۆ ئەوەشیخستەڕوو:”هیچ شوێنێك بۆ ئێران پارێزراو نییە”.

جێی ئاماژەیە، چەند جارێكە لە دیالە و سەڵاحەدین بارەگا و جبەخانەكانی هێزەكانی حەشدی شەعبی  كراونەتە ئامانجی هێرشی فڕۆكەی بێ فڕۆكەوانی نەناسراو هەروەها تەقینەوەی كۆگایەكی چەكی ئەو گروپە لە نزیك بەغدا بە گوماناوی ناوبراوە و لەسەرجەمیاندا ئیسڕائیل بە ئەنجامدەری هێرشەكان ناوبراون.

لەدوایین پێشهاتیشدا، ئەمڕۆ 20/8/2019 بنكەی سەربازی (بكر) لە شارۆچكەی بەلەد لە باشووری پارێزگای سەڵاحەدین لە شوێنێكی نادیارەوە بۆردوومان كراوە، بەڵام تا ئێستا وەردەكاری بۆردومانەكە نەزانراوە.

بەردەوام بە لە خوێندنەوە

کوردستان