ئێمە لە تۆرە کۆمەڵایەتیەکان

عێراق

ژمارەیەكی زۆری حاجیان بەڕێگەی وشكانی گەیشتنە سعودیە


خەڵك- بەشی هەواڵ
دەستەی حەج و عومرەی عیراق ڕایدەگەیەنێت، 1880 حاجی عیراقی لەڕێی مەرزی عەرعەری سنورییەوە چوونەتە سعودیە.

حەسەن فەهد كینانی، وتەبێژی دەستەی حەج و عومرەی عیراق لە بەیاننامەیەكدا ڕایگەیاندووە، “یەكەم كاروانی حاجیا بۆ مەككە و مەدینەی پیرۆز، لە پارێزگاكانی دیالە و واست و دیوانیە و موسەننا و ئەنبارەوە، لەڕێی مەرزی عەرعەرەوە بووە”.

بە وتەی كینانی، “بەشی یەكەمی حاجیان لە 20 كاروان پێكهات، كە بەسەر 80 نەفەرهەڵگردا دابەشكران، لە هەر كاروانێكدا دوو بەڵێندەر و یاریدەدرێكی بەڵێندەر و دوو ڕێبەری ئاینیان لەگەڵ بووە”.

ئەو بەرپرسەی دەستەی حەج و عومرەی عیراق دەڵێت: “مەرزی عەرعەر لە ساڵی داهاتوودا بەڕووی عومرەكاراندا دەكرێتەوە و یاریدەر دەبێت بۆ ئەوەی ژمارەیەكی زۆر لە عومرەكارە عیراقییەكان لەڕێی وشكانییەوە سەردانی مەككە و مەدینەی پیرۆز بكەن”، وێڕای ئەوەش ئاماژەی بە كرانەوەی مەرزەكە كرد بەڕووی ئاڵوگۆڕی بازرگانی لەنێوان عیراق و سعودیە، كە پاڵپشتییەكی تر دەبێت بۆ ئابوری نیشتمانی.

پێشتر خالید عەتیە، سەرۆكی دەستەی حەج و عومرەی عیراق ڕایگەیاندبوو، مەرزی عەرعەر لە وەرزی داهاتووی عومرەدا بەتەواوەتی كراوە دەبێت.

عێراق

سیانیان كوردن
زورفی 4 وەزیری كابینەكەی عەبدولمەهدی دەهێڵێتەوە


خەڵك- بەشی هەواڵ
سەرچاوە سیاسییەكان ڕایدەگەیەنن، عەدنان زورفی، سەرۆك وەزیرانی ڕاسپێردراو، 4 وەزیری حكومەتەكەی عادل عەبدولمەهدی سەرۆك وەزیرانی دەستلەكاركێشاوە، سەرلەنوێ‌ بۆ كابینەكەی كاندید دەكاتەوە.

ئەمڕۆ سێ‌ شەممە، سەرچاوە سیاسییەكان بە میدیاكانی عیراقیان ڕاگەیاندووە”زورفی بڕیاریداوە یاسین یاسری، وەزیری ناوخۆ لە پۆستەكەی خۆیدا بهێڵێتەوە”.

بە وتەی سەرچاوەكان”هەروەها سەرۆك وەزیرانی ڕاسپێردراو بڕیاریداوە سێ‌ وەزیری كوردیش لە پۆستەكانیاندا بهێڵێتەوە، كە بریتین لە فوئاد حسێن، وەزیری دارایی و پەنگین ڕێكانی، وەزیری ئاوەدانكردنەوە و نیشتەجێكردن و فاروق ئەمین شوانی، وەزیری داد”.

عەدنان زورفی كە لە 17ی ئاداری ڕابردوو لەلایەن بەرهەم ساڵح، سەرۆك كۆماری عیراقەوە بۆ پێكهێنانی حكومەتی ڕاگوزەر ڕاسپێردرا، داوای لە سەرۆكایەتی پەرلەمان كردووە، دانیشتنێك بۆ بەخشینی متمانە بە كابینە وەزارییەكەی دیاریی بكات.

 

بەردەوام بە لە خوێندنەوە

عێراق

91 حاڵەتی توشبوونی نوێ‌ بە كۆرۆنا لە عیراقدا ڕاگەیەندرا


خەڵك- بەشی هەواڵ
وەزارەتی تەندروستی عیراق ئاماژە بە تۆماركردنی 91 حاڵەتی توشبوونی نوێ‌ بە ڤایرۆسی كۆرۆنا و گیانلەدەستدانی یەك‌ كەس دەكات بەهۆی ڤایرۆسەكەوە، بەمشێوەیە ژمارەی تووشبوان لەئێستادا لە عیراق گەیشتە 1122 كەس.

بەپێی بەیاننامەیەك كە ئەمڕۆ سێ‌ شەممە لەلایەن وەزارەتی تەندروستی عیراقەوە بڵاوكرایەوە، لەماوەی 24 كاتژمێری ڕابردوودا 91 حاڵەتی توشبوونی نوێ‌ بە ڤایرۆسی كۆرۆنا لە وڵاتدا تۆماركراون.

هەر لە بەیاننامەكەی وەزارەتی تەندروستَیدا هاتووە”توشبووەكان بەسەر ئەم ناوچانەدا دابەشبوون: بەغدا ڕەسافە: 13 حاڵەت، بەغدا كەرخ: 1 حاڵەت، بەغدا مەدینە توب: 7 حاڵەت، بەسرە: 6 حاڵەت، نەجەف: 44 حاڵەت، زیقار: 5 حاڵەت، هەولێر: 5 ، سلێمانی:3 حاڵەت، واست: 1 حاڵەت، دیالە: 1 حاڵەت، دهۆك: 3 حاڵەت، موسەننا: 2 حاڵەت تۆماركراون”.

وەزارەتی تەندروستی عیراق لە بەیاننامەكەیدا ڕەتیكردەوە لەماوەی 24 كاتژمێری ڕابردوودا یەك حاڵەتی گیانلەدەستدان بەهۆی ڤایرۆسەكەوە تۆماركراوە.
هەروەها تەئكیدی لەسەر بوونی 29 حاڵەتی نوێی چاكبوونەوەش كردووە كە لەم ناوچانەدا تۆماركراون: كەربەلا: 1 حاڵەت، واست: 5 حاڵەت، بەسرە: 4 حاڵەت، دیوانیە: 2 حاڵەت، هەولێر: 1 حاڵەت، سلێمانی: 16 حاڵەت.

وەزارەتی تەندروستی عیراق دەڵێت، تائێستا كۆی گشتی تووشبوان بە ڤایرۆسی كۆرۆنای نوێ‌ گەیشتۆتە 1122 حاڵەت، لەو چوارچێوەیەشدا 65 حاڵەتی گیانلەدەستدان بەهۆی ڤایرۆسەكەوە تۆماركراون، كۆی گشتی حاڵەتەكانی چاكبوونەوەش گەیشتۆتە 373 حاڵەت.

بەردەوام بە لە خوێندنەوە

عێراق

پێنجی تر لە قۆناغی دامەزراندان
شەش تاقیگە لە عیراق پشكنین بۆ ڤایرۆسی كۆرۆنا دەكەن


خەڵك- بەشی هەواڵ
وەزارەتی تەندروستی عیراق ڕایدەگەیەنێت، لەئێستادا شەش تاقیگە لە عیراقدا پشكنین بۆ ڤایرۆسی كۆرۆنا دەكەن، پێنجی تریش لە پارێزگەكاندا لە قۆناغی دامەزراندان.

دكتۆر جاسم فەلاحی بریكاری وەزارەتی تەتددرستی بۆ كاروباری ژینگە لە لێدوانێكی ڕۆژنامەوانیدا ڕایگەیاند”وەزارەتی تەندروستی بۆ سوككردنی گوشار لەسەر تاقیگەی تەندروستی ناوەندی، وزەی تاقیگەكانی بۆ پشكنینی گومانلێكراوان بە ڤاسرۆسی كۆرۆنا، فراوان دەكات”.

بە وتەی فەلاحی”عیراق لەئێستادا 6 تاقیگەی بۆ پشكنینی كۆرۆنا هەیە لە بەغدا و بەسرە و نەجەف”، ئاماژەی بەو جموجۆڵانەش كرد كە بۆ “فراوانكردنی تاقیگەكان لە پارێزگەكاندا خراونەتەگەڕ”.

بریكاری وەزارەتی تەندروستی عیراق بۆ كاروباری ژینگە دەڵێت”پێنج تاقیگە لە قۆناغی دامەزراندان و لەم چەند ڕۆژەی داهاتوودا لە پارێزگەكانی كەركوك و ئەنبار و نینەوا و واست و دیوانیە تەواودەكرێن، عیراق هەنگاوەكانی خێراتر كردووە بۆ بەگژداچوونەوەی ڤایرۆسی كۆرۆنا، ئەمەش هاوكاتە لەگەڵ چاودێری ڕێكخراوی تەندروستی جیهانی كە وەك بەشێك لە شانەی قەیران لە عیراقدا كارەكانی درێژەپێدەدات”.

 

بەردەوام بە لە خوێندنەوە

کوردستان