ئێمە لە تۆرە کۆمەڵایەتیەکان

ئابوری

پێشنیارێكی بارزانی بۆ عەبدولمەهدی سەبارەت بە نەوت و مووچە ئاشكراكرا

خەڵك- بەشی هەواڵ
سەرچاوەیەكی ئاگادار ڕایدەگەیەنێت، مەسرور بارزانی، سەرۆك وەزیرانی هەرێمی كوردستان پێشنیارێكی بۆ كۆتایی هێنان بە تەنگژەكانی نێوان هەرێمی كوردستان و حكومەتی فیدراڵ بۆ عادل عەبدولمەهدی، سەرۆك وەزیرانی عیراق خستۆتەڕوو، كە 16 ساڵە جێگەی ناكۆكی هەردوولایە.

سەرچاوەیەك بە ماڵپەڕی (بغداد الیوم)ی ڕاگەیاندووە، بارزانی لە وتوێژەكانیدا لە بەغدا، كە ئەمڕۆ سێ‌ شەممە لەگەڵ سێ‌ سەرۆكایەتییەكەی عیراق كۆبۆتەوە بە پلەی یەكەم پێداگری لەسەر دۆسێی نەوت و یەكلاكردنەوەی بابەتی بودجە كردۆتەوە.

بە وتەی سەرچاوەكە، “بارزانی لە وتوێژەكانیدا لەگەڵ بەرپرسان و لەسەروو هەموویانەوە عادل عەبدولمەهدی، سەرۆك وەزیران، ڕەزامەندی لەسەر ناردنی 250 هەزار بەرمیل نەوت لەلایەن هەرێمەوە دەربڕیوە تا بخرێتە سەر داهاتی كۆمپانیای بەازاڕكردنی نەوتی عیراقی (سۆمۆ)، لەبەرانبەر ناردنی 880 ملیار دیناری مانگانە لەلایەن بەغداوە، ئەمەش ئەو بڕەیە، كە بۆ مووچەی فەرمانبەران و پێشمەرگە پێویستە”.

وەك سەرچاوەكە وتویەتی، “بارزانی لە وتوێژەكانیدا ئاماژەی بە ناردنی تەنیا 443 ملیار دیناری مانگانە كردووە لەلایەن بەغداوە، بۆیە هەرێم ناچار بووە نەوتی خۆی هەناردە بكات، تا مووچەی فەرمانبەران دابین بكات”.

سەرچاوەكە دەڵێت: “دۆسێیەكی تر، كە قسەی لەبارەوە كراوە، بەگەڕخستنەوەی لیژنە هاوبەشە پێنج قۆڵییەكەیە، كە لە سەردەمی نێچیرڤان بارزانیدا هەبووە و تایبەت بووە بە ڕەوشی كەركوك و ناوچە جێناكۆكەكان، ئەمەش دوای ئەوەی كاری لیژنەكان ڕاوەستا و بە هەمان شێوەی پێشووی ڕاپۆرتی مانگانەیان نەدەنارد”.

دوایین دۆسێ‌، كە بارزانی تاوتوێی كردووە لەگەڵ بەرپرسانی حكومەتی فیدراڵ، وەك سەرچاوەكە باسی دەكات، “سەرپەرشتی حكومەتی فیدڕاڵ بووە بۆ یەكلاكردنەوەی دانانی پۆستەكان لە كەركوك و چارەسەركردنی كێشە هەڵپەسیردراوەكان لەنێوان سێ‌ پێكهاتەی شارەكە”.

ئەمڕۆ مەسرور بارزانی، سەرۆك وەزیرانی هەرێمی كوردستان بەسەرۆكایەتی شاندێكی باڵا گەیشتە بەغدای پایتەخت و لەگەڵ بەرپرسانی حكومەتی فیدڕاڵ كۆبووەوە و لەگەڵ بەرپرسانی بەغدا كێشە هەڵپەسێردراوەكانی نێوان هەرێم و حكومەتی فیدڕاڵی تاوتوێ‌ كرد لە دوای كۆبوونەوەكەی لەگەڵ محەمەد حەلبوسی، سەرۆكی پەڕلەمان، كە دواین وێستگەی گەشتەكەی بوو ڕایگەیاند، كە “پەیامی هەرێمی كوردستانمان بە بەغدا گەیاندووە“.

ئابوری

پەروەردە سەبارەت بە دامەزراندنی مامۆستای وانەبێژی بڕیارێك دەردەكات

خەڵك- بەشی هەواڵ
بەڕێوەبەرێتی پەروەردەی شارباژێڕ سەبارەت بە دامەزراندنی مامۆستای وانەبێژ بۆ ساڵی نوێی خوێندن بڕیار دەدات مامۆستاكانی ساڵی ڕابردوو دابنێتەوە.

پشتیوان تاڵب، وتەبێژی بەڕێوەبەرێتی پەروەردەی شارباژێڕ بۆ (خەڵك) ئاماژەی بەوەكرد، سەرجەم مامۆستایانی وانەبێژ ئەوەی لە قۆناغی ئامادەیی ساڵی ڕابردوو (2018- 2019) لە سنوری پەروەردەكەمان وانەبێژ بوون سبەینێ‌ یەك شەممە لە بەشی خۆیەتی و میلاك لە پەروەردەی شارباژێڕ ئامادەبن.

ڕاشیگەیاند، كە ئەو مامۆستا وانەبێژانە دەبێت وانەبێژییان بۆ ساڵی نوێی خوێندنی (2019 – 2020) تازە بكەنەوە.

ئاشكراشی كرد، كە پێویستە ئەو مامۆستایانە پێداویستیەكانی (ڕەگەزنامە و پێناسی باری شارستانی یان (كارتی نیشتمانی)، پشتگیری خوێندنگە، دوو وێنەی كەسێتی) لەگەڵ خۆیتان بهێنن.

وەك وتەبێژی پەروەردەی شارباژێڕ ڕوونی كردەوە، هەر مامۆستایەكی وانەبێژ پرسیاری هەیە پەیوەندی بكات بە كاك ئامانج، لێپرسراوی خۆیەتی و میلاك بە ژمارە تەلەفۆنی (0773 552 5520).

بەردەوام بە لە خوێندنەوە

ئابوری

كوێستان محەمەد مەرجی پێدانی مووچەی كابانی ماڵ ئاشكرادەكات

خەڵك – بەشی هەواڵ
وەزیری كار و كاروباری كۆمەڵایەتی حكومەتی هەرێم ڕایدەگەیەنێت، كۆمەڵێك پڕۆژە یاسامان لە كارنامەی وەزارەت دارشتووە، كە سوودی بۆ هاووڵاتیان و كەمئەندامان و توێژەكان دەبێت، دەشڵێت: “پێدانی مووچەی كابانی ماڵ بە هەڵە لێكدانەوەی بۆ كرا”.

كوێستان محەمەد، وەزیری كار و كاروباری كۆمەڵایەتی حكومەتی هەرێم بە (خەڵك)ی ڕاگەیاند، لە كابینەی نۆیەم لایەنەكانی بەشدار لە حكومەت بە كۆمەڵێك كارنامە و پڕۆژەوە بەشداری حكومەتیان كردووە.

وتیشی، “ئێمە كۆمەڵێك پڕۆژەی باش لە كارنامەكەماندایە، كە سوودی زۆری بۆ هاووڵاتیان و كەمئەندامان و چین و توێژەكان هەیە، بەڵام دەبێت لە ئەنجوومەنی وەزیران پەسەند بكرێت ئەوجا باسی دەكەین، چونكە هێشتا كارنامەی كاری چوار ساڵی وەزارەت نەبراوەتە ئەنجوومەنی وەزیران”.

ڕاشیگەیاند، لەماوەی ڕابردوودا باس كردن لە پێدانی مووچەی كابانی ماڵ بە هەڵە لە میدیاكانەوە لێكدانەوەی بۆ كرا، ئێمە ئەوەمان وت، كە ئەوە پڕۆژەیە كارنامەی بزووتنەوەی گۆڕان بووە بۆ حكومەت، بۆیە ئەگەر ئەنجوومەنی وەزیران پەسەندی بكات، دەخرێتە بواری جێبەجێ كردنەوە.

بەردەوام بە لە خوێندنەوە

ئابوری

چایخانەیەك لەسلێمانی داخرا

خەڵك- بەشی هەواڵ
بەڕێوەبەرایەتی چاودێری تەندروستی سلێمانی ئاشكرای دەكات، كە چایخانەیەك لە ناوچەی پیشەسازی لەسەر نەبوونی مۆڵەت و پابەند نەبوونی بەڕێنماییەكانەوە داخراوە.

بەڕێوەبەرایەتی چاودێری تەندروستی سلێمانی لە ڕاگەیەندراوێكدا، كە وێنەی داوە بە (خەڵك) ئاماژەی بەوەكردووە، تیمەكانی چاودێری مەڵبەندی تەندروستی (د.ابراهیم عباس ) لە ڕزگاری بەهۆی پابەند نەبوون بەمەرج و ڕێنماییە تەندروستەكان و نەبوونی مۆڵەت نامەی تەندروستی بڕیار لەسەر داخستنی چایخانەیەك لەناوچەی پیشەسازی دەدەن و لەلایەن لیژنە داخستن و بنكەی پۆلیسی نەخۆشخانە داخرا.

ڕاشیگەیاندووە، تاكو ڕێنماییە تەندروستیەكان جێبەجێ نەكات شوێنەكەی بۆناكرێتەوە.

چاودێری تەندروستی سلێمانی داوا لەهاووڵاتیان دەكات، “لەكاتی بوونی سەرپێچی تەندروستی و بوونی خۆراكی خراپ و ماوەبەسەرچوو بەزوترین كات لیژنەكانی چاودێری تەندروستی سلێمانی یان نزیكترین مەڵبەند و بنكە تەندروستیەكانی پارێزگای سلێمانی لێ ئاگاداربكەنەوە”.

بەردەوام بە لە خوێندنەوە

کوردستان