ئێمە لە تۆرە کۆمەڵایەتیەکان

کوردستان

هاتوچۆی سلێمانی هۆشداری دەدات

خەڵك – بەشی هەواڵ

بەڕێوەبەرایەتی هاتوچۆی سلێمانی شۆفێران ئاگادار دەكاتەوە كە ئۆتۆمبێل لەو شوێنانەی شەقامی سالم ڕانەگرن كە ڕاگرتنی تێدا قەدەغەكراوە.

بەڕێوەبەرایەتی هاتوچۆی سلێمانی لە ڕاگەیەندراوێكدا كە لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردووتەوە ئاماژە بەوەدەكات، ڕاگرتنی ئۆتۆمبێل لە شەقامی سالم “سەهۆڵەكە”ی شاری سلێمانی لەو شوێنانەی ڕاگرتنی ئۆتۆمبێلی تێدا قەدەغەكراوە، شۆفێران ڕووبەڕووی سزای یاسایی دەكاتەوە.

بەڕێوەبەرایەتی هاتوچۆی سلێمانی ئەوەشیخستووەتەڕوو، لەئێستادا تیمەكانی ھاتووچۆ ئاگاداری ئەو شۆفێرانە دەكات كە بەشێوەی نایاسایی و لەشوێنی قەدەغە لە شەقامی سالم ئۆتۆمبێلیان ڕاگرتووە، ئۆتۆمبێلەكانیان لەوێدا لابەرن، بە پێچەوانەوە سزای سەرپێچی ڕاگرتنی ئۆتۆمبێلیان لە شوێنی قەدەغە بۆ دەكرێت.

کوردستان

خۆپاراستنی تەندروستی هاووڵاتیان لەمەترسی مەلاوانگەیەك ئاگاداردەكاتەوە

خەڵك – بەشی هەواڵ
بەڕێوەبەرایەتی خۆپاراستنی تەندروستی ڕاپەڕین ڕایدەگەیەنێت، ئەو مەلەوانگە گەڕۆكانەی لە كۆڵانەكان دادەنرێن هیچ مەرجێكی تەندروستی و سەلامەتیان تێدا نیە و هاووڵاتیان لەمەترسی مەلاوانگەیەك ئاگادار دەكەنەوە.

بەڕێوەبەرایەتی خۆپاراستنی تەندروستی ڕاپەڕین لە ڕاگەیەنراوێكدا، كەوێنەیەكی دەست (خەڵك) كەوتووە ڕایگەیاندووە، ئەمڕۆ یەك شەممە 18/8/2019 تیمێكمان سەردانی بەناو مەلەوانگەیەكیان كرد لە گەڕەكی نەورۆز و لەئەنجامدا لەڕووی پشكنینە فیزیاییەكان دەركەوت، كە شوێنی ناوبراو هیچ مەرجێكی تەندروستی و سەلامەتی تێدانیە و ئاوەكەی لێڵ و هەروەها گەلێك زیندەوەری تێدابوو، كە دەبێتە هۆی پیس بوونی ئاوەكە و هەروەها ڕێژەی كلۆر تێیدا ( ۰٫۱)بوو، كە دەبێت ( ۰٫٥-۲) بێت بەپێی ڕێنماییەكان.

ڕاشیگەیاندووە، هاووڵاتیان ئاگادار دەكەینەوە، كە ئەم شوێنە هیچ مەرجێكی تەندروستی و سەلامەتی نیە، تایبەتیش بۆ منداڵان هەروەك ئاشكرایە بەرگری لەشیان لاوازترە و ئاسانتر نەخۆش دەكەون.

ئاشكراشیكردووە، لەماوەی 24 كاتژمێری داهاتوودا ئەنجامی بەكتریۆلۆجی ئاوەكەش بۆ هاووڵاتیان دەخەینەڕوو، كەنمونەی لێ وەرگیراوە بۆ پشكنین.

بەردەوام بە لە خوێندنەوە

کوردستان

“كوردانی ڕۆژئاوا، تەكلیف و ڕجایان لە هیچ هێزێك نەكردووە تاكو بێن بەهانایانەوە”

خەڵك-بەشی هەواڵ

چاودێرێكی سیاسی ڕایدەگەیەنێت، كوردانی ڕۆژئاوا هیچ كات ڕێگای ئاشتی و دانوستانیان ڕەتنەكردۆتەوە.

ئەمریكا و توركیا ڕێككەوتوون لەسەر دروستكردنی ناوچەیەكی ئارام، لەم نێوەندەشدا كوردانی ڕۆژئاوا زیانمەندی سەرەكی دەبن و ڕووبەڕووی شەڕێكی دەرەكی و نێوخۆیی دەبنەوە، ئەمەش لەكاتێكدایە چەند ساڵێكە خۆیان ناوچەكە بەڕێوە دەبەن.

فەتحوڵڵا حوسەینی، ئەندامی نوێنەرایەتی ڕێڤەبەری خۆسەری ڕۆژئاوا لەباشووری كوردستان بە (خەڵك)ی ڕاگەیاند، ئێمە تەنها پشتمان بە خۆمان بەستووە، نەك ئەمریكا و هاوپەیمانان.

وتیشی، “لە ئێستادا چەكی بەهێزی جۆراوجۆری وڵاتانمان لەلایە و دەتوانین بەرگری لە خۆمان بكەین ئەگەر چی ئەمریكاش لەگەڵ توركیا ڕێكبكەوێت”.

لای خۆشییەوە لوقمان حەسەن، چاودێری سیاسی بە (خەڵك)ی ڕاگەیاند، كورد دەبێت بێلایەنی خۆی بپارێزێت لەو شەڕەی لە ناوچەكەدا ڕوودەدات، خۆشبەختانە كوردانی ڕۆژئاواش چەندین جار لەسەر زاری بەرپرسە باڵاكانیان ئاماژەیان بۆ ئەوە كردووە، كە فەرموویان لە سوپای ئەمریكا نەكردووە و ئەوان خۆیان هاتوون و هاوكاریان كردووین و ئەوەش ڕەتناكەینەوە.

وتیشی، “لۆژێك وامان پێدەڵێت پەیەدە و كوردانی ڕۆژئاوا مۆدێلێكی خۆسەری دیموكراتیان هەڵبژاردووە و تەكلیف و ڕجایان لە هیچ هێزێك نەكردووە تاكو بێن بەهانایانەوە، بەڵكو ئەمریكا و هاوپەیمانەكان بۆخۆیان هاتوون، بەشێوەیەك چەندین ڕۆژئاوایی و ئەمریكی لەنێو ڕیزەكانی یەپەژە و یەپەگە شەڕ دەكەن”.

ئاماژە بۆ ئەوەش دەكات، كوردانی ڕۆژئاوا باشترین ڕێگایان هەڵبژاردووە ئەویش ئەوەیە، كە خۆیان خەباتی خۆیان دەكەن، هێندەی ئێمەش ئاگادارین ئەوان دانوستانیان ڕەتنەكردۆتەوە و بەردەوام دەستی ئاشتیان درێژ كردووە بۆ دانوستان و ئامادەبوون و شاندیان ناردووە بۆ سوریا، بەڵام هەلومەرجەكە وایخواستووە دۆخەكە بەم شێوەیە بێت و لەوانەیە لە داهاتوودا دۆخەكە بگۆڕدرێت.

بەردەوام بە لە خوێندنەوە

کوردستان

پەڕلەمانتارێكی كورد: لەبری شەڕی كورسی مەینەتی كەركوكیەكان چارەسەر بكەن

خەڵك – بەشی هەواڵ
ئەندامێكی كوردی پەڕلەمانی عیراق ڕایدەگەیەنێت، دادگای باڵای فیدڕاڵی لەتازەترین تەفسیریدا بڵاویكردەوە مادەی ۱٤۰ی دەستوور هیچ كێشەیەكی یاسایی نیە و بەجێبەجێنەكردنی لەكاتی خۆیدا بەها دەستووریەكەی لەدەست نادات، دەشڵێت: “سیاسیەكانی عیراق بەگشتی و كەركوك بەتایبەتی دەبێت ئەم بڕیارەی دادگا بەهەند وەرگرن و كاری لەسەربكەن”.

بەختیار جەبار شاوەیس، ئەندامی پەڕلەمانی عیراق لە فراكسیۆنی یەكێتی لە ڕاگەیەندراوێكدا ئاماژەی بەوەكردووە، دادگای باڵای فیدڕاڵی لەتازەترین تەفسیریدا، بڵاویكردەوە، كە مادەی ۱٤۰ی دەستوور هیچ كێشەیەكی یاسایی نیە و بەجێبەجێنەكردنی لەكاتی خۆیدا بەها دەستووریەكەی لەدەست نادات و كاریگەریە یاسایی و دەستووریەكانی بە بەهێزی ماوەتەوە.

دەشڵێت: “بڕیاری دادگای فیدڕاڵی لەئاستە باڵاكەدا بڕیاری كۆتایی، بڕاوەیە بەشێوەیەك كە قابیلی تانەدان و پێداچونەوەی یاسایی نیە و هەروەها شوێنی مشتومڕ و گفتوگۆی سیاسیانە نیە لەسەر جێەجێكردنی، بەپێچەوانەی ساڵانی ڕابردوو پەڕاوێزخستنی مادەكە بۆ كورد ببوە هۆكاری ئەوەی، كە هەمیشە وادەڕوانێتە ئەوانی دیكەی دەسەڵاتدار، كە مادام ئامادەنین دەستوور جێبەجێبكەن و بڕیاری دادگای باڵا فەرامۆش دەكەن، ئیتر چۆن ڕێككەوتنە سیاسیەكان جێبەجێدەكەن، كەئەمەش بێمتمانەی لێدەكەوێتەوە و دواتر پەلدەكێشێ بۆ سەرهەڵدانی كێشەی گەورە و لە ساڵانی ڕابردووشدا هەروا دەرچوو”.

ڕاشیگەیاندووە، كاتێك لە ۳۱-۱۲-۲۰۰۷كە دوا وادەی جێبەجێكردنی مادەی ۱٤۰ بوو بەڵام نەكرا، حكومەتی هەرێم ئیتر بەهانەی دەركردن و فرۆشتنی نەوتی كەوتە سەر و دواتر بەتەقینەوەی كێشەكان، مەسەلەكە پەلیكێشا بۆ ئابووری سەربەخۆ و جیابوونەوە و ڕیفراندۆم.

ئاماژەی بۆ ئەوەشكردووە، سیاسیەكانی عیراق بەگشتی و كەركوك بەتایبەتی دەبێت ئەم بڕیارەی دادگا بەهەند وەرگرن و كاری لەسەربكەن، لەبری ئەوەی هەر لەئێستاوە دڵی خۆیان بۆ بردنەوەی كورسیەكی هەڵبژاردنی ئەنجوومەنی پاریزگاكە خۆش بكەن، چونكە ژمارەی كورسی هیچ لەمەینەتیەكانی كەركوك و كەركوكیەكان كەمناكاتەوە، بەڵكو چۆنیەتی دروستكردنی كورسیەكە گرنگە كەڕێگە دەستوریەكەیە و مادەی ۱٤۰ە، خۆ ئەگەرنا كشمیر و سیناریۆ تاڵەكانی لەبەردەرگاكەدایە.

بەردەوام بە لە خوێندنەوە

کوردستان