ئێمە لە تۆرە کۆمەڵایەتیەکان

عێراق

سائیرون لە(خەڵك)ەوە هەڵوێستی لەسەر سەردانەكەی بارزارنی بۆ بەغدا ڕاگەیاند

خەڵك- بەشی هەواڵ
هاوپەیمانی سائیرون، كە لەلایەن موقتەدا سەدر، ڕابەری ڕەوتی سەدرەوە سەرپەرشتی دەكرێت ڕایدەگەیەنێت، سەردانەكەی سەرۆكی حكومەتی هەرێمی كوردستان بۆ بەغدا، دەبێت ببێتە مایەی چارەسەركردنی كێشە هەڵپەسێردراوەكانی نێوان هەردوولا، بە كێشەی كەركوكیشەوە.

جەمال فاخر عوەید، پەڕلەمانتاری هاوپەیمانی سائیرون لە لێدوانێكیدا بۆ (خەڵك) ڕایگەیاند، “پێشوازی لە سەردانەكەی مەسرور بارزانی، سەرۆكی حكومەتی هەرێم دەكرێت بۆ بەغدا و بە هەنگاوێكی ئەرێنی تەماشا دەكرێت و هیوادارین ببێتە مایەی چارەسەركردنی كێشە هەڵپەسێردراوەكانی نێوان هەرێم و بەغدا”.

بە وتەی جەمال عوەید، “كێشەكان لەگەڵ هەرێمدا زۆرن، ئاستەنگ و بەربەست دێنە ڕێی هەوڵەكانی چارەسەركردنیان، بۆیە پێویستە ئەو كێشانە لەڕێی هەردوو حكومەتی هەرێم و فیدڕاڵەوە چارەسەر بكرێن، حكومەتی عیراقی كێشەی بودجە و ڕەوانەكردنی ڕۆژانەی 250 هەزار بەرمیل نەوتی لەگەڵ هەرێمدا هەیە، حكومەتی هەرێم تائێستا نەیتوانیوە ئەو كێشە چارەسەر بكات”، بەپێویستیشی زانی ئەو كێشەیە و كێشەی كەركوك لەنێوان هەردوولادا باس بكرێت و كار بۆ چارەسەركردنیان بكرێت و هەنگاوی گونجاو بەرەو ئەو ئاڕاستەیە بنرێت.

پەڕلەمانتارەكەی سائیرون لە لێدوانەكەیدا جەختی لەسەر پێویستی چارەسەركردنی ناوخۆیی كێشەكان كردەوە لەنێوان هەرێم و بەغدا، بەدوور لە گوشارە دەرەكییەكان و وتی، “دەبێت هەردوو حكومەتی فیدڕاڵ و هەرێمی كوردستان، كێشەكانی نێوانیان بەشێوەیەكی ڕیشەیی چارەسەر بكەن و لەنێو خۆدا ناكۆكییەكان یەكلابكەنەوە و ڕێگە لە دەستوەردانی لایەنە دەرەكییەكان بگرن”.

عێراق

لە چەند پارێزگایەك ڕۆژێكی ئەم هەفتەیە دەكرێتە پشوو

خەڵك- بەشی هەواڵ
بەبۆنەی “جەژنی غەدیر”ەوە ژمارەیەك لە پارێزگا شیعە نشینەكانی عیراق ڕۆژی سێ‌ شەممەی ئەم هەفتەیە دەكەنە پشووی فەرمی.

ژمارەیەك لە ئەنجوومەنی پارێزگاكانی عیراق، كە پێكهاتوون لە (واست، بابل، میسان، كەربەلا، دیوانیە، زیقار، بەسرە) بڕیاریاندا ڕۆژی سێ‌ شەممەی ئەم هەفتەیە 20ی ئاب بكرێتە پشوو بەبۆنەی “جەژنی غەدیر”ەوە.

ساڵانە بە بۆنەی “جەژنی غەدیر”ەوە موسڵمانانی شیعە ڕۆژی 18ی زیلحیجە، كە ئەمساڵ دەكاتە 20ی ئاب (سێ‌ شەممە) ئاهەنگ دەگێڕن و دەیكەنە پشوو، ئەوەش وەك خۆیان دەڵێن: “لەو ڕۆژەدا لە ناوچەی غەدیر، كە دەكەوێتە نزیك مەككەی پیرۆز، پێغەمبەری خودا (د.خ) وەسیەتی بۆ ئیمامی عەلی (ر.خ) كردووە لەدوای (حەجی ماڵئاوایی) تاوەكو ببێتە خەلیفەی موسڵمانان دوای كۆچی دوایی خۆی”.

بەردەوام بە لە خوێندنەوە

عێراق

هۆشداری سەندنەوەی متمانە درایە عەبدولمەهدی

خەڵك- بەشی هەواڵ

ئەندامێكی پەڕلەمانی عیراق لە فڕاكسیۆنی سائیرونی سەر بە ڕەوتی سەدر ڕایگەیاند، سەرۆك وەزیرانی عیراق ماوەكەی خەریكە تەواو دەبێت و هیچ یەكێك لە كارنامەی حكومەتەكەی تەواونەكردووە، بۆیە پێشبینی دەكرێت لە مانگی تشرینی یەكەمی ئەمساڵدا متمانەی لێوەربگیرێتەوە.

جەواد ساعیدی لە كۆنفڕانسێكی ڕۆژنامەوانیدا ئەمڕۆ لە بەغدا وتی”لەمكاتەدا مەبەستمان وەرگرتنەوەی متمانە لە سەرۆك وەزیران نییە، بەڵكو دەمانەوێت بەرنامەی حكومەت جێبەجێ‌ بكرێت”.

هەر لە قسەكانیدا ناوبراو ڕونیكردەوە، كوتلەی سائیرون دەیەوێت سەرۆك وەزیران سەركەوتووبێت، بەڵام لەهەمانكاتدا فشاریش دەكات بۆ زوو جێبەجێ‌ كردنی كارنامە و بەپێچەوانەوە ئەوەدەكات، كە گەلی عیراق پێویستی پێیەتی، چونكە بەهۆی جێبەجێ‌ نەكردنی بەرنامەی كابینەی نوێوە، ئەوەندە بابەت هەیە كە بتوانرێت بەهۆیەوە متمانە لە سەرۆك وەزیران وەربگیرێتەوە.

هەر لە قسەكانیدا ئەو پەڕلەمانتارە هۆشداری ئەوەشیداوە كە زۆربەی پەڕلەمانتاری فڕاكسیۆنە جیاوازەكان بە قسەی سەرۆكی كوتلەكانیان ناكەن و دورنییە لە مانگی تشرینی یەكەمی ئەمساڵدا متمانە لە سەرۆك وەزیران وەربگیرێتەوە.

بەردەوام بە لە خوێندنەوە

عێراق

وەزیری ناوخۆی عیراق گەیشتە تاران

خەڵك- بەشی هەواڵ
وەزیری ناوخۆی حكومەتی عیراق بە سەردانێكی فەرمی گەیشتە تاران-ی پایتەختی كۆماری ئیسلامی ئێران.

وەزارەتی ناوخۆی عیراق لە ڕاگەیەندراوێكدا ئاماژەی بەوەكردووە، كە بەیانی ئەمڕۆ شەممە 17ی ئاب، یاسین یاسری، وەزیری ناوخۆ بەسەردانێك گەیشتە تاران و لە فڕۆكەخانەی ئیمام خومەینی لەلایەن بابك دین برست، یاریدەدەری وەزارەتی ناوخۆی ئێران بۆ كاروباری ئابووری و گەشەپێدانی هەرێمی پێشوازی لێ‌ كرا.

ڕاشیگەیاندووە، كە بەرپرسە ئێرانیەكە هیوای خواستووە ئەو سەردانە ببێتە هۆی زیادبوونی پەیوەندییە دووقۆڵییەكانی نێوان هەردوو وڵات لە بوارە جیاوازەكان و بەتایبەت ببێتە هۆی ئامادەكاری سەردانی ملیۆنان زیارەتكار بۆ عیراق لە مەڕاسیمی چلەی ئیمام حسێن.

ئاشكراشی كردووە، كە بڕیارە دوانیوەڕۆی ئەمڕۆ وەزیری ناوخۆ چاوی بكەوێت بە هاوتا ئێرانیەكەی عەبدولڕەزا ڕەحمانی فەزڵی.

بەردەوام بە لە خوێندنەوە

کوردستان